4 April evening bodo news ~ Bodoinfo.com

साननै नि हाबाफारि जों बिटिसि बाजेत शेसन आ जागायबाय दिनैनिफ्राय। गिबि सानखालि नो बेरेखा दोलो नि सोद्रोमा फोरा बिटिसि नि गाहाय प्रमोद बर नि बिबुंथि एबा स्पिस खौ खोनासङा खौ, बेरेखा दोलो नि गाहाय देरहासाद बसुमतारि आ बुंदों- भाषन एबा बिबुंथि खौ खोनासंनो फैयाखै, गनतनत्र नि नोम खौ सिफायदों बिटिसि सदन आ। सदन नि सोंनाय फिननायखौ उनथिं लांनायखौ रागा जोंदों बेरेखा दोलो आ। सोंनाय फिननायखौ आगोलाव लायालासै नो प्रमद बर नि बिबुंथि खौ सिगाङाव होनानै रायजोफोरनि दुखु दाहा, आंखाल अजदफोरखौ खोमानायनि अजद। बेयो गनतनत्र नि मोजां नङि नेम होनना बो बुंदों, बाजेत भाषन आ जोबनायनि उनाव नो सोंनाय फिननाय नि समाव बेरेखा दोलो नि एमसिएलए फोरा बाहागो लागोन होनना बुंदों।

राज्यसभा नि एमपि महरै समायखिरा लाबाय आसामनि सानै सायखजानाय राज्यसभा नि एमपि रोनगोरा नार्जारि आरो पबित्र मार्घेरिता या। सानैबो बिमानि राव जों नो समायखिरा लायो, पबित्र मार्घेरिता या असमिया आरो रोनगोरा नार्जारि बिथाङा बर राव जों नो समायखिरा लायो। मखजाथावदि आसामनिफ्राय सायखजानाय एमपि फोरनि गेजेराव पबित्र मार्घेरिता या नो उन्दैसिन। राज्यसभा नि मासिगिरि एम भेंकया नायदु बिथाङा समायखिरा लाहोयो। आसामनि गिबि मन्थ्रि आ सानैनिसिमबो साबायखर जासिहरो।

आसाम आव बे साननैसो अखा हागासिनो, गिबि दैबाना जानानै दालां बुखारलांनायनि खौरां मोनदों। नारायनपुर आव पाका दालां खौ बुखारना लांबाय, दोपरां दैसा नि सायाव दंमोन दालां आ। तांतिबाहार माघनोवा खौ लोगो लागायनाय दालां खौ साननैसो सिगाङाव सो 17 लाख 63 रोजा रां जों बानायनाय जादोंमोन। रायजोफोरनि अजद नि बादिब्ला मोजां बानायि नि थाखाय नो बे दालां आ बुखारलांजाबाय। अफिसार थिकादार नि बेरेखा मोजां बानायि नि अजद। दालां आ बुखारलांजानायनि उनाव रायफोरनि थांलाय फैलाय आ बन्ध जाना होयो, गोबां सुबुंफोरनि खहा जादों।

रायजो आव फिन एनकाउन्टार। 58 बोसोर बैसो नि सासे सुबुं आ 7 बोसोर बैसो नि सासे उन्दै गथ खौ जिनाहारि खालामनाय जाथायनि उनाव रायजोफोरा हमनानै खानाय सिनना, सुनै फोनना सेन्देल नि माला गानहोनानै गामि आव गिदिंहोनायनि उनाव पुलिस नो गथायना होनायनि उनाव नोहर आव खारखुमानो नागिरनायनि थाखाय पुलिसफोरा गुलि गावनांगौ जायो होनना फोसावदों, जोखोम जादों दायनिगिरि आ, जाथाय आ बिश्वनाथ आव जादोंमोन, मोहिम शर्मा मुंनि लम्पत आ खालामदोंमोन गाज्रि खामानि खौ।

आसाम आव फैगोन हादरनि गाहाय मन्थ्रि आ, दिब्रुगर नि आसाम मेदिकेल कलेज नि मोखाङाव टाटा फाउन्देशन नि मदद आव बानायनाय केन्सार देहाफाहामसालि जों लोगोसे गुबुन 6 टा केन्सार देहाफाहामसालि खौ गाहाय मन्थ्रि नरेन्द मोदि आ फैगो 28 एप्रिल आव रायजोफोरनि थाखाय बेखेवना होनो फैगोन। मैया आसामनि गिबि मन्थ्रि आ बेखौ फोसावनानै होदों, दिब्रुगर नि देहाफाहामसालि नि खौरां लानानै बेखौ फोसावनानै होयो।