11 December morning news. ~ Bodoinfo.com

मैया 2थि खोलोबनि बिसायखथि या कक्राझार आरो चिराङाव जानानै थाङो, 79 जौखोन्दो सो भट होनाय जादों होनना बुंदों(दासिम मिथियाखै)। गोबां दाङाबाजि नि जाथाय फोरखौ नुनो मोनदोंमोन 2 थि खोलोबनि बिसायखथि याव। चिरां आरो कक्राझार आव पुलिस नि गुलि गावनायखौ नुनो मोनदोंमोन।

गसायगांव नि जाथाय, बेलत बाक्स लांनाय गंसे गारि या मोनाबिलि समाव जाय जायगायाव थांनांगौ (स्त्रं न आव) बे जायगायाव थाङालासै गुबुन जायगायाव थांनो नागिरनायखौ लानानै दावराव जायो। पुलिस आ लाथिख आव गुलि गावनांगौ जायो बेयावबो, 100 नि बारा गुलि गावदों पुलिसफोरा। गारिखौ गुबुन लामाथिं थांनाय नुनानै मोनसे दोलो आ गारिखौ हमो, गारिखौ हमनायनि उनाव थासारि या दुंहाव जायो, बे समाव नो मोनसे दोलो आ बेलत बक्स लाना थांनो नागिरो होनना सोरबा खौरां फोसावो। गारिजों लोगोसे बिसायखथि अफिसारफोरखौबो गाग्लोबदों। रायजोफोरा बेलत बक्सखौ सोलायदों होनना बुंदों।

गुबुन दाबसे जायगायाव स्त्रं रुम नि खाथियावनो बेलत बक्स खौ सेफायनानै हेंथा सोमावसारो, बेलत बक्स नि मोखांखौ खुला थानायनि थाखाय दावराव जायो, उनाव नायनायाव काप नि सावगारियाव भत होनायल नुयो होनना बुंदों। श्रिरामपुर बाजारनि खाथिनि फरायसालिनिफ्राय लाबोदोंमोन बे बेलत बक्स खौ।

चिरां जिला नि बासुगांव नि नलबारि यावबो बेलत बक्स खौ लानानै दावराव,, बेलत बक्सखौ सोलायनायनि सन्देह आव दावराव,, रायजोफोरा राजेन्द्र नार्जारि मुंनि बिबान आव थानाय अफिसारखौ गाग्लोबो,, सोरखारि गारियाव लाङालासै गुबुन गारियाव बेलत बक्सखौ लांनायनि सन्देह, बेनि थाखाय रायजोफोरा बे लांनाय गारिखौ बुख्रेबो आरो उनाव बेलत बक्स खौ रायजोफोरा गावनो स्त्रं रुम आव लाना थाङो। उनाव अफिसार बिथाङा गाग्लोबनायफोरखौ सेंग्रा फोरमोन होनना बुंदों।

18 नं भट सेन्ताराव इउ पि पि एल नि बि आर फेरेंगा आरो बिना गयारि बिथांमोननि गारियाव अन्थाय खुबैदों। गंनै इनभा आरो गंसे बलेर। बेबायदि खालामनायखौ नुनानै रायजो राजाफोरा बे अन्थाय खुबैनायफोरनि गारिखौबो बुख्रेबो होनना बि आर फेरेंगा बिथाङा बुंदों।

चिराङाव भत होनो थांनाय समाव चिरां जिला नि बारग एन दि एफ बि कअरदिनेशन कमिति नि आफादगिरि कुगरिब बर खौ सिनायमोनै दुंथांफोरा गाग्लोबदों। बे गाग्लोबनायाव बिथाङा गाज्रियै जोखोम जायो। बिथाङा बि पि एफ नि मोन।

श्रिरामपुरनि भट मिरुआव सानै बि जे पि नि हेफाजाबगिरिखौ रिगिं खालांमो फैनायनि दायाव हमो। बिसोर रिफिउजि गेजेर फरायसालियाव रिगिं खालामनो थांदोंमोन। उनाव रायजोफोरा हमनानै पुलिसफोरनो होयो।

कक्राझार नि धिरबिल नि खाथिनि आलुरभुइ सालबारियाव हिंसायारि जाथाय, सा 3 इउ पि पि एल नि सोद्रोमाखौ गाग्लोबों। प्रमद बर बिथाङा बि पि एफ दोलो नि आखाय दं होनना बुंदों।

नब सरनिया या इउ पि पि एल नि बिसायखथि नि बाजेतखौ 100 कौटि होनना बुंदों आरो पार्ति नि खौरां फोसावनायनि नाम आव प्रतिदिन ताइम मुंनि निउज चेनेल नो 5 कौटि होदों होनना बुंदों। उनाव प्रतिदिन ताइम या नब सरनियाखौ सोंदों, 5 कौटि लानायखौ माब्ला नुनाय, सप्तासे सम होदों, जुदि दिन्थिनो हाया आयेन नि हेफाजाब लागोन होनना बुंदों। इउ पि पि एल नि आफादगिरि प्रमद बर आव बो 24 घन्ता नि सम होदों। पुलिस केस होगोन होनना बुंदों।

नलबारियाव सासे आई एस(फरायसालि नायदिंनाय) आ रां लानानै हमजादों। नाम आ जस्ना रानि बर्मन, बियो नलबारि जिला नि फरायसालि नायदिंगिरि। क्राइम ब्रान्स आ हमो, नलबारि जिला नि सिंनि बरभाग नि गंसे फरायसालि लुफुंनायनि नाम आव फैनाय रां नि 50000 रोजा रां बिदोंमोन(कमिशन)। 15 रोजा एदभान्स लानाय समावनो हमजायो।

घुस लाबाय थानाय समाव हमजायो सासे ए एस आई आ। नाम आ धिरेश्वर कलिता। बियो कामरुप जिला नि कमलपुर थाना नि ए एस आई मोन। भिदिअ भाइरेल जादों। कमलपुर नि सासे सेंग्राया बिथांनियाव मदद बिदोंमोन आरो बेयावनो बेबायदि आखु दिन्थियो। जौ लोंनानै आगोलावबो बेबायदिनो खालामोमोन होनना बुंदों।