साननैनि
दावबायनाय हाबाफारि जों दिनै 3 फेब्रुवारि आव आसाम आव फैगोन गाहाय मन्थ्रि
नरेन्द्र मोदि बिथाङा, बे समखिनियाव गाहाय मन्थ्रि आ आसाम आव 11,599 कौति रां
नि प्रजेक्त खौ बेखेवगोन, गिबि मन्थ्रि हिमन्त बिस्व शर्मा या सुक्रबारखालि दिसपुर
आव खौरांमेल नि गेजेरजों बे बाथ्रा खौ मिथिहोदों। 43 ता लामा, 38 ता दालां नि
हाबाफारि बेखेवनायजों लोगोसे नेहरु स्तेदियाम खौ फिफा नि थाखो नि स्तेदियाम
बानायनो बेखेवगोन आरो सन्द्रपुर आव इन्तारनेशनेल थाखो नि स्तेदियाम बानायनाय, जिएमसिएइस नि बिल्दिं
मोजां बानायनाय जों लोगोसे कामाख्या मन्दिर आव मोनसे बानायनाय आरो गोबां जौगानाय
बिथांखि बेखेवगोन, खौरां मोननाय बादिब्ला दिनै मोनाबिलि नि 7बाजि30 सो आव बरझार
बिरखं गाथोन आव मोनफैगोन, बेनि उनाव रबिबार सानखालि फुंनि 11 बाजि आव खानापारा याव
गिदिर हाबाफारि आव बाहागो लागोन।
2024
मायथाइ नि जोबथा मेत्रिक आनजाद आ 16 फेब्रुवारि निफ्राय जागोन, सेबा नि सिङाव बेनो
जोबथा जागोन मेत्रिक आनजाद आ। खौरां मोननाय बादिब्ला आनजाद आ जानायनि सिगां नो
बेनि रिजाल्त खौ माब्ला होनो हागोन बेनि सायाव साननाय जादों, मैया आसु आ
खौरांगिफोरनि सिगाङाव फोरमायनाय बादिब्ला मेत्रिक आनजाद नि रिजाल्त खौ रंजालि
बैसागो नि सिगां नो होगोन। आगोलनि बोसोर फोरनि आनजाद नि रिजाल्त खौ नायोब्ला मे
दान नि जोबनायथिं सो होयोमोन, नाथाय बे बोसोरनिखौ थाबैनो होनो हागोन होनना बुंदों
बिथांमोना, मानोना बे बोसोर आव आनजाद नि लिरनाय नेम आ सोलायदों। आसु आ सेबा आरो
एहसेक जों सावरायलायनायनि उनावनो बे बाथ्रा खौ मिथिहोदों। मेत्रिक नि खौ बिथांमोना
बुंदोंब्लाबो नाथाय हायार सेकन्दारि नि सोमोन्दै जेबो खौरां मोनाखै, हायार
सेकन्दारि नि या आगोलनि बायदि नो एखे जानो हागौ। मखजाथावदि बे बोसोर आव मेत्रिक
आनजाद खौ 4लाख25रोजा9जौ24 फरायसाफोरा होगोन आरो हायार सेकन्दारि नि खौ 2लाख79रोजा9जौ46 फरायसाफोरा होगोन।
चिरां
आव उन्दै बैसो आव हाबा जानायनि सायाव काजलगांव नि जिल्ला बिजिरसालि आ सासे सेंग्रा
खौ पस्को आयेन नि सिङाव 20 बोसोर नि जेल नि साजा नि राय होदों, गुरुभासा पुलिस
थाना नि सिंनि गंसे गामि नि थागिबि प्रबिसन हासदा मुंनि सेंग्रा खौ नो उन्दै बैसो
नि गथ हाबा खालामनायनि दाय आव बे साजा खौ फोसावना होयो। 20 बोसोर नि जेल जों
लोगोसे 10 रोजा रां नि जरिमाना बो खालामदों होनना खौरां मोनदों, मखजाथावदि रायजो
सोरखार आ उन्दै बैसो नि हाबा नि बेरेखा गोबां गोरा थिरांथा फोर लानायनि गेजेरावनो
बेबायदि बिजिरसालि आ बो गोरा बेबस्था लानायखौ नुनो मोनदों।
रायजो
आव मैया नि सान आव गोबां जायगा याव नो अखा हानाय, गिथावना बार बारनाय, अन्थाय अखा
गोग्लैनायखौ नुनो मोनदोंमोन, गोबां जायगा याव नो गोबां खहा जानायनि खौरां मोनदों।
मिथिना मोननाय बादिब्ला रायजो आव आरो सान 3 सो बोथोर आ बेबायदिनो एखे थानो हागौ,
बरझार आव थानाय ओनसोलारि बोथोर बिगियान मिरु आ फैगो सा 3 सिम अखा हानो हागौ, दिनै
3 फेब्रुवारि आव आसाम जों लोगोसे सा सानजा भारत नि अरुनासल, मेघालय नागालेन्द
मनिपुर मिजोराम आरो त्रिपुरा नि गोबां जायगा याव अखा हानो हागौ, बेबायदिनो 4 आरो 5
फेब्रुवारि आव बो आसाम आरो अरुनासल जों लोगोसे मेघालय नि दाबनैसो जायगा याव अखा
हानायनि समभावना दं होनना खौरां मोनदों।
दुलाराय बर' फरायसा आफादनि खुंगा 56थि
थान्दै जख'न्थाइ हाबाफारिया गलाघाट जिल्लानि हिड़िम्बा नोगोरनि तेलिसालआव मैया
2 फेब्रुवारीनिफ्राय
4 फेब्रुवारीसिम खुंफुंजागोन।
बेयाव बर फोरनि गुबुन गुबुन जेंना फोर जों लोगोसे सोलोंथाय हारिमु आरो गुबुन गुबुन
आयदा नि सायाव सावरायलायनाय जागोन, 1 कौति 50 लाख प्राम रां बाहायनानै खुंनाय बे
हाबाफारि आव गोबां सुबुंफोरा नो बाहागो लादों होनना खौरां मोनदों, मिथिना मोननाय
बादिब्ला आसामनि गिबि मन्थ्रि आरो लोगोसे बितिआर नि गाहाय आरो गोबां मन्थ्रि एमएलए
आ बे हाबाफारि आव बाहागो लागोन, आसामनि गासैबो जिल्ला जों लोगोसे नेपाल भुतान आरो
बांलादेस नि बो गोबां सुबुंफोरा बेयाव बाहागो लाफैगोन होनना खौरां मोनदों।
कार्बिआंलं
जिल्ला नि हाउराघात तिनिआलि आव ओनसोलारि थाखो नि मोन 6 बर आफादफोरनि बोसोरारि
हाबाफारि फारियै एबसुनि 45 थि, बर थुनलाइ आफाद
नि 45 थि, कशारि समाज नि 43 थि, आबोफ नि 36थि, हारिमु आफाद नि 21 थि आरो
गावबुरा आफाद नि 2थि बोसोरारि जथुम्मा या सानसे नि हाबाफारि जों जानानै थाङो।
हाबाफारि बादियै फुंनि 9 बाजि आव मोन 6 आफाद नि फिरफिला फोरखौ बिरहोनाय जायो,
लोगोसे नो बर फोरा माबोरै जौगालांनो हागोन, गोजोनै थानो हागोन बेफोरनि सायाव
सावरायलायनाय जायो। हाबाफारि आव मोन6 आफाद नि गोबां गोजौ थाखो नि दैदेनगिरि
बिथांमोना बाहागो लादोंमोन।
धकुवाखाना
महकुमा नि घिलामरा याव जादों मोनसे गाज्रि जाथाय, बिदा फंबाय नि गोथार मोजां
सोमोन्दो खौ सिफायनानै घिलामरा पुलिस थाना नि सिंनि आखैफुतिया गामि नि सासे बिदा
या गाज्रियै बुनानै गावनि फंबायखौनो बुथारो, जाथायनि सोमोन्दै मिथिनाय बादिब्ला
गामि नि सानै फिसा नि बिफा सदा बरा या न आव थानाय समावनो बिदा रातुल बरा या काथ नि
थुख्रा जों बुनानै गाज्रियै जोखोम खालामो, उननि समाव बिसि या दिब्रुगर नि
देहाफाहामसालि आव लांदोंमोनब्लाबो जिउ गोमायो, दायो नखरनि फोरा मानसि बुथारनाय
दायनिगिरि खौ गोरा साजा होनो दाबि दैखांदों। पुलिसफोरा बो नागिरगासिनो, मिथिना
मोननाय बादिब्ला दायनिगिरि रातुल आ खारखुमाना दं।
सासे
बिमा या बेसेबां अननो रोङि जानो हागौ, लामा याव नो गावनि फिसा खौ गारना गालांबाय
अननाय गैयि बिमा या, सानै फिसा खौ गारनानै खारबाय बिमा या, सिसितिभि आव गासैबो
रेकर्द जाजोबदों, सिसितिभि फुतेज आव नुदों दि सासे आयजो आ गंसे गेत नि मोखां आव
सानै गथ खौ गारनानै खाऱखुमादों, मिथिना मोननाय बादिब्ला रुपहिहात नि गेरेकि गामि
नि आजिबुर रहमान मुंनि सुबुं आ गावनि बिसि सालेहा खातुन जों लोगोसे सानै गथ खौ
लाना थांदोंमोन दिल्लि आव, खामानि मावनो होनना थांदोंमोन दिल्लि आव, दिल्लि
निफ्राय नो खारखुमायो बिमा या, दायो सानै गथ खौ लानानै जेंना याव गोग्लैदों फिसाय
आ, थाना याव बो मोनसे गसर थिसनो, आइजो खौ नागिरना मोनाखै दासिम।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon