दिनै जागोन फ्लर टेष्ट आ, मन्थ्रि हिमन्त बिस्व आ
बुंदों प्रमद बर आ नो मोनगोन बांसिन भट खौ। बिथाङानो बि टि आर नि चिफ। आंनि बि टि
आर नि साननाय खामानिया जोबबाय, बेयाव आंहा खालामनांगौ जेबो गैलिया।
सायखजानाय गासैबो सोद्रोमाखौ भट होनो होआब्ला बि पि एफ आ सदन नागारगोन बि पि एफ आ, बुंदों खाम्फा बरगयारि बिथाङा। फ्लर टेष्ट आव बि पि एफ खौ फेजेननो गोबां फाव खालामनो नाजागासिनो। गासैबो दोलो नि देरहानाय बिजाति या थानो नांगोन, लोगोसे भट होनायखौ आखाय दैखांनानै खालामनायनि जायगायाव बेलट बक्स जों खालामनायनि दाबि खालामदों।
बि टि सि नि बारग चिफ हाग्रामा महिलारि बिथांनि दैदेननाय बि पि एफ राजथान्थि हानजा या दुलाराय बर फरायसा आफादनि जोहै बि टि आर आव ईउ पि पि एल आरो बि पि एफ जथायै सोरखार दानायाव मदद होनो खावलायदों। बि टि सि नि हाग्रामा महिलारि बिथांनि सोरखारा 10 बोसोर कंग्रेस आऱो 5 बोसोर बि जे पि जों लोगो जानानै आसामाव सोरखार दादोंमोनब्लाबो बि टि सि आव बिसोरखौ सोआखैमोन, मानोना हादरारि राजखान्थि हानजा या बि टि सि आव हाबनाय माने अरायनि थाखायजों बायदि उन्दै उन्दै हादरसा राजखान्थि हानजा खौ मनग्लाबनाय। बेनि थाखायनो बिथांमोना खावलायदों लोगो जानो।
बर थुनलाइ आफाद आ ईउ पि पि एल आरो बि पि एफ नि
गेजेराव सावरायनाय आरो गोरोबलायनायनि गेजेरजों बि टि सि काउन्सिलखौ दानानै खामानि
मावलांनो थाखाय मोननैबो हानजाखौ खावलायदों। जोंनि बयबो मेलेमजिबि फोरा बो लुबैदों।
लाइजाम नि गेजेरजों बिथांमोना खावलायदों होनना बुङो।
हाग्रामा
महिलारिया 100 जौखोन्दो बडलेन्ड मोना आरो बि टि आर खौ गनायनानै लानो हाया बुंनाय
समाव बर थुनलाय आफाद आ बहा दंमोन होनना बुंदों इउ पि पि एल आयजो गांखं नि आफादगिरि
बिना गयारिया। बर थुनलाय आफाद आ इउ पि पि एल नि जथाय सोरखार दानायावहेंथा खालामनो
मोनथाय गैया होनना बो बुंदों। इउ पि पि एल दोलो आ दासिम दिनैसिम रावबो हारि नि
हेंथा खामानि मावफेराखै आरो मावनायबो नङा, बेजों लोगोसे जोंनि जथाय सोरखारा बि टि
आर गोरोबथा खौ आबुङै मावफुंनो रायजो राजा नो रादाय होदों, नाथाय बि पि एफ हानजा या
बि टि आर गोरोबथा खौ गनायनानै लानो हाया।
बारग एन दि एफ बि नि प्लाटन कामान्दार मिज्लौ इस्लारि बिथांङा बो ईउ पि पि एल आरो बि पि एफ दोलोआ खौसेयै बि टि सि सोरखारखौ दानो नांगौ होनना बुंदों। मैया कक्राझार जिलानि गसाइगांव महकुमानि सरायबिल आव बुंदों। बिथांजों लोगोसे बारग एन दि एफ बि नि सोद्रोमाफोरा आखायाव बेनार लानानै खावलायदों।
1 नं पर्बतझोरा बियाबनि बि पि एफ दोलो नि देरहासाद जानाय मुन मुन ब्रह्म आ एम सि एल ए मासिनिफ्राय जानजानो हागौ। बिथाङा गावनि सोरखारि साख्रि मावनायखौ सिखोमानानै बिसायखथि गेलेनाय नि फोरमान आ सोराङाव फैदों। आयेन बादियै सासे बिजाथि या साख्रि मावनाय एबा सासे मावखवारि जानो मोननाय नङा एबा बिसायखथि गेलेनोब्ला साख्रि खौ गारनो नांगोन। बिथांनि बेरेखा ईउ पि पि एल दोलो आ कक्राझार पुलिस थाना याव एजाहार होबाय। थारैनो नंमारगौब्ला एम सि एल ए मासिनिफ्रकाय दानजागोन आरो बेयाव गोदान बिसायखथि जागोन नङाब्ला 2थि मासि नि बिजाथिखौ देरहासाद खालामनानै एम सि एल ए बानायनाय जागोन।
मैया मिरु एबसु नि सोलोंथाय नेहाथारि कास्तम बसुतारि बिथाङा बुंदों एबसु आ आरय सम गुन गोनां फरायसा सोरजिनायाव गोसो होगोन होननानै। अदालगुरि जिला एबसु नि बान्जायनायाव आरो भेरगांव दखरा एबसु नि हेफाजाबाव भेरगांवनि के के बरुवा हिनजावसा गौजौ फरायसालियाव मोनसे सोलोंथाय सांग्रांथि मेल खुंदोंमोन। गुबैयै बे म्ल आव 2021 मयथायनि मेत्रिक आनजादआव जिरायगोन फरायसाफोरखौ लानानै सावरायनाय जायो। बिथाङा बुंदों, बि टि आर गोरोबथा नि गेजेरजों बे ओनसोलाव गोबां गोजौ थाखो नि फसंथानफोर गायसननाय जागोन, बेनिखायनो दानि फरायसाफोरा खाफाल गोनां होनना बुंदों आरो मेत्रिक आनजादखौ उथ्रिनानै बिगियान फरायना नित आई आई टि बायदियाव जायगा आवग्रिनांगोन होनना बुंदों, लोगोसे आई पि एस आई ए एस अफिसार जानो नांगोन होनना बो बुंदों।
भुतान आव सान 7 लकदाउन फोसावो, करना या
बारानिफ्राय बारा जानायखाय बे थिरांथा खौ लादों। बे लकदाउन आ भाइरास खौ इसेब्लाबो
खम खालामगोन होनना बुंदों गाहाय मन्थ्रि लोताय सेरिं आ। भारताव ब्रितेइन निफ्राय
फैनाय सा 22 नि देहायाव करना मोनदों। ब्रितेन आव गोदान करना नि महर।
पि एम किसान नि रां खौ 25 दिसेम्बर आव होगोन। अटल बिहारि बाजपेयि नि जोनोम सान। आसामनिया मोनगोन ना मोना बुंनो हाया, मानोना थांनाय किस्तिनिखौ दासिमबो होआखै।
सा 3 सि आर पि एफ नि जवान आ जखम जादों जम्मु
कास्मिर नि ग्रेनेद एटेक आव। गेन्दारबिल नि जाथाय.. गासैखौबो लोगो लोगो
देहाफाहामसालियाव लांनाय जायो।
Please do not enter any spam link in the comment box. ConversionConversion EmoticonEmoticon