फैगो बुधबार निफ्राय कन्टेनमेन्ट जन महरै फोसावनाय गं 7 जिला फोरनि बादै गासैबो जिला याव नो 4 बाजि निफ्राय कारफिउ आ जागोन। दखान फोरखौ 3 बाजि सिम खुलिनो हागोन, बुंदों आसामनि गिबि मन्थ्रि बिथाङा। बिथाङा मैया खौरां मेल नि गेजेरजों आसामाव गोदान बिफान दानायनि सोमोन्दै फोसावो। सोरखार दानाय आ 60 सान जानायाव केबिनेट आ मोनसे उदां बिफान दाना होदों, मुङा Department for Indigenous Faith and Culture, आसामाव गुबुन गुबुन हारि माहारि हा गुबुन गुबुन आसार खान्थिफोर दं। बेफोरखौ रैखा खालामनो आरो जौगा होनो थाखाय नो बे थिरांथा खौ लादों। गिबि मन्थ्रि बिथाङा आसामनि रांखान्थि मन्थ्रि खौ बे बिफान नि थाखाय बाजेट थि खालामनो खावलायदों होनना बुङो। बिथाङा लोगोसे रांखान्थि मन्थ्रि खौ मोनसे मोजां बाजेट थि खालामनानै सोरखारि बिथांखि नि गनायथि नि सोलायनाय लाबोयो। 2 कौटि सिम नि बिथांखि फोरखौ बिफाननि कमिटि आ नो गनायथि होनो हागोन, 100 कौटि नि बारा नि खौ केबिनेत आ गनायथि होगोन। 2 निफ्राय 5 कौटि नि गेजेर नि खौ चिफ चेक्रेतारि नि दैदेननाय स्तेन्दिं कमिति आ नो गनायथि होनो हागोन। 5 निफ्राय 100 कौटि सिम नि खौ रांखान्थि मन्थ्रि नि दैदेननाय कमिटि गनायथि होनो हागोन। मैया बिथाहा 1 लाख साख्रि आव थिसननाय नि सायावबो मोनसे गिदिर थिरांथा लादों होनना बुङो। सोरखआर नि लांदां मासि आबुं खालामनायनि थिरांथा खौ बिफान आ नो लानो हागोन होनना बुङो। बेयाव रांखान्थि बिफआन नि गनायथि नि गोनांथि गैया। नांथाना थानाय गासैबो साख्रि थिसननायखौ 15 आगस्त नि गेजेराव फोजोबगोन होनना बुङो।
भारत नि गाहाय मन्थ्रि नरेन्द्र मडि नि गोदान केबिनेट आव दाय गोनां मन्थ्रिफोर दं। 42 जौखोन्दो मन्थ्रिफोरनि बेरेखा दायगोनां रेकर्ड दं। एससियेशन फर देमक्रेटिक रिफर्म्स नि रिपर्त नि बादिब्ला 90 जौखोन्दो आ नो कौटिपति। एदिआर आ गावनि रिपर्ट आव बुंदों, 33 मन्थ्रिफोर(42 जौखोन्दो) आ गावनिआव दाय गोनां केस थानाय नि सोमोन्दै बुंदो, बेनिनो सा 24(31 जौखोन्दो) नि आ गिथावनासिन दाय गोनां केस दं होनना बुङो जेरै बुथारनाय, बुथारनो नागिरनाय, लुथिनाय बायदि बायदि। निसिथ प्रामानिक, 35 बोसोर बैसो नि उन्दैसिन केबिनेत नि मन्थ्रि नि बेरेखा बो बुथारनायनि केस दं। सा 4 मन्थ्रि जन बारला, प्रामानिक, पंकज चौधुरि आऱो भि मुरलिधरन नि बेरेखा बुथारनो नागिरनायनि केस दम। 90 जौखोन्दो एब सा 70 मन्थ्रिफोरा 1 कौटि नि बारा सम्पथि दं होनना बुङो। सा 4 मन्थ्रि या बयनिख्रुय बांसिन सम्पथि थानाय, ज्योतिरआदित्य सिन्दिया 379 कौटि, पियुश गोयल 95, नारायन राने 87 आरो राजिब चन्द्रचेखर 64 कौटि। मडि नि केबिनेट आव सा 78 मन्थ्रिफोर दं।
मैया बिटिआर नि गेलेमु हारिमु आरो लाइमोन दावगानाय बिफआन नि मावफुं सोद्रोमा दावबायसा बर बिथाङा थाबैनो गं 10 महकुमा याव गेलेमु आयदा नि थाखाय मोनसे मावखुलि थागोन होनना बुंदों आरो बे मावखुलि फोराव गासै सा 64 सुबुंफोरनो थाखाय साख्रि होगोन होनना बो बुंदों। बिथाङा गेलेमु आयदा खौ जौगाखां खालामनो थाखाय बिटिआर सोरखार आ राहा लागोन होनना बुंदों। बिथाङा मैया सालबारि महकुमायाव दावबायहैदोंमोन। बिटिसिनि हाग्रा बिफाननि मावफुं सोद्रोमा बिथां रनजित बसुमतारी आ मैया कक्राझार जिल्लानि श्रीरामपुर हाग्रा बिफान मावख’आव खौरांगिरि मेलाव बुंदों, बावैसो दाजालांनाय आसामनि 6 थि रायम’ना माहारिया पार्क आव माबोरै लामा सामा आरो गेटखौ खालामनाय जागोन बेनि सोमोन्दै बो बिबुंथि लाखिदों। बिथांआ फोसावनाय बायदिब्ला रायम’ना माहरिया पार्क आ कचुगाव हाग्रा आरो रायम’ना हाग्रा ओनसोलनि सिंआव गोग्लैयो बेखायनो मोननैबो दिभिसननि गेजेरजों नो मोनफा मोनफायै थाम लाइन गोनां ब्लेक टफिंनि लामाखौबो खालामनानै होगोन होननानै खौरांनि गेजेरजों रायजो राजाफोरनो फोसावना हरदों। आरोबाव रायम’ना माहारियारि पार्क नि जौगाखांनाय नि थाखाय माबायदि कनस्ट्राक्सन खालामगोन बेनि थाखायबो रायमना हाग्रा ओनसोलाव खौरां गिरि मेल नि उनाव नायबिजिरहैगोन होननानै बुंदों। गासैबो ओनसोलनि थागिरिफोरा गोनो गोथो जायालासे बयखौबो जौगाखांनायनि लामा होनो थाखाय दिनैनि बे सावरायनाय हाबाफारिखौ लानाय जादोंमोन होननानै बो बिथांआ फोरमायदों।
थांनाय माखासे सान सिगां बिटिसि सोरखारा आसाम
सोरखारनो मोनसे आरजलाइ होनाय जाबाय जायनि गेजेरजों बिटिआर नि सिंआव थानाय गासै
मोनब्रै जिल्लाफ्राव बर’लेण्ड नि थाखै आलादा मोनसे फर्स जायखौ बिथांआ बडलेण्ड
फरेस्ट प्रटेकसन फर्स मुंयै फोसावना होदों । बे फर्स आ बडलेण्ड नि थाखाय दाजानाय
नि लामायाव आरो गमामायैनो बे फर्स आ दाजामारोब्ला बिटिआर नि सिंआव थानाय गासै 1,500
सा सुबुंफोरखौ बे फर्स आव थिसनथाय होनाय जागोन होननानै बिथां आ
रोखायै फोसावदों।
गुबुनफारसे नगांवपुलिस नि गुलि आव सासे द्राग्स माफिया या जोखोम जायो, मिथिना मोननाय बादिब्ला सनिबार नि हर आव नगांव नि बरघात आव एसपि ध्रुब बरा नि दैदेननायाव नगांव पुलिस नि दोलो आ द्राग्स माफियाखौ नेनानै दंमोन। दसे उनाव आजिजुल हक आ गावनि लोगो जों मटर साइखेल जों फैनानै पुलिस नि दोलो जों मोगा मोगि जायो। पुलिस नि दोलो आ आजिजुल खौ थाथनो होयो नाथाय बियो खारनो नाजानायावनो गुलि गावना होयो। जोखोम जानाय आजिजुलखौ हमनो हाबायब्लाबो बिनि लोगो आ खारखुमायो। जोखोम जानाय द्राग्स माफिया खौ भोगेस्वरि फुकनि देहाफाहामसालि आव लाना थाङो, दायो खारखुमानाय बिनि लोगो खौ नागिरगासिनो होनना खौरां मोनदों।
n आमुल नि उनाव दायो मादार दायरि आ बो गायखेर नि बेसेन खौ बारायबाय। दिनैनिफ्राय जागोन गोदान बेसेन बहायनाय आ। मादार दायरि मिल्क नि बेसेना मोनफ्रोमबो लिटार आव 2 रां बारायनाय जायो। फारसेथिं पेत्रल दिजेल नि बेसेना बारा जालांगासिनो, गुबुन फारसेथिंगायखेर नि बेसेन बारा जानाया बो साधारन सुबुंफोरनि थाखाय साननो गोनां खआलामना होदों। आमुल आ थांनाय 1 जुलाई निफ्राय 2 रां यै बारायदोंमोन। मादार दायरि आ बुंदों दिनै 11 जुलाई निफ्राय दिल्लि-एनसिआर आव गायखेर नि बेसेना बारायगोन। बे कम्पानि या 2019 मायथाइनि दिसेम्बर आव खनसे बारायदोंमोन बेसेन खौ। दानिया बायग्राफोरा गोदान बेसेन आव मोनसिगोन गायखेरखौ।
उत्तर प्रदेश आव बो सोरखारि साख्रि मोननाय नङा जानो हागौ। सानै गथ नि नेम खौ लाबोनाय नि प्रस्ताब उत्तर प्रदेश नि। पन्सायत आरो नगर पालिका नि बिसायखथि खौ बो गेलेनो मोननाय नङा। बेफोरनि अनगायैबो 77 सोरखारि बिथांखि नि सिङाव मोननो गोनां गासैबो सुबिदाखौ मोननाय नङा। आसामाव बेनि सोमोन्दै सावरायलायगासिनो दं। आसामनि उनाव नो उत्तर प्रदेश सोरखार आ बे प्रस्ताब खौ होदों।
सांग्रा जा एसबिआई नि ग्राहक फोरा। हेकार आ लांनो हागौ नोंथांनि खस्त नि रां खौ। हेकार आ ग्राहक फोरनो 50 लाख रां नि बान्था होगोन होनना नंखाय फोसावदों, बिसोर मोनसे लिंक हरो, बेयाव थुनो होयो। नाथाय सांग्रां जा, रां मोननाया थ गोजान नि बाथ्रा रां आ लांजागोन सो। बिसोर आपदेत युर केवाइसि होनना मेसेज हरो, बेयाव लिंक थायो, बेयाव थुना होयोब्ला केपसा कद जों लोगोसे युजारनेम आरो पासवर्ड बियो। बेनि उनाव अटिपि बियो, अटिपि होयोब्ला गोदान पेज आव थाङो, बेयाव गावनि गासैबो दितेइल्स खौ होनो नांगौ, जेरै एकाउन्ट, मबाइल नम्बर, जोनोम जानाय खालार बायदि बायदि, बेफोरखौ होयोब्ला अटिपि मोनसे फैगोन बेकौ होना लायोब्लानो रां आ लांजाजोबगोन, बेखायनो सांग्रां जा।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon