मौर्य साम्रायजोनि आचार्य चाणक्यनि सानस्रिफोरा दिनैसिमबो आरजाथाव। जायखिजाया सुबुङा चाणक्यनि खान्थिखौ फालिनानै गावनि जिउआव जाफुंसार जानो हायो।
आचार्य चाणक्यनि बायदिब्ला, चंद्रगुप्त मौर्यआ आचार्य चाणक्यनि बाथ्राफोरखौ मानिनानै लाथिख'निफ्राय गोजौआव सौहैदोंमोन। बिथांनि दैदेननायनि थाखायनो गोदो गोदायनि समाव मोनसे खौसे भारतखौ सोरजिनाय जादोंमोन। चाणक्यया बै समाव सासे गिदिर सानथौगिरिमोन। जुदि नोंथाङाबो जिउआव माब्लाबाबो फेजेनजानो लुबैया, अब्ला थारैनो आचार्य चाणक्यनि बे मोनब्रै सोदोबफोरखौ गोसोआव लाखि। फै जों मिथिनि-
"प्रत्युत्थानं च युद्धं च संविभागं च बन्धुषु ।
स्वयमाक्रम्य भुक्तं च शिक्षेच्चत्वारि कुक्कुटात् ॥ "
बे खन्थाइनि बायदिब्ला,
आचार्य चाणक्यया बुङो दि दाव आ सानफ्रोमबो ब्रह्म मुहूर्तआव सिखारो । नोंथाङाबो जिउआव जाफुंसार जानो लुबैयोब्ला ब्रह्म मुहूर्तनि समनि गेजेरावनो सिखारगोन। बेनि फिथाय महरै खामानि मावनो थाखाय गोबां सम मोनगोन। नोंथाङा उफ्रा समबो मोनगोन।
दाव नि नैथि हुदाया जाबाय जेब्लाबो दावहानि थाखाय थियारि थानाय। बेनि ओंथिया बेनोदि नोंथाङा जेब्लाबो खामानि मावनो थाखाय थियारि थानांगौ। अलसिया जायोब्ला उन जालांनो हागौ। बेनि थाखाय जेब्लाबो नोंथांनि हाबाखौ मावनो थाखाय थियारि था।
दाव नि थामथि हुदाया जाबाय फंबायनो समान बाहागो होनाय। धोरोम बिजाबफोरा इसोर आरो फंबायनि माखासे बाहागोफोरखौ जाख्ल'नो नाङा होनना फोरमायो। दाव आ जेब्लाबो बिदा-फंबायफोरनो समान बाहागो होयो। जुदि नोंथाङा जिउआव जाफुंसार जानो लुबैयोब्ला गावनि फंबायनो बिनि मोननांगौ बाहागोखौ हो।
दाव नि ब्रैथि हुदाया साहसजों जानाय। आचार्य चाणक्यया बुङो दि सासेआ साहसजों जानांगौ। बेयो सुबुंखौ गोख्रोंसिन खालामो। मोनसे गोग्गो मेलेम आरो देहा थानाया सासेखौ गोसो गुदुंजों गावनि खामानिखौ मावनो हायो।
बे मोन 4 बाथ्राखौ गोसोआव लाखिनानै, सासे सुबुङा जिउआव माब्लाबाबो फेलें जाया।
Please do not enter any spam link in the comment box. ConversionConversion EmoticonEmoticon