बाक्सा जिला नि एनदिएफबि आर नि
मावथिफोरा खौरां मेल खुंदोंमोन, बिथांमोना साननै सिगाङाव बिटिसि बाजेत जथुम आव
एनदिएफबि आर नि आ 186 सुबुंफोरा फेरिफाय खालामजादों होनना बुंदों, नाथाय बाक्सा नि
एनदिएफबि आर नि मावथि फोरा 300 नि बारा सुबुंफोरा भेरिफाय जाखादोंमोन होनना
बुंदों, नाथाय बेयो माबोरै 186 जाखो होनना बुंदों, सोरखार आ होगासिनो, सोरखार नि
फैसा खौ गासैनोबो होनो नांगौ ना होनना बो बुंनायजों लोगोसे सोरबा नङि नो होनायखौ
गाज्रि मोनाखै, नाथाय जायफोरा मोनाखै बिसोरनो होनो नांथारगौ होनना बुंदों,
एनदिएफबि आर निफ्राय एमसिएलए ईएम गैयि नि थाखाय नो बेबायदि खालामदोंनामा सोंथि
सोङो। बिथांमोना अननानै नायबिजिरफिननो खावलायो, थाबैनो होनो खावलायो।
बिटिआर नि गुनगोनां मोजां 181 फरायसा
फोरनो 2.56 कौटि नि रां नि मदद। गोजौ सोलोंथाय नि थाखाय बिटिआर सोरखार आ मदद
खालामदों फरायसाफोरखौ, गासै 2.56 कौटि रां नि चेक रानना होनाय जादों। कक्राझार
सोहोर नि खाथि आव थानाय आई टि पार्क आव 2020-21 बोसोर नि बिटिआर ओनसोल नि 181
फरायसाफोरनो मोनसे हाबाफारि नि गेजेरजों बिटिआऱ नि गाहाय प्रमद बर आ चेक रानना
होयो। 181 फरायसाफोरनि गेजेराव 57 आ एमबिबिएस नि, सा 18 आ ईन्जिनियार(आईआईटि),
बिथांमोन नो 2 लाख यै होनाय जायो, सा 72 पिएईस दि स्कलार, सा 34 आ एनआईटि नि
बिथांमोननो 1लाख रां नि चेक होनाय जायो।
बिटिआर नि गाहाय प्रमद बर बिथाङा गोजौ थाखो नि फरायनायनि सायखजानायनि थाखाय बिमा
बिफा आरो जोथोनलागिरि फोरनिसिम गोजोननाय आरो साबायखर बावहरो। गुनगोनां फरायसापोरा
हादोरनि सासे सासे सुबुं सम्पद होनना बुंनानै सासे सासे सुबुं सम्पद दानाय आव
फोरोंगिरि नि गोनांथार बिहोमा थायो होनना बुङो। गुदि खोलोब निफ्राय नो जायफोरा
खष्ट खालामो बिथांमोना सासे सासे सुबुं सम्पद जानो हायो होनना बो बुङो। गुबुनफारसे
सोलिनाय बोसोर आव रांखान्थियारि मदद होनाय नि सोलाय फ्रि कचिं होनाय जागोन होनना
बुङो बिथाङा, बेनिनो ईन्जिनियार नि थाखाय सा 50, देहाफाहामगिरि नि थाखाय 50
सायखनानै 11 दान नि थाखाय फ्रि कचिं होनाय जागोन आरो नेशनेल लेबेल नि थाखाय सुपार
सा 50 खौ सायखनानै सोरखार आ फ्रि कचिं होनाय बेबस्था खालामगोन होनना बुङो।
मैया हर फुं नि समाव मोनसे दुखुनांथाव
जाथाय आ जादों, गुवाहाति फारसे फैनाय रेल नि सा 6 दावबायारिफोरखौ गुबुन रेल आ सौखारो,
सा 5 सुबुंफोरनि जिउ गोमादों होनना मिथिना मोनदों, जाथाय आ अन्ध्रप्रदेश नि
श्रिकाकुलाम जिला नि बाटुभा गामि नि खाथि आव जादों, कोनार्क एक्सप्रेस आ सौखारना
लाङो, बेयावनो आसामनि सानै सुबुंजों लोगसे गासै सा 5 नि जिउ गोमादों। रेल बिफान आ
बुंनाय बादिब्ला मोनसे टेकनिकेल जेंना नि थाखाय रेल खौ लाखिनो गोनां जादोंमोन, बे
समाव नो गरम नि थाखाय गोबां दावबायारिफोरा रेल निफ्राय ओंखारो आरो खाथि नि नो रेल
लामा याव जिरायना थादोंमोन, बे समाव नो फैनाय कोनार्क एक्सप्रेस आ सौखारनाय आव
जाथाय आ जायो। गिबि मन्थ्रि आ दुखु मोननाय फोरमायनायजों लोगोसे जिला बेंगिरिखौ
जाथायसालि आव थांनानै खौरां लानो होदों आरो गासैबो रोखोमनि मदद खालामनाय जागोन
होनना फोरमायो। सोरबा सोरबा रेल नि चेईन खौ बोनायनि थाखाय सो लाखिनो गोनां
जादोंमोन होनना बो बुंदों, नाथाय सोरनिया सैथो बेखौ नायबिजिरनायनि उना सो मिथिगोन,
अन्ध्र सोरखार आ थैनायनि नखर नो 2 लाख रां यै होनाय जागोन होनना फोसावदों।
बाक्सा जिला याव दायनि नि सन्देह,
बुथारजाबाय बिसि फिसाय। बाक्सा जिला नि दुमुनिसाहा बागान आव सोमोनांथाव बुथारनाय
जाथाय जादोंमोन। बागान नि 10 नं लाईन आव जादों जाथाय आ। मिथिना मोननाय बादिब्ला
दुमुनि साहा बागान नि सुरज एक्का मुंनि सासे सुबुं नि न आव गोबाव सम निफ्राय नो
सोमोनांथाव जाथायफोर जानायजों लोगोसे बिसि नि देहा या बो गाज्रि जादोंमोन, नखर नि
सुबुंफोरा बेनि फाहामथाय लानानैबो मोजां फिथाय मोनाखैमोन, बेनि थाखाय नो सुक्रा
कचुवा आरो बालामदिना तिर्कि मुंनि सानै सुबुंफोरखौ तन्त्र मन्त्र खालामनायनि
सन्देह खालामो, बे सन्देह नि नो बोलि जानानै सुरज एक्का बिसि फिसायखौ गोबौ हाथियार जों गाग्लोबो। जाथाय
आ सोमोनांहोदों बयखौबो। बुथारजानायनि फिसाजो आ बुंनाय बादिब्ला दायनि नि सन्देह आव
नो बुथारदों, सुरज नि नखर आव आत्मा सोना होदों होनना नै सिगिगासिनोमोन बिसोरखौ,
मैया बेलासि सम आव फैनानै गाग्लोबो आरो बुथारो होनना बुंदों। जाथाय नि उनाव
जाथायसालि आव पुलिस फोरा थाङो आरो गोथै देहा खौ पस्त मर्तेम नि थाखाय दैथायहरो आरो
सुरज खौ पुलिसफोरा हमना लाङो।
रेकर्द, चन्दिगर निफ्राय जोरहात सिम
खनसेआवनो दावबायनानै बयनिख्रुय गोलावसिन हेलिकप्तार सालायनायनि रेकर्द आईएएफ नि
सिनुक नि। सम्बारखालि अपारेशन फोरोंथाय नि खामानि नि थाखाय सिनुक हेलिकप्तार आ
दावबायदोंमोन। चिन जों सोलिबाय थानाय सिमा नि जेंना नि समाव नो लादाख खोन्दो आव
बाहायनाय बयिं बानायनाय माल्टि मिशन हेलिकप्तार आ 1910 कि मि गोलाव दावबायो, गासै
7 घन्टा 30 मिनिट सालायखायो।
पाकिस्तान नि गाहाय मन्थ्रि महरै
समायखिरा लानायनि उनाव नो भारत नि सोमोन्दै बुंबाय गोदान गाहाय मन्थ्रि श्वेहबाज
श्वरिफ आ। बुंदों भारत जों मोजां सोमोन्दो खौ लुबैयो, नाथाय काश्मिर नि जेंना खौ
सुस्रांनाय जायिसिम बेयो सम्भव नङा। बियो बेखेवनाय बिबुंथि आव भारत नि काश्मिर आव
आर्तिकल 370 बोखारनायनि सायाव बो बुंदों, बियो अजद होदों दि बेनि थाखाय काश्मिर नि
गोबां सुबुंफोरनि खहा जादों, बेखौ ईन्टारनेशनेल लेबेल आव लांगोन होनना बुंदों,
लोगोसे काश्मिर नि बिदा फंबाय नि थाखाय पाकिस्तान आ गासैबो रोखोमनि मदद आरो मोनथाय
खौ होगोन होनना बुंदों। बियो भारत नि गाहाय मन्थ्रि खौ बो खावलायदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon