हाग्रामा नि रितार्न आ केनसेल, बिजेपि नो बिपिएफ नि मदद नाङा। प्रमद बर' दैदेन्नाय BTR सरकारा रैखाथि दं। हाग्रामा महिलारीखौ लाना BJP हान्जाया सरकार दानो हाया। बिजेपि आ ईउपिपिएल आरो एजिपि जों नो लोगो जाना थागोन। आसामनि बिजेपि नि गोदान आफादगिरि भबेस कलिटा या बो बुंदों प्रमद बर'नि BTR सरकारा थाबाय थागोन, बेवहाय हाग्रामा महिलारिआ जायगा मोना। मैया खौरांगिरिफोरनि सिगाङाव गिबि मन्थ्रि हिमन्त बिस्व शर्माया रोखा खालामना होबाय।
आसामाव गिबि खेब 100 रां सिम मोनहैबाय थाव नि बेसेना। हायलाकान्दि याव पेत्रल नि बेसेना 100 नि न आव हाबबाय। कभिद नि समाव गोबां जेंना याव गोलैदों गोबां सुबुंफोरा नो, बे समावनो थाव नि बेसेना बो बारायलांनो हमगासिनो। आसामाव दानसेयावनो खन 18 बारायदों थाव नि बेसेना। सनिबारखालि 100.18 रां जादों हायलाकान्दि याव गुबुन जिलाफोराबो बारायलांगासिनो दं। मिरु सोरखार आ लिटारसे पेत्रल आव 32.90 रां आरो दिजेल आव 31.80 रां लायो, थांनाय मार्च दान निफ्राय मे सिम पेत्रल आव 13 आरो दिजेल आव 16 रां बारायदों। टेक्स लानायल नङा, दिलार कमिशन बो लायो, आसामाव दिलार कमिशन आ 1.75 जौखोन्दो।
बागसा जिल्ला सालबारि महकुमानि सिङाव थानाय ककलाबारि भिसिडिसिनि बेन्दोंनि हरिसिंगा गामिनि थागिबि सबाराम बर’नि नखर संसारनि दुखु-दाहाखौ जालाह ब्लकनि बिबानगिरि आरो बागसा जिल्ला दुलाराय बर’ फरायसा आफादआ खौरां लाहैदों। लोगोसे माखासे जानाय आदार आरो बेसाद होदों। थांनाय 15 बोसोरआव बिपिएफआ खुंथाइ गोहोआव थासेआवबो जेबो हेफाजाब होबोआखै आरो सोरखारनिफ्राय जेबो अनसुंथाय मोनबोयैनि अजद होदों। जरासे बोराय बुरिआ रावबो गैजा रोङैजों दिन हाजिरा मावनानै संसार जाबोदोंमोन, दिन हाजिरा मावाब्लानो बोथिसे ओंखाम मोनजाया। फारसेथिं बोरायआ दिन हाजिरा मावनो हानाय थासारियाव गैला। बुरिया गुबुननि नखराव थोरसि लथा सुनानै रां खामायनायजों लोगोसे मैथं-थाइगं बुथुमनानै हाथाइ-बाजाराव फानहैना जा रां मोनो बेजोंनो बोथिसे ओंखामनि जगार खालामो। बेफोर बादिनो बोराय-बुरिया नखर संसार जाबोदों। सोरखारनि रेशन कार्डबो गैया, जायनि जाउनाव सोरखारनि माइरं मोनजानायनिफ्राय गोजानआव थानो गोनां जादों बोराय बुरिया। बोराय बुरैनि थाग्रा न’आ बाइला-जिल्ला जाजोबबाय, दैनि थाखाय दंखल गैया आरो बेखौ सोदांनानै लोंनो थाखाय फिल्टार गैया, लोगोसेयैनो खिग्रा खिखर आरो लोर-सोर मावनाय देहासिमबो ‘प्रधान मन्थ्रि आवास योजना’ नि न’खौबो मोननो हायाखै। गामिनि सुबुंफोरा सबाराम बर’नि नखौ फोसाबना होबोदोंब्लाबो गोबां बोसोरनि न’आ बोराय जानायलाय गब्लंनो हमदों । जाहोनाव दैज्लांनि अखाया न’सिङाव हाबनो हमदों। जालाह ब्लकनि बिबानगिरि मिन्तु बर’आ खौरांगिरिनि सिगाङाव फोरमायनाय बादिब्ला, सबाराम बर’आ बैसो गोरा पेनसन आरो रेसन कार्डनि जोहै माइरं मोनबोदोंब्लाबो, थांनाय 2018 मायथायनिफ्रायनो सोरखारनि बैसो गोरा पेनसन आरो माइरं मोननायाबो बन्द’ जानानै दं। आरो सोरखारनिफ्राय खिखर सालि थाग्रा न’बो मोननो हायाखै। लोगोसे जालाह ब्लकनि बिबानगिरि मिन्तु बर’आ दानि खुंथाइ गोहोआव थानाय बिटिसि खुंथाय आरो आसाम सोरखारनो जेंनाखौ लानानै फोरमायगोन होननानैबो बुंथिदों।
दिनै आसामाव गोदान एसअपि फोसावगोन। आसामनि गिबि मन्थ्रि हिमन्त बिश्व शर्मा बिथाङा नो बुंदों। जोरहात आरो गलाघात आव कभिद नि अनजिमा या बारा जादों, जाय जिला याव बारा जादों बेखौ होबथानो नाजागोन बे जिला फोराव 600 केस मोनदों गासै आसामनि 2300 केस नि। सिबसागर, लक्षिमपुर आरो दिब्रगर आव बो नोजोर होनो हागौ रायजो सोरखार आ। गुबुन जिला याव थांनो हागोन ना हाया बेफोर गासैखौबो मिथिनो हागौ।
बेंक दितेइलस नि गोनांथि गैया, फन नम्बरखौ गावनि कन्त्रल आव लाबोनानै हेकार आ 12 लाख रां लुथिबाय। जरहात आव जादों जाथाय आ। थारैनो सोमोनांथाव बेयो। गिबियाव मेसेज, बेनि उनाव फन फैदों आरो फन आव रायलायनानै हेकार नि आखायाव गोलैबानो नोंनि मबाइल फनखौ हेक खालामनानै उनाव बेंक नि रां खौ लांजोबो। सिम कार्ड केवाइसि खालामनायनि मेसेज नोंथांमोना थ मोनगासिनो जानो हागौ। गिबियाव मेसेज हरनानै उनाव कल खालामो। गावखौनो कास्तमार केयार नि सुबुं होनना बुंना लानाय सिनायमोनि सुबुंफोरजों रायलायना लानानै रां लांजादों गोबां सुबुंफोरा। बिएसएनएल सिम कार्ड आव केवाईसि आपदेत खालामनो थाखाय सासे सुबुंनियाव मेसेज फैदोंमोन, बेनि उनाव फन फैनायाव फन हमना लानानै लांजाबाय जरहात नि सासे सुबुङा। जरहात नोगोर नि डाँ मोहन काकटि मुंनि सुबुंनि मोननै एसबिआई एकाउन्त निफ्राय रां लांदों। बिथांनि फिसाज्ला या बुंदों, आंनि आफा या बेंक एकाउन्ट नि जेबो दितेइल्स होआखैमोन, बेसोर आफा नि फन खौ हेक खालामदोंमोन।
आसाम रायफलनि आयजो जवान फोरखौ जम्मु कास्मिर आव लांदों। बिथांमोननो मटर गारि चेकपइन्त आव आयजो आरो गथफोरखौ चेक खालामनाय नि बिबान होनाय जागोन। बिथांमोना अपारेशन नि समाव मदद बो खालामगोन। आयजोफोरा दानि द्राग्स नि बारायलांनाय फालांगिरि नि बेरेखा बो नायबिजिरगोन। आसामनि रुपालि मुंनि आयजो आ बो दं बेयाव।
आसामनि गिबि मन्थ्रि हिमन्त बिश्व शर्मा बिथाङा मैया माइनरिति एबा मुस्लिम दैदेनगिरिफोरजों सावरायलायदोंमोन आसामनि सुबुं अनजिमा बांनायनि सोमोन्दै। 150 नि बारा दैदेनगिरिफोरजों। उनाव खौरांगिरिफोरनि सिगाङाव बिथाङा गासै मोन 8 फिसा ग्रुप दानाय जागोन मुस्लिम फोरनि जौगानायनि समोन्दै बोसोन होनो थाखाय। आसामनि मोननैसो बाहागो आव सुबुं अनजिम बेरफ्रुनायखौ गनायना लायो। जुदि आसाम आ भारत नि टप 5 नि फारिलाय आव थानो लुबैयो अब्ला सुबुं अनजिमा बेरफ्रुनायखौ होबथानो हानो नांगोन बेखौ गासैबो गनायना लादों। उनाव आरो सावरायलायबावनाय जागोन, बे खनसेयाव राजखान्थिगिरि फोर आरो फरायसाफोरखौ लाफानानै सावरायलायनाय जागोन होनना बुङो।
17 जुलाई आव टकिय आव थांगोन भारत नि गिबि गेलेनाय दोलो आ। टकिय अलिम्पिक आ 23 जुलाई निफ्राय 8 आगस्त सिम जागोन, थांनाय बोसोराव कभिद नि थाखाय जायाखैमोन। गोदान रेकर्द खलामनायनि मिजिंजों बे बादायलायनाय आव बाहागो लानो थियारि भारत नि दोलो आ। बेखौ ईन्दियन अलिम्पिक एशसियेशन आ बुंदों। दासिमबो भारतनि दोलो नि फारिलाय आ ओंखारजोबाख टकिय अलिम्पिक नि थाखाय, बेयो फैजोबोबब्लानो गासैबो खामानिखौ थाबैनो मावनो हागोन।
जापान नि आटामि सोहोराव हा गिसि खानायाव सा 20 गोमाना दं। अखा हाबाय थानायनि थाखाय नो बे जाथाय आ जादों। सानै नि गोथै देहा खौ बोखंनो हादों, गाहाय मन्थ्रि योशिहिदे सुगा या पुलिसखौ मदद खालामनो आरमि नो बिथोन होदों। दायो लोगो नांनानै बासायनाय खामानि खौ मावगासिनो। अखा हाबाय थानायनि थाखाय थासारि या गाज्रि जानो हागौ बेखायनो सुबुंफोरखौ सांग्रां खालामना होदों।
बिस्वजित दैमारिआ केन्सार बेरामिनो अनसुंथाय रानदों लोगोसे सरकारि कलेज गायसन्नो जायगा नायदिंदों। आसाम बिधान सभानि बुंथिगिरि बिस्वजित दैमारिआ केनसार बेरामनि अनसुंथायनि सेक रानदों৷ भेरगावनि बड’लेणड आलासि जिरायसालि नयंआव दिनै गासै सा 37 केनसार बेरामिफोरनो साफायाव 20 रोजा राङै अनसुंथायनि सेक राननानै होयो। आसाम बिधान सभानि बुंथिगिरिआ गावनि बियाबनि सिङाव बे बायदि केनसार बेमारिफोरनि हेफाजाबनि थाखाय आरजलाइ मोननायाव मोजोमसे हेफाजाब होनो थाखाय बे हाबाफारिखौ लानाय जादों৷ एस डि एफ पुंजिनि औनसोलनि गोरिब-गुन्द्रा बेमारि राइजो राजाफोरनि थासारिखौ नुनानै बे हेफाजाबखौ होनाय जादों৷ खौरांगिरिफोरनि सोंथिनाय माखासे सोंलुनि फिन्नाय होनानै दैमारिआ भेरगावनि माखासे जौगायै थासारिखौ जौगा होनो राहा लादों आरो भेरगावआवनो सरकारनिफ्राय गायसन्नो गोनां जौमा कलेजनि थाखाय हा-हु जायगा नायदिंनाय जादों आरो बेजों लोगोसे ‘खेलो इन्दिया’ नि थाखाय गेलेग्रा फोथारबो नायदिंनाय जादों होन्ना बुंसारो৷
गाहाइ मन्थ्रि नरेन्द्र मदी आ केबिनेट आव गिबि खेबनि थाखाय नैथि फारिलाय फेहेरनो थांगासिनो। मोन्थिनो मोननाय बादिब्ला, मदी सोरखारनि नैथि हाबाफारिनि मन्थ्रि आफादनि जोबथा फारिलायआ थियारि जाबाय। मदी सोरखारनि मन्थ्रि आफादनि फेहेरथायआव आसामनि बारग’ गिबि मन्थ्रि सरबानन्द सनवालखौ हांख्रायनाय जादों। मखथावनादि, आसामनि बारग’ गिबि मन्थ्रि सरबानन्द सनवाल बिथांखौ गाहाइ मन्थ्रि नदेन्द्र मदी बिथांआ हादोरनि राजथावनि दिल्लीआवनो थानो थाखाय खावलायनाय जायो। बेराफारसेथिं, बे समाव मदी केबिनेट आव सा 53 मन्थ्रि दं। सुलुं मोननाय बादिब्ला, गिबि खेबनि थाखाय मन्थ्रि आफादखौ फेहेरथाय होनानै गासै सा 81 मन्थ्रि थिसननाय जागोन। आरो गोदानै सा 28 मन्थ्रि थिसननाय जागोन बेवहाय आसामनि बारग’ गिबि मन्थ्रि सरबानन्द सनवालनि मुंआ गिबि सारियाव दं होननानै मोन्थिनो मोन्दों।
आसाम सोरखार आ दैबाना नि थाखाय खहा जानाय नखरफ्रोमनो रां नि मदद होगोन। न मोजां खालामनो थाखाय समान हा नि फोरनि नखरनि थाखाय 95 रोजा 100 रां आरो हाजो ओनसोल निया 1,01,900 रां मोनगोन, 15 जौखोन्दो खहा जादोंब्ला 15 रोजा रां, हा नि न बानायफिननो 3200, सावलि न 4100 रां. आबाद आ नस्त जायोब्लाबो मोनगोन मोनफ्रोमबो हेक्तर आव 12200 रां, बेबायदिनो गुबुन गुबुन आबाद आ नस्त जायोब्ला मोनगोन रां नि मदद।
जाख्लनाय जायोब्ला 9394939055 ह्वात्स नम्बर आव ह्वत्स एप खालामनानै खौरां हरनो हागोन. आसामनि मन्थ्रि जोगेन मोहन बिथाङा बुंदों। बे नम्बरखौ बिथाङा रेभेन्यु आरो दिजास्तार, खनि बिफान नि थाखाय होदों। बिथांनि बिफान आव माबाफोर जाख्लनाय नुयोब्ला लोगो लोगो ह्वात्स एप नि गेजेरजों हरनो हागोन। बेफोरनि अनगायैबो माबाफोर परामर्श होनो गोनां दंब्लाबो हरगोन, बेयाव फन खालामनो होआखै, ह्वात्स एप ल खालाम होनना बुङो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon