रायजो आव गोदान एसअपि फोसावबाय। मा मा गुरै खालामदों नाय। ~ Bodoinfo.com

आसाम आव गोदान एस अ पि

आसामाव गोदान एसअपि फोसावबाय। कभिद नि गोसारनाय थासारि आ मोजां जालांनायनि उनाव गुरै खालामनायनि एसअपि फोसावबाय रायजो नि सावस्रि बिफान आ। दिनै नि 11 बाजि निफ्राय बे गोदान नेम आ जागायबाय। आसामनि सावस्रि बिफाननि मन्थ्रि केशब महन्त बिथाङा फोसावना होयो। दिनैनि फुंनि 11 बाजि निफ्राय गोदान बिथोन होयि सम सिम बे नेम आ थाबाय थागोन।

मा मा गुरै खालामना होदों नाय—

👉रायजो आव कारफिउ आ दानिया हरनि 9 बजि निफ्राय जागोन। हरनि 8 बाजि सिम दखान फोरखौ खुलिनो हागोन। कारफिउ आ फुंनि 5 बाजि सिम थागोन।

👉बाइक आव सानै थांनो हासिगोन दानिया, हिनजावसाब्लाबो हौवासाब्लाबो। आगोलाव उन्थिं हौवासा थांफानो हायामोन, दानिया हासिगोन।

👉मोनसे जिला निफ्राय गुबुन मोनसे जिला सिम थांलाय फैलाय खालामनाय बन्ध खौ बोखारबाय। दानिया थांलाय फैलाय खालामनो हसिगोन। बास फोरकौ खुलिना होजोबबाय। 100 जौखोन्दो दवबायारि लानानै थांनो हासिगोन। नाथाय बास आव रावखोबो गसंहोनानै लाना थांनो मोननाय नङा। सोरबाफोर बे नेम खौ मानियाब्ला बास नि आर सि, सलायग्रा नि लाइसेन्स फोरा दानना होजानो हागौ होनना बुङो। बास सालायग्रा आरो हेन्दिमेन गासैबो मास्क लानो नांगोन।

👉सम्बार निफ्राय खुलिगोन सोलोंथाय फसंथान। 6 सेप्तेम्बर निफ्राय जोबथा बोसोरनि थाखो नि फोरोंथाय आ जागोन होनना बुङो। नाथाय गाबोन एबा 2 सेप्तेम्बर निफ्राय नो फोरोंगिरिफोरा थांनो नांगोन सोलोंथाय फसंथानफोराव। मोनसे थाखो आव सा 30 फरायसाफोर ल थानायनि गनायथि। सोलोंथाय फसंथाननि गाहाय आ बेयाव थानाय गासैबो सुबुं आरो फरायसाफोरनि फारिलाय दिहुननो नांगोन। फरायसालि कलेज फोराव फरायसा या खमावनो मोनसे भेकसिन दज लानो नांथारगोन, सोरबा हस्तेल आव थानो गोसोब्ला मोननै भेकसिन नि दज लानो नांथारगोन। ग्रेजुयेत, पस्त ग्रेजुयेत, हायार सेकन्दारि नि गासैनिबो जोबथा बोसोरनि थाखो आ जागोन।

👉सिनेमा थियेटर हल फोरा बन्ध।

👉मेल मिथिं फोराव सा 50 सुबुंफोरा ज जानो हागोन, जिल बेंगिरि नि गनायथि जों सा 200 ज जानो हागोन, खमावनो मोनसे दज भेकसिन लानो नांगोन। सप्तायारि बजारफोरा 6 घन्टा नि थाखाय जनो हागोन। मोननै दज भेकसिन लानायफोरखौ बिरखं गथोनाव टेष्ट खालामनाय नङा। बिरखं गाथोन आव 250 रां आव आरटिपिसिआर टेष्ट खालामनो हागोन।