Morning news 10 September

 राज्यसभा नि एमपि नि मासि खौ गारनानै बिधानसभा बिसायखथि गेलेदोंमोन दानि बिधानसभा नि बुंथिगिरि बिस्वजित दैमारि बिथाङा। बिथाङा गारना फैनाय मासि खौ आबुं खालामनो 4 अक्टबर आव बिसायखथि जागोन। बे सानखालि नो बेलासि नि 5 बाजि आव फिथायखौ फोसावना होगोन। हादरनि बिसायखथि आयोग आ बेनि सायाव फोसावलाय दिहुनना होयो। आसामनि बे मासि जों लोगोसे गुबुन गुबुन रायजो आव लांदां जाना थानाय आरो मोन 5 मासि नि थाखाय बो जागोन बिसायखथि आ, गासै मोन 6 नि थाखाय जागोन आसामखौ लाफायोब्ला. आसाम जों लोगोसे जानो गोनां रायजो फोरा सोनाब बंग, तामिलनादु(2), महारास्त्र आरो मध्यप्रदेश। बिसायखथि आयोग आ फोसावनाय आव जानो गोना बिसायखथि नि मासि नि थाखाय बिजाथि आ गावनि मुं खौ होनायनि जोबथा खालार आ 22 सेप्तेम्बर, 23 सेप्तेम्बर आव नायगोन। गावनि मुं खौ लाफिननायनि जोबथा खालार आ 27 सेप्तेम्बर। मखजाथावदि राज्यसभा नि मासि गारनाय बिस्वजित दैमारि बिथांनि मासि नि सम आ 2-26 मायथाइनि 9 एप्रिल आव जोबगोन। आसामनि बारग गिबि मन्थ्रि आरो दानि मिरु नि मन्थ्रि सर्बानन्द सोनोवाल बिथाङा बे मासि नि थाखाय गेलेनायनि सम्भावना दं। मानोना बिथाङा दायो एमएलए सो जाना दं, मिरु नि मन्थ्रि नि थाखाय एम पि सो जानो नांगौ।

   मैया जनता भवन आव आसामनि गिबि मन्थ्रि नि दैदेननाय रायजो सोरखारनि केबिनेत नि गोनांथार जथुमा जानानै थाङो। बे जथुमा जानायनि उनाव खौरांगिरिपोरनि सिगाङाव मन्थ्रि केशब मह्त बिथाङा मा मा थिरांथा लाखो बेनि सोमोन्दै फोसावना होयो। माजुलि आव जानाय नाव नि जाथायनि नायबिजिरनायनि बिबान खौ उफ्रा चिफ सेक्रेतारि मनिन्द्र सिंह बिथांनो होयो। जाथायनि नायबिजिरनायनि रिपर्त खौ दानसे नि गेजेराव होनो नांगोन। माजुलि नि जाथायनि थाखाय फौजादारि गसर होनो बिथोन पुलिस नो। माजुलि नि दालां नि सायाव नायबिजिरनो बिबान होदों मन्थ्रि अजन्ता नेउग नो। दिएनएलए(दिमासा नेशनेल लिबारेशन आरमि) आ 6 दान नि थाखाय सिसफायार फोसावो, बेनि सायावबो सावरायलायो, बे समखिनियाव बिसोरनि बेरेखा जेबो अपारेशन खालामनाय जानाय नङा, नाथाय संगथन आ बे सम खिनियाव धोन दाबि खालामनाय, हाथियार लाना गिदिंनाय बेफोरखौ खालामनो मोना। सोरखारि साख्रि नि सायावबो थिरांथा, सोरखार साख्रि नि थाखाय पुलिस भेरिपिकेशन नि गोनांथि गैया, सासे सुबुङा सेल्फ दिक्लारेशन होनो नांगोन, सोरबा नंखायै होयोब्ला आयेन बादियै साजा होगोन। सोरखार साख्रि आव स्पेसियेलि एबलद नि बाहागो आव थानाय सुबुंफोरनि रिजार्भेशन खौ 3 जौखोन्दो निफ्राय बारायनानै 4 जौखोन्दो खालामो। दानिया जान्थाय सोलोंथायनि दिग्रि, दिप्लमा फोरा रेगुलारनि बादि नो एखे जागोन, गौहाति मुलुगसोलोंसालि, आईदल बायदि नि दिग्रि दिप्लमा फोरा एखे जागोन। सोरखारि बानायनाय खामानि आव थिकादार आ हाग्रा बिफाननो रयेलिटि होनो नांगोन, थिकादार आ बिल मोननाय समाव रयेलिटि नि बाहागो खौ दानना लाखिगोन।

    मैया कैलाश कलनि आव थानाय दिल्लि नि गेस्त हाउस आव बडफा उपेन्द्र नाथ ब्रह्म नि मुसुखा बेखेवनाय जायो। बेयाव बिटिआर नि गाहाय आरो मिरु एबसु नि आफादगिरि बिथांमोनखौ बाहागो लानाय नुनो मोनदों।        आसामनि गिबि मन्थ्रि नि चहि खौ बाहायना लानानै सा 4 हमजाबाय। दिसपुर पुलिस आ दिमौ आव हमदों। सा 4 सुबुङा गिबि मन्थ्रि नि नंखाय चहि बाहायनानै 3 कौटि रां नि जल जिबन मिशन बिथांखि नि कन्ट्रेक खौ लानो नागिरदोंमोन। सा 4 नि मुङा पंकज गगै, दिपज्योति दत्त, येमिनि मोहन आरो बिनित पददार। बे जाथायनि मास्तारमाइन्द ईमरान साह आ खारखुमाना दं होनना खौरां मोनदों।

    बर’ थुनलाइनि फोथाराव खन्थाइ रायथाइ सोरजिना मैखोमै बिहोमा जगायलांनाय थेगर बान्था मोनगिरि आरो साहित्य अकाडेमी बान्था मोनगिरि रुंसारि गेदेमा ब्रजेन्द्र कुमार ब्रह्मनि सोर्जिलु बिजाब आरो बुथुमनाय गां 1801 बिजाबफोरखौ बड’लेण्ड मुलुग सोलोंसालिनि सेन्ट्रेल लाइब्रेरीआव दान होयो रुंसारि गेदेमा ब्रजेन्द्र कुमार ब्रह्मनि अनजालि बिसि कौशल्य ब्रह्मआ । थुनलाइनि फोथाराव जोबनो गैयै बिहोमा होलांनाय गेदेमा लिरगिरि साहित्य अकाडेमी बान्था मोनगिरि रुंसारि ब्रजेन्द्र कुमार ब्रह्मनि सोरजिलांनाय बिजाब आरो गुबुन गुबुन गां 1801 बिजाबफोरखौ इयुन जोलैनि लाइमोन फरायसा फरायसुलिफोरजों लोगोसे फोरोंगिरि, स्कलार फोरा जाहाथे बड’लेण्ड मुलुग सोलोंसालिनि सेन्ट्रेल लाइब्रेरीयाव फरायनो हायो बिनि थाखाय रुंसारि गेदेमा ब्रजेन्द्र कुमार ब्रह्मनि अनजालि बिसि कौशल्य ब्रह्मआ बड’लेण्ड मुलुग सोलोंसालिनि भाइस चेन्सेलर प्रफेसर लाइस्राम लादुसिं आरो बड’लेण्ड मुलुग सोलोंसालिनि सेन्ट्रेल लाइब्रेरीनि गाहाइ खगेन कलिता आरो आजिरा मोन्नाय आसाम सोरखारनि गोजौ थाखोनि अफिसार पिके हाजवारी बिथांमोनि नुजाथिनायाव बिजाब फोरखौ गथायना होयो। गेदेमा थुनलाइगिरि ब्रजेन्द्र कुमार ब्रह्मनि सोर्जिलु बिजाब आरो बुथुमनाय बिजाबफोरा इयुनाव फोरोंगिरि आरो फरायसाफोर आरो स्कलार फोरनो मदत होगोन होन्ना रोखा बुंथियो आरो रुंसारि गेदेमा ब्रजेन्द्र कुमार ब्रह्मनि बिसि लोगोसे नखरनि सुबुंफोरनो रोजा रोजा हामलायथि बाउदों बड’लेण्ड मुलुग सोलोंसालिनि भाइस चेन्सेलर प्रफेसर लाइस्राम लादुसिं बिथांआ बिथांनि होलांनाय बिहोमाफोरा थारैनो जोबोत गोसोखांथाव होन्ना फोरमायो ।

    मैया सानाव नो गुवाहाति आव दकाइति जाथाय। पालसार बाइक आव फैनाय सानै सुबुङा 5 लाख रां लाना थांबाय। काहिलिपारा स्तेत बेंक निफ्राय दै जगान बिफाननि मावथि परेश सरनिया या रां खौ दिहुननानै ईसे गोजानाव लाखिनाय साखा खबब्रै गारि आव जनाय लोगो लोगो नो लाना थाङो रां खौ। लांजानाय सुबुङा बुंदों, बेंक नि खाथि आव पार्किं नि बेबस्था गैयामोन, बेखायनो ईसे गोजानाव दोनदोंमोन, गारि नि खाथि आव मोनफैनाय लोगो लोगो सानै सुबुङा आंनि पकेत निफ्राय रां गोलैदों होनना बुङो, उन्थिं नायनाय लोगो लोगो नो सेनानै लाना थाङो। उल्था फारसे फैनाय सासे हिनजावसा या बाइक नि नम्बर खौ नुनानै लाखिदों होनना बुङो।

     आसामनि खुंथाय गोहोयाव थानाय बि जे पि सोरखारा सरासनस्रा रायजो राजाफोरनि जेंनाखौ बोस्रांना होनो हायाखै संग्रा गेसनि अख्रां गोमसार लायनाय पेट्रल आरो दिजेलनि बेसेन बांनायखौ सोरखारा होबथानो हायैखौ गोख्रों रावजों सोंखारियो 5 नं कक्राझार लक सभा बियाबनि एम पि नब कुमार शरनीयाआ ।कक्राझार प्रेस क्लाबआव खुंफुंनाय मोनसे खौरांगिरि मेलनि गेजेरजों एम पि नब कुमार शरनीयाआ बुंबावयोदि खुंफुंजानो गोनां उफ्रा बिधान सभा बिसाइख’थियाव गन’ सुरक्सा पार्टिआ थोंजोङै बादायलायनो साखा फारा ।कक्राझार लकसभा बियाबनि आइ आफा रायजो राजाफोरा आंनो फिन भत होयोब्ला थामथि खेबनि थाखाय 2024 माइथायाव एम पि महरै देरहासातगोन होन्ना रोखा बुंथियो। खौरांगिरि मेलआव शरनीयाआ बुंबावयोदि बिटिसिआव इउपिपिएल बिजेपि आरो जि एस पि मिट्र’जत सोरखारा खौसेयै सोरखार खुंगासिनो दङब्लाबो आसामाव बिजेपि हान्जाजों गन’ सुरक्सा मन्चआ लोगो नंङा होन्ना फोरमायदों।

   बङायगांव नि गंसे सोरखारि मोननाय मायरं नि दखान आव प्लास्तिक नि मायरं होनायनि अजद। प्रधानमन्त्रि गरिब कल्यान योजना नि सिङाव होनाय बेसेन नाङि रेशन कार्ड नि मायरं आव प्लास्तिक नि मायरं होनायनि अजद सानैसो सुबुं नि। जिला सदर निखाथि नि धलागांव नैथि खोन्दो आव जादों जाथाय आ। सासे सुबुङा बुंनाय बादिब्ला होनाय मायरंफोरा जानो थाखाय बाहायजाथाव नङा आरो बेखौ जानानै गोबांनि देहा गाज्रि जादों। बे जाथायनि सायाव कन्ट्रल नि गेजेरजों जिला नि जगाय बिफान नो अजद होयो। प्रसासन आ मा बेबस्था लायो बेखौ उनाव सो मिथिगोन।

    सोनाब बंग आव नंखाय सा 22 एमाजन कम्पानि नि मावथि हमदों। गावखौनो बिसोर एमाजन नि मावथि होनना बुंना लादोंमोन, नाथाय नङामोन। बिसोर गोबां सुबुंफोरखौ थगायनानै रां लायोमोन। निउ आलिपुर ओनसोलनि नंखाय कल चेन्टार निफ्राय नो बेबायदि थगायनाय खामानि खौ जागायो। कल चेन्टार सालायनो गोनां जानाय जेबो फोरमान बिलाय गैयामोन। भइस अभार ईन्टारनेट प्रतकल जगाजग नि गेजेरजों दायनिगिरिफोरा रायलायोमोन, रो थगायोमोन। गुरै ग्राहक फोरनिफ्राय रां लुथियोमोन बायदि बायदि थगायनानै, जेरै बिसोरनि मोननाय बान्था नि धोन खौ होफिनगोन होनना बुंनाय आरो गोबां। थगायजानाय गोबाङानो अष्ट्रेलिया नि थागिबि। बिसोरखौ अष्ट्रेलिया नि दलार हरनो होयोमोन।

     मानास माहारियारि हाग्रामा साखाथिआव एबा सालबारि उजान बासबारिआव दिनै फुंनि समाव मासे अजगर जिबौ मोन्नाय जायो। उजान बासबारिनि नखरसे न’खरा गावसोरनि आबादखौ रैखाथि होनो थाखाय जे सोंथेनानै दोन्नाय जादोंमोन। बै जेआवनो अजगर जिबौआ नांना थायो। बेनि उनावनो जायगानि मानसिफोरा मानास माहारियारि हाग्रामा बिफाननि सुबुंफोरनो गथायनानै हरो ।अजगरनि लावथाया खमैबो 7 फुद गोलाव जागौमोन आरो बे अजगर जिबौखौ मानासनि बासबारि हाग्रा ओनसोलाव एंगारनानै होगोन होन्नानै हाग्रा बिफाननि  सुबुंफोरा फोरमायनानै होयो।

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post