7 April bodo news today 2022 ~ Bodoinfo.com

आसाम सोरखार आ बे बोसोर आव रंजालि बैसागु खुंनो थाखाय बैसागु खुंनाय आफाद फोरनो 1.5 लाख रां होनायनि थांखि लादों, गोबांनो नो होबायबो, नाथाय दुखुनांथाव बाथ्रा या बेसो दि बे सोरखारि अनसुंथाय होनाय आव बर फोरनि मोनसेबो रंजालि बैसागु खुंफुं आफाद आ अनसुंथायखौ मोनाखै। कक्राझार जिला दुलाराय हारिमु आफाद नि अजद बेयो। कक्राझार आव गोबां बोसोर जानाय बैसागु खुंफुं आफाद फोर दं, नाथाय आसाम सोरखा नि होनाय रां खौ मोनाखै। कक्राझार जिला दुलाराय हारिमु आफाद आ दुखु मोननाय फोरमायदों, मानोना कक्राझार जिला याव गासै 11 टा आफाद आ सायखजादों, नाथाय बेयाव मोनसेबो बर नि आफाद आ मोनाखै होनना अजद होदों। बिथांमोना गासैनो होनो नांगौ होनना दाबि दैखांदों, आसामनि गिबि मन्थ्रि नि सिम खावलायहरदों, बिटिआर नि गाहाय निसिम बो खावलायहरदों।

10 सान नि गेजेराव नो आसाम पुलिस आ सा 6 एनएलएफबि नि सोद्रोमाफोरखौ हमनो हाबाय, बेखौ आसामनि दिजिपि भास्करज्योति बिथाङा बुंदों, लोगोसे सानै आ गाज्रियै जोखोम जादों आरो सा 4 नि जिउ गोमादों, बे साननैसो बिटिआर आव जाहाय थानाय जाथाय नि सोमोन्दै बुंदों. मैया सा 6 बारग एनएलएफबि नि सोद्रोमाफोरा गावखौ गथायनायनि उनाव नो बेखौ बुङो, बिथाङा लोगोसे गासैबो हान्जाफोरखौ नो फैफिननो खावलायदों, बेनि सोलाय गुबुन जेबो राहा गैया होनना बो बुंबावो। मथजाथावदि मैया सा 6 एनएलएफबि निफ्राय दिससार्ज होजानाय फोरा फैफिनदों, बिसोर एनएलएफबि नि सोद्रोमा मोन, बिसोरनि बेरेखा एनएलएफबि निफ्राय ओंखारननानै गोबां गाज्रि खामानि मावनायनि अजद होनाय जादों, एम बाथा बिथाङा सिखाव नि ग्रुप होनना बो बुंदोंमोन, बेनि अनगायैबो चिरां नि एसपि बिथाङा बिसोर मोनसे गोदान हाथियार दैग्रा आफाद दादों होनना बो बुंदोंमोन।

नर्थ ईस्तार्न पुलिस एकादेमि आव ट्रेईनिं खौ फोजोबनाय केदेत एसआई नि थाखाय खुंनाय हाबाफारि पासिं आउत पेरेद आव गाहाय आलासि महरै बाहागो लादोंमोन आसामनि गिबि मन्थ्रि आ। सा 578 केदेत एसआई नि हाबाफारि आव बाहागो लानानै मेदेल आरो बान्था होयो। थांनाय 19 एप्रिल निफ्राय जागायना 578 केदेत एसआई नि बेयो 50 थि फोरोंथाय होनाय नेपा नि जारिमिन नि गिदिरसिन ग्रुप, 50 सप्ताह नि गोरा ट्रेईनिं मोननाय एसआई फोरनो साबायखर जासिहरो आरो मोजां खामानि मावनो खावलायो गिबि मन्थ्रि आ, मैया गोदान एसआई फोरा समायखिरा बो लायो, समायखिरा खौ लाहोयो नर्थ ईस्तार्न पुलिस एकादेमि नि बिबानगिरि दिपक कुमार आ, बे हाबाफारि आव आसामनि दिजिपि भास्करज्योति महन्त आ बो दंमोन।

हारियाना बर्द नि आनजादः ईंराजि आयदा नि आनजाद खालि आनजाद मिरु आव सासे मुन्नाभाई खौ हमदों, नखल खालामनो पेपारबर्द आव नो मबाईल फित खालामना लादोंमोन। बे मबाईल आव ईंराजि आयदा नि गासैबो सोंनाय फिननायखौ स्तोर खालामना लानाय दंमोन, जेब्ला नखल लानायखौ होबथानो सोलोंथाय बिफान नि फ्लाईं चिम आ नागिरदोंमोन अब्ला नो पेपार बर्द लाबोनाय फरायसा खौ हमनो हायो। बेल नङा हारियाना याव नखल जगायना होनाय जाथायफोरबो जादों गोबां, गासैबो रेकर्द खौ सिफायनाय बादि जादों, नखल खौ होनो थाखाय खिरखि फोरखौ बो सिफायनाय जाथाय आरो लोगोसे स्पाईदारमेन नि बादि वाल आव गाखोनाय नुनो मोनदों। मंगलबारखालि थाखो 12 नि सानखान्थि आयदा नि आनजाद आ जादोंमोन, सोमोनांथाव।

सिखावफोरनि गोरले टार्गेत आ मन्दिर, मन्दिर फोराव लुथिनाय जाथाय आ हादोरनाङै नो बारा जालांनो हमगासिनो दं। बेबायदि नो मोनसे मन्दिर आव लुथिनाय जाथाय आ भाईरेल जादों, मन्दिर आव लुथिनाय सिखाव आ लुथिदों थिग आनो, नाथाय ओंखारनो सो हायासै। जाथाय आ अन्ध्रप्रदेश नि, अन्ध्रप्रदेश नि श्रिकुलियामआव जामि येल्लाम्मा मुंनि मन्दिर आव गहना फोरखौ सिखाव खालामनो वाल नि भेन्टिलेटर सिफायना मन्दिर आव हाबो, मन्दिर नि गहना फोरखौ लानानै बे हाबनाय थिं नो ओंखारफिननो नागिरनाय आव नो नांथायो, ओंखारनो हायि आव होस्रिखावना होयो, होस्रिखावनायखौ नुनानै गामि नि सुबुंफोरा पुलिस नो खौरां हरो आरो पुलिसफोरा हमो। सिखाव नि मुं खौ पापा राउ होनना फोसावना होदों।

कक्राझार जिला याव थांनाय 2021 मायथाई नि 11 जुन आव सोमोनांथाव जिनाहारि आरो बुथारनाय जाथाय जादोंमोन, सानै ट्राईबेल हिनजावसाफोरखौ जिनाहारि खालामनाय जाथाय आ ओनसोलनाङै नो सोमोनांहोदोंमोन। एखे गामि नि नो सानै राभा हिनजावसा फोरखौ जिनाहारि खालामनानै बुथारदोंमोन, दायो बे जाथआय नि 9 दान नि उनाव कक्राझार जिला बिजिरसालि आ अभयाखुति नि जाथाय नि सा 3 सुबुंफोरखौ दायनिगिरि साजायनानै मोनसे गोनांथार राय होयो। नाथाय दायनिगिरिफोरनि साजा खौ फोसावनाय जायाखै, फैगो 8 एप्रिल आव जिला बिजिरसालि आ जिउ जोबजासिम साजा होयो ना फासि नि साजा होयो बेखौ मिथिगोन। दायनिगिरि फोरनि मुङा फरिजुल रहमान, मोजाम्बेल शेख आरो नाजिबुल आलि होनना बुंदों। बिटिआर नि कक्राझार नि अभयाखुति गामि नि रबिता राभा(14) आरो समायना राभा(16) मुंनि सानै उन्दै हिनजावसाफोरखौ जिनाहारि खालामना बुथारदोंमोन, जिनाहारि खालामनानै फासि होदोंमोन हिनजावसा फोरखौ। उनाव पुलिसफोरा नायबिजिरनानै हमो सा 3 खौ।

नखरसे नि सा 4 सुबुंफोरा बिषगोनां मैखुन जानानै देहाफाहामसालि आव थांनो गोनां जादों, जाथाय आ बिस्वनाथ जिला नि मिजिकाजान ओनसोल नि। देहाफाहामसालि आव लांनाय फोरनि मुं खौ जगेन तान्ताबाई, प्रकास, ओस्तोमि आरो फुलन्ति तान्ताई होनना मिथिना मोनदों। गासैखौबो बिस्वनाथ सिभिल देहाफाहामसालि आव लाना थाङो।

दिनैनिफ्राय पास जागोन मार्च दान नि दरमाहा नि पेन्सन नि बिल आ। रांखान्थि बिफान आ बे बिथोन खौ होदों। रायजो नि मावथि आरो पेन्सनारफोरनि थाखाय मोजां खौरां, मोनफ्रोमबो बिफान नि गाहाय, दिदिअ आरो गुबुन गुबुन अफिसारफोरखौ बिथोन होदों होनना खौरां मोनदों।

फर्ब्स आ दिहुनना होनाय बुहुमनि बयनिख्रुय धोनि सिन सुबुंफोरनि फारिलाय आव मुकेश आम्बानि आरो आदानि आ बेसेबां नम्बर आव दं मिथियो ना नोंथाङा, भारतारि हिसाबै नायोब्ला बुहुमनि मादाव आम्बानि आ 10 थि आरो गौटम आदानि आ 11 थि नम्बर आव दं। टेस्ला नि गाहाय एलन मास्क आ गिबि नम्बर आव दं, जेफ बेजस आ नैथि नम्बर आव दं, फेसबुक नि मालिक मार्क जाकार्बार्ग आ 15 थि नम्बर आव सो दं, बिल गेत्स आ 4 थि नम्बर आव दं। एलन मास्क नि सम्पति आ 219 आरब दलार आरो बेजोस नि आ 171 आरब दलार।