एनकाउन्टार खौ गिनानै सा 3 बर सुबुंफोरा गावखौनो गथायबाय। साननैसो सिगाङाव चिरां आव दाखाथि नि जाथाय जादोंमोन, बे जाथाय जों सोमोन्दो थानाय सा 3 सुबंफोरा गावखौनो गथायदों, साधारन सुबुंफोरखौ सिगिनानै रां दाबि खालामनानै दायो गावनो गिनांगौ जादों, आयेन बेरेखा खामानि मावनायफोरनि बेरेखा अपारेशन चिरां पुलिस नि, एनकाउन्टार बो खालामनाय आ सिगिदों, जायनि थाखाय मैया चिरां जिला नि भारत भुटान सिमना नि आमगुरि थाना याव पुलिस नो गावखौनो गथायो, थआंनाय 29 मार्च आव नखरनै निफ्राय गोबां लाख रां जों लोगोसे सना लुथिना लाना थांदोंमोन, सा 3 गावखौनो गथायनाय सुबुंफोरनि मुङा देबानन्द नार्जारि(37), मदन दैमारि(29) आरो बिश्व मुशाहारि(22)। खारखुमाना थानाय बे सा 3 खौ पुलिस फोरा नागिरगासिनो मोन, सा 3 खौ बो बारग एनदिएफबि नि सोद्रोमाफोर आरो सोरखारि नि रां नि मदद खौ बो मोनदोंमोन होनना फोरमायदों पुलिस फोरा।
बिपिएफ आ बिजेपि नि खाथि आव थांनायनि
उनाव नो राजखान्थियारि सोलायनाय फैगोन नामा, साननै सिगाङाव बिपिएफ नि एमएलए दुर्गा
दास बर बिथाङा आसाम सोरखार नि मन्थ्रि आफाद आव सोनाय आरो बिटिसि सोरखार नि आव बो
सोनाय आव जेबो असुबिदा जानाय नङा होनना बुंदोंमोन। थांनाय राज्यसभा नि बिसायखथि आव
बिपिएफ नि एमएलए फोरा बिजेपि दोलो नो भट होदोंमोन, बेनिनो बान्था महरै मोनगोन
नामा, बेबायदि बान्था मोनोब्ला ईउपिपिएल नि खहा जागोन आ रोखा, आगोलाव बिपिएफ आ
बिजेपि जों लोगो जाखादोंमोन, सोरखार बो दादोंमोन, बे हिसाबै नायोब्ला बिपिएफ आ
बिजेपि नि गोजाम लोगो। गुबुनफारसे बेबायदि बाथ्रा बुंनायखौ गनायना लायाखै बिटिसि
नि लेङाय गाहाय गोबिन्द बसुमतारि बिथाङा, दुर्गा दास बर नि बुंनाय आ गावनि बुंनाय
सो, गिबि मन्थ्रि आ बेबायदि जेबो बुङाखै जोंखौ, मन्थ्रि ईउ जि ब्रह्म बिथाङा बो
बेखौ नंखाय होनना बुंदों, बेयो बिसोरनि साननाय सो होनना बुंङो, गुबुनफारसे
कक्राझार नि एमपि एबा लोकशभा बिसायखथि नि सायाव गोबिन्द बसुमतारि आ बुंदों बेयाव
ईउपिपिएल नि बिजाथि दाबि दैखांदों होनना बुङो। लासै लासै गासैखौबो मिथिगोन मा
जागोन, दायो ईउपिपिएल बिजेपि नि लोगो आ मोजाङै नो दंबायदि नुयो बाहेराव, नाथाय हाग्रामा
नि एन्ट्रि नि उनाव ईसेब्लाबो सोलायनाय फैगोन बायदि नुनो मोनदों।
थांनाय 2017 मायथाई नि 4 दिसेम्बर आव
गुवाहाति नि भरलुमुख नि गोबिन्द सिंघाल मुंनि सुबुं नि न आव श्वेता आगरवाला मुंनि
सासे फरायसुलि खौ बुथारनाय नि जाथाय नि अजद मोनदोंमोन, बाथरुम आव मोनदोंमोन गोथै
देहा खौ, बै समाव गोथांयै नो सावना होनायनि अजद गोबिन्द नि बेरेखा, बे जाथाय आ 5
बोसोर फ्राम जानायनि उनाव दायो गोनांथार राय होदों गौहाति गोजौ बिजिरसालि आ,
मखजाथावदि 2019 मायथाई आव नो फास्तट्रेक बिजिरसालि आ फासि नि साजा होदोंमोन,
गोबिन्द नि बिमा आऱो बिनानाव खौ बो दायनिगिरि साजायदोंमोन, फास्ट्रेक बिजिरसालि नि
राय खौ बेरेखा खालामनानै मैया गोजौ बिजिरसालि आ जिउ जोबजासिम जेल नि साजा होजानाय बिमा
आऱो बिनानाव खौ उदां खालामना होयो। गोजौ बिजिरसालि आ लोगोसे गुबै दायनिगिरि
गोबिन्द नि राय खौ फिन होफिननो फिसा बिजिरसालि नो बिथोन होदों, बेखौ 6 दान नि
गेजेराव आबुं खालामनो बिथोन होदों।
आसाम सोरखार आ दानफ्रोमबो 20 लाख
सुबुंफोरनो 70 मेगावात मोब्लिब नि बिल खौ फ्रि होगोन। अरुनुदय बिथांखि नि सिङाव,
रायजो नि गोरिब नखर नि सुबुंफोरनि जेंना खौ फोजोबनो प्रस्ताब होदों, गासै 20 लाख
दं, बिसोर 1250 रां यै मोनगोन, जायनि गेजेराव 250 रां होगोन सोरखार आ मोब्लिब बिल
नि मुङाव, अरुनुदय बिथांखि नि गेजेरजों 1 रोजा रां होनाय जायोमोन, बेखौ दायो
बारायनानै 1250 रां खालामनाय जाबाय, गिबि मन्थ्रि आ 15 आगष्ट निफ्राय 15
सेप्तेम्बर सिम अरुनुदय दान फालिगोन होनना बुंदों आरो गोदानै गुबुन 6 लाख खौ सोनाय
जागोन। अरुनुदय बिथांखि खौ 2020 मायथाई आव लाबोदोंमोन, गिबि समाव 830 रां होनाय
जायोमोन।
कोभिशिल्द आरो कोभाक्सिन नि बेसेन खौ
खमायबाय, दानिया खम रां आव नो मोनगोन हादर नि सुबुंफोरा, बुस्तार दज नि बेसेन खौ
600 नि सोलाय 225 रां खालामनाय जाबाय, सिराम ईन्सतितिउत नि गाहाय अदार पुनेवाला या
मैया फोसावनानै होदों, दानिया प्राईभेत देहाफाहामसालि फोराव मोनगोन, 18 बोसोर नि सिंनि
गासैबो सुबुंफोरनो बुस्तार दज होनायनि हाबाफारि नि सानसे सिगाङाव बेखौ फोसावनानै
होदों, गुबुनफारसे भारत बायतेक आ बो कोभाक्सिन नि बेसेन खौ 225 रां खालामगोन होनना
बुङो, मखजाथावदि 10 एप्रिल निफ्राय जागायगोन बुस्तार दज होनाय हाबाफारि खौ, सोरखार
जों सावरायलायनायनि उनाव नो बेसेन खौ खम खालामनायनि थिरांथा।
आसामनि गिबिसिन गिबि मन्थ्रि गोपिनाथ
बरदलै नि फिसौजो असिमा बरदलै आ कंग्रेस दोलो खौ गारबाय, दोलो खौ गारनायनि उनाव नो
खौरांमेल खुङो, बिथाङा बुंदों, गोबां दुखु जों कंग्रेस खौ गारदों, बरदलै बिमुं खौ
कंग्रेस आ बाहायदों, नाथाय थार सनमान खौ होआसै, आं बिसायखथि नि समाव दोलो निफ्राय
जेबो मदद मोनासै होनना बो बुङो। कंग्रेस नि खामानि मावनायफोरखौ गोजोननाय मोनाखै,
दोलो आव खामानि मावनायफोरनि फारसे साना, रां होआब्ला गोसो होआ होनना अजद।
गुबुनफारसे बिजेपि आव हाबगोन नामा होनना सोंनाय आव दायो जेबो सानाखै होनना बुंदों।
कंग्रेस दोलो आ खामानि मावनाय मानसि सिनायनाय आव फेलें जादों, आंनि नखर आरो आबौ नि
बिमुं खौ बाहायबाय नाथाय सुबिदा होआसै। मखजाथावदि थांनाय बिधानसभा बिसायखथि आव बिजेपि
नि सिधार्थ भत्ताचार्य नि आखाय आव जेनदोंमोन असिमा बरदलै आ।
रायजो आव गोबां सोरखारि फरायसालि फोराव
फोरोंगिरि गैया, बेनि गेजेराव नो फोरोंगिरि थानाय फरायसालि फोराव थायोब्लाबो मोजां
सोलोंथाय होनाय आ सोलिया, बेबायदि मोनसे जाथाय आ सोराङाव फैदों। फरायसालि नङा, जेन
बेयो सोरखारि नङि मावखुलि बायदि सो, गोसो जायोब्ला नो फरायसालि खौ खुलियो,
गोसोब्ला नो बन्ध लाखियो, बेबायदि खालामना लाना नो सासे गाहाय फोरोंगिरि आ
सासपेन्द खालामजाबाय। मुकालुमवा बामुन्दितारि ट्राईबेल गुदि फरायसालि नि गाहाय
फोरोंगिरि खौ सासपेन्द खालामनायनि बिथोन। फरायसालि आव फैनो नो नागिरा गाहाय
फोरोंगिरि आ, अजद रायजोफोरनि, गोसो बायदि खालामो, बोसोरारि आनजाद नि फिथाय खौ बो
होयि नि अजद। फोरोंगिरि नि मुं खौ बाबुल चांमा स्वर्गियारि होनना मिथिना मोनदों।
बेल नङा, फरायसाफोरनो होनाय जाग्रा आदारनि सायाव बो बेले बेजे खालामनायनि अजद,
दायो नलबारि जिला गुदि सोलोंथाय अफिसार सिमान्त कुमार देका या सासपेन्द खालामो,
लोगोसे फरायसालि नि लोगो फोरोंगिरि दैआजि देका नि बो दरमाहा खौ दाननाय नि बिथोन
होदों होनना खौरां मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon