गोलाव सम आलादा बड’लेण्ड सोरजिनायनि थांखिजों आसाम सोरखार आरो भारत सोरखारनि हेंथायै जुजियै-जुजियै थांनाय 2020 माइथायनि 27 जानुवारीखालि एन डि एफ बिनि मोनब्रै आफाद आरो दुलाराय बर’ फरायसा आफादजों जथायै बर’फोरनि थामथि गोजोन गोरोबथा बिटिआर गोरोबथाया जालाङो। बे गोरोबथानि गेजेरजोंनो हाग्रायाव थाबोनाय साफ्रोमबो एन डि एफ बि (एस) नि सोद्रोमाफोरा गाव-गावनि नख’राव गोजोनै गिदिंबोफिन्नो। नाथाय सासे एनदिएफबि नि सोद्रोमा या म्यानमारनिफ्राय फैफिननो हायासै। चिरां जिल्ला रुनिखाता थानानि सिंनि लाइमुथि ओनसोलनि निज्रागुरि गामिनि थागिबि निफेन बसुमतारीनि असे फिसाज्ला एलचन बसुमतारीया दिनैसिम न आव फैफिननो हायाखै। थांनाय 2014 मायथाइनि 15 आगस्त खालि नेचनेल देम’क्रेटिक फ्रन्त अफ बर’लेन्ड आफादाव जइन जादोंमोन। एनदिएफबि नि दैदेनगिरिफोरा दायो राजखान्थि दैदेनगिरि जाबाय। नाथाय दिनैसिम न आव मोनफैयासै बिथाङा। एलचन बसुमटारि नि बिमा बिफा या हाजिरा मावना सो जायो। बिफा या बुंनाय बादिब्ला गुबुन एनदिएफबि नि नखर आ जोबोद गोजोनै दं दायो, नाथाय बिथांमोना फिसाज्ला नि मोखां नुयि नि जोबोद दुखु आव दं। बिमा या बुंनाय बादिब्ला म्यानमार हादोरनि गंसे गुबुनारि सुबुंनि नख’रावसो दं दायो। गावनि असे फिसाज्ला ऐलचन बसुमतारीखौ गावनि नसिम लाबोनो थाखाय बिटिआर सोरखार, आसाम सोरखार आरो भारत सोरखावनाव खावलायदों। लोगोसे बिटिआर नि गोदान सोरखारनावबो आसा खालामदोंमोन। बिथांनि फिसाज्लाखौ जाहाथे गावनि नसिम मोजाङै मोजां लाबोफिन्ना होयो बेनि थाखाय भारत सोरखार, आसाम सोरखार आरो बि टि आर सोरखारखौ खावलायदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon