दिनैनिफ्राय बिटिसि नि बाजेत शेशन आ जागोन। दिनै 4 एप्रिल आऱो गाबोन 5 एप्रिल सिम जागोन। बाजेत शेशन आव गिबि खेब सदन नि हाबाफारि नि सम खौ सोलायनाय खौ बिटिसि नि बेरेखा दोलो नि गाहाय देरहासाद बसुमतारि आ गोख्रों राव जों सोंखारिदों। मैया कक्राझार आव खौरांमेल नि गेजेरजों बेखौ बुङो। नेम बादियै बाजेत शेशन आव गिबि आव नो सोंनाय फिननाय आ सो दं, नाथाय बे बोसोर नि आव बे नेम खौ सोलायनानै उन्थिं सो लाखिनायखौ मिरु खालामनानै बेरेखा दोलोनि गाहाय आ सोंलु सोंनायनि सुबिदा खौ खोमाना लानायनि सायाव साननो गोनां जादों होनना बुङो। गुबुनफारसे बिटिसि नि सिंनि गोबां फरायसालि नि गोबां फोरोंगिरि फोरा बाजेत जायि नि थाखाय फेब्रुवारि दान निफ्राय बेथन मोनाखै होनना बुंदों, बे बेथन खौ माब्ला होगोन होनना सोंदों। बिटिसि सोरखार आ थांनाय बोसोर आव 650 कौटि रां मोनदोंमोन, बेखौ नो थांनाय 31 मार्च सिम बाहायजोबनो हायासै, 372 कौटि 12 लाख रां ल खौ सो बाहायनो हादों। मुंख्लं फोरनि सोमोन्दै सोंनाय आव, 2003 मायथाई सिम सा 2624 नि फारिलाय दं आरो बिथांमोननि नखर नो रां होनो थाखाय थांनाय बोसोर आव 10 कौटि रां थि खालामदोंमोन, बेखौबो होनो हायासै। थांनाय 18 मार्च आव बेरेखा दोलो आ आसामनि गिबि मन्थ्रि खौ लोगो हमनानै मुंख्लंफोरनि सोमोन्दै सावरायलायनायनि उनाव सो बे बोसोर आव 500 नखर नो 5 लाख रां होनायनि थांखि लानायखौ नुनो मोनदों होनना बुङो।
एबसुजों लोगोसे CCBTRनि मोन 29 आफाद आरो बिटिआर सरकारनि गेजेराव दिनै बिटिआरनि सिङाव थानाय गोबां इसुफोरखौ लानानै क'क्राझारनि बड'फा कमफ्लेक्स बिटिचिएलएनि कनफारेनस हलआव सानजौफुनि 11 रिंगानिफ्राइ सावरायलायदों । मख'जायोदि, दिनैनि बे सावरायलायनायखौ बिटिआरनि गाहाइ मावफुं सोद्रोमा मानगोनां मुस्रि प्रमद बर'आ गावनो मासि लानानै दैदेनदोंमोन । बे सावरायलायनायाव मिरु एबसुनिफ्राय फारियै लेङाइ आफादगिरि मुस्रि खोरोमदाव औवारी, गाहाइ नेहाथारि खनिन्द्र बसुमतारी, लोगो गाहाइ नेहाथारि दिनेस ब्रह्म, गेलेमु नेहाथारि गनेस बसुमतारी आरो सुबुं फोनांजाब नेहाथारि अबित नार्जारीआ बाहागो लायो ।
बिस्वनाथ आव गाज्रि जाथाय, मुहिम शर्मा मुंनि 60 बोसोर बैसो नि सासे लम्पत आ गावनि न नि खाथि नि सासे 7 बोसोर बैसो नि उन्दै हिन्जावसा गथ खौ थगायनानै गाज्रि खामानि मावनो नाजानाय जाथाय आ जादोंमोन, सुक्रबारखालि नो जाथाय आ जादोंमोन, बेनि उनाव फिन मैया बे गाज्रि सुबुं आ लिंहरदोंमोन, नाथाय उन्दै गथ आ बिनि खाथि आव थाङालासैनो बिमा नो खोन्थाजोबना होयो, बेयावसो जाथाय आ सोराङाव फैयो, बेनि उनाव नो हम गार्द आरो जायगा नि रायजोफोरनि मदद आव हमो, हमनानै मोखाङाव सुनै फोननानै, गोदना याव सेन्देल नि माला गानहोनानै गासैबो टिन दामनानै गामि आव गिदिंहोयो। पुलिसफोरा उनाव दायनिगिरि खौ हमनानै लाङो आरो नायबिजिरनायखौ जागायो।
मैया महारास्त्र नि नाशिक नि खाथि आव मोनसे गिदिर रेल नि जाब्रबथाय जादोंमोन, रिपर्त नि बादिब्ला लोकमान्य तिलक-जयनगर एक्सप्रेस नि मोन 10 टा कोश आ रेल लामा निफ्राय गोग्लैदों एबा लाईनशुत जादों, रेलवे नि बादिब्ला बेयो बेलासि सम नि 3 बाजि आव जादोंमोन, नाथाय बेयाव सानैसो सुबुंफोरा जोखोम जानायनि खौरां मोनदों, नाथाय रावबो थैनायनि खौरां मोनाखै, जाथाय जानाय लोगो लोगो नो जाथायसालि आव एक्सिदेन्त रिलिफ ट्रेईन आरो मेदिकेल भेन आ थांदों, मिथिना मोननाय बादिब्ला बेयाव 1200 सो दावबायारिफोर दंमोन।
आसामनि हा याव मेघालय पुलिस नि दादागिरि। आसाम मेघालय सिमना याव दुंहाव थासारि, बको नि सिमना नि ताराबारि सेक्टर नि मालां सालबारि आव हर आव मारपिट नि जाथाय जादोंमोन। सान नि समाव नांलायनाय ल जादोंमोन, नाथाय हर नि समाव सिखा रुवा लाना फैयो मेघालय नि सुबुंफोरा, आसामनि सुबुंफोरजों लोगोसे पुलिसफोरखौ बो होसोदोंमोन होनना मिथिना मोनदों, गोबां सुबुंफोर जोखोम जादों। मालां सालबारि नि सुबुंफोरा आसाम आव थानायनि सोमोन्दै फोसावनायनि उनाव नो गाज्रि बुंनाय आरो गाग्लोबनायनि अजद होदों गोबाङानो, जाथाय खौ लानानै हर नि 2 बाजि सिम थासारि आ दुंहाव जादोंमोन।
हादोर आव बेकार नि अनजिमा या खम जादों, बेखौ सिएमआईआई आ बुंदों, चेन्टार फर मनितरिं ईन्दियान ईकनमि या दानफ्रोमबो फोसावनाय रिपर्त नि बादिब्ला मार्च दान आव हादर नि बेकार नि जौखोन्दो आ 7.6 जौखोन्दो सिम खम जादों, फेब्रुवारि आव बेनि हार आ 8.10 मोन। सोहोर ओनसोल आव 8.5 जौकोन्दो आरो गामियारि ओनसोल आव 7.1 जौखोन्दो, रायजो महरै नायोब्ला हारियाना याव नो बांसिन दं, 26.7 जौखोन्दो आ नो बेकार, बेनि उनाव राजस्थान आरो जम्मु काश्मिर आव 25 जौखोन्दो यै, बिहार आव 14.4 त्रिपुरा याव 14.1 आरो सोनाब बंग आव 5.6 जौखोन्दो दं।
आसाम आव सासे आयजो उदखारि हमदों, नाहरकटिया याव हमदों सासे माउबादि आयजो केदार, काछार नि बे केदार आ नाहरकटिया याव थाखोमादोंमोन, बियो काछार जिला नि जयपुर थाना नि महाथाल पुन्जि मुंनि गामि नि थागिबि मोन। दायगोनां आयजो केदार नि मुं खौ सरस्वति उरां होनना मिथिना मोनदों।
प्रमद बर नि दैदेननाय बिटिसि सोरखार आ
बिटिआर ओनसोल नि सोलोंथाय खोन्दो आव सोलायनाय लाबोनो नाजागासिनो. बेनिनो बाहागो
महरै गियान सोरां बिथांखि खौ लाबोनानै गोरिब नखरनि फरायसा फोरनो मोजां सोलोंथाय
होनो नाजादों, गासै 40 टा बिटिआर नि बियाबखौ लाफानानै बे बिथांखि खौ लाबोदों, मैया
24 नं मुशलपुर आव बो बेखौ बेखेवो, ईएम राकेश ब्रह्म बिथाङा बेखेवनानै होयो आरो
फरायसाफोरनो 5000 रां नि चेक खौ राननानै होदों। बिथाङा रानना होनायनि उनाव गोजौ
सोलोंथायन नि थाखाय बोसोरफ्रोमबो बिटिआर ओनसोल निफ्राय 50 फरायसाफोरखौ हादोर आरो
गुबुन हादोर आव फोरोंथाय होनायनि नि बिथांखि लादों होनना बुङो, लोगोसे
फोरोंगिरिफोरखौ बो दिल्लि आव लांनाय जागोन गोदान सोलोंथाय होनो हानाय बादियै, दायो
बेनि थाखाय दिल्लि सोरखार जों सावरायलायनायनि सोमोन्दै बुङो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon