शनितपुर जिला याव जानाय जाथाय आ एनएलएफबि जों सोमोन्दो गैया, सानै बर सुबुं गावजानाय आ एनएलएफबि नि सोद्रोमा नङामोन होनना रोखा खालामना होदों, उदालगुरि जिल्लानि सिंङाव थानाय सनाय Designated Camp आव जाथायखौ लानानै NLFB आफादा खौरां गिरि मेल खुंदोंमोन मैया। गुबुनफारसे कक्राझार आव जानाय जाथाय आव थैनाय सुबुं आ एनएलएफबि नो मोन, नाथाय बिखौ एनएलएफबि निफ्राय आगोलावनो बोखारनाय जाबायमोन, मार्च नि 28 खालार आव कक्राझार आव मोनसे सावरायलायनायनि गेजेरजों एनएलएफबि निफ्राय बोखारनाय जाबायमोन। बिसोर समाज बेरेखा खामानि मावबाय थादोंमोन, न आव थांनानै बिसोरखौ समाज बेरेखा खामानि मावनायनिफ्राय गोजानाव थानो खावलायदोंमोन। बिसोरखौ बाहेर खालामनाय जाबायमोन, मानोना नायबिजिरनायनि उनाव नो गासैखौबो मिथिना मोननायनि उनाव खावलायदोंमोनब्लाबो मानियाखैमोन। बोखारनायफोरनि फारिलायखौबो फोसावनानै होदों, एनएलएफबि नि दैदेनगिरिफोरा गासैखौबो समाज बेरेखा खामानि मावनायनिफ्राय गोजानाव थानो खावलायबोदोंमोन होनना बो बुंदों, पुलिस बिफान आ एनएलएफबि नि केम्प आव थांनानै सावरायलायदोंमोन, जेराव पुलिस बिफान आ सान 5 सो सम होदों होनना बुंदों, सान 5 सो नि गेजेराव फैफिनोब्ला बिसोरनि बेरेखा अपारेशन खालामा होनना बुंदों।
गिथावना थासारिः गासैबोथिंनो खोमसि जालांगासिनो, हादरगिरि नि ईमारजेन्सि फोसावदों श्रिलंका याव। उदांश्रि नि उनाव गिबिखेब नि थाखाय गिथावना रांखान्थियारि जेंना जों मोगा मोगि जानो गोनां जादों, सानफ्रोमबो गाज्रिफारसे थांगासिनो। हादरगिरि आहादरनि रैखाथि आरो गोनांथार सारभिस नि रैखाथि नि थाखायनो ईमारजेन्सि फोसावदों होनना बुङो। हादोराव गुबुन गुबुन जायगा याव हिंसायारि गोबां जाथाय जादों, साधारन सुबुंफोरा हिंसायारि धर्ना होदों। हादरगिरि भवन नि मोखाङावबो गोबां धर्ना होदों। भारत आ श्रिलंका खौ बे थासारि नि थाखाय मदद खालामगोन होनना बुंदों, 40 रोजा टन मायरं हरनायनि थिरांथा लादों। दुखुनांथाव थासारि सोमजिदों। मखजाथावदि भारत आव बो सानसे समाव बेबायदि थासारि सोमजिदोंमोन, 1975 मायथाई आव ईमारजेन्सि फोसावदों, बै समाव हादरनि गाहाय मन्थ्रि आ ईन्दिरा गान्धि मोन, 1975 निफ्राय 1977 मायथाई सिम भारत आव ईमारजेन्सि फोसावदोंमोन।
केबिनेट नि जथुम आव गोनांथार थिरांथाफोर लानाय जादों मैया। आसाम नि गिबि मन्थ्रि नि दैदेननाय आव मैया कईनाधरा याव जादोंमोन। केबिनेट नि जथुम आव सावस्रि बिफान नि मन्थ्रि केशव महन्त आ खौरांमेल नि गेजेरजों फोसावनानै होयो। बिथाङा बुंदों- केबिनेट आव 13 टा गोदान मदेल फरायसालि गायसननायनि गनायथि होयो, गासै 65 फोरोंगिरिफोरनो साख्रि होनाय जागोन। 25 मदेल फरायसालि आ आगोलनिफ्राय नो सोलिगासिनो दं, बेनि अनगायैबो साहा बागिसा याव 97 टा हायस्कुल आव एप्रिल निफ्राय फोरोंनाय आ जागायगोन। लोगोसे दानिया हारि नि फोरमान बिलाय लानाय आ गोरलै थार जाबाय। बिमा बिफा नि फोरमान बिलाय थायोब्ला फिसा या लोगो लोगो मोनगोन, जायफोरहा गैया बिसोर 45 सान नि गेजेराव मोनगोन। थाखो 9 आरो 10 नि फरायसा फोरा फरायसालि आव नो मोनगोन। रायजो सोरखार आ फिन लोन लागोन, 170 कौटि 15 लाख रां नबार्द निफ्राय लानायनि थिरांथा लादों। नोगोर आव 1 खावसे हा थायोब्ला बेबायदि सुबुं खौ गोरिब होनना बुंनाय जानाय नङा। सरनिया फोरा दानिय सरनिया कछारि आरो सरनिया सोनोवाल महरै फोरमान बिलाय मोनगोन।
गरेस्वर कलेज आव मोनसे सोमोनांथाव जाथाय जादों, 9 सान नि उनाव सो आनजाद नि फिननाय बहि खौ हैदों सासे फरायसा या। न आव मोजाङै लिरनानै हैनाय जाथाय आ सोराङाव फैदों। गरेस्वर कलेज आव 3थि सेमिस्तार नि दिग्रि नि फाईनेल आनजाद आ सोलिबाय थादोंमोन, मोनसे खथा याव सा 100 फरायसा फोर दंमोन, आरो सा 4 नायग्रा फोर दंमोन, बेनि गेजेराव नो माबोरै सासे फरायसा या गावनि बहि खौ लांनानै मोजां यै लिरनानै होफैफिननो हाखो बेयो सोमोनांथाव, 23 मार्च खालि जादोंमोन आनजाद आ। नाथाय 1 एप्रिल खालि सो हैयो बहि खौ, माबोरै बियो रुम निफ्राय बहि खौ लांनो हाखो बेयो सोमोनांथाव। 1 एप्रिल आव एस अ एक्सतारनेल कुसुम गस्वामि नि आखाय आव हैयो बहि खौ, लोगो लोगो फरायसा खौ सोंनाय आव 23 मार्च नि आनजाद होनना बुङो, लोगो लोगो फरायसा नि आनजाद होनायखौ केनसेल खालामो होनना मिथिना मोनदों। बै सान खालि सा 4 बिगियान बिफान नि प्रफेसार दंमोन, बिसोरखौनो थगायनानै लाना थांनो हादोंमोन बहि खौ।
BTR सरकारा गियाननि सोरां बिथांखिनि गेजेरजों 197 फरायसाफोरनो रां नि मदद होदों। BTR सरकार नि गियान सोरां बिथांखि बादियै गिबि खेब रौता ओनसोलनि गोरिब थाखोनि फरायसा फोरनो बा(5000) रोजा रांङै सा 197 फरायसा फोरनो बि टि आर नि इ एम ड० निलुत सरगिआरि बिथांनि आखायजों सेक रानना होयो। बे रांजों फरायसा फोरा एसेब्लाबो मदद जागोन होनना इएम बिथांआ बुङो आरो फरायसा फोरनि थाखाय बि टि आर सरकारा गोबां मोजां मोजां बिथांखि लादों होनना फोरमायो। बेबायदि नो गुबुन गुबुन जायगाफोराव बो बे बिथांखि नि रां अनसुंथायारि चेक खौ रानना होदों। उदालगुरि जिल्लानि भेरगाव जिल्ला बिजाब बाख्रिआव BTR नि EM दावबायसा बर' बिथाङा फरायसाफोरनो सेक राननानै होदों। 22 नं ककलाबारि बियाबनि फरायसा फरायसुलिफोरनो 5000 रांनि चेक राननानै होदों । MLA लरेन्स इस्लारिआ फरायसाफोरनो सेक रान्नानै होदों ।
बलिउद नि सासे फावखुंगुर आ थगायजादों, सोरबा बिनि पान कार्द खौ बाहायनानै बिनि मुङाव लोन लानाय जाथाय आ सोराङाव फैदों, फावखुंगुर राजकुमार राव आ बेबायदि खालामजादों, निउज एजेन्सि पिटिआई नि रिपर्त नि बादिब्ला 37 बोसोर बैसो नि राजकुमार आ बेबायदि खालामजानायनि उनाव बिनि क्रेदित स्कोर आव गोहोम गोग्लैदों आरो बेनि सायाव बिथांमोनखौ नायबिजिरनो खावलायदों। सोरबा सिनायमोनि सुबुं आ फावखुंगुर नि मुङाव 2500 रां नि फिसा लोन लादोंमोन।
121 बोसोर नि गरम नि रेकर्द खौ सिफायबाय 2022 नि मार्च दान आ, बोथोर बिगियान नि रिपर्त आव बे बाथ्रा खौ मिथिना मोनदों। खौरां मोननाय बादिब्ला गर यै 1.85 दिग्रि सेलसियास बारा मोन 2022 नि बांसिन दुंथाय आ, खमसिन दुंथाय आ साधारन निख्रुय 1.37 दिग्रि सेलसियास बारा मोन। बेनि सिगां जानुवारि आव बोथोर बिफान नि मोनसे रिपर्त आव बुंनाय जादोंमोन दि 1901 मायथाई नि उनाव थांनाय 120 बोसोर नि जारिमिन आव 2021 आ 5 थिगोजौसिन बोसोर, नाथाय 2022 नि मार्च आव मोनसे रेकर्द खालामनो हायो। गोबां जायगा यावनो मार्च दान आव अखा या खम जादों, दुंथाय आ बारा जादों, अखा या खम जालांनो हमदों।
अरुनाशल प्रदेश आव सोमोनांथाव जाथाय, आसाम रायफल्स नि गुलि आव सानै सेंग्राफोरा जोखोम जादों। रायजो नि टिराप जिला याव जादों जाथाय आ, टिराप नि सासा गामि आव जोखोम सानै सेंग्रा, ना सारनानै न आव फैफिननाय समाव नो सानै सेंग्राफोरखौ उदखारि नि सन्देह आव गुलि गावनानै जोखोम खालामो। बे जाथायनि खौरां मोननाय लोगो लोगो नो रायजोफोरा जायगा याव थांनानै दुंहाव थासारि सोमजिहोदोंमोन, बेनि उनाव नो आसाम रायफल्स नि अफिसार आ फाहामथाय नि बेबस्था खालामगोन होनना बुंनायनि उनाव सो थासारि आ ईसे मोजां जायो, सानैखौ बो जोरहात सिम एयारलिफ्त खालामनाय जागोन होनना बो बुङो, गासैबो खरसा खौ आसाम रायफल्स आ खालामगोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon