दिनै आसाम बन्ध होदों, आसाम जों
लोगोसे मोन 4 रायजो आव बन्ध होदों सानसे नि थाखाय। अरुन कुमार भत्ताचार्य उरफे
कान्सन दा खौ एरेस्त खालामनायनि उनाव नो बेनि बेरेखा खालामनानै नाक्सालबादि एबा
उदखारि फोरा आसाम, सोनाब बंग, बिहार आरो झारखान्द आव 24 घन्टा नि थाखाय होदों।
थांनाय 7 मार्च आव उदखारि दैदेनगिरि अरुन कुमार खौ हमदोंमोन। पुलिसफोरा अरुन खौ
थाना याव गाज्रियै अत्यासार खालामदों होनना बुंदों, देहायारि गाग्लोबनाय जों
लोगोसे मेलेमारि गाग्लोबदों आरो मोजां फाहामथाय नि बो बेबस्था खालामाखै होनना
बुंदों, बिसोर बे उदखारि दैदेनगिरि खौ हगारना होनो बिथोन होदों। बन्ध होदोंब्लाबो
बे बन्ध आ आसाम आव बेसेबां गोहोम गोग्लैयो मिथिगोन।
मैया बिटिसि नि बाजेत शेसन नि गिबि
सान मोन, 2022-23 बोसोर नि थाखाय बिटिसि नि गाहाय प्रमद बर आ बाजेत खौ होयो। गुबुन
गुबुन खौरां बिजोंनिफ्राय मिथिनाय बादिब्ला सोलिनाय रांखान्थियारि बोसोर आव बिटिसि
आ मोननो गोनां 722.84 कौटि रां खौ लानानै गासै 3157.66 कौटि रां नि बाजेत होनाय
जादों, आरो सोलिनाय रांखान्थियारि बोसोर आव बाहायनाय हिसाबै 3271.31 कौटि रां
बाहायनायखौ दिन्थिदों, बे हिसाबै नायोब्ला बाजेत खहा नि बिबां आ 113.65 कौटि रां।
गिबि सान आव नो मैया दुंहाव थासारि सोमजिदोंमोन, सोंनाय फिननाय खौ उनथिं लानायनि
थाखाय। बेरेखा दोलो नि गाहाय देरहासाद बसुमतारि आ फरायसालि कलेज फोरखौ सोरखारि
खालामनायनि बेबस्था लादों ना होनना सोंनाय नि फिननाय महरै बिटिआर सुक्टि नि दफा
बादियै गिबि खोलोब आव 26 सोरखारि नङि कलेजफोरखौ 3 दान नि गेजेराव सोरखारि खालामनाय
जागोन आरो लोगोसे रायजोआरि बाजेत आव 10 टा कलेज खौ सोरखआरि खालामनाय जोगन होनना
फोसावनानै होयो। बेनि अनगायैबो गुदि आरो गोजौ गुदि फरायसालिफोरनि बो खौरां
बुथुमगासिनो होनना फोरमायो। गुबुनफारसे आगोलनि सोरखार आ 2010 निफ्राय 2020 सिम
2350 कौटि फ्रम रां नि खहा खालामना गालांदों होनना फोसावनायखौ नुनो मोनदों,
गुबुनफारसे बेरेखा दोलो नि गाहाय आ 2022-23 रांखान्थियारि बोसोर नि थाखाय एसअपिदि
नि धोन 722.84 कौटि ल जानायखौ मोजां मोनि खौ फोरमायदों, नेम बादियै बोसोरफ्रोमबो
10 जौखोन्दो बारा जानांगौ धोन राशि आ, नाथाय बेबायदि नो थानाय आ साननो गोनां होनना
फोरमायो।
रिल लाईफ हिरो फोरखौ थ जों गोबांखौनो
मिथियो, नाथाय रियेल लाईफ हिरो खौ मिथिया गोबाङानो। राजस्थान नि काराउलि आव
हिंसायारि जाथाय आ जानाय समाव नो गिदिर जाथाय जादोंमोन, हिंसायारि जाथाय आ जानाय
समाव नो उन्दै गथ सासे खौ बासायनो थाखाय नो सासे कन्सतेबल आ अर निफ्राय बासायना
लाना फैयो, 31 बोसोर बैसो नि नेत्रेस शर्मा मुंनि कन्सतेबल आ बुंनाय बादिब्ला
हिन्दुफोरनि गोदान बोसोर फालिनाय समाव खालामनाय बाईक रेलि खौ जागायनाय समाव
हिंसायारि जाथाय आव अर सावना होलायनाय समाव न गंसे आव सानै सा 3 आयजोफोरनि गथ आ
हाबना थानायखौ नुदोंमोन, अर नि थाखाय दरजा या बन्ध जाना होयो, बै समाव नो गथ खौ
बासायनो थाखायनो अर नि गेजेरजों नो खारलाङो आरो बासायो, दायो ससियेल मिदिया याव
सावगारि आ भाईरेल जादों।
श्रिनगर नि माईसुमा नि लाल सक ओनसोल
आव फदखारिफोरनि गाग्लोबनाय आव सासे सिआरपिएफ जवान आ मुंख्लं जादों, उदखारिफोरा
सिआरपिएफ नि केम्प नि खाथि नि सानै सिआरपिएफ नि जवान नि सायाव गाग्लोबदोंमोन, सासे
आ गाज्रियै जोखोम जादों, सासे आ जायगा याव नो थैयो। बेनि सिगां मैया खोला काश्मिर
नि पुलवामा याव जानाय उदखारिफोरनि गाग्लोबनाय जाथाय आव सा 2 श्रमिकनि बो जिउ
गोमादों होनना मिथिना मोनदों, बिसोर बिहार नि मोन श्रमिकफोरा।
खाग्राबारि दख'रा एबसुआ
बोसोरफ्रोमबो 4 एप्रिलखौ
"दुखु सान" महरै फालिबोबाय थाबोदों । देग्लाइबो 31थि "दुखु
सान" खौ दहलाचुबा गुदि फरायसालिनि गेलेग्रा फोथाराव खुंदों । हाबाफारि
बादियै फुंबिलिनि गोथार आर'जखौ जागायनानै आफादनि फिरफिलाखौ ससे बिरहोयो
खाग्राबारि दख'रा एबसुनि
आफादगिरि मुस्रि रमेस चन्द्र बर'आ । मुंख्लंनि मुङाव बिबार बाउजेनो खाग्राबारि
दख'रा एबसुनि
बारग' आफादगिरि
मुस्रि महरसिं दैमारीया आरो गोजोन आरो खौसेथिनि थाखाय फारौ बिरहोयो अदालगुरि
जिल्ला एबसुनि आफादगिरि मुस्रि लहित चन्द्र बर'आ । दुखु सान
फालिनाय हाबाफारिजों लोब्बा लाखिनानै लानाय गेवलां सावराय मेलाव बाहागो लायो मिरु
एबसुनि आफादगिरि मानावगेदेद मुस्रि दिपेन बर'आ । गाहाइ आलासि महरै बाहागो लानानै बिथाङा 1991 मायथाइनि 4 एप्रिलाव एबसु
आरो बि.एफनि सावराय मेलाव हारिनिनो हाथियार लाग्रा हानजानि खास्रि बिस्रियै
गाग्लोबनायाव सा 6 मावथि सुबुंनि
जिउ गारनांनाया जोबोद दुखुनांथावमोन होननानै हारियाव हाथियारनि सोमावसारनाय
जायामोनब्ला बैसोर सुबुंफोरा दिनै जोंजों लोगोसे जयैनो थांनानै थागौमोन होननानै
बिबुंथि लाखियो। हाथियारनि
सोमावसारनाया जायखिजाया हारिखौनो खौसेथिनि सोलायै गावस्रानायसो लाबोसिनो होननानै
बड'फाया बर' हारिखौ
अहिंसानि मोन्थोरखौ सिगाङाव दोननानैसो आलादा राइजोखौ सोरजिनो हारियाव जावरिखांनाय
लाबोदोंमोन होननानै गावनि बेसेनगोनां बिबुंथियाव फोरमायथियो ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon