कक्राझार आव बारग एन दि एफ बि नि सोरोमापोरखौ थांनानै थानाय आरो जिउ खुंथाइनि राहा खालामनो सावराय मेल खुंनाय जादों होनना आर एस एस नि मेल आव सो थगायना लाबोदों होनना एन दि एफ बि केदारपोरा अजद होदों। बिथांमोनखौ लिंहरदोंमोन, बि टि आर नि गुबुन गुबुन जायगानिफ्राय थांदोंमोन, लोगोसे धेमाजि, लक्षिमपुर, गोलाघात, सनितपुरनिफ्रायबो थांदोंमोन, गारि भारा लानानै। नाथाय बेयाव फैनानै जेब्ला भारत रक्षा मन्स नि बेनारखौ नुयो, बिथांमोना सन्देह खालामो आरो मा थांखि जों मेलखौ खुंदों होनना सोङो। नाथाय जेबो फिननाय होआलासै गुबुन रायजोनिफ्राय फैनाय संगथन नि दैदेनगिरिफोरा 2012 मायथायनि जाथायखौ बर आरो नेम बेरेखा दखल खालामग्राफोरनि गेजेराव जादोंमोन होनना बुंनाय लोगो लोगो नो दावराव जायो। उनाव पुलिसफोरा फैनानै थासारिखौ मोजां खालामो। बेनि गेजेरावनो गोजान गोजान जायगानिफ्राय फैनाय एन दि एफ बि नि सेद्रोमापोरा न आव थांफिननो थाखाय गारि भारा नागिरनानै समगथन नि दैदेनगिरिफोरखौ बेंखनना लादोंमोन(घेराउ खालामदोंमोन), नाथाय पुलिसफोर थानायाव बिसोर खारखुमायो।
आसामनि जुनारशालिखौ 31 दिसेम्बरनिफ्राय नायग्राफोरनि थाखाय खुलिना होगोन। थांनाय 17 मार्च निफ्रायनो बन्ध जाना दं। मन्थ्रि परिमल सुक्लबैध्य बिथाङा बुंदों, लोगोसे बिथाङा नो बेखौ बेखेवगोन। बेयाव गुबुन गुबुन 110 जाथि नि 1000 नि बारा जुनारफोर दं।
क्रवेसिया याव गिथावना बांग्रि। मैया जादों, गोबां बेल्दिं न फोरा बायदों। एपिसेन्तार आ क्रवेसियानि जाग्रेब मोन। 6.4M नि बांग्रि। सा 7 नि जिउ गोमादों, 20 नि बारा जखम जादों(बेनि अनजिमाया बारा जानो हागौ) गोबाङानो बांग्रि फैनायनि उनाव गरि याव, मिलितारि फोरनि गेलेग्रा फोथार बायदियाव थानो गोनां जादों(आव थांनो लुबैदोंमोनब्लाबो मोब्लिब गैयि नि थाखाय थांनो हायाखिसै होनना गोबाङानो बुंदों।)
आसामनि गिबि मन्थ्रि सरबान्द सनवाल बिथाङा बुंदों आसाम पुलिस आरो एक्साइज बिफान आ 2016 आव बि जे पि सोरखार फैनायनि उनाव गासै 33,589 के जि गान्जा बोखांबाय(जब्द खालामबाय)। लोगोसे 2549 द्राग्स नि केस रेजिस्तार खालामबाय आरो 4000 सो सुबुंफोरखौ हमबाय। 73 नि बारा बिघा आफिं आबाद आरो1 नि बारा बिघा गान्जा नि आबादखौ दानफायस्रांदों थांनाय 4 बोसोराव। आरो 63 केजि हेरइन, 120 केजि आफिं, 4210 केजि मरफिन, 5,79,947 काफ सिराप नि बथल, 19.8 केजि याबा टेब्लेट आरो गोबां दंबावो। लागोसे बिथांङा आसामखौ द्रागसनिफ्राय उदां खालामनो लुबैयो होनना बो बुंदो।
2020 मायथाइ, गोसोम बोसोर। गासै बुहुमाव सा 50 खौरांगिरिफोरखौ बुथारबाय। मेक्सिक आव नो बयनिख्रुय बारा सा 8 खौ बुथारदों। गुबुन गुबुन रोखोमनि गाज्रि खामानिफोरनि बेरेखा खौरां फोसावोमोन, जायनि थाखाय बुहुमा सा 50 खौरांगिरिफोरखौ खोमाना लानांदों। आफगानिस्तान आ 2थि याव दं, सा 5 खौ बुथारदों। 387 खौरांगिरिफोरखौ जोबथेसालियाव जोबना दोनदों। भारत आ बो चेन्नाई नि इज्रावेल मसेस, उत्तर प्रदेश नि राकेश सिंह, लोगोसे आसामनि पराग कुमार भुया बुथार जादोंमोन। 2019 मायथाइ आव सा 53 नि जिउ गोमादोंमोन। बे बोसोराव खम जादों।
लकदाउन जादोंमोनब्लाबो गुवाहातियाव थांनाय 6 बोसोरनि बयनिख्रुय बांसिन जौ फाननो हादों बे बोसोराव। लकदाउननि थाखाय 45-50 सान सो बन्ध जादोंमोन जौ नि दखान आ। बेनि उनाव खुलिना होनाय लोगो लोगो गोलाव लाइन जानानै जौ बायनाय नुदोंमोन। 1 जानुवारिनिफ्राय 30 नबेम्बरसिम गासै 1,42,78,595 लितार सो जौ लोंदों(IMFL+BEER)। टेक्स बो बारायना होबावदोंमोन बे बोसोराव। एक्साइज दिपार्तमेन्त आ दानफ्रोमबो 150 कौटि रां आय खालामो(GENERATED REVENUE), 2020 नि नबेम्बरसिम 1178.52 कौटि रेभेनिउ
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon