सासे बर फोरोंगिरि आ माहारियारि बान्था मोननो हादों। ~ Bodoinfo.com

दिनै फोरोंगिरि सान। दिनै भारत नि नैथि हादोर बेंगिरि आरो गिबिसिन लेङाय हदरबेंगिरि ड: सर्वपल्ली राधाकृष्ण’ नि जोनोम सान, बिथांनि जोनोम सानजों लोबबा लाखिनानै बे सानखौ फालिनाय जायो। गासै मानिनां फोरोंगिरिमोननिसिम आंनि चेनेल निफ्राय गोजोन हामलायनायजों लोगोसे सिबिनय आरो अननाय बावहरबाय। मिरु एबसु, बर थुनलाय आफाद आ हामलायनाय बावहरो।

फोरोंगिरि सानजों लोबबा लाखिनानै हादोर बेंगिरि रामनाथ कविन्द आ हादोरनि सा 44 फोरोंगिरिफोरखौ मान बाउदों। मखनो गोनांदि बर’निफ्राइ नायल’ जाल’ सासेल’ साबसिन फोरोंगिरि बिनान्द स्वर्गीयारीया भारतनि गेजेरावनो बे साबसिन फोरोंगिरि बान्थाखौ मोननो हादों। बिथाङा केबि देउलकुसि हायार सेकन्दारि फरायसालि, देउलकुसि, तमुलपुर, बाक्सा नि फोरोंगिरि

फोरोंगिरि जानो लुबैनायफोरनि थाखाय मोजां खौरां, फैगो 9 सेप्तेम्बर निफ्राय 23 रोजा फोरोंगिरिफोरखौ थिसननायनि फोसावनायखौ दिहुनना होगोन, आसामनि सोलोंथाय बिफाननि मन्थ्रि रनुज पेगु बिथाङा बुंदों। बे बार नि फोरोंगिरि सान आव 36 फोरोंगिरिमोननो रायजोआरि बान्था होनय जायो। दिनैनि सान आव अलिम्पिक आव ब्रन्ज मेडेल मोननाय लभलिना बरगहाई खौ गासै सोलोंथाय अभियान नि ब्रेन्द एम्बेसेदार बानायनाय जायो।

दिनैनि गोथार सानजोंनो लोब्बा लाखिनानै बिटिसिनि बुंथिगिरि कातिराम बर’‌आ गासै फोरोंगिरि बिथांमोननिसिम हामलायथि बाउहरनायजों लोगोसे भारतनि गेजेरावनो साबसिन फोरोंगिरि महरै बान्था मोननो‌हानाय बिनान्द स्वर्गीयारीनिसिम साबायखर बाउहरदों आरो गोग्गानाय फोरमायदों। आरो दुलाराय बर’ माहारिनि गेजेरावनो बिथां बिनान्द स्वर्गीयारी बिथांबादि आरो उजिबावथों होनना फोरमायो।

बिटिआर गोजोन गोरोबथा बादियै सोरखारि नङै फरायसालिफोरखौ सोरखारि खालामनाय खामानिखौ लासै लासै मावफुं लांबाय थागोन होननाबो फोरमायथियो बिटिसिनि बुंथिगिरि कातिराम बर’आ।

टकिय पेराअलिम्पिक आव भारत आ 19 मेडेल जों 24 नम्बर आव थाबाय। 5 थि सना नि मेडेल मोनबाय भारत आ, कृष्णा नागर आ सना नि मेडेल देरहानानै जारिमिन सोरजिनो हायो। दासिम भारत नि मेदेल देरहानाय आ 19 जाहैबाय, मोन 5 सना, 8 रुफा आरो मोन 6 ब्रन्ज। एसएल6 क्लास फाइनेल आव कृष्णा नागर आ हंकं नि सु मन केइ खौ फेजेनो। बेदमिन्तन आव बेयो भारत नि 4 थि मेडेल। कृष्णा नि सिगां प्रमोद भगट आ सना, सुहाज यतिरज आ रुफा आरो मनोज सरकार आ ब्रन्ज मेडेल मोनदों।