दासिमनि मोननैसो खौरांफोर। भेकसिन लायाब्ला थांनो मोना ~ Bodoinfo.com

भेकसिन लायालासैनो अफिस आव फैयोब्ला साजा मोनगोन आरो जुदि भेकसिन लायि दिन्थिनानै अफिस आव फैयालासै थायोब्ला दरमाहा दानजागोन आरो साजा बो मोनगोन। बुंदों आसामनि सावस्रि बिफाननि मन्थ्रि केशव महन्त आ बुंदों। बिथाङा बुंदों, सोरखारि सोरखारि नङि सोलोंथाय फसंथान गासैबो भेकसिन लानाया समबार नि गेजेराव जाजोबनो नांगोन। दखन खुलिनायनि सयावबो बुङो, भेकसिन लायालासैनो सोरबा दखान खुलियोब्ला जिला बेंगिरि या सिल खालामना होनो हागौ दखानफोरखौ। दखानफोरा फोरमान होनो हानो नांगोन भेकसिन लानायनि। फालांगियारि फसंथानफोरा दरजा मोखाङाव भेकसिनेतेत होनना बेनार लागायना दोननांगोन। सोरबा नंखाय होनना नायबिजिरनाय दोलो आ मिथियो अब्ला लोगो लोगो बेबस्था लानाय जागोन। आसामाव दासिम गासै 25 लाख भेकसिन दं। दासिमबो कभिद नि 2थि दोहौ निफ्राय उदां जानो हायाखै. 3थि दोहौ फैनायनि बो सम्भावना दं, बेखायनो गासैखौबो नेमफोरखौ मानिना सोलिनो खावलायो। नङाब्ला सोरखरा फिन गोरा जागोन होनना बुङो।

पेराअलिम्पिक आव भारतनि गेलेगिरिफोरा मोजां गेलेना दिन्थिनो हागासिनो। देरहाबाय थामथि सना नि मेडेल, 15 मेडेल सिम बारायबाय मोननाय आ। दिनै 4 सेप्तेम्बर आव सुतिं आव सना आरो रुफा मोननैबो मेडेल खौ मोनो। पि4 मिक्सद 50 मिटार पिस्तल एसएइस1 आव मनिष नर्वला सना नि मेडेल मोनो, लोगोसे एखे ईभेन्त आव नो सिंराज आधाना या रुफा नि मेडेल मोनो। दासिम मोननाय 15 मेडेल नि मोन 3 आ सना, 7 रुफा आरो मोन 5 ब्रन्ज मेडेल मोनदों।

सोनाब बंग नि भवानिपुर बियाब आव फैगो 30 सेप्तेम्बर आव जागोन उफ्रा बिसायखथि आ। गुबुन 31 बियाबफोराव दासिम थिरांथा लायाखै बिसायखथि आयोग आ। सोनाब बंग नि गिबि मन्थ्रि ममता बेनार्जि आ बिधानसभा बिसायखथि आव जेन्दोंमोन। बेखायनो ममता बेनार्जि आ उफ्रा बिसायखथि आव देरहानो नांथारगोन गिबि मन्थ्रि जाना थानोब्ला। बिधानसभा बिसायखथि आव जेनोब्लाबो गिबि मन्थ्रि जानो हायो, 6 दान सम होयो, बेनि गेजेराव एमएलए जाना दिन्थिनो नांगौ। बेनि गेजेराव हायाब्ला गिबि मन्थ्रि नि बिबानखौ एंगारना होनो गोनां जागोन। संबिजिरनि गोनांथि आरो सोनाब नि स्पेसियेल खावलायनायनि थाखाय भवानिपुर जों लोगोसे आरो सोनाब बंग नि मोननै बियाब आरो उरिस्या नि मोनसे बियाब आव जागोन 30 सेप्तेम्बर आव। आरो थाबावनाय 31 बियाब आव माब्ला जागोन बेनि थिरांथा लानाय जाथवाखै कभिद नि थाखाय।