मोजां खौरां, बिटिआर नि मोन 4 जिला जों
लोगोसे आसामनि 60 जौखोन्दो जायगा निफ्राय AFSPA खौ
बोखारनाय जाबाय। आसाम आव दासिमबो मोन 9 जिला आरो मोनसे साब दिभिजन आव बे आयेन आ
थागोन। आसामनि गिबि मन्थ्रि आ मैया खौरां मेल नि गेजेरजों बेखौ फोसावनानै होयो।
मिरु सोरखार नि थिरांथा खौ बरायो बिथाङा, 1990 मायथाई निफ्राय नो आसाम जों लोगोसे सा
सानजा भारत आव बे नेम आ सोलिबोगासिनो दं। दायो बे मोन 9 जिला आरो मोनसे साब दिभिजन
नि बादै गुबुन जिला याव रैखाथि बिफान नि हानजा या गोसोब्लानो अपारेशन खालामनो
हानाय नङा आरो लोगोसो गोसोब्लानो एरेस्त बो खालामनो हानाय नङा, बेनि थाखाय वारेन्त
नांग्रोगोन। बे आयेन आ दासिमबो थानाय जिलाफोरनि मुङा दिब्रुगर, तिनसुकिया,
चरायदेउ, सिबसागर, जोरहात, गोलाघात, दिमा हासाव, कार्बिआंलं आरो कासार जिला नि
लक्षिपुर महकुमा याव दं।
रायजो सभा नि बिसायखथि आव मोननैबो मासि खौ नो देरहाबाय बिजेपि आरो लोगो दोलो आ। भट होनाय आ जोबनायनि उनाव ईसे गोबाव सम नि उनाव फिथाय आ ओंखारबाय। कंग्रेस निफ्राय लिरनानै होनाय अजद नि थाखाय 4 घन्टा गोबाव जादोंमोन फिथाय होनाय आ। गिबि मासि खौ बिजेपि नि पबित्र मार्घेरिता आरो नैथि मासि खौ लोगो दोलो ईउपिपिएल नि रोनगोरा नार्जारि आ देरहायो, पबित्र आ 46 ता भट आरो रोनगोरा या 44 टा भट मोनमो हादों। बेरेखा दोलो नि आखाय आव सा 44 एमएलए दंमोनब्लाबो बेरेखा दोलो नि बिजाथि रिपुन बरा या 35 टा ल सो भट मोनो, मोनसे भट आ केनसेल जादों। फिथायखौ फोसावनायनि उनाव नो अखिल गगै आ एआईईउदिएफ नि सा 7 एमएलए फोरा गाद्दारि खालामदों होनना बुंदों, कंग्रेस नि सिददिक आहमेद खौ दोलो निफ्राय सासपेन्द खालामबाय होनना दोलो आ फोसावदों, बिनि सायाव दोलो आ सन्देह खालामदों।
श्रिलंका या दायो गिदिर गिथावना रांखान्थियारि जेंना जों मोगा मोगि जानो गोनां जादों, गासैबो मुवा बेसाद नि बेसेन आ बारा निफ्राय बारा जालांनो हमगासिनो। जेसेबां हायो बाहायनायखौ खम खालामनो नाजागासिनो सोरखार आ। दायो प्रसासन आ राजालामा नि स्त्रित लाईत फोरखौ बन्ध लाखिनायनि बिथोन होदों, श्रिलंका नि मन्थ्रि आ बे बिथोन खौ होदों, थाव फोरनि बेसेन आ बो बारा जालांगासिनो, जायनि थाखाय मोब्लिब बानायनाय आव हेंथा नुजाथिदों, 22 मिलियन सुबुंफोरा 13 घन्टा मोब्लिब गैयालासिनो थानो गोनां जादों। बेल नङा सावस्रि बिफान आव बो थासारि आ गाज्रि थार जादों, गासैबो रोखोमनि आंखाल आ दायो श्रिलंका याव नुजाथिदों भारत सोरखार आ मदद होगोन होनना बुंदों।
भारत आ दायो रासिया जों मोजां सोमोन्दो आव दं, गोबां हादरफोरा नो रासिया नि बेरेखा जादों ईउक्रेईन खौ गाग्लोबनायनि थाखाय। मैया आमेरिका नि रैखाथि बिफान नि एगभाईजार दलिप सिंह आ गोदान दिल्लि आव फैनानै भारत आऱो आमेरिका नि सोमोन्दो खौ लानानै सोंनायनि फिननाय आव मोनसे बाथ्रा बुंदों, बिथाङा बुंदों आमेरिका आरो भारत नि फालांगियारि सोमोन्दो आ भारत आरो रासिया नि फालांगियारि सोमोन्दोनिख्रुय 10 गुन गिदिर होननानै, बेनि गेजेराव नो रैखाथि नि सोमोन्दै सोंनाय आव बुंदों- रासिया आरो चिन नि सोमोन्दो मोजांसिन जालांगासिनो दं, बेबायदि मोजां सोमोन्दो आ भारत नि खहा खालामनो हागौ, चिन आ जुदि एलएसि आव गाग्लोबोब्ला रासिया या भारत मोजां सोमोन्दो दंब्लाबो भारतखौ बासायनो फैया होनना बुंदों।
गोजोनथाव खौरां। बर फिसा हलिचरन
नार्जारि नि उनाव दायो आरो सासे बर फिसा या भारत नि जानानै फुटबल एबा जोलुर
गेलेनायनि खाबु मोननो हादों। कक्राझार नि आपुर्ना नार्जारि आ भारत नि जानानै
गेलेनो थाखाय सायखनाय सा 30 गेलेग्राफोरनि गेजेराव जायगा मोननो हादों। बिथाङा
फर्वार्द महरै गेलेगोन, बे बोसोराव नो जानाय SAFF एबा South Asian Football Federation नि आन्दार 18 नि भारत नि दोलो नि
मोनसे बाहागो मोन जेराव भारत आ देरहानो हादोंमोन, एबा चेम्पियन जानो हादोंमोन, बेल
नङा बेनि सिगां 2021 आव जानाय आन्दार 19 नि गेलेनाय आव बो सायखजादोंमोन। मखजाथावदि
बर फिसा हलिचरन नार्जारि आ बो भारत नि सिनियर दोलो नि जानानै गोबां मेच गेलेबोदों
आगोलनिफ्रायनो। आरो सासे बर फिसा या सिनियर दोलो आव जायगा मोननाय आ बरफोरनि थाखाय
जोबोद मोजां खौरां। भारत नि आयजोफोरनि दोलो आ ईजिप्त नि बेरेखा 5 एप्रिल आव आरो
जर्दान नि बेरेखा 8 एप्रिल आव गेलेगोन। बद ईन्फ चेनेल निफ्राय सायखजानायनि साबायखर
जासिहरबाय आरो ईयुन आव गेलेनो गोनां गासैबो मेच नि थाखाय All The Best.
मोब्लिब नि बेसेन खौ बारायनायनि उनाव दायो तोल टेक्स खौ बो बारायनायनि थिरांथा सोरखारनि। सोरखार आ मोनसे नि उनाव मोनसे बारायगासिनो बेसेनफोरखौ। 1 एप्रिल निफ्राय बेनि टोल टेक्स खौ 15 जौखोन्दो बारायनायनि थिरांथा। सोरखार आ बेखौ बारायनायनि उनाव दायो रायजो नि मोनफ्रोमबो टोल गेट आव गारिफोरा गोबां रां होनो नांगोन। सोनापुर टोल गेट आव आगोलाव 115 रां लानाय आ 130 रां होनो नांसिगोन, ट्राकफोरा 395 रां होनो गोनां जायोमोन, नाथाय 1 एप्रिल नि उनाव 430 रां होनो नांगोन। रायजो आव पेट्रल दिजेल नि बेसेना थ बारा जालांगासिनो, बेनि गेजेरावनो आरो टोल टेक्स खौ बो बारायनाय आ दुखुनांथाव। रायजोफोरा गोबां जेंना जों मोगा मोगि जानो गोनां जागासिनो।
काजिरङा निफ्राय मोनसे मोजां खौरां फैदों। माहारियारि हाग्रामा याव 4 बोसोर आव 200 टा गान्दा बारा जादों। हाग्रामा याव 14 थि गान्दा साननायनि फिथायखौ दायो फोसावनानै होबाय। गासै मा 2613 गान्दा मोनदों। बेनि सिगां 2018 आव 2413 गान्दा मोनदोंमोन। मखजाथावदि 25 निफ्राय 28 मार्च सिम गान्दा साननाय आ सोलिदोंमोन। बे बोसोराव गान्दा साननायखौ मोजाङै खालामनो थाखाय जिपिएस आरो बायनोकुलार बाहायनाय जादोंमोन, लोगोसे गिबिखेब नि थाखाय द्रोन बो बाहायनाय जादोंमोन होनना मिथिना मोनदों। बा साननाय हाबाफारि आव गासै 64 सानग्रा, 12 नायग्रा आरो 49 खौरांगिरिफोरा बाहागो लादोंमोन, बेयाव मा 50 मैदेर आरो माउट जों लोगोसे 252 हाग्रा बिफान नि मावथिफोरा बाहागो लादोंमोन।
जारिमिनारि गोरोबथा जाबाय। 50 बोसोरनि सिमा नि जेंना सुस्रांनायनि गोरोबथा। मिरु सोरखार नि मन्थ्रि अमित शाह नि नुजाथिनाय आव आसामनि गिबि मन्थ्रि हिमन्त आरो मेघालय नि कनरेद चांमा या सागान होयो। आसाम आरो मेघालय नि सिमा नि जेंना सुस्रांनायनि मोनसे गोदान लामा। गिबि मन्थ्रि सानै आ मैया गोदान दिल्लि आव जेंना खौ सुस्रांनो थाखाय जोबथा थिरांथा लायो। नाथाय बेयो 70 जौखोन्दो जेंना खौ सो फोजोबगोन होनना नखर मन्थ्रि अमित शाह आ बुंदों, आरो थाबावनाय जेंनाफोरखौ सावरायलायनानै फोजोबगोन होनना बुंदों। लोगोसे बिथाङा मोनसे गिदिर खामानि जाबाय, मोननैबो रायजो नि गिबि मन्थ्रि आरो बिसोरनि दोलो खौ गाहाय मन्थ्रि नरेन्द्र मोदि नि जानानै साबायखर बावहरदों होनना बो बुंबावो।
रायजो आव सानफ्रोमबो गावखौनो बुथारनाय जाथायजों लोगोसे गुबुन आयेन बेरेखा जाथाय आ बारा जालांनो हमगासिनो। आसामनि गिबि मन्थ्रि आ बुंनाय बादिब्ला 2012 निफ्राय 2022 मायथाई सिम 28056 टा गावखौनो बुथारनाय जाथाय नि गसर थिसननाय जादों, नखर नि जेंना आरो रांखान्थियारि आंखाल बायदि नि जेंना नि थाखाय गोबाङानो गावखौनो बुथारना लादों। लोगोसे थांनाय 10 बोसोर आव 12703 बुथारनाय जाथाय, 111 जिनाहारि आरो बुथारनाय, 18519जिनाहारि आऱो 31360 गाग्लोबनाय जाथाय नि गसर थिसननाय जादों। बिधानसभा या सोंनाय मोनसे सोंथि नि फिननाय आव 2017 मायथाई निफ्राय 2022 सिम रायजो आव 9 गुबुन गुबुन रोखोमनि आयेन बेरेखा खामानि जेरै सिखाव, जिनाहारि, किदनेप, बुथारनाय बायदि गासै 1,19800 गसर थिसननाय जादों होनना बुंदों।
2000 आरो 500 रां नि नंखाय नोट नि उनाव दायो 200 आरो 100 रां नि नंखाय रां जों आबुं जादों भारत नि बाजार आ। भारत नि रांखान्थि खौ गाज्रि हालोद सिम लांनो थाखाय नो गाज्रि सुबुंफोरा भारत नि बाजार आव दिहुनना होदों नंखाय रां। आईजल नि बिएसएफ नि दोलो आ अपारेशन खालामनानै सासे आयजो निफ्राय 11 लाख 35 रोजा 600 रां भारत नि नंखाय रां मोनदों। दायो नोट फोरखौ स्पेशियेल नार्कटिक पलिस स्तेशन नो गथायना होबाय।
1996 मायथाई आव बर आरो मुश्लिम आरो आदिबासि नि गेजेराव जानाय हारियारि दाङाबाजि आव खहा जानाय सुबुंफोरा धर्ना होदों। धर्ना होनाय सुबुंफोरा अजद होनाय बादिब्ला गुन हारि नि सुबुंफोरा 50 रोजा रां खौ मोनबाय, नाथाय बर फोरा मोनाखै होनना बुंदों। बेखायनो आसामनि गिबि मन्थ्रि नि सिम खावलायहरदों 50 रोजा रां खौ होनो थाखाय। चिरां आरो कक्राझार नि 4 रोजा नि बारा नखरा सोरखार निफ्राय मोनासै होनना अजद होदों। गिबि आव कंग्रेस सोरखार दंमोन, नाथाय बै समनि सोरखार आ जेबो खालामना होआसै, बेनि उनाव बिजेपि सोरखार आ फैबाय, नाथाय सर्बानन्द सोनोवाल नि सोरखार आ बो जेबो खालामना होआसै, बेखायनो दानि हिमन्त बिश्व शर्मा नि सोरखार खौ मोननो गोनां रां खौ होनो दाबि दैखांदों।
हेदफोन लागायनानै फुङाव थाबायनाय आ नो गोरोन्थि जाबाय, सासे हिनजावसा नि जिउ गोमाबाय। दिनै नो जादों जाथाय आ, थैनाय हिनजावसा नि मुं खौ मेघना बरा होनना मिथिना मोनदों। हेदफन लानानै सिलघात-नगांव रेल लामा नि खाथि जों थाबाय थादोंमोन, बेनि गेजेराव नो रेल लामा नि सायाव बो थांदोंमोन, बे समाव नो उल्था फारसे निफ्राय फैनाय रेल आ मेघना नि साजों थाङो, खोमा याव हेदफन थानाय आव रेल फैनायखौ मिथियासै होनना सन्देह खआलामनाय जादों। मिथिना मोननाय बादिब्ला मेघना नि न आ कार्बिआंलं नि हाउराघात आव, बिमाय नि न आव थांदोंमोन, उनाव पुलिस फोरा थांनानै गोथै देहा खौ बोखाङो।
सोमोनांथावः 15 बोसोर बन्ध दखान नि सिङाव मानसि नि मेगन, खोमा, खर जों लोगोसे गोबां अंग फोर मोनदों। बेबायदि मोननाय आ सोमोनांहोदों बयखौबो, महारास्त्र नि नाशिक नि जाथाय। गंसे नङा, गंनै दखान आव मोनदों। प्लास्तिक नि गिदिर बागसु नि सिङाव केमिकेल नि मदद आव मानसि नि अंग फोरखौ लाखिनाय जादोंमोन। मोननाय अंग फोरनि गेजेराव 8 टा खोमा मोनदों होनना मिथिना मोनदों। 15 बोसोर दखान मोननै खौ खुलियाखैमोन, 15 बोसोर सिगां मेदिकेल कलेज नि फरायसा नो भारा होदोंमोन दखान खौ। फरायसा फोरा मेगन, गन्थं आरो गोदना नि मेदिकेल नि मोन। 15 बोसोर नि उनाव साननै सिगाङाव मोनामनाय ओंखारदोंमोन दखान सिंनिफ्राय। बेनि उनाव खाथियाव थानाय सुबुंफोरा सिङाव नायहरनाय आव नुयो, उनाव पुलिस नो खौरां हरनाय आव जाथायसालि आव थांनानै नायबिजिरनाय आव बेफोरखौ मोनो। सोर लाखिदों, मानो लाखिदों बेफोरखौ मिथिनाय जायाखै, नायबिजिरनाय आ सोलिगासिनो दं, बे अंग फोरखौ पस्तमर्तेम नि बिफान नो हरनाय जाबाय होनना खौरां मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon