मैया हर आव आसामाव मोनफैबाय मिरु नि मन्थ्रि अमित साह बिथाङा। मोनफैनाय लोगो लोगो नो गुवाहाति याव मोनफैबाय होनना लिरदों। बर फोराबो बरायनो खाबु मोनदों बिथांखौ। गुवाहातियाव गायसनगोन नैथि मेदिकेल कलेज। दिनै बिथाङा नो गयसननायखौ बेखेवगोन। एम एम सि एइस खौ सुपार स्पेशियेलिति देहाफाहामसालि बानायगोन। नगांव निफ्राय बटद्रवा थाना सिम 4 लेन नि लामा जागोन। 11 आयेन नि कलेज गायसनगोन। 8 रोजा थानसालि नो 2.50 लाख रां ये होगोन। प्रमद बर आरो गोदान सायखजानाय परिषदखौ लोगो हमगोन। 180 कौटि रां जों साबारभाति फ्लाइअभार बानायगोन(फेब्रुवारिनिफ्राय) आरो गोबां दंबावो।
मैया बि टि आर नि गाहाय प्रमद बर बिथाङा बाक्सा जिला नि 22 नं कक्लाबारि बियाबनि सिङाव थानाय सिमला नि गेलेग्रा फोथाराव थानाय मोनसे बराय मेल आव खौरांगिरिफोरनि सिगाङाव बुंदों दि बे समाव गोबां गेदेर फिसा खामानि मावनो गोनां दं होननानै, लोगोसे बेफोर खामानिखौ मावनायाव माबाफोर खामानिफोरा थालां बायोब्ला रायजो राजाफोरा दिन्थिना होनांगोन आरो हेफाजाबबो होनो नांगोन होनना बिथाङा बुंदों। बिथाङा कक्लाबारि आरो गयबारि निफ्राय देरहादोंमोन।
लावखार ओंखाम जानो थांनानै जिउ गोमायो सासे हिनजावसा नि। 15 बोसोर बैसो नि हिनजावसा थाखो 10 आ फरायनाय, नाम आ आकांक्षा गगै, धकुवाखाना नि 1 नं बान्तौ गामि नि। नखरनि सुबुंफोरजों लोगोसे आमगुरि गाथोन नाव थांदोंमोन। बे समावनो दैमायाव गोग्लैयो, उनाव नखरनि सुबुंफोरा नागिरदोंमोन, नागिरनानै मोनदोंमोनब्लाबो बै सम सिम जिउ गोमाबायमोन।
गोरिब सुबुंफोरनि थाखाय गौतम गम्भिरनि केन्तिन। एक आशा जन रसई केन्तिन.. 1 रां ल आव नो मोनगोन ओंखाम। मेनु आव थागोन ओंखाम, तरकारि आरो मुसुर दालि। बे गासैबो खामानिखौ गोतम गम्भिर फाउन्देशन आ मावो। बेनि थाखाय बिथांमोना सोरखारनि मदद लाया होनना बो बुंदों। बिथाङा इयुन आव मोन 10 बियाब आव मोनसे मोनसे यै जन रसई खुलिनाय नो सान्दों होनना बुंदों।
भारतनि जातिय कंग्रेशनिफ्राय बाहेर खालामबाय बारग
एम एल ए अजन्ता नेउग खौ। दोलो नि बेरेखा खामानि नि थाखाय होखारो। सुक्रबार खालि नि
गेजेराव जाहोन दिन्थिनो होदोंमोन, नाथाय बेनि जेबो फिननाय होआखैमोन, बेनि थाखायनो
दानो। जाहोनखौ होआखैमोनब्लाबो कंग्रेशनिफ्राय ओंखारबायमोन बिथाङा आरो एम एल ए नि
बिबान एमगारनायनि आरजलाइ बो होखाबायमोन बुंथिगिरि नो। बिजेपि याव हाबगोन बिथाङा।
भारतनि गाहाय मन्थ्रि आ बुंदों आबादारिफोरजों आबाद नि बिल नि सोमोन्दै जायखिजाया समावनो रायलायनो थाखाय थियारि होननानै। मोननैसो दोलो आआगोलाव बे बिल खौ मोजां मोनदों होनना बुंदोंमोन। आत्मनिर्भर आबादारिफोरा ल सो आत्मनिर्भर भारत नि खुन्थिया गायसननो होगोन होनना बो बिथाङा बुंदों
मुंदांखा फावखुगुर रजनिकान्त खौ हायदाराबाद नि
एपल देहापाहामसालियाव थिसनदों। बिथाङा गावनि गोदान सावथुननि सुतिं खालामबाय
थादोंमोन। ब्लाद प्रेसार(खम बारा) नि थाखाय नो थिसननो गोनां जायो। बिथांमोननि सेत
नि सानैसोनि देहायाव करना पजितिभ मोनदोंब्लाबो बिथांनियाव नेगेतिभ मोनदों आरो जेबो
लैखोनबो गैया होनना बुंदों।
बि टि सि परिषद नि सोरखारआव हिन्दि राव रायलायग्राफोरनि थाखाय सासे सायखजानाय सोद्रोमा थिसननो खावलायदों अखिल हिन्दि भासि बिकास परिसद आ। बि टि आर नि गाहाय प्रमद बर जों लोगोसे आसासमनि गिबि मन्थ्रि नि सिम दाबि दैखांदों। मैया कक्राझार नि महेश मन्दिर आव खौरांगिरि मेल आव बुंदों।
चिरां नि बेंतल गिर्जा याव बरदिन फालियो ई एम बि आर फेरेंगा बिथाङा। बिथाङा 2013 मायथायसिम बे गिर्जायाव मोनसे बिबान लाना दंमोन होनना बुङो, बेनि उनाव बेखौ गारनानै एन दि एफ बि याव थाङो। बिथाङा गासैबो हारि धोरोम लोगो नांनानै खामानि मावलांगोन होनना बुङो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon