Merapani absu conference open session. ~ Bodoinfo.com

दुलाराय बर' फरायसा आफादनि 56थि मिरु थान्दै जथुम्मानि जाफुंसार जोबनाय। तेलिशालनि हिडरिम्बानगर ओनसोला जोबथा साननि हाबाफारियाव होंगो दोंगोआव सोलायबाय। फुङाव गुबुन गुबुन हारिफोरनि मोनसे गाबगोनां हारिमुआरि हानजा सुरनाय हाबाफारि लानाय जादोंमोन। हान्जा सुरनायाव बर'फोरनि गुबुन गुबुन हारिमुफोरखौ दिन्थिफुंनायजों लोगोसे राभा, मिसिं, साहा-हारिसा, बिहु मोसानाय आरो गुबुन गुबुन हारिनि हारिमुआरि हान्जाफोरा बाहागो लादोंमोन। हारिमुआरि हान्जा सुरनायनि उनाव गुबुन गुबुन हान्जाफोरा मोसादोंमोन।

दुलाराय आसाम बर' साहित्य सभानि आफादगिरि ड: सुरथ नार्जारिया एबसुनि आफादगिरि दिपेन बर'नि दैदेन्नायाव बेलासिनि 3 रिंगानिफ्राय माकुलि मेलखौ बेखेवना होयो, जेराव बर' कछारी कल्यान गावखुंथाय गौथुमनि लेङाइ गाहाय मावफुं सोद्रोमा रिमिअ' पि नार्जारीआ बे मेलाव गाहाय आलासि महरै बाहागो लायो। राज्य' सभानि एम.पि. रोन गौरा नार्जारी, आसाम सोरखारनि केबिनेट मन्थ्रि उर्खाव गोरा ब्रह्म, मुंदांखा खौरांगिरि आरो नागालेन्ड मुलुगसोलोंसालिनि भाइस चेन्सेलर समुद्र गुप्त काश्यप, थेंगल कचारी फरायसा आफादनि आफादगिरि देबजित थेंगल, सन'वाल फरायसा आफादनि आफादगिरि रतन कसारी, भारतीय गोरसा परि संघनि गाहाय नेहाथारि नन्द किराती दीवान बिथांमोनहा बाहागो लादोंमोन। आफादनि मिरुआरि दैदेननाया दं। बे मेलाव बिथाङा बर'फोरनि बायदि बायदि जेंनाफोरनि सायाव नोजोर होयो आरो आसामनि गुबुन गुबुन हारि माहारिफोरनि गोरोबलायनायनि गेजेरजों खौसेयै दावगालांनो खावलायो।