रायजो आव तंत्र मन्त्रखौ होबथानाय एबा फोजोबनायनि बिल, थाबैनो फाहामथायनि मुङाव थगायनाय खौ होबथानायनि लाबोगोन बिल आरो बेनि गेजेरजों गोरा साजा होनाय आरो जरिमाना खालामनाय जागोन।
मैया दिसपुराव लोकसेवा भवन आव गिबि मन्थ्रि हिमन्त बिश्व शर्मानि दैदेननायाव रायजो सोरखारनि सप्तायारि केबिनेट जथुम खुंफुंनाय जायो। केबिनेट जथुमाव गोबां गोनांथार थिरांथाफोर लानाय जादोंमोन। जथुमनि जोबथायाव मन्थ्रि जयन्त मल्लबरुवाया मोनसे खौरां मेलाव केबिनेटनि थिरांथाफोरखौ फोसावो। मैया केबिनेटआ 2024-25 मायथाइनि बाजेटखौ 12 फेब्रुवारियाव आयेन आफादाव होनो गनायथि होयो। केबिनेटनि थिरांथा बायदिब्ला, डिब्रुगढ़नि नामदां रिजार्भ फरेस्टआव मोनसे लांदां जुनारसालि लुनाय जागोन। बेनि थाखाय 259 कौटि रां बाहायनाय जागोन।
जुनारसालि आ 50,000 सुबुंफोरनो खामानि होगोन। जुनारसालिया आसामनि दावबायथाय बिथिङाव जौगानाय लाबोगोन। बेबायदिनो, मैयानि केबिनेटआ आसाम मिउनिसिपाल एक्ट-1956 नि सोदांनाय बिलखौ गनायथि होयो। बेयाव मोनथाम सिबिथाय फोरनि बाथ्रा सोनाय जादों।
केबिनेटआ '10
नोगोर मोनसे मावफुंनाय' मुंनि मोनसे हाबाफारिखौ मावफुंनो
बिथांखिखौबो गनायथि होयो। बेयो रायजोनि मोनजि सोहोरफोराव मिरु आरो रायजो सोरखारनि
बिथांखिफोरखौ खेबसेयैनो मावफुंगोन। तिनसुकिया, डिब्रुगढ़, जरहाट, गलाघाट, नगाव, तेजपुर, सा
लखिमपुर, सिलचर, हाफलं, शिवसागर
बायदि मोन 10 नोगोरफोराव गासैबो बिथांखिफोरखौ खेबसेयैनो मावफुंनाय जागोन।
बेबायदिनो फाहामथायनि मुङाव हिलिं
खालामनाय आरो गोमोथाव खामानि सोलिबाय थानाय खान्थिखौ फोजोबनो थाखाय मोनसे बिल
लाबोनाय जादों। आसाम हीलिं (प्रिभेन्सन अफ इभिल) बिल 2024 खौ मैयानि
केबिनेटआ गनायथि होबाय। फाहामथायनि मुङाव थगायनायखौ होबथानो थाखाय
बिलआ गोख्रों साजा आरो जरिमाना होनायनि राहा खालामो। बे बिलखौ तंत्र मन्त्रखौ
होबथानो थाखाय लाबोनाय जादों।
गुबुनफारसे, मैयानि
केबिनेटआ गामि रैखाथि आफादनि सोदांनाय बिलखौ गनायथि होयो। बेबायदिनो, मैयानि
केबिनेटआ आसाम सेक्रेटारियेटआव 352 गोदान मासि सोरजिनो आरो माखासे गुबुन मासिफोरखौ फोजोबनायखौबो गनायथि होदोंमोन।
आसाम हायार सेकेन्डारि इडुकेसन काउन्सिलनि नेहाथारि पुलक पाटगिरिया खौरां बिजोंनो मिथिहोयो दि बे खेबाव आन्जाद होगिरिफोरनि नुजाथिनायखौ अनलाइननि गेजेरजों रोखा खालामनाय जागोन। बेनि अनगायैबो, जाय जनफोरा आन्जादनि बहिफोरखौ नायनायनि राहा खालामदों बिसोरो सोलोंथाय संसदआव बिजाथिफोरजों मोन्नाय नाम्बारफोरखौ अनलाइन दैथायहरगोन।अनलाइन खान्थिनि थाखाय फिथाइखौ सिगांनिख्रुइ थाबैनो फोसावनो हागोन। मख'नो गोनांदि हायार सेकेन्डारि आनजादखौ 12 फेब्रुवारिनिफ्राय 13 मार्चसिम खुंनाय जागोन।
बिपिएफ हानजानि नाजानायाव बे बोसोराव ककराझारआव 22थि बड'लेन्ड गोरोबथा सान फालिनाय जादोंमोन। बे बायदियैनो, बिपिएफनि आफादगिरि हाग्रामा महिलारीआ मैया फुंआव बिटिसि सेक्रेटारियेटनि नब्लाङाव बड'फा उपेन्द्रनाथ ब्रह्मनि मुसुखायाव मानो बावो।
खौरांगिरिफोरनि सिगाङाव बिपिएफनि आफादगिरि हाग्रामा महिलारीआ बुङो दि दिनैनि साना मोनसे जारिमिनारि सान। आथिखालनि बिटिसि सोरखारा बड'लेन्ड गोरोबथा साननि जारिमिनारि सानखौ गोनांथि होआखै। बिटिसि गोरोबथाया संबिजिरारि महरै गनायथि मोन्नायलाय बे गोरोबथाखौ मान होनायनि थाखाय बयहाबो बिबान दं। बे गोरोबथाया गोग्लैसोनाय ओनसोलाव जौगानायनि सोरां होदोंमोन।
प्रमद बर'आ बिटिसि गोरोबथानि गेजेरजों मोननाय गोहोजों सोरखार सालायगासिनो दं नाथाय बिटिसि गोरोबथाखौ मानियाखै। बेयो दुखुनांथाव। थांनाय 15 बोसोराव जों जायखौ मावदों बेनो दं। प्रमद बर'आ जेबो खालामनो हायाखै। खामानि मावालासै सोंखारिनायानो बिथांनि खामानि, बियो मोनसे लाथिख' होनना बो बुङो।
लोकसभा बिसायखथि नि सोमोन्दै सोंनाय आव हाग्रामा बिथाङा मोननैयावबो देरहागोन होनना बुङो, ककराझारआव बिपिएफ आरो इउपिपिएलनि गेजेराव नै खनायारि बादायलायनाय जागोन, फारसेथिं दरं-उदालगुरिआव बिपिएफ-कंग्रेस आरो बि.जे.पि.नि गेजेराव थाम खनायारि बादायलायनाय जागोन। बिपिएफनि बिजाथिफोरा मोननैबो मासियाव देरहागोन।
BPF निफ्राय सा 3 बिजाथि आ मोननै बियाब थामहिनबा क'कराझार आरो दरं-उदालगुरि लख सभा बियाबफोरनिफ्राय बिजाथि बिगासिनो आरो BPF दोलो आ फैगो मार्च दान आव मोननै बियाब नि बिजाथि नि मुं खौ फोसावगोन होनना बुङो।
थांनाय माखासे बोसोरफोराव, गुबुन
गुबुन हादोरारि आरो गुबुन हादोरनि दावबायारिफोरा मिथिंगानि गेजेराव गावसोरखौ खोमानो
लुबैनायाव काजीरंगायाव सफैदों। बे हायुंआरि पार्कआव बायदि रोखोमनि हाग्रानि
जुनारफोरखौ मैदेरनि बिखुं आरो जीप साफारीनि हेफाजाबजों खाथिनिफ्राय नुनो मोनो।
मिथिना मोननाय बायदिब्ला, काजीरंगा
हाग्रामाखौ 1905 माइथायाव थांखि लानाय रिजार्भ ओनसोल, 1908
माइथायाव रंजाथावना पार्क, 1950 माइथायाव हाग्रानि जिब-जुनार
हाग्रा ओनसोल, 1974 माइथायाव हायुंआरि पार्क, 1985
माइथायाव मुलुग दोरोङारि नेरसोन थावनि आरो 2007 माइथायाव मोसा मावथांखिनि मान
होनाय जादोंमोन।
11 फेब्रुआरि, 1974
मायथाइयाव काजिरङाखौ माहारियारि पार्कनि मान होनायनि उनाव बेयो दा 50 बोसोर आबुं
जाबाय।
बाक्सा जिल्ला नि मुशलपुर पुलिस थाना
नि सिंनि भालुकदुङा गेरुवापारा याव मैया फुङाव मोनसे सोमोनांथाव जाथाय जायो, ओनसोल
नि लामा नि खाथि आव मा 12 मैसो नि दानसनाय खर मोनदों, फुङावनो बेखौ नुनाय लोगो
लोगो नो गोबां सावरायलायनाय जानायखौ नुनो मोनदों. बे दानसनाय खर फोरखौ सोर आरो
बहानिफ्राय लाबोखो बेनो सोमोनांहोदों गोबांखौनो, खर फोराव गोजा हि आरो गोजा फोथा
दं होनना मिथिना मोनदों, सोर मानो आरो माबोरै बे खामानि खौ मावखो बेनि सायाव
मुशलपुर पुलिस आ नायबिजिरनाय खामानि खौ जागायबाय।
शाहया बेखौबो बुंदोंमोन दि सि.ए.ए. आ कंग्रेस सोरखारनि समायखिरामोन। जेब्ला हादोरा बोखावजादोंमोन आरो बै हादोरफोराव बाङाइ अनजिमानि सुबुंफोरखौ अनागारि खालामनाय जादोंमोन, अब्ला कंग्रेसआ रिफुजिफोरखौ खोथा होदोंमोन दि बिथांमोनखौ भारताव बरायनाय जागोन आरो बिसोरनो भारतारि नोगोरारि होनाय जागोन। शाहया बेरेखा हानजाखौबो सोंखारिदोंमोन दि कंग्रेसआ दा बे आयदाखौनो सोंखारिगासिनो दं।
बिथाङा रोखायै बुंदोंमोन दि बे आयेनखौ
नोगोरारि होनो आरो रावनिबो नोगोरारिखौ लानो थाखाय लाबोनाय जायाखै। बिथांनि
बायदिब्ला, हादोराव बाङाइ सुबुं अनजिमा थानाय
सुबुंफोर आरो गुबैयै मुस्लिम हारिखौ थुलुंगा होनाय जादों। अमित शाहया रोखा
खालामदोंमोन दि बे आयेना रावनिबो नोगोरारिखौ लानो हाया मानोना आयेनआव बेबादि जेबो
राहा गैया। सि.ए.ए.आ बांग्लादेश आरो पाकिस्तानाव अनागारि खालामजानाय रिफुजिफोरनो
नोगोरारि होनायनि फारसे मोनसे आगान।
वशिष्ठ पुलिस थानाया दायो मोनसेनि उनाव मोनसे लक्जरी गारिफोरजों बुंफबनाय। गुवाहाटी नोगोरमानि पुलिसा वशिष्ठ पुलिसनि हेफाजाबाव सुक्रुबारनि मोनायाव नोगोरमानि गुबुन गुबुन जायगाफोराव नागिरनानै बे बेसेन गोसा गारिफोरखौ जब्द' खालामो।
मख'नो गोनांदि गारिफोरनि बिगोमाया गोबाव समनिफ्रायनो आयेन बेरेखा साइरेन, कार पास, पुलिसनि logo बायदि बाहायनानै नोगोरनि लामाफोराव गिखांहोनाय थासारि सोमजिहोगासिनो दंमोन। सुक्रुबारनि मोनायाव नोगोर पुलिसनि जथाय अपारेसनाव गुबुन गुबुन जायगानिफ्राय आयेन बेरेखा भि.आइ.पि. गारिफोरखौ जब्द' खालामनाय जादों।
नोगोर पुलिसा दासिम गासै गं 11 लाक्जरी गारिफोरखौ जब्द खालामनाय जाबाय। बेफोरनि गेजेराव गंथाम स्करपिय', गंनै थार, गंसे अल्काइजार, गं 4 इन'भा आरो गंसे फॉर्च्यूनर दं। मखजाथावदि 26 जानुवारीनि मोनायाव नोगोरनि नालापारायाव माहारियारि राजालामायाव गोजा आरो गोथां गाबनि लाइट फज'नाय सिनायमोनै गारिजों सौग्रावनायनि जाहोनाव नारा बाहादुर थापा मुंनि सासे सुबुङा गोब्राबै जोखोम जादोंमोन आरो थैदोंमोन उनाव। बेनि उनाव गारिआ जायगानिफ्राय खारलांदोंमोन।
वशिष्ठ ट्राफिक पुलिस थानायाव मोनसे
केस रेजिस्टार खालामनाय जादोंमोन आरो ओरिन काटकी मुंनि जाब्रबथायनि सालायगिरिखौ
खादोंमोन।
बे बोसोरनि जागायजेन्नायाव काजिरङायाव मानै गान्दाखौ बुथारखांनायनि उनाव, माहारियारि हाग्रामायाव मासे बैसो जानाय गान्दानि गोथै सह'खौ फिन बोखांनाय जादों। बबेखानि, बे खेबाव मोननाय गान्दाया मैहुर खालामग्रानि अनगायै मोसानि गाग्लोबनायनि जाहोनाव थैदों होनना सन्देह खालामनाय जादों।
सनिबाराव काजीरंगा माहारियारि हाग्रामानि कहोरा हाग्रा ओनसोलाव मनाबिल खाथिनि मोनसे दावबायारि लामानि साखाथियाव गान्दानि गोथै सह' मोननाय जादोंमोन। हायुंआरि पार्कनि बिबानगिरिफोरा बुंदोंमोन दि गान्दानि गोथै सह'आव मोसानि गाग्लोबनायनि सिनफोर दंमोन।
बेनि सिगां बे बोसोरनि 22
जानुवारियाव काजिरङायाव मानै गान्दा बुथारजादोंमोन। मैहुर खालामग्राफोरनि हानजाया मानैबो
बुथारजानाय गान्दानि गोथै सह'जों लोगोसे गं आ गोमादोंमोन। पुलिसा
जाथायनि सायाव नायबिजिरदोंमोन आरो 26
जानुवारीनि मोनायाव गान्दा बुथारनायाव लोब्बा थानायनि दायआव जग्गु पेगु मुंनि सासे
सुबुंखौ खादोंमोन।
उनाव, 28
जानुवारीनि मोनायाव जेब्ला बकाखाट पुलिसनि मोनसे हानजाया अगरतली हाग्रा ओनसोलनि
साहा चापरी फारसे थांगासिनो दंमोन, अब्ला
जागु पेगुआ आखायनि कफजों ब्रह्मपुत्रनि बिखायाव बाज्रुमो। बे जाथाया फ्राय नै
सप्ता जाबाय नाथाय दिनैसिम जग्गु पेगुनि जेबो गुमुर मोनाखै।
बे समावनो सुखदेव कुटुमखौ 2 फेब्रुवारियाव गगामुखनिफ्राय जागु पेगुनो एके 47 राइफल जगायनायनि दायआव खानाय जादोंमोन।
Please do not enter any spam link in the comment box. ConversionConversion EmoticonEmoticon