रायजो आव आरो मोनसे दुखुनांथाव जाब्रबथाय। एम्बुलेन्स आरो टेम्पार जों सौग्रावलायनाय आव सा 5 सुबुंफोरनि जिउ गोमादों। सा 5 सुबुंफोरनि सा 4 आ बर। बाइहाता याव जादों जाथाय आ, सा 5 नि सा 3 आ आयजो। बाइहाता चारियालि नि बिहदिया याव थांनाय हर आव जादों दुखुनांथाव जाथाय आ, बे जाब्रबथाय आव बिमला बर, बिलेश्वरि बर, बबिता बर, तुफान बर, आरो उत्तम राजबंशि। जाब्रबथाय आव लोगो लोगो जिउ गोमायो बिमला आरो बिलेश्वरि नि। तुफान, बबिता आरो उत्तम खौ जिएमसिएइस आव लाना थांदोंमोनब्लाबो देहाफआहामसालि आव थैबाय होनना बुङो। खौरां मोननाय बादिब्ला प्राइभेत एम्बुलेन्स नि सालायग्रा नि गोरोन्थि मोन। बियो जौ लोंनानै गारि सालायदोंमोन। जिउ गोमानाय सुबुंफोरा कमलपुर नि एमएलए दिगन्त कलिता बिथांखौ लोगो हमनानै गावनि न फारसे थांबाय थादोंमोन।
बि टि आर ओनसोलाव अमानि बाख्रि खालामनो “बड’लेण्ड अमा बिथांखि” मुंनि बिथांखि दिनै बेखेवबाय। कक्राझार सहरनि आव थानाय बडफा कालसारेल कमप्लेक्सआव दिनै “बड’लेण्ड अमा बिथांखिखौ” बेखेवना होयो आसामनि मि जुनार फिसिग्रा आरो आबाद बिफाननि मन्थ्रि अतुल बराया। बिथाङा सा सानजा ओनसोलाव बेदर दिहुनथायखौ जौगाखां खालामनो हायोब्ला थारैनो जोबोद मुलामफा जागोन आरो रांखान्थि बिथिंआव जौगाखांगोन होनना बुङो, बिथाङा गायखेर आरो दावदैनि सोमोन्दै बो बुङो। लोगोसे बिटिसि सोरखारा बड’लेण्ड अमा बिथांखि लानायखौ मोजां जादों होनना बुङो, बे बिथांखिआ जाफुंसार जायोब्ला दुलाराय सा सानजा ओनसोलावनो अमा बेदर आरो अमा फिसिनायनि हारिमुआ जौगासारगोन होन्ना रोखा बुंथियो आरो रायजो सोरखारा मदत खालामगोन होन्ना बुंबावो। बे हाबाफारि आव बिटिआर नि गाहाय प्रमद बर बिथाङा बो बाहागो लादोंमोन- बिथाङा रांखान्थियारी सोमावसारनायनि सम होनना बुङो। रांखान्थि जौगानायनि दिनै बिटिसि सोरखारा अमा फिसिनाय बिथांखिखौ मावफुंनो दावहा नांगोन आरो देरहासातगोनआ रोखा होन्ना बुंथियो लोगोसे बे बिथांखिजों बेखारनि जेंनाया सुस्रां जागोन होन्ना बुंबावयो। बे हाबाफारियावनो मन्थ्रि उर्खाव गोरा ब्रह्म, जायगानि एम एल ए लरेन्स इसलारी, 31 नं चिदली बिधान सभा बियाबनि एम एल ए जयेन्त बसुमतारी, बिटिसिनि मि जुनार फिसिग्रा बिफाननि मावफुं सोद्रोमा राकेस ब्रह्म, निलुत स्वर्गीयारी अरुप कुमार दे , घनसियाम दास आरो बिटिआर ओन्सोलनि गुबुन गुबुन अमा फिसिग्रा आबादारिफोरा बाहागो लायो।
ईन्टारनेशनेल खौरां फोसावनाय फसंथान टाइम आउत आ बुहुमनि मोजांसिन 37 सोहोरनि फारिलाय दिहुनना होदों। बुहुमनि मादावनो बयनिख्रुय मोजांसिन सोहोर जानो हादों सान फ्रान्सिस्क आ। आमेरिका नि बे सोहोर आ आदार, हारिमु, आरो गोजौ थाखो नि जिउ खुंनाय नि थाखाय मुंदांखा। बुहुमनि मोजांसिन नि आव आमस्तारदम आ नैथि, थामथि आव मानसेस्तार, 4 थि आव कपेनहेगन, 5 थि आव निउयर्क। बेनि उनाव फिरिलाय आव दं मन्ट्रियेल, प्राग, टेल अभिभयाफअ, पर्तो, टकिअ, लस एन्जेलस, चिकागो, लन्दन, बार्सिलना, मेलबर्न, चिदनि, सांघाई, माद्रिद नि मुं। नाथाय बेनि फारिलाइ आव भारत नि गंसेबो सोहोर गैया।
Please do not enter any spam link in the comment box. ConversionConversion EmoticonEmoticon