आलादा रायजो बदलेन्द दाजानांगौब्ला बर हारि नि सुबुं अनजिमा या गोबां जानो नांगोन, बदलेन्द आव 53 जौखोन्दो नि बारा जानो नांगोन सुबुं अनजिमा या, बेखौ बुंदों बिटिआर सोरखार नि ईएम रन्जित बसुमतारि बिथाङा, बाजेत शेसन नि नैथि सान आव मोनसे सोंनाय नि फिननाय खौ होयो बिथाङा, गामि दानखनाय आरो दाजाबनायनि सायाव सोंनाय खालामदोंमोन, गोबां बर फोर थानाय गामि खौ जोंनि बिटिआर आव सोनो नांगोन आऱो बर फोर थायि गामि खौ दानखनायनि सोमोन्दै फोरमायो, बे थांखि जों नो खामानि मावबाय थआनायखौ फोरमायो बिथाङा। मखजाथावदि बिटिआर गोरोबथा याव गामि दानखनाय आरो दाजाबनाय आ बो दं, बर सुबुंफोर थानायखौ दाजाबनाय आरो बर सुबुं खम थानाय गामि खौ दानखनाय नि, जुदि बे गामि आ दानजानो एबा दाजाबजानो लुबैदोंब्ला।
बदलेन्द मुलुगसोलोंसालि नि गिबि सेमिस्तार नि आनजाद खौ फावसायनायनि खौरां मोनदों, फैगो 9 एप्रिल निफ्राय जानो गोनां मोन आनजाद आ, नाथाय दायो बेखौ फावसायनाय जाबाय, जाहोनखौ मोननैसो टेकनिकेल जाहोन नि थाखाय होनना बुंदों, गोदान आनजाद नि खालारखौ होआखैब्लाबो एप्रिल नि 4 थि सप्ता निफ्राय जागोन होनना बुंदों बदलेन्द मुलुगसोलोंसालि नि आनजाद नि कनट्रलार आ।
मैया बिटिआर नि गाहाय प्रमद बर बिथाङा सानसे सिगां नि हर आव जानाय दाय गैयि सुबुंखौ बुथारनाय जाथाय नि उनाव जिउ गोमानाय राजा बर नि न आव थांनानै बिबार बावहैदोंमोन। बिथाङा खौरांगिरिफोरनि सिगाङाव बेबायदि जाबाय थानाय जाथायनि सायाव सावरायलायनाय आ जादों, पुलिसफोरा मेंनाय गैयि जासे बेफोरखौ होबथानो नागिरगासिनो, हाथियार लानाय आफादफोरा हाथियार गथायनायनि उनाव नो शांति फैदोंमोन, नाथाय दायो बेबायदि जाबाय थानाय आ दुखुनांथाव, जायफोरा बेबायदि खामानि मावदों बिसोरखौ माब्लाबाबो रेहाय होनाय जानाय नङा होनना बुंदों। मखजाथावदि दाखाईत नि गुलि आव 19 बोसोर बैसो नि राजा बर मुंनि सुबुं नि जिउ गोमादोंमोन, गुलि नांनाय आव जायगा याव नो थैदोंमोन। मिथिना मोननाय बादिब्ला 4 एप्रिल खालाराव मोनानि 11 रिंगासोआव गेजेर कामारपारा गामिनि थागिबि मन'रन्जन नार्जारीनि नखराव सिखाव-दाखाइटफोर हाबदोंमोन । सिखाव हाबनाय खौरांखौ मन'रन्जननि बिसिआ पंबाय राजा बर'नो पनआव खोन्थाहरनायलाय राजा बर'आ बिगुमै मन'रन्जननि नख'रसिम होसोबोयो । बेयावनो लामायाव दाखाइटफोरजों मोगा मोगि जानानै हमथाना लाखिनो नागिरनायावनो दाखाइटनि गुलियाव राजा बर'आ जिउ खोमानाङो ।
सोरखार आ 22 टा युटुब चेनेल फोरखौ बन्ध खालामदों, मोन 4 आ पाकिस्तान नि, बिसोर नंखाय खौरां फोसावबाय थादोंमोन, बेनि अनगायैबो मोन 3 त्वितार एकाउन्त, मोनसे फेसबुक एकाउन्ट आरो मोनसे खौरां नि वेबसाईट खौ बन्ध खालामदों होनना फोसावनानै होदों सोरखार। 260 कौटि नि बारा सुबुंफोरा नायदोंमोन बे चेनेल नि भिदिअ फोरखौ, बेयाव बासिन काश्मिर, ईउक्रेईन, ईन्दियान आरमि बायदिफोरनि नंखाय खौरां फोसावोमोन, भारत बेरेखा बांसिन भिदिअ, पस्त फोर होयोमोन, बेफोरबायदि नि थाखाय नो बेन खालामनाय जाबाय होनना फोसावनानै होदों।
मोनसे सोमोनांथाव आरो मिनिथावना जाथाय, उत्तर प्रदेश आव जादों, गंसे फरायसालि आव सासे फरायसुलि खौ मुं थिसननो होयि जाथाय आ सोराङाव फैदों, नाथाय मुं थिसननो होयि नि जाहोन आ मिनिथावना, हिनजावसा नि सोमोनांथआव मुं नि थाखाय नो मुं थिसननो होआसै, हिनजावसा नि आधार कार्द आव गावनि थार मुं नि सोलाय मधु का पाँचवा बच्छा होनना सो लिरनाय दं, बे मुं नि थाखाय नो एदमिशन होआसै, बिलसि मौजा नि सिंनि रायपुर गामि नि थागिबि दिनेश मुंनि सुबुं आ गावनि फिसाजो खौ फरायसालि आव मुं थिसननो लांदोंमोन, बेयावनो फरासालि नि मुं थिसनग्रा या मुं खौ नुनानै सोमोनाङो आरो मुं थिसननो होआसै, नाथाय आरो मोनसे सोमोनांथाव बाथ्रा या जाबाय बेयाव आधार कार्द नि नम्बर बो गैया, गासै जाथायनि नायबिजिरनाय जागोन होनना जिला नि बिजिरगिरि आ बुंदों, आधार कार्द फोरखौ पस्त अफिस आरो बेंक आव बानायो, सोरनिबा गोरोन्थि नि थाखाय नो जादों, जाय बेबायदि मावदों साजा होनाय जागोन होनना रोखा खालामनानै होदों।
मोननै करिया नि गेजेराव दावहा जागोन नामा। साहा करिया या खोला करिया खौ वारनिं होदों, किम जं उन नि हादोर उत्तर करिया नि गिदिर हुमखि, बिनि बिनानाव किम यो जोंग आ खोला करिया नि रैखाथि बिफान नि मन्थ्रि साहा करिया नि जायखिजाया जायगा याव नो आरमिफोरा टारगेट खालामनो हायो होनना बुंनायनि उनाव नो बेखौ गिदिर गोरोन्थि होनना बुंदों। बिनानाव आ बुंदों, उत्तर करिया या दावहा नि बेरेखा, नाथाय खोला करिया या बिसोरनि 1 ईन्सि बो हा खौ नोजोर होयोब्ला एरैबायदि गाग्लोबगोन, जायखौ माब्लाबाबो सानफेराखै होनना बुंदों, बियो निउक्लियार बम जों गाग्लोबनायनि बाथ्रा बुंदोंमोन।
रासिया आरो ईउक्रेईन नि दावहा या सोलिगासिनो दासिमबो, मैया ईउक्रेईन नि हादरगिरि आ रासिया नि गाग्लोबनायनि सोमोन्दै फोरमायदों, रासिया नि आरमि फोरा साधारन सुबुंफोरखौ बुथारदों आरो आयजोफोरखौ जिनाहारि बो खालामदों होनना अजद होदों, बेखौ बिथाङा बुचा सोहोरनिफ्राय फैनाय रिपर्त नि उनाव नो बुंदों, बुचा याव गोबां ईउक्रेईन नि सुबुंफोरनि गोथै देहा मोनदोंमोन, बे बुथारनाय खामानि खौ रासिया नि आरमिफोरा नो खालामदों होनना अजद होदों। रासिया नि आरमिफोरा गासैबो रोखोमनि गाज्रि खामानि खौ मावदों, गावनि गोजोननायनि थाखायनो गासैखौबो मावदों, लामा याव दाय गैयि सुबुंफोरखौ गावथारदों, न आव गावहरदों, दैखर आव गोथां गोथां गारहरदों, लामा याव टेंक खौ मानसि नि साजों सालायलांदों होनना अजद होदों।
भारत आव बोसोरफ्रोमबो 35 लाख टन प्लास्तिक नि दाखोर दाला जोनोम जायो। आबहावा मन्थ्रि भुपेन्द्र यादब आ मंगलबारखालि प्लास्तिक नि बेबायदि गाज्रि खौ होबथानायनि सायाव मोननैसो खामानि जागायनायनि सोमोन्दै फोरमायो, मोजां आबहावा नि थाखाय प्रकृति मुंनि बिथांखि खौ लन्स खालामदों आरो प्लास्तिक निफ्राय पलुशन खौ फोजोबनो खावलायदों आरो मोजां ईयुन नि थाखाय खामानि मावनो बो खावलायदों, थांनाय 5 बोसोर आव भारत आव प्लास्तिक नि दाखोर दाला नि बिबां आ 2 गुन जादों। जोंनि ईको सिस्तेम आव गाज्रि यै गोहोम गोग्लैदों, बेनि गेजेरजों बार गुबुंले आ बारा जालांनो हमगासिनो होनना बुंदों।
कभिद आ भारत आव फैफिनगोन नामा, चिन आ बारा जालांनो हमगासिनो, शांघाई आव कभिद नि गोसारनायखौ होबथानो थाखाय 10 रोजा नि बारा सावस्रि बिफान नि मावथिफोरनो बिबान होदों होनना खौरां मोनदों, सम्बारखालि नैथि खोलोब नि लकदाउन नि नैथि सप्ता याव सांघाई आव हाबनायनि उनाव नो 2.5 कौटि सुबुंफोरनि कभिद टेष्ट आ जागायो। भारत आव बो फैफिनगोन नामा कभिद आ, फैफिनोब्ला गोबां खहा जाफिनलायगोन। बिटिआर आव जाबाय थानाय जाथाय आ दुखुनांथाव, बदलेन्द आव दायो शांति फैदों, नाथाय दाननैसो निफ्राय दाखाथि, लुथिनाय जाथाय आ जादों, बिसोरनि आखाय आ हाथियार बो दं, बेनि गेजेरजों गोलाव सम नि हाथियार नि गोहोम आ दानो जोबाखै होनना बुंनो हायो होनना बिटिआर नि गाहाय प्रमद बर बिथाङा बुंदों, एबसु आव थानाय समाव नो सोरखार आ मोजां बेबस्था लायाब्ला बेबायदि जागोन होनना साननाय जादोंमोन होनना खौरांगिरिफोरनि सिगाङाव बुंबावो, बिथाङा पुलिस बिफान खौ गोरासिन जानो खावलायदों आरो बेफोरबायदि सेंग्रा फोरा गाज्रि खामानि आव हाबनाय खौ समाजारि बादियै बोखारनो नाजानो बो नांगोन होनना बो बुङो, बेनि सायाव मोजाङै सावरायलायनाय जागोन होनना बुंदों। मखजाथावदि मैया पुलिस जों गावलायनाय जाथाय आव सा 2 बर नि जिउ गोमानायजों लोगोसे गुबुन मोनसे जाथाय आव सासे बर खौ दाखाईत नि दोलो आ गावनानै बुथारनाय जाथाय जादोंमोन। बेनि खौरां खौ ईसे सिगाङाव होखाबाय, चेनेल आव थांनानै नायनो हागोन।
जारिमानारि राय। उन्दै गथ खौ जिनाहारि खालामनाय दायनिगिरि खौ 20 बोसोर नि जेल नि साजा होदों, बङायगांव नि मानिकपुर थाना नि सिंनि 1 नं नोवापारा नि मुकुन्द रय मुंनि सासे 47 बोसोर बैसो नि सुबुंखौ साजा होदों। हाबा जाखानाय मुकुन्द आ 2018 मायथाई नि जानुवारि आव सासे 6 बोसोर बैसो नि उन्दै हिनजावसा गथ खौ जिनाहारि खालामदोंमोन, उनाव हिनजावसा नि नखर नि अजद नि उनाव नो पुलिसफोरा हमदोंमोन, 20 बोसोर नि जेल जों लोगोसे 5 रोजा रां नि जरिमाना बो होदों
बोसोरनै आव 5 कि मि ब्लेक टपिं लामा बानायबाय प्रमद बर नि सोरखारआ, बुंदों बेरेखा दोलो नि गाहाय देरहासाद बसुमतारि बिथाङा, शांति आरो जौगानायनि श्लोगान होनाय सोरखार नि बेरेखा बेरेखा दोलो नि। सोंनाय फिननाय आव बिटिआर नि गाहाय आ बिटिसि नि पिदाब्लिउदि बिफान आव 2021-22 रांखआन्थियारि बोसोरनि थाखाय 75 कौटि 80 लाख रां थि खालामदोंमोन, बे धोन राशि जों 121 गुबुन गुबुन स्किम नि गेजेरजों बानायबाय आरो बेनि गेजेराव नो 5 कि मि लामा गोदानै ब्लेक टपिं खालामनाय जायो
दिनै मुशलपुर पुलिस आ सानै बारग एनएलएफबि नि सोद्रोमाफोरखौ हमनो हादों होनना खौरां मोनदोंमोन, सानै नि मुं खौ समर रामसियारि(21) आरो चन्दन रामसियारि(28) होनना मिथिना मोननाय जादों, बिसोर उदालगुरि देजिगनेटेट केम्प आव आगोलाव थायोमोन। मुशलपुर पुलिस थाना नि अफिसार नरेन सोनोवाल बिथाङा बुंनाय बादिब्ला बिसोरखौ नतुन श्रिपुर आरो दारागाव निफ्राय हमदों, देजिगनेटेट केम्प निफ्राय ओंखारनानै गोदान संगथन दानो नागिरदोंमोन होनना बो पुलिस अफिसार आ बुङो, बेनि खौरां मोननानै नो मोनसे गसर थिसननानै सानैखौबो हमो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon