ल'क सभा बिसायख'थिया खाथिथारसै। रायजोआव बिसायख'थिनि हाबाफारिफोरखौ बारा जानायखौ नुनो मोनदों। बिसायख'थि आयगा राजखान्थि दोलोफोरजों समान थागथियारि जागासिनो बिसाय़खथि नि थाखाय। लकसभा बिसायख'थिनि सिगां रायजोआव भटार लिस्त एबा भतार फारिलाइखौ फोसावनाय जाबाय। रायजो बिसायख'थि आयगआ मैया दिसपुरनि जनता भबनआव मोनसे खौरां मेल खुंदोंमोन। बे खौरां मेलाव रायजोनि गाहाय बिसायख'थि मावख'गिरि अनुराग गयलआ बिबुंथि लाखियो। बियाबखौ फिन थि खालामनायनि उनाव गोदान भटार फारिलाइखौ फोसावनाय जायो। खौरां मेलाव रायजोनि गाहाय बिसायख'थि मावख'गिरिया होनाय फोरमायथिनि बायदिब्ला रायजोआव सिगांनि भ'ट होग्राफोरनि अनजिमाया 2,41,11,743 मोन. नाथाय दायो बेनि अनजिमा या बारा जादों। गासै 2कौति43लाख1रोजा9जौ60 जादों। गोदानै 7 लाख26रोजा7जौ83 खौ सोनाय जादों, बेबायदिनो बिसायख'थि फारिलाइनिफ्राय सा 7,27,291 सुबुंफोरनि मुंफोरखौ बोखारनायबो जादों। रायजोआव सा 1,69,668 गुबुन-गुबुन देहायारि जेंना थानाय भ'ट होग्राफोर दं। खौरां मोननाय बादिब्ला रायजोआव गासै भट मिरुफोरनि अनजिमाया 28,645। इपि रेसिय आव रायजोनि सुबुं अनजिमा नि मोनफ्रोमबो रोजा याव सा 637 भ'ट होग्राफोर दं। बिधानसभा नि बियाब हिसाबै नायोब्ला दलगाव बियाबाव बयनिख्रुइबो बांसिन भ'ट होग्राफोर दं।
बेबायदिनो, बयनिख्रुइ बांसिन भ'ट होग्रा लकसभा बियाबा धुबुरि। धुबुरीआव भ'ट होग्रानि अनजिमाया 26,43,403। बयनिख्रुइ बाङाइसिन भटार थानाय लकसभा बियाबआ डिफु। डिफुआव भटारफोरनि अनजिमाया 8,92,789। बेनि गेजेराव, खौरां मेलनि गेजेरजों गाहाय गयलआ बयखौबो बिसायख'थि फारिलाइआव मुंखौ नायबिजिरनो खावलायदों। माबाफोर गोरोन्थि जानाय नुदोंब्ला www.ceoassam.nic.in आव नङाब्ला भतार सार्भिस एप आव थांनानै एप्लई खालामनो हागोन, लोगोसे नो जिल्ला बिसायख'थि मावख'गिरिनि मावख'आवबो आरजलाइ होनो हागोन।
रायखांनो गोनां दि आसामाव आनजादाव स्तेन्द खालामनाय खान्थिया जोबगोन। बे समनिफ्राय गोजौ फरायसालि आरो गोजौसिन फरायसालियाव जेबो जायगा एबा 'स्टेन्ड' थानाय नङा। बे बाथ्राखौ रायजोनि सोलोंथाइ मन्थ्रि ड. रनोज पेगुआ मैया (बृहस्पतिबार) रोखा खालामो। सोलोंथाइ मन्थ्रिआ मैया सोलिबाय थानाय आयेन आफादनि बाजेट जथुमनि ब्रैथि सानाव आयेन आफादनि नब्लाङाव बे फोरमायथिखौ फोसावो।
सोलोंथाय मन्थ्रिआ बेखौबो बुंदोंमोन, "बेयो खालि आसामावल' समाजारि महरै गनायथि होजानाय। भारताव बेखौ सोलोंथायारि महरै जेरावबो गनायथि होनाय जाया, बिनिखाय बेबादि सिनायथि मोनै खान्थिखौ फोथांनानै लाखिनायनि मा मुलाम्फा दं? बेयो ओंथि गैयै बाथ्रा"" माब्लाबा-माब्लाबा बे स्तेन्द खान्थिया माखासे फरायसाफोरखौ गावखौ फोथैनायनि फारसे नारसिनो। बेफोर बिथिंफोर जायनि सायावबो जों गोसो होनांगोन।"
बे समावनो, सोलोंथाइ
मन्थ्रिआ फैगौ सोलोंथायारि बोसोरनिफ्राय गोजौ फरायसालिनि आनजादाव जायगा मोननायनि
जेबो राहा थानाय नङा होनना फोसावनायनि उनाव मोनसे गलाय-गथाय फिनजाथाय सोमजिदों।
सोरबा मोजां जादों बुङो आरो सोरबा मोजां जायाखै होनना बुंनायखौ नुनो मोनदों
गोरलैयै रां मोननायनि लुब आव गोग्लैनानै गोबां सुबुंफोरा लुथिजाबाय, मोनसे बुंनाय दंखायो ना, लुब आ नो पाप आरो पाप आ नो मृत्यु। बेबादि जाथाया बैफोर सुबुंफोरजोंनो जाबाय। जाथाय आ आसामनि नो, सानैसो सुबुंफोरा मोनसे मबाइल एपजों गोरलैयैनो गोबां रां आर्जिनायनि सिमां नुदोंमोन। जानो हागौ बिसोर सानदोंमोन एसेबां गोरलैयै रां मोनोब्ला आरो मा नांबावगोन? सोरबा लोन लालायनानै बेयाव रां खौ बाहायदोंमोन होनना खौरां मोनदों
बे सुबुंफोरा 'ब्लेक
स्ट'न' मुंनि
मोनसे अनलाइन एपनि गेजेरजों रां आर्जिनायनि लोब आव गोग्लैदोंमोन। बिसोरखौ गिबियाव
मबाइल आव 'ब्लेक स्ट'न' मुंनि
एपखौ डाउनलड खालामनो थिननाय जादोंमोन। बिनि उनाव बिसोरखौ मबाइल नम्बरनि गेजेरजों
मोननाय अ.टि.पि.जों रेजिस्तार खालामनाय जायो आरो 600 निफ्राय
10,000 रांनि गेजेराव जमा खालामदोंमोन।
कास्टमारफोरा गिबियाव 600 रां जों 50/60 रां
आरो 1000 रां जों 120
निफ्राय 150 रांसिम आरो 2000 रां
जों 200 निफ्राय 250 रांसिम मोनदोंमोन। जायनि जाहोनाव
बिसोर एपआव बांसिन रां बाहायनो हमदोंमोन। नाथाय साननैसो मोजां जानायनि उनाव एपनिफ्राय
रां दिहुननो हायि जायो।
एपआ हरखाबै बन्द' जानायाव बायगिरिफोरा दा सोमोनांथाव थासारियाव दं। थगायग्राफोरा रां थिसनग्राफोरनि गासैबो रांखौ लुथिबाय। जरहाट बहाना फरायसालिमानि सासे बुंथिगिरिया एपजों सोमोन्दो दं होनना साननाय जादों, बेनि थाखायनो दायो लुथिजाग्राफोरा बे जाथाय नि सायाव भोगदाई पुलिस थानायाव एफआइआर होखाबाय होनना खौरां मोनदों।
आसाम पुलिसनि एन्टि करापसन मोनसे हानजाया बृहस्पतिबारनि मोनाबिलियाव नायबिजिरनानै आसाम ग्रामिन बिकास बेंकनि धिं दालायनि सामलायगिरि आफताब हुसेनखौ खानो हादोंमोन। घुस लानानै हमजानायनि उनावनो रां जाख्ल'नाय बेरेखा आरो नायदिंग्रा गांखंनि हानजाखौ गाज्रि बेंक मावख'गिरिया गाग्लोबदोंमोन।
रां जाख्ल'ग्रा
बेंक मावख'गिरिनि गाग्लोबनायाव सिग्रोमग्रा
हानजानि सासे मावख'गिरिया जोखोम जायो। रां जाख्ल'नाय बेरेखा
दालाय हानजाया आथिखालाव बेंक मावख'गिरि
आफताब हुसेनखौ हमनानै सोंथि खालामगासिनो दं।
फुङाव मोनबा गाहाय बर' आफादफोरा
फिरफिलाखौ आलादा-आलादायै बिरहोदोंमोन। दलसिं बसुमतारिया कचारी समाजनि फिरफिलाखौ
बिरहोयो, आबुफनि फिरफिलाखौ बिरहोयो लीला दैमारिआ, बर' कर्मचारि
आफादनि फिरफिलाखौ बिरहोयो दिलिप दैमारिआ, बड' गाँवबुरहा
आफादनि फिरफिलाखौ बिरहोयो मुनिन्द्र नार्जारि आरो बुधिराम नार्जारिआ बर' आबादारि
आफादनि फिरफिलाखौ बिरहोयो।
बेनि उनाव कार्बि आंलं जिल्ला कछारी
समाजनि आफादगिरि दलसिं बसुमतारीनि मासि सामलायनायाव 'गेदेर
बर' हारि दानायनि जेंनाफोर आरो सुस्रांनाय' नि सायाव
मोनसे सावराय जथुम खुंनाय जायो।
बे हाबाफारियाव बर' आफादाव
खामानि मावनाय गोजाम मावथिफोरखौ मान बावनाय जायो, फारियै
नाजेन्द्र बसुमतारी, विश्वेश्वर बसुमतारी, रन्जित
दैमारी, हलिराम नार्जारी, भगिराम
दैमारी, अहिन हाजवारी आरो तरनि बसुमतारी
बिथांमोनखौ। त्रिपुरानि बिनय देब वर्मा, रोही
चन्द्र देब वर्मा, रतन देव वर्मा, साहित्य
अकादेमी बान्था मोनगिरि ड. प्रेमानन्द मोसाहारी, कार्बि
आंलं जिल्ला तिवा साहित्य सभानि नेहाथारि जनार्दन पातर आरो गोबां गुबुन गेदेमा
सुबुंफोरा सावराय जथुमाव नुजाथिदोंमोन।
दुलाराय बर' फरायसा आफाद आरो इउ.एन.बि. ट्राष्टनि जथाय बानजायनायाव देग्लाइनि 20थि बड'फा उपेन्द्र'नाथ ब्रह्म सुबुंथिनि फाइखि बान्था-2023(20th Upendra Nath Brahma Soldier of Humanity Award-2023)खौ रेमन मेगसेसे बान्था मोनगिरि सोनम वांगचुकनो गथायनाय जादोंमोन ।
आरो बे हाबाफारियाव नुजाथि फैनानै सोनम वांगचुक बिथाङा जोबोद गोजोननायजों बान्थाखौ गोसो गुदुङै आजावनानै लाफैदोंमोन ।
लोगोसे बे हाबाफारियावनो दुलाराय बर' फरायसा आफादनि मानावगेदेद आफादगिरि मुस्रि दिपेन बर'आ जोंनि आरो बै ओनसोलनि फारफ्रोमबो बिथिंखौ नोजोर होनानै SECMOL आरो ABSU नि जथाय बानजायनायजों Ladakh- Bodoland Students
Exchange program खालामनांगौ होननानै खावलायनायखौ सोनम वांगचुक बिथाङा आजावनानै आरो बै नोजोरफोरखौ बिथा खालामनानै लाद्दाकनि फरायसाफोरा दिनै बड'फा हाउसआव नुजाथि फैदों।
म्यानमारनि राखाइनआ फिन खेबसेबाव दावराव-दावसि जागासिनो दं। बे ओनसोला बै हादोरनि बिग्रायनायनि अरआव खामगासिनो दं। बैयाव थानाय सुबुंफोरा रैखाथिनि आंखालाव भुगिनांदों। बेबादि थासारियाव भारतनि बायजो हायुंआरि बिफाना हादोरनि नोगोरारिफोरखौ राखाइनआव थांनो नाङा होनना खावलायदों। बेल' नङा, मोनसे बिबुंथि फोसावनानै हादोरनि नोगोरारिफोरखौ राखाइन नागारनो खावलायनाय जादों।
मिरु सोरखारा म्यानमारनि राखाइनआव
बांलांनाय हिंसायाव भारतनि नोगोरारिफोरनि थाखाय सांग्रांथि नि मेसेज हरदों। बायजो
हायुंआरि मन्थ्रि बिफाना फोसावनाय बिबुंथियाव बुंनाय जादों दि राखाइनआव रैखाथिनि
थासारिया गाज्रिसिन जाबाय।
बेनि अनगायैबो, "राखाइनआव सिगांनिफ्रायनो थाखानाय
भारतारि नोगोरारिफोरखौ थाबैनो बे ओनसोलखौ नागारनो बोसोन होनाय जायो। थासारिया
गाज्रि जानायनि सिगां भारत सोरखारा हादोरनि नोगोरारिफोरखौ रैखाथियै भारतआव
लाबोफिन्नो आखायाव लादों।
म्यानमारआ फेब्रुआरि 2021 मायथाइयाव रौनिया बिग्रायखांनायनि
उनाव सुबुं खुंथायखौ लाबोफिन्नो दाबि खालामनानै गले-गले बिग्रायखांनाय नुनो
मोन्दों। थांनाय बोसोरनि अक्ट'बरनिफ्राय हाथियार दैग्रा हानजाफोर आरो
म्यानमारनि रौनियाफोरनि गेजेराव गोख्रों दावहा सोलिगासिनो दं।थांनाय
बोसोरनि नबेम्बर निफ्रायनो भारतनि सिमाजों नांजाबनाय म्यानमारनि गोबां ओनसोलफोरा दिदोमथि गैयै जाबाय।
बेयो मणिपुर आरो मिज'रामनि रैखाथि लाहार-फाहारखौबो गोहोम
खोख्लैदों। जाय भारतनि थाखाय खर' सानायफोरनि गेजेराव मोनसे जाबाय।
गिथावना थासारि. म्यानमारनि सरासनस्रा
सुबुंफोरा बे बाथ्राखौ लानानै जिंगा सिहोदों, हादोराव थासारिया माब्ला सरासनस्रा
जाफिनगोन। बिसोरो गावसोरनि जिउखौ रैखा खालामनो थाखाय मोनसे ओनसोलनिफ्राय गुबुन
मोनसे ओनसोलाव खारगासिनो दं।
शिव सेनानि बारग' कर्प'रेटर आरो बारग' एम.एल.ए. नि फिसाज्ला अभिषेक घसाल्करखौ बृहस्पतिबाराव मुम्बाइनि दहिसर ओनसोलाव गावारि दान्थे-बिदान्थेनि थाखाय गावथारनाय जाथाय जादोंमोन। अभिषेकखौ गोब्राब थासारियाव बरिवलीनि करुणा देहा फाहामसालियाव लांनाय जादोंमोन आरो बेवहाय जिउ गोमायो। बे जाथाया महाराष्ट्रनि आयेन आब्रुथिनि थासारिखौ सोंथि खालामनानै उल्हासनगरनि मोनसे पुलिस थानानि सिङाव केमेरानि सिगाङाव एकनाथ सिन्दे नि दैदेनगिरिनि सायाव गुलि गावनायनि साननैसो उनाव जादोंमोन। मख'नो गोनांदि बै समाव अभिषेक घसाल्करआ फेसबुकआव लाइभ जागासिनो दंमोन। नाथाय बे समावनो केमेरायाव अभिषेकखौ गुलि गावनाय जादोंमोन। अभिषोकनि सायाव गरनै गुलि नांदोंमोन। गिबि गुलिआ बिथांनि उदैयाव नांदोंमोन। बेनि उनाव नैथि गुलिआ बिथांखौ जोखोम खालामो। बे जाथाया महाराष्ट्रआव मोनसे सोमोनांथाव थासारि सोमजिहोदोंमोन।
Please do not enter any spam link in the comment box. ConversionConversion EmoticonEmoticon