मैया 14 फेब्रुवारि मोन। बा बोसोर सिगां मैयानि सानाव जम्मु-काश्मीरनि पालवामायाव सा 40 सिआरपिएफ जवानफोरखौ उदखारिफोरा गाग्लोबदोंमोन। तामुलपुर जिल्लानि कालवारी गामिनि मनेस्वर बसुमतारीआ 14 फेब्रुवारि, 2019 मायथाइयाव हादोरनि थाखाय जिउ बावसोमनाय रौनियाफोरनि गेजेराव सासेमोन। मनेस्वर बसुमतारीआ हादोरखौ रैखाथि होनाय खामानियाव नांथाबना थानाय समाव थैनायखौ बोजबनानै लादोंमोन। मैया बाथि बोसोर जाबाय। नखर आरो खुरमा-बाहागिफोरा बाथि थैनाय बोसोरारि सान फालिनानै मुंख्लंखौ मान बावो।
बुधबाराव नलबारनि 136 थि बेटेलियननि सिआरपिएफ फर्सनि मावख'गिरि आरो जवानफोरा कलबारिआव फैदोंमोन आरो मुंख्लंनि मुसुखायाव माला गानहोयो आरो नखरनि सोद्रोमाफोरा आलारि बाथि सावनानै आरो मुंख्लं मनेश्वर बसुमतारी आरो गुबुन मुंख्लंफोरखौ गोसोखांनानै बाथौ आरज नि बेबस्था खालामो।
गुबुन फारसेथिं नख'रा
लुबैदों दि जेरै मुंख्लं मनेस्वर बसुमतारीजों लोगोसे सा 40 जवानफोरा हादोरनि
रैखाथि होनाय खामानियाव जिउ बावदोंमोन बेफोरबादि जाथाया हादोराव फिन माब्लाबाबो
जाया,
बे समावनो नखरनि सुबुंफोरा आसाम सोरखारखौ गरेश्वर-तामुलपुर लामानि मुंखौ सोलायनानै मुंख्लंनि मुङाव दोन्नो आरो लामा बानायनांगौ होनना दाबि दैखांदों। गुबुनफारसे खौरां मोननाय बादिब्ला मुख्लं बिथांमोननि गोसोखांथियाव बुधबारनि मोनाबिलियाव मेरापानीआव सीआरपीएफ गाहाय मावख'आव बो बिबार बावनाय हाबाफारि खुंनाय जादोंमोन। बे सानाव सीआरपीएफ नि थाखाय गोसोम सान होनना बुंनानै सीआरपीएफ जवानफोरा गावसोरनि लोगो जोहोलाव मुंख्लंफोरनि जिउ बाउनाय आरो बावसोमनायखौ गोसोखांनो थाखाय आखाइयाव ममबाथिफोर लानानै मेरापानीआव 40 गजनि बाथिखौ सावदोंमोन।
बिटिआरनि गाहाय मावफुंगिरि प्रमद बर'आ थिसनथाइ बिलाइ रान्नायनि उनाव लेङाय बुंथिगिरिफोरखौ बिबुंथि होयो आरो समाजनि फारसे गावसोरनि बिबाननि बागै बुंथियो। चिरांआव जिल्ला कमिसनार मावख'नि सावराय जथुम न'आव बिटिआर खुंथायनि गौथुमारि केबिनेट जथुमनि उनाव बिटिआरनि गाहाय प्रमद बर'आ खौरांगिरि मेलनि गेजेरजों बिबुंथि लाखियो।
मोनसे खौरां मेल खुंनानै बिथाङा बुङो
दि बेनि दिनैनि चिरांनि सिगां बाक्सा आरो उदालगुरिआव सावरायलायनाय जादोंमोन। फैगौ
नै बोसोरखौ बिटिसि बर्डआ थांनाय थाम बोसोराव मावनाय खामानिनि सायाव बिथा खालामनानै
खामानि मावनायनि बोसोर होनना साननाय जायो। बेनि थाखाय जथुमाव गोबां थिरांथाफोर
लानाय जादोंमोन। बिसोरनि गेजेराव सोरखारि मावफारियाफोरनि फोरोंथायनि राहा खालामनाय
जादों।
सिगांनि समाव खामानि मावनायनि आबहावा गैयामोन, खालि अनागार आरो नेमखान्थि गैयिफोरल'मोन। प्रमद बर'आ बुंदोंमोन दि गोदान बर्डआ बेखौ सिगांनिफ्रायनो थि खालामखाबाय। फैबाय थानाय बाजेटनि थाखाय लानाय थिरांथाफोरनि गेजेराव दं मावफारियाफोरनि थाखाय फोरोंथायनि राहा।
गथ'फोरनि मोनथायजों लोगोसे दिव्यांगफोरनि थाखाय रांबावजायाव स्पेसियेल सुबिदा थि खालामनाय जादों। बेजों लोगोसे खावसे खालामनाय खामानिखौ फोजोबनो थिरांथा लानाय जादों आरो मुलाम्फा मोनग्राफोरखौ गोनांथि होनाय जादों। हाग्रा बिफाननि बेंखनफोरनि बेलायाव गोनांथार थिरांथाफोर लानाय जादों। बेयो बोसोरफ्रोमबो हाग्रा बिफानजों नायदिंहैनाय मोनसे फोरमायथिनि बिथायावसो जागोन।
दावबायथायनि जौगानायाव गोसो होनाय जादों। रिजार्भ हाग्रा ओनसोलफोराव रिसर्टफोर बायदि बानायनायाव गोसो होनाय जागोन। थांनाय जथुमायाव, सोलिफु बोसोरखौ सोलोंथायनि सायाव नोजोर होनानै "हाबा मावनाय सोलोंथायारि बोसोर" महरै लानाय जादोंमोन। बेनि थाखाय गोबां राहा लानाय जादों।
आजिरा मोन्नाय मावख'गिरि आरो मावफारियाफोरखौ लाफानानै आफादफोरखौ आलादायै दानाय जागोन। गुनगोनां सोलोंथायनि थाखाय बे राहाखौ लानाय जादों। बोसोरफ्रोमबो जि थाखोनि साबसिन सा जि फरायसाफोरखौ इसरोआव दैथायहरनो थिरांथा लानाय जायो। सानखराङारि गोहोनि सायाव नोजोर होनानै खामानिखौ मावनाय जादों। बिटिआरआव गं 500 देहा फाहामसालिफोरखौ सानखराङारि मोब्लिब गोहो होनाय जाबाय। दा गामिफोराव खामानिखौ बांसिन गोसो होनानै खालामनाय जादों। बेवहाय मोनजि फरायसालि स्पेस लेबफोर थागोन जेराव फरायसाफोरा सानखराङारि खान्थिनि सोमोन्दै मिन्थिनो हागोन।
बेनि अनगायैबो दिनैनिफ्राय "मिसन
वैसुमति-1.0" खौ जागायजेनबाय होनना बुंथियो प्रमद बर'आ। मिसन
बैसुमतिनि सांग्रांथि भिडिअखौ बिटिआरनि मोन द' रावआव
फोसावनानै बर'आ बुङो दि मिशन वैसुमति सप्ता महरै
खामानि 16 फेब्रुवारिनिफ्राय 22 फेब्रुवारिसिम खालामनाय जागोन। बिटिआरनि सुबुंफोरा
मोन 13 हाजों सोमोन्दो गोनां खामानिफोरखौ अनलाइन मावनो हागोन।
खौरांगिरि मेलाव प्रमद बर'आ बेखौबो फोरमायोदि 16 अक्ट'निफ्राय हादोर गेजेरारि हाग्रानि जिब-जुनार रैखाथि सोलायनाय जागोन जेराव हाग्रामा रैखाथिजों लोगोसे हाग्रानि जिब-जुनारनि रैखाथिनि सायाव सावरायनाय जागोन ৷ बेयाव हादोर आरो गुबुन हादोरनि रोंग'थि गोनां सुबुंफोरा बाहागो लागोन।
क्लस्टर बिबानगिरि महरै कक्राझार आरो धुबुरि
लकसभा बियाबनि बिबानगिरि मन्थ्रि रन्जित कुमार दासआ क'कराझार
जिल्ला बि जे पि नि बिसायख'थि मावख' बेखेवदोंमोन
आरो ककराझार, चिरां आरो बाक्सा जिल्लानि बि जे पि
मावख'आरि, बि जे
पि काउनसिलर बायदिजों मोनसे सावराय मेल खुंदोंमोन।
बिथाङा बुंदोंमोन दि गाहाय मन्थ्रि
नरेन्द्र मदिआ बीटीआरआव गोजोन लाबोफिनदों। गिबि मन्थ्रि ड: हिमन्त बिश्व शर्मा आरो
बिटिसिनि गाहाय मावफुंगिरि प्रमद बर'आ
जौगानायनि थाखाय खामानि मावगासिनो दं। बेयाव दा गोख्रै जौगानाया जाथावना। बेफोर
गासैखौबो नुनानै सुबुंफोरा थामथि खेबनि थाखाय गाहाय मन्थ्रि नरेन्द्र म'दिखौ
गाहाय मन्थ्रि महरै फसंनायनि मोजांनि थाखाय बि.जे.पि. आरो बिनि गोरोबथायारि
बिजाथिफोरनो भट होगोन। बिथाङा बेखौबो बुंदोंमोन दि 18 फेब्रुआरि आरो 25
फेब्रुवारियाव बि.जे.पि. मावथिफोरनि मोनसे जथुम्मा खुंनाय जागोन।
लोगोसे बिथाङा बुंदों बि.जे.पि.आव 'बर'-अबर'' होनना जेबो सोदोब गैया। जों बयबो भारतारि। बिथाङा बुंदोंमोन दि बिपिएफजों बि.जे.पि.नि गोरोबथानि सायाव हायुंआरि दैदेनगिरिनिफ्राय जेबो बिथोन गैया। बे समावनो मन्थ्रिआ बि.जे.पि. नि बिसायख'थि मावख' बेखेवनायनि उनावनो इउपिपिएलनि मावख'आव खुंनाय मोनसे मेलआवबो बाहागो लादोंमोन। बेनि उनाव क'कराझारनि आवर्ता भबनआव पन्चायत आरो गामियारि जौगाखां बिफाननि मावख'गिरिफोरजों मोनसे नायफामफिननाय जथुमाव बाहागो लादोंमोन।
गाहाय मन्थ्रि नरेन्द्र म'दिआ साननैनि थाखाय इउ.ए.इ. दावबायदोंमोन। गाहाय मन्थ्रि नरेन्द्र मदीआ मैया जुथाइ आरब एमिरेट्सनि शाहीआव गिबिसिन हिन्दु थानसालिखौ बेखेवो। बे गिदिर थानसालिखौ 700 कौटि रां बाहायनानै 5.4 हेक्टेयर हायाव लुनाय जादों। बेनि अनगायैबो, थानसालियाव गलापि अन्थाइ-मार्बलबो बाहायनाय जादों।
थानसालिखौ बि.ए.पि.एस. स'साइटिनि
नाजानायाव लुनाय जादों। गाहाय मन्थ्रि नरेन्द्र मदिआ रेलिखौ बिबुंथि होदोंमोन।
बेखौ गोसोखांनो हायोदि राजस्थान आरो
गुजरातनि सा 2,000 मावसाफोरा थांनाय थाम बोसोरनिफ्राय बे थानसालिखौ लुदों। बे
जारिमिनारि थानसालिया इउ.ए.इ.आव थाग्रा 35 लाख भारतारिफोरनि थाखाय सिबिग्रा थावनि
जागोन। गाहाय मन्थ्रि नरेन्द्र म'दिखौ इउ.ए.इ.नि आफादगिरि महम्मद बिन
जायद अल नाहानआ बरायदोंमोन।
'अहलों मोदी' स्ल'गानजों पि.एम. म'दिनि थाखाय मोनसे जर'खा हाबाफारि। 2014 मायथाइयाव गाहाय मन्थ्रि महरै बिबान सामलायनाय नरेन्द्र मदीया सिगांनिफ्रायनो स्नि खेब इउ.ए.इ. दावबायखांबाय। इं 2015 माइथायाव नरेन्द्र मदीया गिबि खेब गाहाय मन्थ्रि महरै इउ.ए.इ. दावबायदोंमोन।
जाथायनि जायगाया मायानगरी मुम्बाइ।
मायानगरीनि जाथाया सांग्रां सुबुं समाजखौ जिंगा सिहोदों। बेखौ मिथिनो मोननाय जायो
दि महाराष्ट्र सेक्रेटारियेटआव खामानि मावग्रा गेदेमा आइजोआ गावनि फिसायनि
बेरेखायै गोबां नख'रारि दावराव-दावसि आरो अजद दैखांनानै
आइजो रैखाथि आयेननि सिङाव मोनसे मेजिस्ट्रेट बिजिरसालियाव अजद होदोंमोन।
बे बेलायाव, आइजोआ बुंदोंमोन दि बियो नख'रारि हिंसा आरो फिसाइया बैसो जानाय बिमाखौ जोथोन लानाय, सम-सम रां होनायाव मदद खालामनाय, बिनि थाखाय समनि आंखालखौ मोजां मोना। बिखुनजो आ गोबां समफोराव बिखौ मेलेमारि नारसिननाय साजा होनायनिबो दाय होदोंमोन।
बबेखानि, बे केसजों सोमोन्दो लाखिनानै, बिजिरसालिया बुंदोंमोन दि बेफोर खौरां आ नंखाय आरो बेनि सोमोन्दै जेबो नंगुबै फोरमायथि गैया। फिसाज्ला महरै बिमा जानायखौ मानिनाया नखरारि हिंसा नङा। लोगोसे नो होनाय अजदफोरा रोखा नङा आरो बिथा गैया होनना बो बुङो।
साथाम फरायसाफोरा गोब्राबै जोखोम जायो
आरो गुबुन साथाम फरायसाफोरा एसेल' जखम जायो, खौरां मोननाय़ बादिब्ला
मुस्तफा आलम मुंनि फरायसा या कन्ट्रल खोमानानै नामबर हाग्रा ओनसोलनि साखाथियाव
फांसे बिफांआव सौग्रावदोंमोन। बिनो गावनि बिफा नि गारि खौ सिरि सिरियै
लांखुमादोंमोन बिफा गैयि नि सुबिदा लानानै। फरायसाफोरखौ फारियै मुस्तफा आलम, शमीम
आख्तर, शेख फरीद, रेकिबुद्दिन
आली, रबिउल हुसैन आरो अजीजुर इस्लाम होनना
सिनायथि होदों।
गलाघाट सदर पुलिस थानानि ट्राफिक
गांखंनि मोनसे पुलिस हानजाया जाथाय जायगायाव सहैयो आरो सा द' जोखोम
जानाय फरायसाफोरखौ 108 एम्बुलेन्स सिबिथायनि गेजेरजों गलाघाटनि शहीद कुशल कनवार
सिभिल देहा फाहामसालियाव थिसननायनि राहा खालामो।
बेनि अनगायैबो आसामनि गुबुन गुबुन
जायगायाव जानाय जाब्रबथाय आव सा 4 सुबुंफोरनि जिउ गोमादों होनना खौरां मोनदों,
जरहात आव सानै सेंग्रा फोरनि जिउ गोमादों, मंगलदै आव बो सानैनि जिउ गोमादों नि
खौरां मोनदों, सिलसर आव बो एखे जाथाय जानायनि खौरां, गुबुनफारसे गुवाहाति आव सानै
फरा.सुलिफोरा गोमानायनि खौरां बो मोनदों, मधुश्मिता बैश्य आरो बन्दिता भौमिक मुंनि
सानै फरायसुलिफोर, थाखो 7 आव फरायो, फुजा याव थांनायनि उननिफ्रायनो न आव मोनहैयाखै
होनना मिथिना मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon