मुङा अपुर्ना नार्जारि, गिबिसिन बर हिनजावसा फुटबल गेलेगिरि जाय भारत नि सिनियर आयजोफोरनि फुटबल एबा जोलुर नि दोलो नि जानानै गेलेनो सायखजादों, बर हिसाबै बुंनो थाङोब्ला नैथि बर गेलेगिरि, हलिचरन नार्जारि आ बो भारत नि जानानै गेलेनो खाबु मोनदों, गल बो होनो हादों।
गासै सा 30 गेलेगिरिफोरखौ सायखदों, गासै भारत आव 66 कौटि नि बारा हिनजाव एबा फिमेल दं, बे 66 कौटि नि गेजेराव सा 30 खौ सायखदों आरो बे सा 30 नि गेजेराव बर फिसा सासे आ जायगा मोननाय आ जोबोद गोजोनथाव। गोबाङानो बेखौ गोरलै होनना साननो हागौ, नाथाय खनसे गोथौवै सानना नायफिनलाय जायफोरा गोरलै होनना सानदों। आं मानो गोबांखौनो गोरलै होनना सानदों बुंदों, मानोना गोबाङानो बिथाङा भारत नि जानानै गेलेनो सायखजानाय खौरां खौ फोसावाखै, गुबुन हारि नि सुबुंफोरा फोसावनाय आ थ गोजान नि बाथ्रा, बर फोरा नो गोबाङानो गुबुनफोरखौ मिथिहोआखै एबा सेयार खालामाखै बे सायखजानायखौ। आसामनि निउज चेनेल फोरा थ बर होनना बुङोब्ला गोजानखासै खौरां फोसावनायनिफ्राय, साननैसो सिगां नि हलिचरन नि खौ नो फोसावासै। बेफोरखौ बुंनानै जेबो लाब गैया।
उन्दै समनिफ्राय नो फुटबल खौ गेलेनानै मोजां मोनोमोन, बिफा जों गेलेग्रा
फोथार आव थाङोमोन, नाथाय रावबो हिनजावसा लोगो गैयामोन, बेखायनो हौवासाफोरजों नो
गेलेयोमोन, थाखो 10 सिम हौवासाफोरजों नो गेलेबाय अर्पना या। बेनि उनाव कक्राझार SAI आव 2017 आव
सायखजाबाय, सुब्रट काप खौ गेलेबाय, मुम्बाई आव बो गेलेबाय रिलायेन्स आव। 2017 आव
नो भारत नि दोलो नि थाखाय ट्राईल खौ होदोंमोन, नाथाय सायखजायाखैमोन। सायखजायिनि
दुखु मोनदोंमोनब्लाबो प्रेक्टिस खौ बारासिन खालामदोंमोन, लकदाउन नि समाव न आव नो
खालामदोंमोन प्रेक्टिस खौ आरो बेबायदि नो बांलादेश नि धाका याव जानाय SAFF U19 Women’s Championship नि थाखाय
भारत नि दोलो नि थाखाय सायखजायो। बेयाव भारत नि दोलो आ रानार आप जादोंमोन। बेनि
उनाव SAFF U18 Women’s Championship, 2022 नि
थाखाय बो सायखजायो आरो भारत नि दोलो आ चेम्पियन बो हादों। अर्पना या जिउ नि गिबि
ईन्टारनेशनेल गल खौ नेपाल नि बेरेखा होनो हायो। SAFF U18 Women’s Championship नि
गेलेनाय आव नेपाल खौ भारत नि दोलो आ 7-0 गल जों फेजेनदोंमोन, जेराव अपुर्ना या गलसे
होनो हादोंमोन, 69 मिनिट आव होनो हायो गल खौ। 12
नम्बर नि जार्सि गानदोंमोन।
Please do not enter any spam link in the comment box. ConversionConversion EmoticonEmoticon