HSLC & HS exam: AASU and ABSU ~ Bodoinfo.com

आसु आ 2021 मायथाइनि फरायसाफोरनि मेट्रिक आरो हायार सेकन्दारि नि मार्कसित आ सोरखारि साख्रि नि थाखाय खामानि होयि होनना बुंनाय खौ दाननो होदों। 5 नं दफा याव सोना होनाय बे आयदा खौ केनसेल खालामनाय आरो स्तार दिस्तिंकसन खौ बोखारनायनाखौ मानिया बुंनायजों लोगोसे सिबिएसई आरो गुबुन रायजो नि बोर्ड आ बेबायदि 5 नं दफा नि बादि बेबस्था लाखियासै होनना बुंदों। बिथांमोना फरायसाफोरनि ईयुन जिउ जों गेलेदों होनना बो बुङो आरो सोरकारि साख्रि नि थाखाय फिन आनजाद आव जफिननांगौ जानाया गनायजाथाव नङा होनना बुङो। बिथांमोना कभिद फैनाय आ फरायसाफोरनि दाय नङा होनना बो बुङो

गुबुनफारसे मोनसे खौरांगिरि मेलआव एबसुनि आफादगिरि दिपेन बर’आ बुङोदि सोरखारा फरायसाफोरनि आनजाद होआबालानो उथ्रिनाय फरायसाफोरखौ गुबुन गुबुन सोलोंथायारि फसंथान आरो साख्रि मावनाय बिथिङावबो बे सार्थिफेकेतजोंनो जानांगौ होन्ना फोरमायो। मानोना सोरखारा देग्लाय जायफोर फरायसाफोरा मेट्रिक आरो हाइयार सेकेण्डारि आन्जादआव उथ्रिसार जानो हागोन बिथांमोनहा गुबुन गुबुन बिफाननि साख्रिआव फोरमान बिलाइआ गनायथि जानाय नङा होन्ना फोसावनायखौ सोरखारा बोखांना लानांगौ होन्ना दाबि दैखांदों आरो सासे फरायसाया गंसेल मार्सिक आरो गांसेल सार्थिफेकेत लोगोसे मोनसेल इभालुसननि आनजाद जानांगौ होन्ना बुंबावयो। खौरांगिरिनि सिगाङाव दुलाराय बर फरायसा आफादनि आफादगिरि दिपेन बर’आ बुंबावयोदि आसाम जुदिसियेल सार्भिसनि आन्जादआव थाबैनो बर रावखौ थिसननांगौ होन्ना सोरखारनि खाथियाव गोख्रों दाबि दैखांदों मानोना बर रावआ भारत संबिजिरनि दाइनथि फारियाव थिसनजानाय लोगोसे आसामनि लोगो मावख’आरि सोरखारि राव महरै गनायथि जाबाय होन्ना बुंबावयो।