बिधानसभा नि गासैबो एमएलए नि सिनायथि बिलाय एबा आई कार्द दिजिटेल जागोन। गासैबो एमएलए आ दिजितेल आई कार्ड स्वाइप खालामनानै हाबनो नांगोन बिधानसभा याव, बेफोरनि अनगायैबो खौरांगिरिफोरा दिजितेल आई कार्ड स्वाइप खालामनानै हाबनो नांगोन बिधानसभा याव। बेनि अनगायैबो बिधानसभा नि बाजेत शेशन निफ्रायनो बिधानसभा याव रायजो नि सोरखारि लोगो राव बर खौ बाहायनाय जासिगोन। बिधानसभा नि बुंथिगिरि बिस्वजिट दैमारि बिथाङा बिधानसभा नि मोखाङाव स्वाइप मेसिन आरो दिजितेल कार्ड नि बेबस्था खालामगोन होनना बुङो। बे थिरांथा खौ बेरेखा दोलो कंग्रेस आ बो बरायदों। बर राव नि प्लेत बो लागायगोन होनना खौरां मोनदों। हाबनाय दरजा याव आसाम बिधान सभा नि प्लेत जों लोगोसे बर रावजों लिरनायबो थागोन गुबुन मोनसे।
UPPL MCLA सन्जय स्वर्गीयारीआ BTCनि गाहाइ मावफुंगिरि सोद्रोमा प्रमद बर'नि खामानि मावनाय आरो UPPL पार्टिनि बेरेखा खौरां बिजों आरो ससियेल मिडियाआव बिबुंथि होनायनि सायाव सानथामनि गेजेराव खेंफोरथि होनो बिथोन होदों। साननै सिगाङाव एमसिएलए बिथाङा 69 नं उदालगुरि बियाबखौ थाबैनो निलाम खालामनायनि सोमोन्दै बुंदोंमोन। सम खालार आ थि जायोब्ला बयखौबो बाहागो लानो होदोंमोन। बेनि अनगायैबो गोबां बेबायदि दोलो नि बेरेखा खामानि मावनायनि अजद जों लाइजाम खौ हरदों खेंफोरथि आरो जाहोन खौ फोरमायनो। बिथाङा बिटिसि सोरखार दानायनि बेरेखा बो बुंदोंमोन, बेनि उनाव निलाम नि सोमोन्दै बुंबाय आरो एसअपिदि नि लिङाव 85 बिथांखि नि बारा खामानि मावनायनि बिथोन, बेफोरनि थाखायनो बे लाइजाम खौ हरदों।
दिनै मिरु सोरखार एबा गाहाय मन्थ्रि नि केबिनेत आव गिबि खेब नि थाखाय नैथि फारिलाय फेहेरनायखौ फोसावनो हागौ। आसामनि बारग गिबि मन्थ्रि सर्बानन्द सोनोवाल आ बो मन्थ्रि नि बिबान मोननायनि आबुं सम्भावना दं। मा बिफान खौ होगोन बेखौ मिथिनाय जायाखै, नाथाय दिल्लि आव लिंहरनाय, दिल्लि आव नो थानाय फोरखौ नुनायाव बेखौ रोखा खालामनो हायो।
गिबि खेब नि थाखाय खनसेयावनो मोन 8 रायजो नि राज्यपाल थिसननाय। सा 4 नि गोदान मोखां आरो मोन 4 रायजो नि राज्यपालखौ सोलाय सोल खालामदों। हादरगिरि रामनाथ कबिन्द आ मिरु सोरखार नि मन्थ्रि नि फआरिलाय फेहेरनायनि सानसे सिगां बे बिबानखौ होदों। बिथां मोन सा 8 नि गेजेराव दं मिरु नि मन्थ्रि थावार सान्द गेहलट, बिथांनो करनातक नि राज्यपला नि बिबान होदों। बेनो राज्यपाल नि गिदिरसिन थिसननाय, बेनि सिगां खनसेयावो सा 7 नो बिबना होदोंमोन 2018 आव। राज्यपाल फोरा मंगुभाई सगनभाई पेटेल मध्यप्रदेश नि, थावार चान्द गेहलट कर्नातक नि, रमेस बाइस त्रिपुरा नि मोन दायो झारखान्द नि, बान्दारु दत्तात्रेइ हिमासल निमोन दायो हारियाना नि। सत्यदेब नारायन आर्य हारियाना नि मोन दायो त्रिपुरा नि जागोन। राजेन्द्र बिस्वनाथ आर्लेकर आ हिमासल नि जागोव। पिएएस श्रिधरन पिल्लाई मिजराम नि मोन दायो गोवा नि जागोन आरो हरिबाबु कामभाम्पति आ मिजराम नि जागोन।
रायजो आव फोसावबाय गोदान एसअपि। रायजो नि सावस्रि मन्थ्रि केशव महन्त आ दिनै फोसावना होयो। जनता भवन आव खौरांमेल नि गेजेरजों फोसावना होयो बिथाङा। जिलाफोरखौ मोनथाम बाहागो आव रानना होदों। मोननैसो जिला याव बेलासि नि 2 बाजि निफ्राय फुंनि 5 बाजि सिम कारफिउ, मोननैसो जिला याव बेलासिनि 5 निफ्राय फुंनि 5 सिम कारफिउ आरो मोननैसो आव आबुं कन्टेइनमेन्ट जन। आबुं कन्टेइनमेन्ट जन नि फारिलाय आव दं गवालपारा, जरहात गोलाघात, लक्षिमपुर, बिस्वनाथ, सनितपुर आरो मरिगांव। गासै 16 जिलाफोराव बेलासि नि 2 बाजि निफ्राय जागोन कारफिउ आ, जिलाफोरनि मुङा सिबसागर, दिब्रुगर, कक्राझार, बरपेता, नलबारि, बाक्सा, बजालि, कामरुप, दरं, नगांव, होजाई, तिनसुकिया, धेमाजि, काछार, करिमगन्ज आरो कार्बिआंलं। बेलासि नि 5 बाजि नि कारफिउ आ गासै मोन 11 जिला फोरनि थाखाय, जिलाफोरा धुबुरि, कामरुप मेत्र, खोला सालमारा, माजुलि, बङायगांव, चिरां, उदालगुरि, सोनाब कार्बिआंलं, दिमा हासाव, चरायदेउ, हायलाकान्दि। मोनसे जिला निफ्राय गुबुन मोनसे जिला सिम थांलाय फैलायखौ बन्ध खालामना होदों। फरायसालि, फरायसालिमाफोरा बन्ध थागोन। सप्तासे नि थाखाय बे एसअपि आ, 7 जुलाई निफ्राय जागायगोन। आबुं कन्टेइनमेन्त जन आव सोरखारि मावखुलिफोरा बन्ध थागोन। आबुं कन्टेइनमेन्ट जन फोसावना होनाय जिलाफोराव थांनाय सान 10 आव बारायनाय नुनो मोनदों कभिद पजितिभ खौ। सोरखार आ मइक्र कन्टेइनमेन्ट जन नि नखरफ्रोमनोबो 2000 रां नि गोनां मुवा बेसादपोर होगोन होनना बुंदों, लोगोसे 100 जौखोन्दो भेकसिन होनायनि बेबस्था खालामनो होदों। सावस्रि मन्थ्रि बिथाङा बुंनाय बादिब्ला आसामाव दासिम 36000 गथ फोर जाय 18 बोसोर बो नि खम नि देहायाव पजितिभ मोनदों, 38 नि जिउ गोमादों। बिथाङा गासैखौबो गथफोरखौ जोथोन लानो खावलायदों।
माजुलि जिल्ला कंग्रेस कमितिनि आफादगिरि बिबाननिफ्राय बारग’ मन्थ्रि थामहिनबा माजुलिनि कंग्रेसनि जिल्ला आफादगिरि राजीव लोचन पेगुआ रिजाइन होबाय। माजुलि जिल्ला प्रसासनिक नेहाथारी फिजु दत्तनि आखाइआव आसाम प्रेदस कंग्रेस कमितिनि आफादगिरि रिपुन बरासिम रिजाइन होनायनि लाइजामखौ दैथाय हरो पेगुवा। जिल्ला कंग्रेस कमितिनि आफादिगिरि पेगुआ आफादगिरिनि बिबान एंगारनायनि उनावनो माजुलि कंग्रेसआव गोबां सावरायलायनाय जादों। बारग’ मन्थ्रि पेगु बिथाङा थाबैनो बिजेपिआव हाबनायनि सम्भाबना दं। बिसायख’थिआव जेननायनि बिबान नाजावनानै बिबान एंगारो पेगु बिथाङा। माजुलि बियाबनि एमएलए बारग गिबि मन्थ्रि सर्बानन्द सोनोवाल बिथांनो मिरु नि बिबान खौ होनो हागौ, बेनि थाखायनो हाबदों नामा बिथाङा, टिकेट मोननो, गासैखौबो उनाव मिथिगोन।
रासिया याव प्लेन नि जाब्रबथाय। मंगलबारखालि रासिया नि गोजान सानजा ओनसोल कामसातका याव गोमादोंमोन मोनसे बिरखं, बेनिनो मोननैसो बाहागोखौ बिरखं गाथोनोनि रानवे निफ्राय 5 कि मि गोजानाव लैथो आव मोनदों। बिरखं आव थानाय सा 28 सुबुंफोरनि सासेबो बारगआसे। गासै 22 दावबायारिफोर आरो सा 6 क्रु मेम्बारजों पालाना सोहोर सिम बिरबाय थानाय एन्तनभ ए एन-26 बिरखं आ ओंखारनायनि सिगां नो रादार निफअरायनो गोमादोंमोन। खौरां मोननाय बादिब्ला बिरखं आ कामसातका एन्टरप्राइज कम्पानि नि मोन, 1982 निफ्रायनो बाहायगासिनोमोन। बै समव बोथोर आ बो गाज्रिमोन। पाइलटनि गोरोन्थि नि थाखायनो जानो हागौ होनना सन्देह खालामनाय जादों।
दुखुनांथाव जाथाय। सानै हिनजावसा गथ खौ बिष जाहोनानै गावखौनो बुथारनो नाजायो बिफा या। लाउखुवा नि चापरि पुलिस थाना नि सिङाव थानाय 7 नं भगामुख आव जादों जाथाय आ। बिसि फिसाय नि गोबाव समनिफ्रायनो नांलायनाय जादोंमोन।फिसाय रहम आलि आ बेबायदि खालामो। जाथायखौ नखरनि सुबुंफोरा मिथिननानै लोगो लोगो तेजपुर देहाफाहामसालि आव लाना थाङो, नाथाय सानै हिनजावसा गथ रहिमा खातुन 8 आरो फाटेमा खातुन 3 कौ बासायनो हायासै। बिफा खौ मोजां फआहामथायनि थाखाय नगांव सोरखारि देहाफाहामसालि याव लाना थाङो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon