जायगा सोलायगोन एनदिएफबि नि गायसनगिबि आफादगिरि रन्जन दैमारि बिथांनि, गोदान जायगा या चिरां जिला नि सदर काजलगांव आव थानाय बदलेन्द गेस्त हाउस आव। आसाम सोरखार आ स्पेसियेल बेबस्था जों देदेनगिरि बिथांनि जायगा खौ सोलायनायनि सोमोन्दै सानदों। बिटिआर सुक्ति नि सासे सागानगिरि बिथां रन्जन दैमारि नि जायगा या जेल नि सोलाय थाबनो गेस्त हाउस आ जागोन, जायनि थाखाय हर सान खामानि मावगासिनो। बे गेस्त हाउस खौ मावखुलि महरै बाहायोमोन जिला नि गारजेन मन्थ्रि ईउजि ब्रह्म आरो चिदलि बियाब नि एमएलए जयन्त बसुमतारि। खौरां मोननाय बादिब्ला फैगो 4-5 सान सो नि गेजेराव नो सोलयनो हागौ जायगा खौ। रन्जन दैमारि बिथांखौ आगोलाव जिउ जोबजासिम जेल आव थानायनि साजा होदोंमोन, उनाव बिटिआर सुक्ति नि गेजेरजों एनदिएफबि नि जेंना सुस्रांनो थाखाय जेल निफ्राय दिहुनदोंमोन, उनाव फिन जेल आव सोदोंमोन। दायो बिथांखौ जेल निफ्राय उदां खालामनांगौ नि दाबि गोबां दोलो संगथनफोरनि।
बर' सावथुननि रावबो Producer आ Jems आरो Gemsri खौ लाना सावथुन खालामनो मोननाय नंला । Jems आरो Gemsri आ जोबनाय गैयै समसिम बर' सावथुन खालामनो मोननाय नंला। Social media नि गेजेरजों मायबाफोर गोरोन्थि खालामोब्लाबो बेयो बिथांमोननि Personal Matter जागोन। फैबाय थानाय समाव BCAA नि सोरबा बिबानगिरि बिथांमोनाबो गोरोन्थि खालामोब्ला गोख्रों राहा लानाय जागोन । BCAA निफ्राय बर सावथुन मुलुग नि फावखुंगुर जेमस मोसाहारि आरो फावखुंग्रि गेमस्रि दैमारि नि गाज्रि आखुथायनि थाखाय बिसिएए निफ्राय थिखानाय गैयि सम सिम एरखनाय जाबाय होनना खौरां मोनदों। मैया गोबाव समनिफ्रायनो ससियेल मिदिया नि गेजेरजों नांलायबाय थानाय दिन्थिनानै बर समाजनि थासारि खौ गुबुंले खालामनायनि दाय होनानै सावरायलायनायनि उनाव नो बोख्लायो। बिपिएफ सालबारि जिला कमिति नि मोनसे बिबान आव थानाय रनजित खेरखातारि बिथाङा मैया एआईईउदिएफ दोलो आव हाबबाय। बिपिएफ नि दैदेनगिरि, सालबारि बियाब नि खननै एमसिएलए जानाय रनजित खेरखातारि बिथाङा मैया बेलासि नि 4 बाजि आव एआईईउदिएफ दोलो आव हाबो। एआईईउदिएफ नि बरपेता जिल्ला कमिति नि दोलो आव हाबनाय हाबाफारि आव दोलो नि जिला आफादगिरि सामसुददिन आहमेद, मिरु नि नेहाथारि करिमुददिन, सेङा बियाबनि एमएलए आस्राफुल हुसेइन मोननि नुजाथियाव हाबो। मखजाथावदि भबानिपुर बिधानसभा बियाब नि एआईईउदिएफ नि बारग एमएलए फनि तालुकदार आ बिजेपि दोलो आव हाबनायनि उनाव नो मासि आ लांदां जाना दं, बेयाव उफ्रा बिसयखथि जागोन आ रोखा। बेखौ नोजोर होनानै नो एआईईउदिएफ आव हाबदों होनना गोबाङानो बुंदों। बेनि सायाव रन्जित खेरखातारि बिथाङा खौरांगिरिफोरनि सिगङाव उफ्रा बिसयखथि नि थाखाय जेबो थिरांथा लायाखै, नाथाय दोलो आ होयोब्ला भवानिपुर आव गेलेगोन होनना बुङो।
थांनाय 34 बोसोरनिफ्रायनो आलादा बड’लेण्ड सोरजिनि थांखिजों सोमावसारनायाव मुंख्लं जालांनाय न’खरफोरनो सोरखारनिफ्राय अनसुंथाइ होनो लानाय गासै मुं फारिलायखौ बिटिआरनि हाग्रा बिफान्नि मावफुं सोद्रोमा रन्जित बसुमतारीआ गावनि मोखांबिजाब फेजआव फारियै फोसावबाय होनना खौरां बिजोंनि गेजेरजों फोरमायो। लोगोसे जाय मुंख्लं सुबुंफोरनि मुङा बे फारिलाइआव थिसनजानाय जायाखै बिसोरनि मुंफोरखौ थिसन फिननो आरो जायफोर मुंख्लंफोरनि मुं फारिलाय ओंखारनायफोराव माबाफोर गोरोन्थि दंब्ला बेखौबो सुद्रायफिन्नो थाखाय रन्जित बसुमतारीआ बयखौबो गुरैयै खावलायहरदों।
आं गिबि मन्थ्रि जाना थानाय समाव मण्डल अफिस आव दालालि सोलिनाय नङा, बुंदों आसामनि गिबि मन्थ्रि हिमन्त बिस्व शर्मा बिथाङा। संकरदेब कलाक्षेत्र आव गिबि मन्थअरि नि नुजाथिनयाव गोनांथार जथमा जायो। सारकल अफिसार, एदिसि खौ लाफानानै सावरायलायो। रावबो फैसा लानो मोना, फ्रि सारभिस होनो नांगोन। सारकल अफिस आव दालालराज बन्ध जायाब्ला गिबि मन्थ्रि नि नायबिजिरनाय दोलो आ खामानि मावगोन। दालाल नुयोब्ला नो हमना लाबोगोन। एदिसि बिथांमोनखौ वारनिं होननै फ्रि सारभिस होनांगौ होनना बुङो। लोगोसे सारकल अफिसारफोरखौ हा नि फाइल फोर गोलैना थानाय फइलफोरखौ 6 अक्तबर नि केजेराव क्लियार खालामनो बिथोन होयो। खामानि नि मुङाव रां लानो मोना। हा नि मुङाव सोरबा जाख्लनाय जाथाय जायोब्ला गिबि मन्थ्रि नो खौरां होनो खावलायो। हा नि खामानि आव। हानि हा नि मियादि पत्ता सो होसिगोन। 1250 मेप गोमादों एबा नष्त जादों, मेग नष्त जानाय जायगाखौ मिशन बसुन्धरा जों सोनाय जागोन। 2 अक्तोबर आव बेखेवगोन मिशन बसुन्धरा पर्तेल।
थाबैनो मन्थ्रि आफाद नि सोलाय सोल आ जानाय नङा। गासैबो मोजां खामानि मावगासिनो। दायो टिम आ जादों सो। गोबां खामानि आखायाव दं, बे साननैसो सोलिनो हो। मन्थ्रि आफाद आव जेबो सोलाय सोल जायाब्ला दानि बिटिआर नि लेङाय गाहाय, एमएलए गोबिन्द बसुमतारि आ केबिनेट नि मन्थ्रि नि बिबान मोनबावगोन ना.
बिटिआर नि गाहाय प्रमद बर बिथांनि बिसि पारुल भरालि बर बिथाङा नेपाल आव जानाय ईन्टारनेशनेल चेम्पियनसिप आव मोननै सना नि मेडेल मोननाय बर गेलेगिरि कुन्जलता बर दैमारि नि न आव थांनानै खौरां लाहैयो, बिथाङा 1 लाख रां जों लोगोसे ईन्दि चादर आरो दखना होयो बिथांनो। कुन्जलटा बर आ उदालगुरि जिला नि सिङाव थानाय भकतपारा ओनसोल नि थागिबि। बिथाङा गोबां ईन्टारनेशनेल गेलेनाय बादायलायनायाव बाहागो लानानै गोबां मेडेल फोर मोननो हादों।
बागसा जिल्ला तामुलपुर महकुमानि सिङाव थानाय तामुलपुर हालामनि 1नं पुब हाउलि गामिनि जगेन बर’नि अनसुला फिसाज्ला प्रदिप बर’आ 15 बोसोर सम बर’ हारिनि थाखाय गावखौनो बावसोमबोनानै थांनाय समबाराव रुंसारि जाबाय । हारिनि थामोन्था रैखाथिनि थाखाय एनडिएफबिनि मुङाव हारिनि थाखाय गावखौनो बावसोमदोंमोन प्रदिप दैमारिया । नाथाय सिनाय मोनै गोब्राब बेरामाव गोग्लैनानै अबथिरा जिउ खोमानांबाय । माखासे एंगार हायै जाहोनाव 2013 मायथायाव एनडिएफबिनिफ्राय सारेन्दार खालामदोंमोन प्रदिप बर’आ ।। बिथांनि थैनायखौ लाना ओनसोलनि गोबां सुबुंआनो दुखु मोननाय फोरमायदों आरो ओनसोलनि राइजोफोरा दानि सोरखारखौ बिसोरनि न’खरखौ एसेब्लाबो नायफिननो खौरां बिजोंनि गेजेरजों खावलायदों । गोरोबथा थानाय लेखा बारग’ एनडिएफबि आरो रुंसारि जानांनाय न’खरफोरनो रां अनसुंथाय होनाय दफाया मावफुं जागोनना जाया आरो प्रदिप बर’नि न’खरा मोननांगौ अनसुंथायखौ मोनगोना मोना बेखौ समावसो मोनथिसिगोन ।
आसामनि खुंथाय गोहोयाव थानाय बि जे पि सरकारआ आसामाव ट्राइबेलफोरनि राव हारिमु थामोन्था आरो मोन्थायखौ हुखोमोरनो नाजादों होन्ना अजद दैखांदों बड’लेण्ड जनजाति सुरझा मन्चआ। कक्राझार प्रेस क्लाबआव खुंफुंनाय मोनसे खौरांगिरि मेलनि गेजेरजों बड’लेण्ड जनजाति सुरक्सा मन्चनि आफादगिरि जनकलाल बसुमतारीआ बुङोदि राज्यो सोरखारा आसामाव ट्राइबेलफोरखौ गादबनाय आरो नासयनायनिफ्राय उदां खालामनांगौ होन्ना गोख्रों दाबि खालामदों। खौरांगिरि मेलआव जनकलाल बसुमतारी आरो मावफुं आफादगिरि दावराव देख्रेब नार्जारीआ बुंबावयोदि बिटिसि ओनसोलनि ट्राइबेल बेल्ट आरो ब्लकफोरनिफ्राय गामि दानखनायनि थांखि लानानै आसामनि ट्राइबेल माहारिफोरनि मोन्थायखौ हुखोमोरनो आरो जौगासारनाय हारि नेपाली हारिखौ ट्राइबेल ओनसोलाव थांनानै थानायनि मोन्थाय होनांगौनि केबिनेट थांखि लानायखौ गोख्रों रावजों सोंखारियो।
सलमान खान, अक्षय कुमार, अजय देबगन जों लोगोसे सा 38 फाव खालामग्रराफोरनि बेरेखा गसर। 2019 मायथाइ आव हायदाराबाद निफ्राय मोनसे जाथाय सोराङाव फैदोंमोन जेराव सा 4 सुबुङा सासे देहाफाहामगिरि हिनजावसा खौ जिनाहारि खालामना गोथाङै नो सावना होदोंमोन। बेनि उनाव ससियेल मिदिया याव गोबां भाइरेल जादोंमोन। गोबां सुबुंफोरा नो दुखु मोननाय फोरमायदोंमोन। गोबां फावखुंगुर फावखुंग्रि फोरा बो दुखु मोननाय फोरमायदोंमोन, नाथाय बे दुखु मोननाय फोरमायनाय आव हिनजावसा नि सिनायथि खौ बो फोसावनायनि अजद। बेनि उनाव नो बिथांमोननि बेरेखा अजद। आयेन बादियै जिनाहारि खालामजानायनि मुं एबा सिनायथि होनाय आ मोनसे दाय। बे एजाहार खौ दिल्लि नि सासे उकिल गौरब गुलाटि आ होदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon