बिटिआर आव मा जामारदों गावलायनाय आरो दाखाति नि जाथाय ल ~ Bodoinfo.com

बिटिआर आव मा जामारदों, थासारि आ गाज्रि फारसे थांगासिनो नामा। चिरां जिला याव मोननै गुलि गावनाय जाथाय आव सा 3 बर सुबुंफोरनि जिउ गोमादों, सासे पुलिस अफिसार आ जोखोम बो जादों। भारत भुटान सिमना याव जादोंमोन होनना मिथिना मोनदों, गिबि जाथाय आ खुंख्रिं ओनसोल आव जादोंमोन, बेयावनो सा 2 हाथियार लानाय सुबुंफोरनि जिउ गोमादों। बेयाव जिला नि एएसपि प्रकाश मेधि बिथाङा जोखोम जादों, आगदा आखाय आव गरनै गुलि नांदों, बिथांनि फाहामथाय आ गुवाहाति नि जिएमसिएईस आव सोलिगासिनो दं। जिउ गोमानाय सुबुंफोरनि सासे नि मुं खौ महन्त नार्जारि आरो गुबुन सासे नि मुं खौ दासिम मिथिनाय जायाखै। गोबां निउज चेनेलफोरा थैनाय सुबुंफोरखौ एनएलएफबि होनना बुंदों, नाथाय मोनसे प्रेस रिलिज नि गेजेरजों एनएलएफबि आफाद आ बिसोर एनएलएफबि आफाद नि सोद्रोमा नङा होनना रोखा खालामना होदों, एनएलएफबि आफाद नि साफ्रोम सोद्रोमा नि मुं फारिलाय आ सोरखार नि आखाय आव दं होनना रोखा खालामना होदों एनएलएफबि नि पाब्लिसिटि सेक्रेतारि बि बुहुमसा बिथाङा।

गुबुनफारसे चिरां नि धालिगांव थाना नि सिंनि कामारपारा याव बो गुलि गावनाय जाथाय जादोंमोन, दाखाईत नि गुलि आव 19 बोसोर बैसो नि राजा बर मुंनि सुबुं नि जिउ गोमादों, गुलि नांनाय आव जायगा याव नो थैयो। मिथिना मोननाय बादिब्ला मैया 4 एप्रिल खालाराव मोनानि 11 रिंगासोआव गेजेर कामारपारा गामिनि थागिबि मन'रन्जन नार्जारीनि नखराव सिखाव-दाखाइटफोर हाबदोंमोन । सिखाव हाबनाय खौरांखौ मन'रन्जननि बिसिआ पंबाय राजा बर'नो पनआव खोन्थाहरनायलाय राजा बर'आ बिगुमै मन'रन्जननि नख'रसिम होसोबोयो । बेयावनो लामायाव दाखाइटफोरजों मोगा मोगि जानानै हमथाना लाखिनो नागिरनायावनो दाखाइटनि गुलियाव राजा बर'आ जिउ खोमानाङो ।

दुखुनांथाव खौरांखौ मोननानै दुलाराइ बर' फरायसा आफादनि आफादगिरि मानावगेदेद मुस्रि दिपेन बर'नि दैदेननायाव मिरुनि मोनसे हानजाया दिनै किसान बाजार आमलाइगुरिनि दुखुथिया राजा बर'नि नखराव थांनानै खौरां लाहैनानै दुखुथिया नखर आरो भाइ बाहागिफोरजों दुखुनि बाहागोदारि जाहैफायो ।

राजा बर'नि दायनिगिरिखौ गोख्रै हमनानै साजा होनाय, राजा बर'नि सायाव थार बिजिरनाय नागिरनानै, खहा जाजानाय दुखुथिया नखरनो सरकारा अनसुंथाय होनाय आरो गले गले बेबादि दुखुनांथाव जाथाइया जाबाय थानायखौ सरकारा गोख्रोंङै होबथानांगौनि थाखाय चिरां जिल्ला एबसुआ गाबोन 6 एप्रिलाव काजलगावआव धर्णा हाबाफारि लागोन आरो बे धर्णायाव बयखौबो बाहागो लानो खावलायहरदों ।

बेफोरनि गेजेराव नो बिटिआर आव नो सानै बारग एनएलएफबि नि सोद्रोमाफोरखौ हमनो बो हादों होनना खौरां मोनदों, बाक्सा जिला नि मुशलपुर आव हमदों, सानै नि मुं खौ समर रामसियारि आरो चन्दन रामसियारि होनना मिथिना मोननाय जादों, बिसोर सनाई देजिगनेटेट केम्प आव आगोलाव थायोमोन, नाथाय बेनिफ्राय न आव साननैसो थांनो होनना थांनानै आरो केम्प आव थांफिनाखैमोन। बेसेबां सैथो बेखौ पुलिसफोरा नायबिजिरनायनि उनाव सो मिथिनाय जागोन। साननै सिगाङाव एनएलएफबि आफाद आ केम्प निफ्राय ओंखारलांनाय सोद्रोमाफोरखौ खावलायनायनि उनाव बो फैफिनैनि होखारनाय नि सोमोन्दै फोरमायदोंमोन। बे साननैसो बिटिआर आव दाखाथि, गावलायनाय बायदि नि जाथायखौ नो खोनानो मोनबाय थादों, थांनाय 29 मार्च खालि आमगुरि मालिभिटा ओनसोल आव जानाय जाथायनि उननिफ्राय नो खोनानो मोनगासिनो, बेयो जोबोद दुखुनांथाव।