साबेसे थैबावगोन बर फोरा। आरो सासे थैबाय। सा 6 आ गावखौनो गथायबाय। ~ Bodoinfo.com

बिटिआर आव थांनाय 48 घन्टा याव मोन 3 एनकाउन्टार नि जाथाय। आरो सासे बर सुबुं नि जिउ गोमाबाय। मिथिना मोननाय बादिब्ला 3 थि एनकाउन्टार आव जिउ गोमानाय सुबुं आ दाय गैयि राजा बर मुंनि सुबुं खौ बुथारनाय दायनिगिरि मोन, थैनाय दाकाईत नि मुं खौ मन्जित बसुमतारि होनना सिनायनाय जादों, सम्बारखालि हर आव दाबनै गुबुन गुबुन जायगा याव मोननै एनकाउन्टार नि जाथाय जादोंमोन, जेराव सानै दाकाईत आरो सासे दाय गैयि साधारन सुबुं नि जिउ गोमादोंमोन, चिरां जिला नि एसपि बिथाङा बुंनाय बादिब्ला हर आव आसाम निफ्राय खारखुमानायनि थांखि जों बङायगांव रेलवे स्तेशन फारसे थांबाय थानाय समावनो रेलस्तेशन नि रेलगेट नि खाथि आव नो चिरां पुलिस आ हमो। बेनि उनाव पुलिसफोरा मन्जित खौ बुथारनाय जाथाय आव बाहायनाय पिस्तल खौ दिहुनना होनो होनाय आव हाग्रामा दालां नि सिङाव एरसोना दोनदों होनना बुंदोंमोन, हा सिङाव फबना दोननाय पिस्तल खौ दिन्थिनानै खोमसि नि सुबिदा लानानै खारनो नागिरनाय समाव नो पुलिस फोरा होसो होसो गुलि गावनाय आव गुलि नांनाय आव गोग्लैयो, उनाव काजलगांव नि देहाफाहामसालि आव लाना थांदोंमोनब्लाबो थैबाय होनना फोसावो।

दिनै सा 6 बारग एनएलएफबि नि सोद्रोमा फोरा गावखौनो गथायदों। गावखौ गथायनाय सोद्रोमाफोरनि मुं खौ गेवलां बसुमतारि उरफे बि गनायथि(सनितपुर नि), गिबियान बसुमतारि उरफे बि गोरान(सनितपुर), जिशया बसुमतारि उरफे बि जोंलां(चिरां), बिदाय नार्जारि उरफे एन बोथोर(चिरां) आरो एलशन बसुमतारि उरफे सेरफां(चिरां) थारुन बसुमतारि उरफे बि थैथां(कक्राझार),

बारग एनएलएफबि फोरा दिससार्ज होजानायनि उनाव पुलिस नो आफाद गोदान दानो नागिरदों होनना एरखांना होनायनि थाखाय नो खारखुमाना थानो गोनां जादोंमोन होनना बुंदों, दायो गोजोनखौ लुबैयो, मोजाङै न आव नो थानो लुबैयो होनना बो बुंदों, गुबुनफारसे गावखौनो गथायनाय सुबुंफोरखौ एनएलएफबि नि एम बाथा बिथाङा सिखावसो होनना बुंदों, साननैसो एनएलएफबि आफाद आव दंमोन, थाखा फैसा नि लोब आव बिसोर बाहेरनि आर गावसोर माखासे खारनानै मोजां मोजां सुबुंफोरखौ बुथारबाय, दायो गावसोर बुथारजानो गिनानै सो फैफिनदों होनना बुंदों, बिसोर दाखाथि नि ग्रुप सो मोन होनना बुंनायजों लोगोसे बाघमारा याव लुथिदों, किषानबाजार आव बो लुथिदों, राजा बर खौ बुथारनाय आ बो बिसोरनो मोन होनना बुंदों एमबाथा बिथाङा।

माखासे दुथांफोरनि आखायाव जिउ खोमानांनाय राजा बर'नि सायाव थार बिजिरनाय नागिरनानै, खहा जाजानाय दुखुथिया नखरनो सरकारा अनसुंथाइ होनाय आरो गले गले बेबादि दुखुनांथाव जाथाइया जाबाय थानायखौ सरकारा गोख्रोंङै होबथानांगौनि थाखाय चिरां जिल्ला एबसुआ दिनै 6 एप्रिलाव काजलगावआव 2 घन्टा धर्णा हाबाफारि लानाय जायो।

हाबाफारिनि गेजेरजों एबसुनि आफादगिरि मुस्री दिपेन बर'आ गासैखौबो गोजोन आरो खौसेथिनि थाखाय खामानि मावनो थाखाय खावलायहरो आरो गासैबो समाज जौगानायाव हेंथा होग्रा गाज्रि खामानिफोरनिफ्राय गोजानाव थानो नांगोन होन्नानैबो बुङो। आथिखालाव समाजखौ जौगाहोनो आरो मोजां खालामनोब्ला गनतान्त्रिक राहानि गेजेरजोंसो हायो नाथाय जाहोन गैयालासिनो आबेकनि थाखैनो हाथियार दैनानै जेबो बर' जाथिया लाब जाया बरंस' गोबां खहा जागोन। मख'जाथावदि हाबाफारिनि गेजेरजों सिरां जिल्लानि सिङाव थानाय काजलगावनि मेजिस्ट्रेटनि गेजेरजों आसाम सरकारनि मानगोनां ड० हिमन्त बिस्व सर्मानिसिम थार बिजिरनाय मोननांगौनि थाखाय गोसोखां बिलाइ दैथाय हरनाय जायो।