लोकसभा बिसायखथि आ फैगासिनो दं, एप्रिल दान आव नो जानायनि सम्भावना दं, बेनि थाखाय राजखान्थियारि दोलोफोरा फैगौ लकसभा बिसायख'थिनि थाखाय मावखान्थि थियारि खालामगासिनो दं। मोनफ्रोमबो सासन खालामनाय दोलो आरो बेरेखा दोलोआ थाबैनो बिसायख'थि फोसावदिंनायाव बाहागो लागोन।
मोनसे बिबुंथियाव, आय'गआ
राजखान्थियारि दोलोफोरखौ प'स्टार आरो फोसाव बिलाइ राननाय एबा स्ल'गान
होनायजों लोगोसे जायखिजाया फोसावनायाव गथ'फोरखौ
बाहायनायनिफ्राय होबथादों।
आय'गआ
राजखान्थियारि दोलो एबा बिजाथिफोरनि नेरसोन दिन्थिनानै खन्थाइ, मेथाइ
एबा जायखिजाया गुबुन अजद होजानाय फोसावनायाव गथ'फोरनि
बाहायनायखौबो होबथादों।
गुबुनफारसे, राजखान्थियारि
दोलोफोरनि जेबो बिसायख'थि फोसावदिंनायाव बाहागो लायालासे राजखान्थियारि
दैदेनगिरिफोरनि खाथि आव बिमा-बिफा एबा बिगोमाफोरजों लोगोसे गथ'फोरनि
थानायखौ बिथोनफोरखौ सिफायनाय हिसाबै मानिनाय जानाय नङा होनना बो खौरां मोनदों।
भारत नि रैखाथि बिफान आव जइन जानो गोसो
दं नामा, बितिआर नि थागिबिफोरनि थाखाय सोलिबाय थानाय फेब्रुवारि दान नि जोबथा
सप्ता निफ्राय अग्निबिर आव थिसननायनि थाखाय त्रेइनिं नि बेबस्था खालामनाय जादों,
खौरां मोननाय बादिब्ला बेनि थाखाय बितिआर नि गाहाय प्रमद बर बिथांनिसिम आरमि बिफान
आ गांसे लाइजाम हरदों बेनि खौरां खौ मिथिहोनो थाखाय। खौरां मोननाय बादिब्ला
कक्राझार नि तितागुरि आरमि केम्प आव जागोन बेनि त्रेइनिं नि हाबाफारि आ, बे
त्रेइनिं खौ बर लाइमोन फोरनि सुबिदा नि थाखायनो खालामनायनि सोमोन्दै लिरनायखौ नुनो
मोनदों।
लिभ इन रिलेसनसिप आव थानायफोरा दानिया
गोरलैयैनो थानो मोननाय नङा, उत्तराखन्डआव इउनिफर्म सिभिल कद बिलखौ थिसननाय जादों।
बे बिलनि सिङाव जायफोरा लिव-इन रिलेशनशिपआव दं बिसोरनि थाखाय गोनांथार नेमफोर दं।
लिव-इन रिलेशनशिपआव थानाय एबा लिव-इननि थाखाय साननाय फोरा जिल्ला बिबानगिरिफोरनि
खाथियाव थांनांगोन आरो रेजिस्तार खालामनांगोन।
जुदि बिलआ आयेन आव सोलायो, अब्ला
रायजोआव लिव-इन सोमोन्दोनि थाखाय रेजिसत्रेसन आ गोनांथार जागोन। बेल' नङा, 21
बोसोरनि खम बैसोनि सुबुंफोरनि थाखाय बिमा-बिफानि मददनि गोनांथि जागोन। बिल आव
बेखौबो बुंदोंमोन दि सासे सुबुङा उत्तराखन्डनि थागिरि नङाब्लाबो उत्तराखन्डआव
लिव-इन रिलेशनशिपआव दंब्लाबो रेजिसत्रेसनखौ खालामनांगोन।
रेजिसत्रेसननि उनाव सोमोन्दोनि
उदायथायखौबो नायबिजिरनाय जागोन। जुदि बिबानगिरिफोरा लिव-इनखौ गनायथि होआब्ला, बेनि जाहोनखौ लिरनानै फोरमायनांगोन।
बेनि अनगायैबो, जुदि गथ'आ लिव-इन रिलेशनशिपआव थानाय समाव जोनोम
जायो, अब्ला
बेखौ आयेन गोनां मानिनाय जागोन। बेनि अनगायैबो, जुदि साम्पारआ बाययो, अब्ला लाइमोन आइजोआ बिजिरसालियाव थांनो
हागोन आरो गावनि मोननांगौ रांखौ बिनो हागोन।
आसामाव फैगौ द' दाननि गेजेराव पन्चायतनि बिसायख'थि जागोन। रायजोनि पन्चायत आरो गामियारि जौगाथाय मन्थ्रि रन्जित कुमार दासआ आसामाव पन्चायत बिसायख'थिनि सोमोन्दै बे बाथ्राखौ बुंदोंमोन। मन्थ्रिआ बुधबाराव आयेन आफादनि सोलिबाय थानाय रांबावजा जथुम्मायाव बाहागो लानाय समाव आयेन आफादनि मोखां आव बे बिबुंथिखौ होदोंमोन। जुदि पन्चायत बिसायख'थिखौ द' दाननि गेजेराव खुंफुंनाय जायाब्ला आसामआ 15थि रांखान्थि आय'गनिफ्राय रां अनसुंथाइनिफ्राय जानगाराव थानांगोन।
मन्थ्रिआ मुंख'दों दि रायजो सोरखारा पन्चायत बिसायख'थिनि थाखाय गावसोरनि हाबा मावगासिनो दं मानोना पन्चायत बिसायख'थि खुंनायनि गासैबो खामानिफोरखौ हादोरसा बिसायख'थि आयगा नायदिङो। गुबुन फारसेथिं आसामाव पन्चायत आरो जिला परिषदफोरावबो दाथाइयारि सोलायनाय फैदों। बेफोर गासैखौबो गोदानै बानायफिन्नायनि मोनसे खान्थि सोलिगासिनो दं।
बेनिखायनो पन्चायत बिसायख'थि
खुंनायनि सिगां मोनफ्रोमबो पन्चायत आरो जिल्ला परिषदखौ दाफिननांगौनि गोनांथि दं।
बेनि थाखाय हादोरसानि मोनफ्रोमबो जिल्लानि कमिसनारखौ मासिगिरि महरै कमिटिफोर
दानायनि हाबाफारियाबो सोलिगासिनो दं। जिल्ला परिषदनि गाहाय मावफुं मावख'गिरिखौ
बे आफादनि सोद्रोमा नेहाथारिनि बिबानआव दोननाय जादों। बिथाङा बुंदोंमोन दि रायजो
बिसायख'थि आयगा जिल्लाफोरनिफ्राय रिपर्ट
मोननायनि उनाव आरो लकसभा बिसायख'थि जोबनायनि उनाव बिसायख'थि
फारिलाइ थियारि खालामनानै फैगौ द' दाननि गेजेराव बिसायख'थिनि
खामानिखौ फोजोबगोन।
मख'नो
गोनां दि फिसाज्लाया खामानिनिफ्राय फैदोंमोन आरो गावनि बिमाखौ साहा बानायनो
थिनदोंमोन आरो बिमाखौ बिमानि गोदोनायाव हाग्राखौ सोदोंमोन। तपन राजखवा नि फिसाज्ला
या गावनि बिबैखौ मानो बेबादि हमदों होनना सोंनायनि उनाव गावनि फिसाज्लाखौबो गोदोना
सेरथेदोंमोन बिफा या। तपन राजखवाखौ बिनि बिमाया गावनि फिसौखौ बासायनो थाखाय रुवाजों
बुदोंमोन। बुथारनायखौ लानानै दुंहाव थासारि सोमजिदोंमोन।
बेखौ मख'नो गोनां दि अमृत भारत स्टेशन
बिथांखिनि सिङाव सा-सानजायाव गं 60 स्टेसनफोरखौ गोदानथार सुबिदाफोरजों
जौगाहोफिन्नो थांखि लानाय जादों। सायख'जानाय रेलवे स्टेशनफोरनि गेजेराव
आसामनि उदालगुरि रेलवे स्टेशनआ अमृत भारत स्टेसन बिथांखिनि सिङाव 14.31 कौटि रां बाहायनानै मोनसे गोजौ थाखोनि
रेलवे स्टेशन जागोन। बे स्टेशनखौ जौगाहोफिन्नायजों, रेलवे बिफाना मिजिं थिदों दि
खाथि-खालानि ओनसोलफोरनि रेलवे बाहायगिरिफोरनो गोदान मुगानि गोदानथार सुबिदाफोर
होनाय जागोन।
दिव्यांग लोगोआरि रेम्पफोर आरो गुबुन
गोदान मुगानि सुबिदाफोर जेरै मोन्नै लिफ्ट आरो 5 मिटार
गुवार फुट अभार ब्रिजजों लोगोसे खिख'रनि
सुबिदाफोरबो होनाय जागोन। हौवा आरो हिनजाव दावबायारिफोरनि थाखाय गोदान
खिखरसालिफोरखौ आलादायै लुनाय जागोन। बेवहाय गोदानथार पार्किंनि थावनिजों लोगोसे
समायनाखौ बांहोनो थाखाय बिबारबारि थागोन। दावबायारिफोरनि थाखाय गासैबो
प्लेटफर्मफोराव थानायनि सुबिदा खालामना होनाय जागोन आरो मार्बलनि अन्थाइ, टाइलफोर
बायदिजों गोदान बानायनाय जागोन जाहाथे बेजों दावबायारिफोरनि थाखाय गोरलैयै
थांलाय-फैलाय खालामनो हायो।
बे स्टेशनखौ गोदान मुगायारि
खालामनायजों, रेलवे बिफाना मिजिं थिदों दि नोगोरजों
लोगोसे खाथि-खालानि ओनसोलफोरनि दावबायारिफोरनि थाखाय गोदान साख्रि, फालांगिनि
खाबुफोरनि गोदान लामा सोरजिनाय जागोन आरो सिगांनिख्रुइ गोरलैयै दावबायनो हागोन।
जाथायनि सोमोन्दै मोजाङै मिथिनोब्ला उनथिं थांफिननांगोन, थांनाय बोसोरनि सेप्टेम्बर 2023 मायथाइयाव थांफिननांगोन। सन्दीपआ सेप्टेम्बरआव कामाख्या थानसालि नायनो आसामाव फैदोंमोन। न'आव थांफिननाय समाव दायनिगिरि अन्जलिखौ सुरेशआ कलकातानि बिरखं गाथोनाव लोगो हमदोंमोन। बिनि अन्जलिआ कलकाता बिरखं गाथोननि गंसे रेस्टुरेन्ट, सप्तगिरियाव सामलायगिरि महरै खामानि मावगासिनो दंमोन। बेनि उनावनो सोमोन्दो आ बांसिन मोजां जादोंमोन, मोननाय खौरांनि बायदिब्ला, थैनाय सुरेश आ हीरा आरो कार नि फालांगियाव लोब्बा दंमोन। सोमोन्दो बानायखांनायनि उनाव, सुरेश आरो अंजलिआ पुणे आरो कलकातानि गोबां हटेलफोराव हर थायो। सुरेशआ बिसोरनि लोगोसे नि सावगारिखौ लाखिखुमानायसै। नाथाय उनाव लासै-लासै सुरेशजों अन्जलिनि मोजां मोनलायनाय सोमोन्दो आ गैया जालाङो। अन्जलिआ सुरेशखौ ब्ल'क खालामदोंमोन। आरो गावस्रानायनि रागायावनो अन्जलिनि बयफ्रेन्ड, गोदान मोजां मोननाय विकासनो गासैबो सावगारिफोरखौ हरो। अंजालि आ बेफोरखौ सहायनो हायाखैमोन, बेनि थाखाय बुथारनायनि प्लेन खालामो बियो, बे हिसाबैनो फिन बियो सन्दीपखौ गावनि मोनसे ह'टेलाव लोगो हमनो लिङो।
नाथाय सन्दीपआ कलकातायाव लोगो हमनो राजि जायाखैमोन मानोना बियो सन्देह' जादोंमोन। बेनि सोलायै कामाख्या थानसालि नायदिंखांनायनि उनाव गुवाहाटीनिफ्राय फैफिननाय समाव कलकातायाव जेरैबायदि गिबि खेबनि थाखाय अन्जलिखौ लोगो मोनदोंमोन, बे खेबावबो बेबायदिनो गुवाहाति आव लोगो हमनो थांखि लायो।
सानथांखि बायदियै बेलासिनि 02:00
रिंगासोआव बिकासआ अंजलि आरो सन्दीपनि खथायाव हाबहैयो। आरो बिसोरनि गेजेराव नांलायनाय जायो,
बेबादि समावनो, जेब्ला विकासआ मबाइलखौ लांनो नाजादोंमोन अब्ला बुनाया जागायजेनो। बेनि उनाव विकास आरो सन्दीपनि गेजेराव नांज्लायनाया जागायजेनो। बेफोरावनो सन्दीपआ गोब्राबै जोखोम जादोंमोन आरो उनाव जिउ गोमायो। गाज्रि थासारियाव गन्थंनिफ्राय गोबां दायनिगिरि विकास आरो अंजलिआ थै ओंखारनायखौ नुनानै ह'टेलनि खथानिफ्राय ओंखारलांनो थिरांथा लायो।
उनाव, फुंनि 02:45
रिंगासोआव, अंजलि आरो विकासआ जयै ह'टेलनिफ्राय
ओंखारबोयो आरो गिबियाव कामाख्या रेलवे स्टेशनाव थाङो, जेराव
कलकातायाव थांनाय जायखिजाया ट्रेनाव
गाखोनो थांखि खालामदों। उनाव, बिसोर गावनि थांखिफोरखौ
सोलायदोंमोन आरो बै मोनायाव 9:15 रिंगायाव बिसोर सानजौफुआव फ्लाइटआव
गाखोनो थिरांथा लायो ज आरो बेबायदिनो LGBI बिरखं
गाथोननि फारसे थाङो आरो बेयावनो बिसोरखौ हमनाय जायो होनना मिथिना मोनदों।
Please do not enter any spam link in the comment box. ConversionConversion EmoticonEmoticon