सोरखारि बिथोन मानिनानै रायजो आव थाखो 12 आरो आन्दार ग्रेजुयेत आरो पस्त ग्रेजुयेत नि जोबथा बोसोरनि थाखो आ गोदान एसअपि जों 6 दान सो उनाव अफलाइन खुलिफिनबाय। मोननै चर्त दं बेयाव, मोनसे आ फरायसाफोरा गोसोब्ला सो फैनो थांनो हागोन, आरो मोनसे आ जायखिजाया जिला याव गोसारनायनि जौखोन्दो आ 2 नि बारा जायोब्ला बन्ध खालामनो नांगोन। सावस्रि बिफाननि मन्थ्रि केशब महन्तआ थांनाय 1 सेप्तेम्बरावनो फोरमायना होनाय एसअपि बायदियैनो मैयानिफ्रायनो जागायो । नाथाय 2 सेप्तेम्बरनिफ्रायनो फोरोंगिरिफोरा करना जिउसानि गिबि भेकसिनखौ लानानै फरायसालिसिम फैनायनि गनायथिखौ मोनदोंमोनब्लाबो मोनसे थाखोआव 30 सा फरायसा-फरायसुलिफोराल बाहागो लानो हागोन होनदोंमोन। लोगोसेनो फरायसालिनि दैदेनगिरि, नख’रनि बिगोमा आरो फरायसा-फरायसुलिफोरनि नुजानायनि रेबगनखौ दिनथिनांगोन होननानै सावस्रि बिफाननि मनथ्रिया फोरमायदोंमोन। फरायसाफोरा फरायसालियाव फैनोब्ला गिबि भेकसिनखौ लाथारनांगोन लोगोसेनो जायफोर फरायसाफोरा हस्तेलाव थागोन बिथांमोना मोननैबो भेकसिनखौनो लाथारनांगोन आरो हस्तेलनि बिगोमा, सामलायगिरि, संग्राफोराबो मोननैबो भेकसिनखौ लाथारनांगोन। जायनि गेजेरजों गासैखौबो मानिनानै फरायसालि-फरायसालिमाखौ दिनैनिफ्राय जागायनाय जायो।
बे हाबाफारिनि गेजेरजोंनो गसाइगाव जिला बर’ थुनलाइ आफादनि आफादगिरि बिथांया बिटिआर खुंथाइखौ खावलायदोंदि जाहाते बेफोर थुंग्रिखौ बर’ थुनलाइ आफादा गथायोबा नाजावना लायो आरो आरकिअलजि मिरुनि गेजेरजों नायबिजिरनानै थारैनो जारिमिनजों सोमोनदो दंमारोबोला मिउजियामाव रैखाथियै दोननायनि सुबिदाखौ लायो बेजों लोगोसे जाय बिथांमोना बेफोर थुंग्रिखौ मोननानै बेसेबांबा बोसोर जोथोनै दोनबाय बिथां मोननो जाहाते बिटिआर सोरखारा अनसुंथाइ होयो होनना खावलायहरदों आथिखालनि बिटिआर खुंथायखौ ।
बिटिआर आ बिटिसिनिख्रुइ आगानसे गोजौआव, बिटिसि आव थाखानाय गोहो जों लोगोसे बिटिआर आव आरबाव गोहो मोननाय जादों, जाय बिटिआर ओनसोलनि जेंनाफोरखौ पोजोबस्रांनायाव मदद खालामगोन। गोबाङआनो बिटिआरा सिक्स सिदुइल थासारियाव गैला होननाय सशेल मिदियाव दावराव जानाय बानबुंथायनि सायाव बुंफोरथि होदों बिटिआरनि गाहाइ मावफुंगिरि सोद्रोमा प्रमद बर’आ। हाग्रामा या बिथांखौ रां जाख्लदों होनना बुंनायनि फिननायाव बेबायव रां जाख्लदों बेनि फोरमान होनो खावलायो। प्रमद बर बिथाङा हाग्रामा खौ सो 2900 कौटि रां दाहार जाना थानाय, जाख्लनानै बिटिसि खौ धंस खालामनायनि फोरमान दं होनना बुङो। बिटिआरनि गाहाइ मावफुंगिरि सोद्रोमा प्रमद बर’आ मैया तामुलपुर आव मोननै खाम्फा बेखेवो। मोनसे आ बिधान सभा बियाबनि रुंसारि लेह’राम बर’नि खाम्फा लुफुंनो थाखाय लाइखुन्थिया गायसन्दों। बिनि उनावनो आसामनि मुंदांखा “तेलसुरा” फेस्ला अखमिया तेलि सुंद’ सावथुन फावखुंगुर आरो दिथागिरि जितु राजबंसिनि मुसुखा बेखेवो। बिनि उनाव आरोबाव तामुलपुर जिल्ला इउपिपिएल लाइमोन गांखंनि बानजायनायाव रुंसारि एमएलए लेह’राम बर’नि मुङाव जोलुर बादायलायनाय हाबाफारिखौबो बेखेवना होयो। गाहाइ मावफुं सोद्रोमाया खौरांगिरिनि सिगांआव बिटिआराव गेलेमु बिथिङाव खामानि मावनायनि सोमोन्दै बो बुङो, काउन्सिल जोलुर लिग बादायलायनाय खुंनो थांगासिनो आरो जोलुर गेलेनायाव गोसो गुदुं सुबुंफोरनो जोलुर गेलेनाय फोरोंथाय होनाय जागोन होनना फोरमायथिदों। लाइमोनफोरखौ मोजां मोजां खामानि आव आखाय होनो खावलायदों, गासैबो बिथिंआव नो बाहागो लानो खावलायो।
भारत नि जानानै बक्सिं गेलेनाय बर बिमा नि फिसा जमुना बर आ आसाम अबकारि बिफाननि ईन्सपेक्तर महरै साख्रियाव बिबान आजावबाय। बिथाङा मैया जिला बेंगिरि नि खाथि आव थाङो, गसैबो फोरमान बिलायखौ होयो, बिथाङा बे साख्रि खौ मोननानै गोजोननाय मोनदों होनना बुङो। बिथाङा आसामनि गिबि मन्थ्रि, गेलेमु बिफाननि मन्थ्रि आरो जायगा नि एमएलए बिथांनिसिम गोजोननाय मोननाय फोरमायो। बिथाङा दायो कामरुप मेत्र नि अबकारि बिफाननि सिंनि मेघा आसाम प्राईभेट लिमिटेद आव खामानि मावगोन।
आयेन बेरेखा जौ फाननायखौ होबथानायनि बिमा खौ नो गाग्लोबदों फिसाज्ला या। बिमा या दायो देहाफाहामसालि आव। नलबारि जिला नि बरपुल्ला गामि आव जादों। फिसा आरो बिहामजो आ लोगो जानानै बुरै बिमा खौ बुनाय मोनसे सोमोनांथाव जाथाय जादों। खौरां मोननाय बादिब्ला अमर सइकिया मुंनि सुबुङा गोबाव सम निफ्रायनो गावनि न आव नो जौ फाननानै ओनसोलनि आबहावा खौ गज्रि खालामबोगासिनो दंमोन। बेबायदि खामानि आव गोबांबार बिमा या हेंथा होबोबाय थानायखौ मानियालासै जौ फाननायखौ खालामबोगासिनो मोन। बिमा फुलु सइकिय खौ आगोलनिफ्रयानो मोजां मोनाखैमोन बेबायदि खालामनायनि थाखाय नाथाय मैय गासैबो सिमा खौ बारबाय, फिसा बिहामजो लोगो जानानै गाग्लोबबाय बिमा खौ नो। उनाव रायजोफोर नलबारि नि सहिद मुकुन्द काकति देहाफाहामसालि आव लाना थाङो।
आसामाव मोसौ संरैखा आयेनखौ लाबोनो होनाय जानाय नङा। मौसौ संरैखा आयेनखौ बोखारनो थाखायनो दिनै रोजा- रोजा मोसौ फिसिग्रा सुबुंफोरजों लोगोसे अखिल गगैआ जनायनि अख्रांखौ गोमसार होदों । मोसौ फिसिग्राफोरा गोख्रों रावजों फोरमायोदि जायखि जाया थासारियावनो मोसौ संरैखा आयेनखौ गनायनानै लानाय जानाय नङा । बामोनफोरनि थाखाय मोसौआ गसाइ जानो हागौ, नाथाय जोंनि थाखाय मोसौआ रांसो होननानै मिथिगौ । लोगोसेनो धेमाजि जिल्लायाव रोजा-रोजा मोसौ फिसिग्राफोरानो मोसौनि रांजोंसो नखर संसारखौ सोलियो। जायनि थाखाय मोसौ संरैखा आयेनखौ गनायनानै लानांगौब्ला रोजा-रोजा सुबुंफोरानो दुखु-खस्थ’ सहायनांगोन । बे आयेननि गेजेरजों मुसलमान आरो खृष्टानफोरखौ खहा खालामनो थांनानै बांसिनै गुबुन हारि-माहारिनिसो खहा खालामदों। मोसौ संरैखा आयेनखौ बोखारनांगौनि दाबिजों हरखाब दिनै कृषक मुक्ति संग्राम समिति आरो रायजर दलनि बेरफ्रुसार हाबाफारि बानजायो । बे बेरफ्रुसार हाबाफारियाव बाहागो लायो शिबसागर बियाबनि रायजर दलनि एमएलए अखिल गगैया। मोसौ संरैखा आयेनखौ बोखारागौमानि गोसैबो हारि-माहारियानो मोसौ फिसिग्राफोरनि गोजोनखौ हामलायनानै जिल्ला मोनफ्रोमावबो सोमावसारनायखौ गोख्रों खालामगोन होननानै बुङो।
राव हारिमु आरो थामोन्थाखौ लानानै कक्राझार सि आइ टिनि ब्रजेन्द्र कुमार ब्रह्म सावराय जथुम नब्लांआव खुंफुंनाय मेलआव 30 नं कक्राझार सान्जा जनजाति बिधान सभा बियाबनि एम एल ए लरेन्स इसलारी आरो कक्राझारनि सानसुमै मेलेमजिबि आरो सोलोंथायगिरि लोगोसे फरायसा फरायसुलिफोरा बाहागो लायो।
थांनाय जुन दानाव कक्राझार पुलिस थानानि सिङाव थानाय अभायाखुति गामियाव खास्रि-बिस्रियै सानै हिन्जावसाखौ जिनाहारी खालामनानै बुथारनाय जाथायनि गुबै दायनिगिरि फोरखौ पुलिसआ गोख्रों संदान्ना हमनो हानायनि उनाव दिनै जाथायनि साथाम गुबै दायनिगिरि फारियै फरिजुल रहमान, नासिबुल आलि सेक आरो मजामिल सेकनि हेंथायै जोबथा चार्ट सिथखौ कर्ट आव गथायो होन्ना पुलिसआ रोखा बुंथियो। कक्राझार जिल्लानि कतफारायाव थाखाय एस पि मावखुलियाव खुंफुंनाय मोनसे खौरांगिरि मेलनि गेजेरजों आसामनि एडिजिपि आरो बिटिएडिनि स्पीसियेल दिजिपि डः एल आर बिष्णय आरो कक्राझार जिल्लानि एस पि प्राटेक भिजय टुबेआ बुंङोदि सानै ट्राइबेल हिन्जावसाखौ जिनाहारी खालामनानै बुथारनाय जाथायजों लोब्बा थानाय 3 गुबै दायनिगिरिखौ पुलिसआ गोख्रों संदान्ना हमनो मोन्नायनि उनाव दिनै जाथायजों लोब्बा थानाय गोबां फोरमान मोन्नो हादों होनना बुंथियो।मखथावनादि, जाथायनि गुबै दायनिगिरिखौ पास ट्रेक आदालतनि गेजेरजों गोख्रों साजा होनांगौनि थाखाय दिनै पुलिसआ मोन 865 सार्ट सिथखौ कर्ट आव गथायो होन्ना रोखा बुंथियो।
ट्रिपुरा नि गिबि मन्थ्रि बिप्लब देब आ गिबि मन्थ्रि नि हेल्पलाइन नम्बर 1905 बेखेवदों। बेनि गेजेरजों सोरखार आरो सुबुंफोरनि जानथाइखौ खम खलामनो नाजादों होनना बुङो। कल चेन्टार सार्भिस आ साधारन सुबुंफोरनिफ्राय फैनाय अजद खौ नोजोर होगोन आरो एक्सन लागोन। बेनि गाहाय मावखुलिखौ आगरतला नि आईटि भवन आव खालामनाय जायो। गिबि मन्थ्रि आ बेखेवनानै सानै सुबुंजों रायलायो आरो बिथाङा बिसोरखौ मा राजखान्थि हानजा जों सोमोन्दो दं बेखौ मिथिया होनन बुङो, बेबायदि गावनि राजखान्थि हानजा नि खौ ल मदद खालामनाय नेम खौ फोजोबनो लुबैदों. राजखान्थि आ बिसायखथि नि समाव ल जानो नांगौ, गुबुन समाव जोंनि खामानि मावनायखौ सुबुंफोरा मिथिनो नांगौ।
गिबिआव फेसबुक आव सिनायलायो, लोगो जायो, बेनि उनाव दकाइत नि दोलो दाबाय, दायो गोजा न एबा जेल आव थांबाय। फेसबुक आव लोगो जानाय, मोजां मोनलायनायनि खौरां सो बारा खोनानो मोनोमोन, नाथाय बे बार आव मोनसे सोमोनांथाव जाथाय आ सोराङाव फैदों। उत्तर प्रदेश आव जादों जाथाय आ। पुलिसफोरा बुंनाय बादिब्ला फेसबुक आव लोगो जानानै मोनसे दोलो दानानै न, दखान बायदिफोराव दकाइत नि जाथाय खालामबोगासिनो दं। पुलिसफोरा दायो रोहित, बिकास, बिरात, सन्दिप आरो गौरब मुंनि सेंग्राफोरखौ हमदों। हमनायनि उनाव नो जाथाय आ सोराङाव फैयो। राजालामा याव दकाइति खालामनाय समाव पुलिसफोरा हमो बिसोरखौ। पुलिसफोरा बिसोरनिफ्राय गोबां मुवा बेसादफोर जब्द खालामो।
भारत नि क्रिकेत दोलो नि गिदिर देरहानाय। ईंग्लेन्द खौ 4 थि टेष्ट आव भारत आ 157 रान जों फेजेनो। ईंग्लेन्द नि क्रिकेत दोलो आ गावनि नैथि ईनिंस आव 210 रान आव अल आउत जायो। बेनि सिगां भारत गिबि आरो नैथि ईनिंस आव फारियै 191 आरो 466 रान बुदोंमोन। ईंग्लेन्द आ गिबि ईनिंस आव 290 रान बुदोंमोन। मोन 5 टेष्ट सिरिज आव भारत 2-1 जों आवगायना दं। 5 थि टेष्ट आ 10 सेप्तेम्बर आव जागोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon