5 Sept morning news

6 सेप्तेम्बर निफ्राय रायजो सोरखार आ फरायसालि कलेजफोरखौ खुलिनायनि थिरांथा लादों। कभिद नि थाखाय गोबाव सम बन्ध जाना दंमोन। सोलोंथाइ फसंथानफोरनि माखासे थाखोफोरनि गेजेराव थाखो जिनै, ग्रेजुयेत आरो पस्त ग्रेजुयेत नि जोबथा बोसोरनि थाखो खौ खुलिनायनि थिरांथा। मैया सोलोंथाइ फसंथानफोरनिसिम फरा सोलोंनो गोसो जानाय फरायसा-फरायसुलिफोरा अनलाइननि राहाजों सोलोंथाइ लानो हागोनखौ बुंदों एसअ’पियाव। एसअपि आव -- फरायसा-फरायसुलिफोरनि थाखाय सोलोंथाइ फसंथानफोराव नुजाथिनाया गोनांथार नङा। कर’नानि पजिटिभनि हारा 2 जौखोन्दोनि गाहायाव थानाय जिल्लाफोराव सोलोंथाइ फसंथानफोरखौ खुलिनो गनायथि होदोंब्लाबो माबेबा जिल्लायाव कर’नानि पजिटिभनि हारा 2 जौखोन्दोनि बांसिन जानाय लोगो-लोगोनो गावबा-गावनि जिल्ला बेंगिरिआ सावस्रि मावख’गिरिजों सावरायनानै सोलोंथाइ फसंथानखौ बन्द लानो थिरांथा लागोन। गुबन फारसे से थाखोनिफ्राय जिसे थाखो सिम बन्ध, लोगोसे जोबथा बोसोर थामहिनबा सेमिष्टारनि अनगायै फरायसालिमा आरो मुलुग सोलोंसालिनि गुबुन थाखो थामहिनबा सेमिष्टारनि सोलोंथाइ फसंथानफोराव फरा फोरोंनाया सिगांनि बादि बन्द थागोन, नाथाय अनलाइन लानो हागोन। ग्रेजुयेत आरो पस्त ग्रेजुयेत नि जोबथा बोसोरनि फरायसा आरो थाखो जिनैनि जोबथा बोसोरनि सोलोंसाफोरनि थाखायसो सोलोंथाइ फसंथानफोरनि हष्टेलखौसो खुलिनो गनायथि होदों। बिफोर हष्टेलाव थाग्राफोरा भेकसिन लानाय जानांगोन, भेकसिन नि मोननैबो दज लानाय आ गोनांथार। मोनसेल’ डज भेकसिन लानाय फरायसा-फरायसुलिफोरा थाखो खथायाव फरा सोलोंनो हागोन। थाखो जिनैनि फरायसा-फरायसुलिफोरा गोबाङानो 18 बोसोर बैसोनि गाहाय आरो भेकसिन लायै जागोन, बिथांमोनखौबो थाखो खथायाव फरा सोलोंनो हागोन होनना बुङो। मोनसे थाखोयाव सा 30 नि बारा सोलोंसा थानो मोननाय नङा। मोनफ्रोमबो रबिबाराव सोलोंथाइ फसंथानफोरखौ सेनिटाइज खालामनो नांगोन। सोलोंथाइ फसंथानफोरनि फोरोंगिरि-मावफारियाफोरा मोननैबो डज भेकसिनखौ लाथार नांगोन। फरायसा-फरायसुलिनि बिमा-बिफा, नायसंगिरिफोरनि जेबो हेंथा गैयाब्लासो फरायसा-फरायसुलिफोरा सोलोंथाइ फसंथानफोराव फैनो हागोन।       गोनांथार, बिटिआर सोरखार नि ईएम रन्जित बसुमतारि बिथाङा थालांनय एनदिएफबि नि मुंख्लं बिथांमोननि फारिलायखौ दिहुनना होदों। गिबि गिबि थाराव बानायनाय गासै 3369 सा मुंख्लं फोरनि फारिलाय थि खालामनायनि उनाव गोबां NDFB नि मुंख्लंफोरनि मुंफोरा थालांबावदोंमोन। थालांबावनाय सा 286 मुंख्लंफोरनि फारिलायखौ सोसननानै मैया "सेथि फोसावनाय" नि गेजेरजों फोसावबाय। आरो "नैथि फोसावनाय" नि गेजेरजों सा 127 सोदेरजाबावनाय मुंख्लंफोरनि फारिलायखौ फोसावनाय जाबाय। बे "सेथि फोसावनाय" आरो "नैथि फोसावनाय" मुंख्लंफोरनि मुङा गिबिथाराव बानायनाय सा 3369 मुंख्लंफोरनि अनगायैबो थालांबावनायखौ सोदेरनायसो। बे फारिलाय आव सोरबा मुंख्लं बिथांमोननि मुं थालांदोंब्ला सानब्रै नि गेजेराव 8486155234 नम्बर नि ह्वत्स एप आव हरनो खावलायदों। बेखायनो एनदिएफबि मुंख्लं नि नखरनि सोद्रोमाफोरखौ मोजाङै नायनो खावलायबाय। फारिलायखौ आंनि अफिसियेल वेबसाइत www.bodoinfo.com बेयाव थांनानै नायनो हागोन।

     मोदि सोरखार आ कभिद नि समाव साधारन सुबुंफोरनो ईसे रेहाय होदों। मिरु नि थिरांथा बादियै 39 गुबुन गुबुन रोखोमनि गोनांथार मुलिपोरनि बेसेनखौ खम खालामना होदों। करना, केन्सार, टिबि बायदि बायदि गिदिर गिथावना बेरामफोरनि मुलि नि बेसेना खम जादों। नाथाय आगोलाव जा 16 टा मुलि फोरा बे फारिलाय आव दंमोन बेफोरखौ फारिलाय निफ्राय बोखारनाय जादों, बेफोरनि बेसेन बारा बो जानो हागौ नङाब्ला एखे थानो बो हागौ। मुलि नि गोनांथि नि थाखायनो बे मुलिफोरकौ बाहेराव लाखिदों।

    तामुलपुराव सार अन्थाय गावनायजों बिदा-फंबाय सानैनि जिउ खहा जानानै थांदों। बागसा जिल्लानि तामुलपुर महकुमानि सिङाव थानाय नाग्रिजुलि ओनसोलनि 2नं खातरबारि गामिनि खनेल बर’ (56) आरो सगदार बर’ (45) मुंनि सानै बिदा फंबाया बावैसो सम सिगां अखा हानानि गेजेरजों सार अन्थाय गावनायनि जाउनाव रुंसारि जानांबाय। न’खरनि सुबुंआ मोनथिहोनाय बादिब्ला बिदा फंबाय सानैबो माय हादोंमोन आरो जेब्ला अखा हायो बिसोर सेरनि‌ बैग्रि दंफां गुदियाव जिरायननानै दंमोन। बे समावनो‌ सार अन्थाय गावनायनि जाहोनाव सानैबो जिउ खोमानो गोनां जायो। जाथायनि खौरां मोननाय लोगो लोगो नो गामि नि सुबुंफोरा जाथाय जानाय जायगायाव थाङो. उनाव नाग्रिजुलि पुलिसनो खौरां हरनायाव थांनानै गोतै देहा खौ पस्त मर्तेम नि थाखाय मुशलपुर आव दैथायहरो।

    बागसानि मुसलपुराव बिटिसिनि गाहाइ मावफुंगिरि सोद्रोमा प्रमद बर’ । महाजटनिफ्राय बिपिएफआ ओंखारबोनानै बिजेपियाव हेफाजाब होनाय थांखि होनायनि उनाव गिबि खेबनि थाखाय फिनजाथाय फोरमायदों बिटिसिनि गाहाइ मावफुंगिरि प्रमद बरआ। हाग्रामा महिलारिया बहा थाङो बहा थाङा बे बाथ्राखौ मिथिया होन्नानै बुङो प्रमद बर’आ। हाग्रामा महिलारिया 17 बोसोर खुंथाय गोहो लानाय समाव ट्राइबेल बेल्ट आरो ब्लकनि बायजोनि थागिबिफोरनि बाथ्रा सानासै। बे बाथ्रा खौ आ साननानै बिथांमोननि हा बिनि गावनि मुङाव माबोरै लाबोनो हायो बेनि सोमोन्दै सो सानगासिनो आं। बिपिएफ-बिजेपि लोगो जायोब्ला इउपिपिएलआ मा खालामगोन गुसु मेलेमजों हान्जानि इसिङाव सावरायना थांखि लागोन होन्नानै फोरमायो प्रमद बर’आ । बिपिएफनि हान्जानि इसिङाव मा जादों बेखौ मिथिनो प्रमद बर’आ लुबैया, बिपिएफ आ बहाबा थांब्लाबो ईउपिपिएल नि मुलाम्फा आरो खहा जेबो जाया। लोगोसे प्रमद बर आ बुहुमाव राजखान्थि ल खालामनानै नो मानसि या जाना थायाखै, आसामनि हारि नि थाखाय गासैबो लोगोसे जानो नंगौ होनना बुङो। आसामनि राजखान्थियाव ड० हिमन्त बिस्व शर्माया जारिमिनल’ नङा गांसे सोदोब बिहुंसो होन्नानै फिनजाथाय होदों प्रमद बर’आ। ईयुन नि बाथ्रा साननानै बिथाङा खामानि मावदों, बेखायनो बिथांखौ जों मदद खालामनांगौन होनना बुङो।

बिपिएफ आ बिजेपि जों लोगो जागोन आ रोखा जाबाय। बिथांमोना प्रस्ताब हरदों होनना बुंखाबाय, लोगोसे बिजेपि नि दैदेनगिरिफोराबो बिपिएफ आ फैयोब्ला जेबो हेंथा गैया होनना बुंखादों, मैया मन्थ्रि पियुस हाजरिका बिथाङा बिपिएफ आ फैयोब्ला मोजां होनना बुङो, नाथाय बिपिएफ आ फैयोब्लानो सोरबा सोलायगोन बेबायदि नङा, प्रमद बर आ बिटिआर नि गाहाय आरो बिथाङानो गाहाय जाना थागोन होनना रोखा बुंथियो।

    कार्बिआंलं अटनमास काउन्सिल नि ओनसोलनि सिङाव थानाय मोन 6 उदखारि संगथन जों मैया बेलासि समाव गोदान दिल्लि आव कार्बि सान्ति सुक्ति खालामनाय जायो। गोदान दिल्लि आव मिरु नकर मन्थ्रि अमित साह, आसामनि गिबि मन्थ्रि हिमन्त आरो कार्बि संगथन नि दैदेनगिरिफोरा सुक्ति खौ खालामो। कार्बि फोरा बो बर फोरनि बादि नो एसटि आव गोग्लैयो। 1980 मायथाइ नि जोबनाय नि उनाव संगथन नि गेजेरजों जानाय बुथारनाय नांलायनाय आरो लांखारनाय गोलाव जारिमिन दं। आसामनि गिबि मन्थ्रि आ कार्बि सुक्ति खौ आसामनि जारिमिनारि सान होनना बुङो। सुक्ति आव सागान होनाय संगथनफोरा कार्बि लंग्रि नर्थ काछार हिल्स लिबारेशन फ्रन्त, पिपल्स देमक्रेटिक काउन्सिल अफ कार्बि लंग्रि, ईउनाइटेद पिपल्स लिबारेशन आर्मि, कार्बि पिपल्स लिबारेशन टायगार(सिसफाराय), कार्बि पिपल्स लिबारेशन टायगार(आर), कार्बि पिपल्स लिबारेशन टायगार(एम), सुक्ति बादियै अटनमास काउन्सिल आव थोंजों फान्दिं, एसटि नि थाखाय रिजारभेशन मासि, काउन्सिल नो आरो गोबां बोलो, 8थि सिदिउल आव कार्बि राव खौ सोनाय, गोबां एमपि एमएलए नि मासि। संगथन आ 1500 कौटि रां नि पेकेज दाबि खालामदों कारबि आंलं नि जौगाखांनायनि थाखाय। 1000 नि बारा सुबुंफोरा हाथियारखौ थांनाय फेब्रुवारि दान आव सोरखार नो गथायबाय।

    आगस्त दान आव बेकार जाबाय 15 लाख सुबुंफोरा। कभिद नि थासारि आ हादराव बेकार नि अनजिमा खौ बारा खालामगासिनो दं। थंनाय 2 बोसोर सो आव गाज्रियै बारायलंगासिनो दं। खम सुबुंफोरा ल गावनि जिउखौ मोजां यै सालायलांनायनि सुबिदा मोनदों। थांनाय आगस्ट दान आव 15 लाख आ खामानि गैयि जाबाय। चेन्टार फर मनितरिं ईन्दियान ईकनमि नि बादिब्ला जुलाई आव साख्रि मावनायनि सुबुं अनजिमा या 399.38 कौटि 93 लाख मोन, नाथाय आगस्त दान आव खम जानानै 39 कौटि 77 लाख जाहैबाय। जुलाई आव बेकार नि जौखोन्दो आ 6.95 मोन, गस् आव बेयो 8.32 सिम बारा जाबाय। हादरनि सोहोर ओनसोलाव बेकार नि जौखोन्दो आ 1.5 आरो गामियारि ओनसोलाव 1.3 जौखोन्दो बारा जाबाय।

   बिटिसि सोरखारा गोनोखो मुगानि जौगालु बिथिंखौ नोजोर बोनानै बिटिसिनि गासै बिफानारिफोरनि अफिसारफोरनो लेपतप रानना होनाय हाबाफारि लादों। बिटिसिनि जौगालु हाबाफारिफोरखौ मावफुंनाय आरो सामफ्रोमबो दाता फोरखौ आपतुडेत खालामनायाव गोर्लै जानायनि थाखाय बिटिसि सोरखारा दिनै गासै बिफानारिफोरनि गोजौ थाखोनि बिबानगिरि डाइरेक्टर सि एसह डि फोरजों लोगोसे बिटिसिनि प्रिन्सिपाल सेकरिटारि सान्तानु पि गतमारेनो गंफा गंफा लेपतप रान्नानै होदों।

बिटिसिनि सेकरिटारियेतनि सावराय जुथुम नब्लांआव खुंफुंनाय मोनसे जुनिया जुथुमनि हाबाफारियाव बिटिसिनि गाहाइ मावफुंगिरि सोद्रोमा प्रमद बर’जों लोगोसे जायगानि एम एल ए लरेन्स इसलारी आरो बिटिसिनि मावफुं सोद्रोमा उइलसन हासदाया रान्नानै होयो लेपतप।

     बेदमिन्तन सिंगलस आव भारत नि जनानै गिबि सना नि मेडेल देरहानो हानानै जारिमिन सोरजियो प्रमोद भगत आ. बिथंनि सना मोननायजों भारत नि गासै सना नि मेडेल मोननाया मोन 4 जाबाय। एखे ईभेन्त आव नो मनोज सरकार आ ब्रन्ज मेडेल मोनो। पाइनेल आव प्रमोद आ ब्रितेइननि दानियान बेथेल खौ 21-14, 21-17 आव फेजेनो। 33 बोसोर बैसो नि प्रमोद आ नो गिबिसिन भारत नि गेलेगिरि जाय सना नि मेडेल मोनदों बे गेलेनाय आव।

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post