मैया सानै बर फिसा, जमुना बर आरो सन्जय बर बिथांमोननो साख्रि नि थिसनलाय खौ होबाय। साननै सिगाङाव केबिनेट नि सावरायलायनाय आव सोरखार आ अबकारि बिफाननि ईन्सपेक्टर नि साख्रि खौ होगोन होनना फोसावदोंमोन। जमुना या भारत नि जानानै बक्सिं आरो सन्जय बर आ आर्चारि गेलेयो। मैया 38 थि अभिरुसि गेलेनाय सान। भगेस्वर बरुवा नि जोनोम सान, बिथाङा गिबि आसामनि गेलेगिरिमोन जाय एसियान गेम्स आव सना नि मेडेल मोननो हादोंमोन। बे सानाव नो बिथां बर सानैनो बे साख्रि नि थिसनलायखौ होयो।। मैया नि हाबाफारि आव सा 99 गेलेग्रफोरनो दानसेयाव 10 रोजा रां नि पेन्सन आरो 156 गेलेगिरिफोरनो 50 रोजा रां नि खनसेयारि मदद होयो। जमुना बर बिथाङा गिबि मन्थ्रि आरो गेलेनाय बिफाननि मन्थ्रि खौ साबायखर बावो, बेबायदि प्रमत खालामबाय थायोब्ला आसामाव आरो गेलेगिरि ओंखारगोन होनना बुङो, लोगोसे गेलेग्राफोरखौ फरायनाय आरो गेलेनायखौ लोगोसे लाङोब्ला मोजां जायो होनना बुङो।
दानिया न आव थानानैनो लारनार लाइसेन्स मोनसिगोन। मैया आसामनि गिबि मन्थ्रि आ बेखेवबाय अनलायन जों लारनार लाइसेन्स मोनननायनि सुबिदा आरो भेहिकल फितनेस एप। जिला नि हान्थामेला बिफाननि अफिसारफोरजों सावरायलायो। 2022 नि 10 मे नि गेजेराव हान्थमेला बिफाननि 18 टा सारभिस खौ अनलाइन नि गेजेरजों रायजोफोरनो होनायनि खामानि मावगासिनो, बेनिनो बाहागो महरै मैया बे एपखौ बेखेवना होयो। फितनेस नि थाखाय रायजोनि जायखिजाया दिटिअ आव थांनानै लानो हागोन।
बेरेखायाव थानो हाया बिपिएफ आ। लोगो जानो प्रस्ताब गिबि मन्थ्रि नि सिम। कंग्रेस महाजोत खौ गारनानै सासन खालामनाय दोलो नि खाथि आव थांदों बिपिएफ आ। थांनाय बिधान सभा बिसायखथि आव कंग्रेस दैदेननाय महाजोत आव हाबनानै बिजेपि नि दैदेननाय मित्रजोत नि बेरेखा गेलेदोंमोन बिपिएफ आ। नाथा महाजोत आ गाज्रियै जेनो, लोगोसे बिपिएफ आ बो आसास खालामनायबादि फिथाय मोनासै। प्रमिला रानि चन्दन, रिहन मोन बायदि गिदिर दैदेनगिरिफोरा जेनदोंमोन बिसायखथि आव। बे ल नङा, बिटिसि बिसायखथि आव बो 17 मासि देहानानैबो सोरखार दानो हायाखैमोन बिपिएफ आ। बिपिएफ नि दैदेनगिरि प्रबिन बर बिथाङा लोगो जानो थाखाय बिजेपि नि सिम प्रस्ताब हरबाय होनना बुंदों, बिपिएफ नि गाहाय हाग्रामा महिलारि आ गिबि मन्थ्रि खौ लोगो हमदों, जों बेरेखा याव थानो हाया। गुबुन फारसे बिजेपि नि तार्म्स एन्द कन्दिशन, प्रमद बर खौ बिग ब्रादार महरै मानिना लानो नांगोन हाग्रामा या, मोनसे चर्ट होयो। बेखौ बिजेपि नि आफादगिरि भबेस कलिता बिथाङा बुंदों। बिजेपि निफ्राय ओंखारनानै जेबो पाप खामानि मावाखै, उद्रायनाङा। नाथाय बिजेपि आ लोगो नि धोरोमखौ फालिनानै बिटिआर आव बिग ब्रादार नि सिनायथि होदों प्रमद बर खौ, बेखायनो बिग बार्दार महरै मानिनो नांगोन प्रमद खौ हाग्रामा या। जुदि मानिना लायो, अब्ला बिपिएफ खौ बोजबना लानायाव जेबो हेंथा गैया। उफ्रा बिसायखथि आव बिपिएफ ना, ईउपिपिएल ना बिजेपि आ गेलेगोन सोंनायाव दोलो आ थिरांथा लागोन होनना बुंदों।
बास नि भारा बाराया, उननि समाव सावरायलायनानै थिरंथा लागोन होनना आसामनि गिबि मन्थ्रि आ बुंदों गोबाव सम जाबाय सिनेमा हल फोरा बन्ध जाना थानाय आ। रायजो सोरखार आ फैगो 15 सान नि उनाव सिनेमा हल फोरनि सायाव थिरांथा लागोन। गिबि मन्थ्रि बिथाङा बुंदों, कभिद नि गोसारनाय आ खम जायोब्ला सो सिनेमा हल फोरखौ खुलिनो हागोन, 15 सान थासारि खौ नायगोन, बेनि उनाव थिरांथा लागोन। मखजाथाव दि कभिद नि नैथि दोहौ फैनायनि उनावनो एबा एप्रिल दाननिफ्रय नो रायजो नि सिनेमा हल फोरा बन्ध जाना दं। सिनेमा हल नि बिगोमा नि गोबां खहा जादों। गुवाहाति नि मोनब्रै हल आ बन्ध जाना दं।
प्रमद बर’ दैदेन्नाय बिटिसि सोरखारनि थांखिबादियै दिनै बिटिसिनि हाग्रा बिफाननि मावफुंगिरि सोद्रोमा रनजित बसुमतारीया 14नं बियाबनि गुबुन-गुबुन भिसिडिसिनि सिङाव थानाय गामिफोरनि गोरिब-गुनद्राफोरनि नखरफोराव दावबायना बैसोर गोरिब नखरनि सोद्रोमाफोरजों सोरखारनिफ्राय मोन्नो गोनां सुबिधा आस’निफोरनि सायाव गवारै सावरायज्लायो। लोगोसे बिटिआरनि हाग्रा बिफाननि मावफुंगिरि सोद्रोमा रनजित बसुमतारीया चिरां जिल्ला सदर सहर काजोलगावाव थानाय जोहोलाव सोमब्ला बसुमतारी सोरखारि देहा फाहामसालियाव हरखाब दावबायो। मखथावनादि, बिथांआ फाहामसालिनि थासारिनि सायाव गोख्रोङै नायसंहैयो। रनजित बसुमतारीया बे देहा फाहामसालियाव हरखाब दावबायखांनायनि उनाव खौरांगिरिफोरनि गेजेरजों फोरमायो दि, चिरां जिल्लानि सोरखारि देहा फाहामगिरियाव माखासे बेमारिफोर जेरै उदै हासिनानै गथ’ जोनोम होनाय आरो सरासनस्रायैनो जोनोम होनाय बैफोर बेरामिफोरनिफ्राय रां जाख्लनायखौ खौरां मोन्नानै बे देहा फाहामगिरियाव दावबायो।
बरपेता याव सोमोनांथाव जाथाय। सानसेयावनो सानै रेल नि मावथि आ गावखौनो बुथारना लादों। बरपेता रोद आव मैया सानै सुबुंफोरा फासि लानानै थैयो। रेल बिफाननि 4 थि ग्रेद नि मावथि फनि खेरखातारि नि बैसो आ 59, मिथिना मोननाय बादिब्ला कुवार्ताराव हारसिं दंमोन फनि आ। मा जाहोननि थाखाय गावखौनो बुथारना लाखो बेनि सोमोन्दै मिथिया। बे जाथाय जानाय जायगानिफ्रायनो 200 मिटार सो गोजानाव आरो सासे सुबुङा गावखौनो बुथारना लादों, मुङा अखिल घोस, 55 बोसोर सो जानो हागौ, रेल आव साहा फानोमोन। थैनायनि जाहोन खौ मिथिना मोनाखै। गोथै देहा खौ बरपेता याव पस्त मर्तेम नि थाखाय हरनाय जाबाय।
अबनि लेखारा या जारिमिन सोरजिबाय। गिबिसिन भारतनि आयजो गेलेगिरि जाय मोनसे पेराअलिमपिक आव मोननै मेडेल मोननो हादों। बिथाङा सासे ट्रेइलब्लाजिं सुतार। 50 मिटार नि रायफल आव ब्रन्ज मेदेल मोनदों, बेनि सिगां 10 मिटारनि एयार रायफल आव सना नि मेडेल मोननो हादोंमोन। लेखारा नि सिगां भारत नि जगिन्दर सिंह सधि, जाय 1984 मायथाइ आव मोनसे गेलेनाय बादायलायनाय आव मोनसे सिलभार आरो मोननै ब्रन्ज मेडेल मोनदोंमोन।
बेट जों नङा, बे बाराव ससियेल मिदिया याव रेकर्ड खालामनो हायो। भिरात कहलि खौ मोजां मोननायनि जेबो सिमा गैया। सानफ्रोमबो रोजा रोजा सुबुंफोरा भारत नि क्रिकेत गेलेगिरि खौ फल खालामो। खौरां मोननाय बादिब्ला 150 मिलियन फलवार्स मोननो हाबाय। बिथाङा भारत आरो एसिया नि गिबिसिन सुबुं, ईन्सतग्राम आव 150 मिलियन फलवर्स मोननाय। गेलेग्रा फोरनि मादाव बुहुमनि 4 थि गेलेगिरि, गिबियाव ख्रिस्तियान रोनाल्द 337 मिलियन, मेसि 260 मिलियन, नेईमार 160 आरो कहलि 150. बेनि सिगां बो कहलि आ नो 75 मिलियन फलवार्स बारनाय एसिया नि गिबिसिन मोन।
गसाइगाव आव गंसे नखराव माखासे दावराव-दावसि जाथाइ जानायनि जाहोनाव रेल गारियाव बारसोमना गावनि जिउखौ फोजोबना लादों सासे सुबुंआ। कक्राझार जिलानि गसाइगाव महखुमानि सिंयाव थानाय गुवाबारियाव दिनै सानजौफुनि 12 रिंगा सोयाव सासे सुबुंआ जिउ फोजोबना लानाय जाथाया गुवाबारि ओनसोल नांयैनो समखिखांनाय लाबोदों लोगोसे दुखुनि बारहावा बारहोदों। मोनथिनो मोननाय बादिब्ला, गसाइगाव थानानि सिङाव थानाय दलगाव गामिनि थागिबि रुंसारि हरिदास रायनि फिसाला बिष्णु राय (34) आ दिनै सानजौफुनि 12 रिंगायाव ओंखारलांनाय माल गारियाव बारसोमना गावनि जिउखौ फोजोबना लायो। नखराव माखासे दावराव दावसि जानायनि थाखायनो बेबायदि रेल गारियाव बारसोमना थैदों होनना रेल बिफाननि मावथिफोरा सनदेह खालामदों। मखनो गोनांदि, रेल गारियाव बारसोमना थैनाय सुबुं बिष्णु राय आ दिनै नखराव माखासे दावराव जानायनि जाहोनाव रागा जोंनानै गंसे साइकेल लानानै गुवाबारिजों थांनाय रेल लामा फारसे थाहो। बेनि उन उन उनदै फिसालाया बिफाखौ बाबा बाबा होननानै रैखा खालामनो थांफादोंमोनब्लाबो बे समावनो गंसे रेल गारि फैनायनि जाहोनाव खारफुबाय थानाय रेल गारिनि साखायाव बारसोमना थैयो। खौरां मोननाय समसिमाव रेलनि पुलिस बिफाना गोथै देहाखौ बोखांना नायबिजिरनो थाखाय कक्राझाराव दैथाय हरबाय।
तालिबान आ आफगानिस्तानखौ दखल खालामबाय। बेखौ गायसननाय मोल्ला बेरादर आ दैदेनगोन आफगानिस्तान सोरखार खौ। तालिबान नि राजखान्थियारि मावखुलि व दं बेरादर आ, लोगोसे थाफागोन मुल्ला उमर नि फिसाज्ला याकुब, महम्मद आबबास। थांनाय 15 आगस्त आव तालिबान आ काबुल खौ दखल खालामदोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon