दिब्रुगर आव सोमोनांथाव जाथाय। सासे 15
बोसोर बैसो नि गथ आ गुलि गावदों, गावनि मोखाङाव गावनो गावना लादों गुलि खौ, पिस्तल
आ बिफा नि मोन, लाईसेन्स थानाय, गाज्रिथार हालोद आव दिब्रुगर नि एएमसि आव लाना
थाङो। दिब्रुगर नि आमलापत्ति नि गार्दकोर्तार आव जादों। मिथिना मोननाय बादिब्ला
बिफा या सासे गिदिर फालांगिरि, गथ आ मा जाहोन नि थाखाय गावनि मोखाङाव नो गावना
लाखो बेखौ मिथिनाय जायाखै, पुलिसफोरा जाथायसालि आव थांनानै नायबिजिरनायखौ
जागायबाय।
बिटिआर नि ईएम रन्जित बसुमतारि आ बर हारि नि फारसे साननायखौ खौरांगिरिफोरनि गेजेरजों बुंदों। चिरां सिनायमोनि हाथियार लानाय सुबुंफोरा थांनाय 29 मार्च आव हर नि 7 बाजि निफ्राय 8 बाजि सिम लाथिख आव गुलि गावनानै गोबां लाख रां लांनाय जाथाय जादोंमोन, जाथायखौ लानानै दुखु मोननाय फोरमायदों। बेबायदि जानो नाङामोन होनना बुंदों। जोंनि गेजेराव अशांति लाबोनो नाजानाय गोबां सुबुंफोर दं नामा, बेयाव माबाफोर राजखान्थियारि खैसार दं नामा एबा माबा मोनसे हारि आ जोंनि बर फोरखौ लानानै गेम गेलेदोंनामा बेफोरनि सोमोन्दै सानगासिनो दं होनना बुंदों। चिरां नि जाथायनि उनाव पुलिसफोरा नायबिजिरनायखौ जागायदोंमोन आरो सासे सुबुंखौ बे दाखाथि नि जाथायनि दाय आव गावथारदों। पुलिसनि गुलि आव थैनाय सुबुं नि मुं खौ गसाईगाव नि सन्जुला उवारि(26) होनना फोसावनानै होदों।
रासिया या ईउक्रेईन खौ दासिमबो फेजेननो हायाखै, बेनि सोलाय ईउक्रेईन आ रासिया खौ सो गाग्लोबनाय जाथाय नि खौरां मोनदों, गिबि खेब ईउक्रेईन आ रासिया खौ गाग्लोबदों। बेलग्राद नि गवर्नर आ बुंनाय बादिब्ला ईउक्रेईन नि गं 2 हेलिकप्तार आ रासिया नि बाहागो खौ गाग्लोबदों। बे जाथाय नि उनाव नो रासिया या ईउक्रेईन जों गोजोन सावरायलायनो हाया होनन रोखा खालामना होदों। ईन्टारफेक्स न्युज एजेन्सि नि बादिब्ला बे जाथायनि उनाव नांलायनाय आ बारा जागोन होनना बुंदों
सा सानजा भारतनि मोननैसो बाहागो आव बोथोर आ गाज्रि जानो हागौ होनना साननाय जादों, बेखौ बोथोर बिगियान आ बुंदों, सुक्रबारखालि बोथोर बिगियान आ बुंनाय बादिब्ला आसाम मेघालय अरुनाशल प्रदेश, नागालेन्द, मनिपुर, सिक्किम आरो सोनाब बंग आव अखा हानायनि आगु रादाब होदों, फैगो 5 सान आव अखा हानो हागौ होनना साननाय जादों
भारत नि गाहाय मन्थ्रि नरेन्द्र मोदि खौ बुथारनो नागिरदोंनामा, ईमेईल नि गेजेरजों बुथारनो नागिरनायनि वारनि मोननाय नि उनाव नो नायबिजिरनायखौ जागायो। दायो एनआईए मुम्बाई ब्रान्स आ नायबिजिरगासिनो दं। मोदि खौ बुथारनो थाखाय 20 टा स्लिपारसेल थियारि जाना दं आरो बिजों लोगोसे 20 केजि आरदिएक्स बो जमा दं होनना बुङो, वारनिं होनाय सुबुं आ गाग्लोबनायनि प्लेन खौ थियारि खालामना दोनखादों आरो गोबां उदखारि फोरजों सोमोन्दो दं होनना बो बुंदों, बुथारखांनायनि उनाव गावबो थैगोन होनना बुंदों जाहाथे बे जाथायनि सोमोन्दै रावबो जेबो बुजिया होनना बो लिरदों।
बिमा या नो फिसाज्ला खौ बुथारबाय। जाथाय आ आसामनि नो, लक्षिमपुर जिला नि बिहपुरिया याव गिथावना बुथारनाय जाथाय जादों, नखराव सोलिबाय थानाय नांलायनाय बुलायनायनि थाखाय नो बुथारनाय जाथाय आ जायो, बिमा सर्मत बानु आ गावनि असे फिसा सहर आलि खौ बुथारदों, बुथारनायखौ रायजोफोरनि सिगाङाव गावनो बुंना लादों। गोबाव सान निफ्राय नो फिलाज्ला या बिमा खौ अत्यासार खालामबोबाय थादोंमोन, सुक्रबारखालि बो नांलायनाय जादोंमोन, फिसाज्ला या बिमा खौ बुनो होसोदोंमोन, गावनि जिउ खौ बासायनो थाखाय फिसाज्ला नि मेगन आव बाला सारना होदोंमोन आरो बेनि उनाव नो फिसाज्ला खौ औवा आरो हाथुरा जों बुयै बुयै बुथारो।
मार्च दान आव जिएसटि कालेक्सन आ गासैबो रेकर्द सिफायनो हादों, मार्च दान आव जिएसटि कालेक्शन आ 1,42,095 कौटि सिम मोनहैदों, जाय दासिमनि बयनिख्रुय बांसिन, 142095 कौटि नि कालेक्शन आव सिजिएसटि नि बाहागो आ 25,830 कौटि, एसजिएसटि नि बाहागो आ 32,378 कौटि आरो आईजिएसटि नि बाहागो आ 74,470 कौटि रां, बेनि सिगां थांनाय जानुवारि आव 140,986 कौटि रां कालेक्सन जादोंमोन
गुवाहाति मिउनिसिपाल कर्परेशन नि बिसायखथि नि खालारखौ सोलायबाय, आगोलनि 19 एप्रिलनि सोलाय दायो 22 एप्रिल आव सो जासिगोन, बे दान व नो जागोन बिसायखथि आ, 24 एप्रिल आव साननाय आ जागोन, मखजाथावदि थांनाय 23 मार्च आव गुवाहाति नि बिसायखथि नि खालारखौ बिसायखथि आयोग आ फोसावनानै होदोंमोन, नाथाय दायो खालारखौ सोलायना होफिनबाय।
बिटिआर आव आरो सासे बर सुबुंखौ गावथारनाय जाथाय। चिरां नि आमगुरि थाना नि सिंनि भारत भुटान सिमना नि मालिभिटा याव सिनायमोनि हाथियार लानाय सुबुंफोरा थांनाय 29 मार्च आव हर नि 7 बाजि निफ्राय 8 बाजि सिम लाथिख आव गुलि गावनानै गोबां लाख रां लांनाय जाथाय जादोंमोन, बेनि उनाव नो पुलिसफोरा नायबिजिरनायखौ जागायो आरो बे थैनाय सुबुंखौ बे दाखाथि नि जाथायडों सोमोन्दो दं होनना बुंदों। पुलिसनि गुलि आव थैनाय सुबुं नि मुं खौ गसाईगाव नि सन्जुला उवारि(26) होनना फोसावनानै होदों। सेरफांगुरि ओनसोल निफ्राय दकाईट नि दोलो नि बे सासे खौ हमो, बिसोर मोनसे दोलो दादोंमोन होनना बो खौरां बिजों नि गेजेरजों मिथिना मोनदों, 15,16 सो सोद्रोमाफोर दं होनना पुलिसफोरनि सिगाङाव बुंना लादों होनना फोरमायो। बिखौ हमनायनि उनाव धोन आरो सना फोरखौ भारत भुटान सिमना नि उल्तापानि आव दोनखोमादोंमोन होनना बुङो, हर आव दोनखोमानाय धोन सना फोरखौ लायनो पुलिसफोरा बिखौ लांफायो। सासे सुबुं नि न नि उनथिं दोननायखौ दिन्थिना होयो आरो बेखौ लाबोनायनि सोलो जों धोन जों लोगोसे थानाय पिस्तल खौ लानानै पुलिस खौ गुलि गावदोंमोन होनना बुंदों, बे गुलि आ सासे पुलिस नि बुलेटप्रुफ जेकेट आव जोखोम खालामो, बेयावनो पुलिसफोरा गुलि गावनांगौ जायो, जोखोम जानाय हालोद आव आरएनबि देहाफाहामसालि आव लाना थांदोंमोनब्लाबो थैबाय होनना फोसावो। पुलिसफोरा 7.65 एमएम पिस्तल, गर4 गुलि, मोन 4 लांदां कार्तिज, नोगोद 1 लाख रो सना फोर मोनदों होनना बुंदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon