स्लभाकिया याव रेकर्ड: गिबि खेब नि थाखाय अख्रांआव 35 मिनिट सम बिरबाय गोदान एयार कार
गोनोखोआरि साननाय बिरनाय गारि या मोगथां महर मोननाय लामा याव। कभिद नि गिथावना थासारि नि समावनो मोनसे मोजां खौरां। गंसे गारि या अख्रां लामा जों बिरना फैनानै उनाव बे गारि जों नो हा लामा जों गावनि जायगायाव थांनाय जारिमिन गोनां सम आ खाथियाव मोनफैगासिनो। गोबाव सान सिगांनिफ्राय नो बेनि स्तादि खौ खालामदोंमोन दायो बेनि आनजाद आव देरहानो बो हायो। स्लभाकिया याव बे ानजाद नायनायाव देरहासाद जानो हायो। बे हादराव गिबि खेब नि थाखाय 35 मिनित सम बिरबाय। हादरनि नित्ता नि ईन्तारनेशनेल बिरखं गाथोननिफ्राय राजधानि ब्रातिस्लाभा सिम एयार कार एबा बिरनाय गारि या मोजाङै बिरनानै थाङो आरो बिरखं गाथोनाव ओंखारनायनि 3 मिनित नि गेजेराव नो सरासनस्रा गारि नि महर लायो।
एयार कार खौ बानायग्रा एबा गाहाय स्तिफेन क्लेइन आरो लेङाय गाहाय एन्टन जाजाक आ बे जारिमिनारि देरहानायनि बिगोमा जानो हायो। नित्ता निफ्राय ब्रातिस्लाभा सिम सिम अख्रां लामा जों थांनानै ओंखारनायनि उनाव मोनसे बुटाम खौ थुना होनायावनो स्पर्त्स कार नि महर लायो आरो हा लामा जों थाङो। एयार कार प्रत'ताइप 1 फिक्स प्रपेलार आरो बेलिस्तिक पेराशुत जों लोगोसे 160 हर्स पावार बि एम दब्लिउ इन्जिन। 8200 फुट गोजौसिम बिरनो हानाय बे गारि या बयनिख्रुय गोसासिन 190 कि मि जों थाङो, गैसै 1000 कि मि सिम बिरनो हायो।
बे गारि खौ 2 बोसोर आव बानायदों आरो बेनि थाखाय 1.7 मिलियन इउरो खरसा खालामनानै बानायदों(भारत नि रां आव बेयो 12 कौटि नि बारा जायो।)
Please do not enter any spam link in the comment box. ConversionConversion EmoticonEmoticon