1 July morning news.

   मैया आसामनि गिबि मन्थ्रि हिमन्त बिस्व शर्मानि दैदेननायाव खुंफुंनाय जादोंमोन 7 थि केबिनेट नि जथुम। बे जथुम आव मोननैसो गोनांथार थिरांथाफोरखौ लानाय जादों। बेफोर जाबाय. आर्म्स बेतेलियान नि कनस्टेबलनिफ्राय एसआइफोरखौ 1 दाननि लाथारनो गोनां(बाध्य) सुटि होनाय जागोन। नखरनि सोद्रोमाफोरजों लोगोसे कुवार्तार आरो खामानि याव थानायनो 10 साननि थाखाय सुटि होनाय जागोन होनना थिरांथा लानाय जायो। खम बेसेननि दखान आरो समबाय कमितिनि थाखायबो लादों मोननैसो थिरांथा। बे दखानफोरा सिगाङाव 100 रां 10 फैसा मोनोमोन, बेनि सोलाय दानिया कुइन्टलफ्रोमाव 143 राङै कमिसन मोनगोन। रायजो नि गं 860 समबाय कमितिखौ बोसोरफ्रोमबो 5 लाख राङै होनाय जागोन, फैगो बाजेत निफ्राय होनाय जागोन। ट्रेन्सपर्टेसननि थिका होनायाव समबाय कमितिफोरखौ सिगाङाव सुबिदा होनाय जागोन। ढलपुरनि 77 रोजा बिघा हायाव आबादनि खामानि मोजाङै सालायलांनो थाखाय पद्म हाजरिकाखौ केबिनेट बिबान होनायनि थिरांथा। केबिनेत नि थिरांथा बादियै  रायजो आव ईन्टारनेत खौ मोजां खालामनो थाखाय जेरावनो गोनां जायो बेयावनो मबाइल टावार गायसससनो थाखाय टेकनलजि बिफान खौ बिथोन होबाय। कभिडनि थाखाय फरायसालिफोरखौ बन्द दोननाय जादों। ईन्टारनेत गैयि नि थाखाय गोबाङानो अनलाइन क्लास लानो हायाखै, बेनिखायनो जाय ओनसोलफोराव इन्टारनेटनि सुबिदा गैया बे जायगाफोराव थाबैनो मबाइल टावार गायसननायनि थांखि लादों। गुबुनफारसे केबिनेटनि थिरांथाफोरा मावफुंजादों ना जायाखै बेखौ नायबिजिरनो थाखाय चन्द्र महन पाट’वारी, अतुल बरा, रनोज पेगुखौ बिबान होनाय जादों। बिथांमोना केबिनेतनि थिरांथाफोरखौ मोनफ्रोम्बो बिफान आ माबायदि मावफुंदो नायनानै केबिनेत नो रिपर्त होगोन।

  31 आगष्टनि सिगां साफ्रोमबो बानायनो नांगोन आधार। गोनांथार खालामना होदों आसाम सोरखारा। कभिड नेम मानिनानै आधार मिरुआव थिसननायखौ खालामनो नांगोन। कभिडनि थाखाय थांनाय साननैसोनिफ्राय बन्द जाना थानाय आधार मिरुफोरखौ फिन खुलिनाय जागोन। बेनि अनगायैबो थागोन जायगा जायगा थांना बानायनायनि राहा। कामरुप नोगोरमानि जिल्लायाव आधार थिसननायनिफ्राय थालांनाय सुबुंफोरा फिन खालामनो नांगोन खामानि। 31 आगष्टनि सिगां साफ्रोमबो आधारनि खामानि जाफुंनायनि थांखि हमना होदों राज्यो सोरखारा। बेनि थाखाय बुधबारखालि 30 जुन खालारखालि थिका लानाय सोरखारि नङै फसंथाननि बिबानगिरिफोरजों लोगोसे जिल्ला प्रसासननि गंसे मेल खुंफुंनाय जायो आरो बे मेलावनो बे थांखिखौ लानाय जायो।

 बिपिएफ आ महाजोत आव दं ना, हाग्रामा दैदेननाय बिपिएफ आ मित्रजोत आव हाबगोन नामा। बेबायदि सावरायलायबाय थानाय समाव नो राज्यसभा नि एमपि रिपुन बरा या बुंदों बिपिएफ आ महाजोत आव नो दं, दासिम महाजोत खौ गाराखै बिपिएफ आ। आसाम सोरखार आ हाग्रामा महिलारि खौ ब्लेकमेइलिं खालामना सिगिनानै महाजोत निफ्राय गोजानाव लाखिनो नागिरदों, बेखौ बुंदों कंग्रेस नि आफादगिरि बिथाङा। सोरखार आ एनआईए, सिबिआई लागायनानै ब्लेकमेइल खालामदों होनना बुङो। महाजोत निफ्राय बिपिएफ आ ओंखारोब्ला गसायगांव आरो तामुलपुर बियाबआव हारसिंनो बिजाथि होगोन होनना बुङो। गुबुनफारसे मरियनि नि बियाब नि थाखाय बो थियारि कंग्रेस आ। रुपज्योति कुर्मि या ओंखारदोंमोन. रबिबारखालि नि महाजोत नि खौरां मेल आव बाहागो लायाखैमोन बिपिएफ आ, बेनि उनाव रिहन दैमारि प्रबिन बर आरो दुर्गा दास बर बिथांमोना महाजोत आव थायि नि ईंगित होनायनि उनावबो कंग्रेस नि आफादगिरि बिथाङा बेबायदि बुंनाया सोमोनांथाव।

 दानिफ्राय गुवाहाटीआव बाहायनो हानाय नङा प्लाष्टिकनि बेग। कामरुप जिल्लानि बेंगिरि कैलाश कार्तिकआ गोदानै बानायनाय एबा फिन बाहायफिननाय प्लाष्टिक बेगफोरनि बाहायनाय आरो बायनाय-फाननायखौ बन्द खालामनो बिथोनलाइ होदों। सुबुंमाहारिनि सावस्रि आरो जिब जुनारनि खैफोद थामहिनबा मिथिंगायारी थासारिखौ नोजोर लाखिनानै बे बिथोनखौ जिल्लायाव थाबैनो फालिनो थाखाय बिथोन होनाय जादों। बे हेंथा फोसावनाया फैगौ 60 सान एबा इउननि गोदान बिथोनलाइ होनायसिम मानिनाय जागोन। बे बिथोनखौ फालिनाय जायाब्ला आइपिसि 188 धारानि सिङाव साजा होनाय जागोन।

   रायजो नि अटनमास काउन्सिल नि जिला परिषद नि गोहो खौ रायजो सोरखार नि आखायाव लांनायनि गिनाय। साननै सिगाङाव होनाय बिटिआर नि गोहो खौजिला बेंगिरि नो होनायनि बेरेखा खालामदों बेरेखा राजखान्थि दोलो APHLC आ। दिफु नि जिला प्रेस क्लाब आव मोनसे खौरां मेल आव दोलो नि आफादगिरि जे आई काथार आ गोजोननाय मोनि खौ फोरमायदों। बिटिआर नि बादि नो कार्बिआंलं आरो दिमा हासाव आव बो बे नेम खौ बाहायनो हागौ होनना बुंदों। बेबायदि जिला बेंगिरि नो होनाय माने रायजो सोरखारनो होनाय होनना नो बुजायो। बिटिआर नि मदेल खौ गनायना लानो नाङा होनना कार्बिआंलं अटनमास काउन्सिल नि मावफुं सोद्रोमाखौ खावलायो बिथाङा।

  उदालगुरि याव ब्राउन सुगारजों लोगोसे सासे खौ हमदों। उदालगुरि पुलिस आ मोनसे स्पेसियेल नायबिजिरनायाव बे आयेन बादियै बाहायनो हायि ब्राउन सुगारजों लोगोसे मुंनि सेंग्रा खौ हमदों। मोननाय द्राग्स नि बिबां आ 55 ग्राम, हासै 25 कन्टेइनार आव दंमोन बे ब्राउन सुगार आ।

  गिबिमन्थ्रि हिमन्त बिस्व शर्माया सोरखार दानायनि उनावनो राज्योआव ड्रागसनि बेरेखा गोख्रों राहा लायो आरो गोबां ड्रागसजों लोगोसे फालांगिरिफोरखौ हमनो हायो। बेनि गेजेरावनो गिबिमन्थ्रिनि हिट लिष्टाव थानाय ड्रागस फालांगिरिखौ दिनै बशिष्ठ पुलिसआ हमनो हायो। पुलिसनि आखाइआव हमजायो मष्ट वान्टेड ड्रागस फालांगिरि मिथिंगा बसुमतारीआ। बशिष्ठ पुलिसआ मिरु जोबथेसालिनि साखाथिआव नायबिजिरनानै मष्ट वान्टेड ड्रागस फालांगिरि मिथिंगा बसुमतारीखौ हमना मोनो। पुलिसआ बिनिफ्राय गोबां बिबांनि ड्रागस कन्टेइनार बोखांनो हानायजों लोगोसे 10 रोजा रां आरो गंसे AS01EJ8735 नंनि गारि बोखांनो हायो। फोरमायनाय बादिब्ला, सिगाङावबो गोबां खेब हमजादोंमोन मष्ट वान्टेड ड्रागस फालांगिरि मिथिंगा बसुमतारीआ। ड्रागस फालांगिरिआ पुलिसनि सोंथिआव बुङो दि, कटाबारी, लखरा, नेपाली मन्दिराव दासिमबो ड्रागस मोननाय जायो होनना। जामाल मुंनि सासे ड्रागस फालांगिरिनि दैदेननायाव सोलिगासिनो बे फालांगिआ।

    गारि मथर नि थाखाय एसिया नि गोलावसिन हाय स्पिद ट्रेक बेखेवदों भारत आ। बेयो एसिया नि गोलावसिन आरो बुहुमनि 5 थि गोलावसिन। मन्थ्रि प्रकास जाभरेकर बिथाङा बेखेवना होयो। 1000 एकर हा लानानै बेखौ बानायनाय जादों. साखा खबनै निफ्राय लानानै गासैबो लिरथाय गोनां गासैबो गारि मथर नि थाखाय बानायदों बेखौ। बुहुम मान नि 11.3 कि मिहायस्पिद ट्रेक बेखेवनानै मिरु नि मन्थ्रि बिथाङा बुंदों भारत आव गारि मथर, बानायनाय आरो सेयार पार्त्स हाब जानानै फैदों। आत्मनिर्भर भारत नि फारसे गोसायै आवगायलांनाय भारत आ गासैबो दिग आव नो मोजाङै आवगायलांगासिनो।

   नागालेन्द खौ 6 दान नि थाखाय अशान्ति ओनसोल होनना फोसावदों मिरु सोरखार आ। Armed Forces(Special Power) Act 1958 नि दफा 3 नि सिङाव मिरु नि थिरांथा। नागालेन्द नि गिथावना थासारि जाना थानायनि थाखाय मिलिटारि नि आखाय नि गोनांथि दं होनना बुङो मिरु आ।

   आमुल गायखेर नि मोनफ्रोमबो लिटार आव 2 रां यै बारायनायनि थिरांथा। दिनै एबा 1 जुलाई निफ्राय जागोन बारायनाय आ। गासैबो ब्रेन्द नि खौ न बारायगोन होनना खौरां मोनदों जेरै आमुल गोल्द, सक्ति, ति स्पेशियेल, क्रिम आरो ट्रिम। आमुल क अपारेतिभ ससायटि आ बाहायनाय उफ्रा बेसेन नि थाखाय नो बारायदों बेनि बेसेनखौ। साधारन सुबुंफोरखौ पेत्रल दिजेल, जानाय थाव नि बेसेना साननो गोनां खालामदों बे समाव नो गायखेर कम्पानि निफ्रायबो बेबादि खालामजादों।

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post