रायजो सोरखार आ आसामखौ फिन खनसेबाव 6 दान नि थाखाय ‘disturbed area’ महरै फोसावो। मैया मोनसे फोसावलायनि गेजेरजों बेखौ Armed Forces(Special Power) Act, 1958 खौ 28 आगस्त 2021 निफ्राय जागोन होनना फोसावो। बेनि सिगां आसामनि गबर्नर जगदिस मुखि बिथाङा 2021 नि 27 जानुवारि आव फोसावदोंमोन सान्ति गैयि ओनसोल महरै। दिमा हासाव आ जानाय हिंसायारि जाथायनि थाखाय नो बारायो होनना सानदों, जेराव सा 5 ट्राक द्राइभारखौ बुथारदोंमोन आरो ट्राकफोरखौ सावना होदोंमोन। नाथाय दासिमबो मा जाहोननि थाखाय बेखौ बारायदों फोसावाखै। बारग एमएलए ईमानुवेल मुसाहारि आ सानसे सिगाङाव ईउपिपिएल दोलो नि सोमोन्दै खौरांगिरिफोरनि सिगाङाव गोबां बाथ्रा बुंदोंमोन। बेल नङा ईउपिपिएल दोलो नि गाहाय प्रमद बर बिथांनि सोमोन्दै बो बुंदोंमोन। इमानुएल मोसाहारिया बुंदोंमोनजे तामुलपुर बिधान सभा बियाबाव इउपिपिएल दोलोआ देरहानायनि जेबो राहा गैया आरो प्रमद बर’आ हाग्रामा महिलारिनि रुजुनायाव गोबां सिङाव। इउपिपिएल दोलोआ अरुनादय आसनिनि सायाव खामानि मावनो हायाखै होनना इउपिपिएल दोलोनि सायाव गोख्रों रावजों सोंन खारियो। खौरां बिजोंनि गेजेरजों इउपिपिएल दोलोनि सायाव बारग’ एम एलए इमानुएल मोसाहारिया होनाय अजदनि सायाव दरङाजुलि ब्लक इउपिपिएलनि लेङाइ आफादगिरि जलेन दैमारिआ खेंफोरथि होयो । बारग’ एमएलए इमानुएल मोसाहारिया प्रमद बर’नि सायाव अजद दैखांनाया जेबो ओंथि गैया होननानै बुंथियो । आसाम प्रदेस बिजेपिनि आफादगिरि भबेस कलिताया बिटिसिनि मोननै बियाबाव बिजेपि दोलोनिफ्राय बिजाथि फोसावा होननाय लोगो लोगो तामुलपुर बिधानसभा बियाबनि बारग’ एमएलए इमानुएल मोसाहारिया गोसोआव दुखु मोन्दों आरो बिजेपि दोलोनि सायाव अजद दैखाङालासिनो इउपिपिएल दोलोनि सायावसो बांसिन अजद दैखांनायखौ नुनो मोन्दों। इमानुएल मोसाहारिया गावनि राजखान्थि मुलाम्फानि थाखायसो बाइदिसिना बाथ्रा बुंगासिनो। इउपिपिएल दोलोआ खामानि मावनो हायाखै होनना बुङोब्ला बिजेपि आरो जिएसपि दोलोनियावबो गोलैयो। इमानुएल मोसाहारिया बिदि बुंनायखौ बिजिरना नायोब्ला बिजेपि दोलोआबो खामानि मावनो हायाखै। बिटिसि नि बारग ईएम गनेश कछारि नि फंबाय जयन्त कछारि आरो कुशल कलिटा खौ साननैसो सिगाङाव रानि हाग्रा ओनसोलनिफ्राय किदनेप खालामदोंमोन। उनाव आसाम पुलिस आ बासायनो हादोंमोन। बेनि उनाव दायनिगिरि खौ हमनो पुलिसफोरा नायबिजिरगासिनो दंमोन। खौरां मोननाय बादिब्ला गुबै दायनिगिरिखौ हमबाय। मुङा रामेश्वर राभा, गवालपारा नि क्रिस्नाई ओनसोलनि, गरचुक पुलिस आ हमो, थांनाय 30 जुन आव जादोंमोन जाथाय आ, 3 जुलाई खालि पुलिसफोरा बासायनो हादोंमोन।
आसामनि गिबि मन्थ्रि हिमन्त बिश्व सर्माया आसामनि आबाद बिफाननि मन्थ्रि आरो आबाद बिफाननि अफिसारफोरजों सावरायलायो। थोंजों आबादारि बिफानाव जुनिया थिसनलायजों लान्दां जानाय मासिखौ आबुं खालामनांगौ लोगोसे गोदान मासि दिहुनायनि बागै साननांगौ होन्नानै मावख`नि गेजेरजों फोरमायनाय जायो। 15 साननि गेजेराव मोनसे पारमाननेत एसेत परटतेल बेखेवनो थाखाय पिल अफिसारखौ बिथोन होदों। आबादारि, हरटतिकालसार आरो आदार दिहुनथाय आायदानि जाबायदि गोनांथि बिथांखिफोर दं बेफोरखौ मावफुंनो नायफामनायजों लोगोसे रायजोआव आबादा गुदि दिहुन थायनि अनगायै रांआरि जौगानायनिबो लामा जानांगौ होन्नानैबो बुंङो गिबि मन्थ्रिआ। आबादारि बिफानाव लान्दां मासिखौ आबुं खालामखांनायनि उनावनो थाबैनो बिसोरखौ मावख’आव दैथायनांगौ होन्नानैबो बुङो। लोगोसेनो एकजुगितिभ इनजिनियारनि थाखायबो मासि दिहुन्नांगौ होन्नानै बुंबावो । हादरारि पिएम-किसान, पिएम बिमा अजना, क्रिसि सिनचि अजना बायदि फोरनि सायाव नायबिजिरनायनि गेजेरजों बेफोरखौ रान्नानै होनानै आबादारिफोरा नांगौ बायदि मुलामफा गोनां रां मोनगोन होनना मानसे मिलनि गेजेराव सावरायनाय जायो।
मैया कक्राझार सहरनि साखाथि बालागावआव थाखाय सि आइ टिनि ब्रजेन्द्र कुमार ब्रह्म सावराय जथुम नब्लांआव बिटिसिनि सोलोंथाइ बिफाननि बान्जायनायाव खहा सुफुंथायजों मोन्नाय गुदि फरायसालि आरो गेजेर फरायसालिनि लोगो फोरोंगिरि, एलडिए आरो ब्रैथि थाखो मासिनि सा 100 फोरोंगिरि आरो फोरोंगिरि नङैफोरनो आरो थिसनलाइ रान्नानै होदों। बिटिसिनि सोलोंथाइ बिफाननि डाइरेक्टर जगदिश प्रसाद ब्रह्मनि मासि सामलायनायाव खुंफुंनाय खहा सुफुंथायाव मोन्नाय सा 100 फोरोंगिरि आरो फोरोंगिरि नङै बिजाथिफोरनो थिसनलाइ राननाय हाबाफारिआव गाहाय आलासि महरै बाहागो लायो आसामनि आबाद मन्थ्रि अतुल बराजों लोगोसे मन्थ्रि उर्खाव गोरा ब्रह्म, बिटिसिनि गाहाइ मावफुंगिर सोद्रोमा प्रमद बर’आ। बे हाबाफारियावनो बिटिसिनि मावफुंगिर सोद्रोमा अरुप कुमार दे, एमसिएलए माधब चन्द्र चेत्री, एम एल ए लरेन्स इसलारी, जयेन्त बसुमतारीआ बाहागो लायो।खौरांगिरिनि सिगाङाव बिटिसिनि गाहाइ मावफुंगिर सोद्रोमा प्रमद बर’आ बुङोदि जायफोरा दिनै खहा सुफुंथायाव फोरोंगिरि एबा फोरोंगिरि नङै मासियाव साख्रि मोनबाय बिथांमोनहा नखर दैदेन्नायाव मदत खालामगोन होन्ना रोखा बुंथियो आरो इयुनाव गोजोन फैगोन होन्ना फोरमायो।
अलिम्पिक आव सना नि मेडेल मोननाय निरज चोप्रा नि आरो मोनसे सिमां आ जाफुंबाय। गिबि खेब नि थाखाय निरज आ गावनि बिमा बिफा खौ बिरखं दावबायहोयो। बिमा बिफा खौ बिरखं दावबायहोनानै गोजोननाय मोनदों। बिथाङा त्वितार नि गेजेरजों गावनि गोजोननायखौ फोरमायो, गोहाव सम नि सिमांमोन होनना बुङो। थांनाय दान आव बिथाङा बुंदोंमोन दि 2021 नि थानाय गेलेनाय बादायलायनायाव बिथाङा बाहागो लाया, 2022 नि एशियान गेमस आरो कमनवेल्थ गेमस आव बाहागो लागोन।
कक्राझार जिलानि गसाइगाव महकुमानि सिङाव थानाय 31 नं राजा लामानि पाथगाव तल गेत आव मोनसे स्रोद सुलुंनि गेजेरजों खौरां मोननानै कसुगाव आव थानाय सानफां रेन्जनि रेनजार सुबास चन्द्र मुसाहारीनि मोनसे हान्जाजों लोगोसे बाडलेण्ड एनजिअ’ नि मोनसे दोलोजों खौसेयै नायबिजिरनायनि गेजेरजों थांनाय हरनि 10.30 रिंगायाव गारि गंसे साल दंफांजों लोगोसे सासे सुबुंखौ खानो हादों । बिथां रेनजारा फोरमायनाय बादिब्ला साल दंफांखौ हलतुगाव हाग्रा बिफाननि सिङाव थानाय हाग्रानिफ्राय गंसे एस-01 एल 5718 नम्बर नि गारिजों लांगासिनो दंमोन बे समावनो गारिजों लोगोसे दंफां आरो सासे सुबुंखौ खानो हायो । हमजानाय सुबुंआ साहा गुवाबारि (पातगाव) नि थागिबि दनदा मुसाहारीनि फिसाला सनजय मुसाहारी(27) होनना सिनायथि होदों । हमनो हानाय दंफांआ गासै गं 27 तुक्रामोन आरो दासिमाव हमजानाय सुबुंखौ कक्राझार जोबथेसालियाव दैथाय हरनाय जाबाय होनना मिथिहोदों ।
रायजो आव दानो 24 घन्टा मोब्लिब मोननाय नङा, 24 घन्टा नि सारभिस नि थाखाय 8 निफ्राय 10 बोसोर नांबावगोन। जोरहात आव मन्थ्रि बिमल बरा नि खौरां मेल। मोब्लिब बिफान आ लानाय मोननैसो थिरांथा नि सोमोन्दै बुङो। बिथाङा बुंदों रायजो आव जायफोरा दासिमबो मोब्लिब मोनाखै, थाबैनो रायजो सोरखार आ मोब्लिब होगोन। बिथाङा बुंनाय बादिब्ला दासिमबो 4 लाख 80 रोजा सुबुंफोरा मोनाखै मोब्लिब नि सारभिस, बिथांमोननो होगोन। बिथाङा लोगोसे अन ब्रिद आरो अफ ब्रिद मोननैबो मोनगोन ग्राहक फोरा। लोगोसे सोरखार आ मोब्लिब बानायनि सायाव बेबस्था लादों होनना बुङो। बेबायदि नो रायजो सोरखार नो 8 निफ्राय 10 बोसोर सो नांगोन 24 घन्टा मोब्लिब होनो थाखाय। गोबां खआमानि दंबावो होनना बुङो बिथाङा।
दिनै कभिद प्रतकल नि गेजेरजों एपिएससि प्रिलिम आनजाद आ जागोन। गासै 331 मासि दं। रायजो नि 31 जिला सदर आव जागोन आनजाद आ. बे आनजाद नि थाखाय एदमित कार्ड खौ www.apsc.nic.in आव होबाय। गुबुन गुबुन थाखो नि 331 मासि नि थाखाय जागोन आनजाद आ. गासै 76071 सुबुंफोरा बे आनजादखौ होगोन।
मैया बदलेन्द आव बिटिसि सोरखारा “बड’लेण्ड अमा बिथांखि” मुंनि बिथांखिखौ बेखेवबाय। बेनि गेजेरजों बिटिआर नि 30 रोजा नखर खौ लानाय जागोन। बिथांखि नि गेजेरजों फैगो 5 बोसोराव सानफ्रोमबो 1 लाख कि.ग्रा यै अमा बेदर दिहुनना आरो सानसे आव 1700 अमा फिसा दिहुननायनि थांखि लादों। कक्राझार सहरनि सोनाब फार्से गौरां दैसा बारनानै हरै मारुआव थानाय बडफा कालसारेल कमप्लेक्सआव शनिबाराव “बड’लेण्ड अमा बिथांखिखौ” बेखेवना होयो आसामनि मि जुनार फिसिग्रा आरो आबाद बिफाननि मन्थ्रि अतुल बराया। बे हाबाफारियावनो हेन्डलुम एन्ड टेस्कटाइल बिफाननि मन्थ्रि उर्खाव गोरा ब्रह्म, बिटिसिनि गाहाइ मावफुंगिरि सोद्रोमा प्रमद बर’जों लोगोसे जायगानि एम एल ए लरेन्स इसलारी, 31 नं चिदली बिधान सभा बियाबनि एम एल ए जयेन्त बसुमतारी, बिटिसिनि मि जुनार फिसिग्रा बिफाननि मावफुं सोद्रोमा राकेस ब्रह्म, निलुत स्वर्गीयारी अरुप कुमार दे , घनसियाम दास आरो बिटिआर ओन्सोलनि गुबुन गुबुन अमा फिसिग्रा आबादारिफोरा बाहागो लायो।
शुनिबाराव गुजरात नि गिबि मन्थ्रि विजय रुपणीआ मन्थ्रि बिबाननिफ्राय बिबान एंगारबाय। गिबि मन्थ्रि विजय रुपाणीआ शनिबाराव रायजो बेंगिरि आचार्य देवब्रतानि आखायाव बिबान एंगारो। विजय रुपाणी आ मन्थ्रि बिबान एंगारनायनि उनाव हादोरनि गाहाइ मन्थ्रि नरेन्दर मदीनिसिम साबायखर बाउयो। रुपाणीया बेखौबो बुंथियोदि, दोलोआ जा बिबान होगोन बेखौनो नाजावना लागोन। मखथावनादि, गुजराताव बिसायख’थि जानो थांगासिनो दङो, गेजेराव से बोसोरल’सै। बे समावनो बिजेपि दोलोनि महरा सोलायनो थांगासिनो। गोदान गिबि मन्थ्रिखौ लानानै सिनथा सर्सा जागासिनो। मोन्थिनो मोननाय बादिब्ला, रुपाणी आरो बिजेपि दोलोनि गेजेराव गोबां बानबुंथि होलायनाय सोलिबोदोंमोन। रायजोनि बिजेपि दोलोनि आफादगिरि सिआर पाटेलजोंबो खायसे जाथाय जाबोबाय थाबोदोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon