बि टि सि नि गाहाय मावफुंगिरि प्रमद बर बिथाङा मैया चिरां जिला नि काजलगांव नि जोहोलाव सोमब्ला बसुमतारि देहाफाहामसालियाव हरखाब दावबायफैदोंमोन। साननै सिगाङाव(18 दिसेम्बर) बिथाङा कक्राझार नि रुपनाथ ब्रह्म देहाफाहामसालियाव बो बेबायदिनो सादेन भिजित खालामदोंमोन। देहाफाहामसालियाव हाबनानै बिथाङा बेरामिफोरजों लोगोसे गुबुन गुबुन बिबान नि सोद्रोमाफोरजों देहाफाहामसालि नि जेंना नि सोमोन्दै सावरायलायो। गथ फोरनि ICU नि ताला खौ सिफायनानै नायबिजिरो। मेसिनफोरा बो बन्ध जाना दं होनना बिथाङा बुङो, लोगोसे माखासे खथाफोरखौ बन्ध खालामना दोननाय नुदों। ई एम रन्जित बसुमतारि बिथाङा बो दंमोन।
बि पि एफ नि आफादगिरि हाग्रामा महिलारि बिथाङा जेननायखौ मानिना लाबाय नामा। बिटिसि आव बेरेखा हानजा नि मासियाव जगोन होनना बुंदों हाग्रामा बिथां नि दैदेननाय बि पि एफ सोरखारा। बेखौ बुंनायनि इसे सिगाङाव सो बिथाङा बुंदोंमोन दि सोरखारखौ बि पि एफ आ नो दागोन होनना, खौरांगिरिखौ बादि सो गेलेनोनामा होनना सोंबावदोंमोन, सोरखार दायोब्ला मा होगोन होनना, दसे उनाव नो सोलायलायबाय। 2021 मायथाइ नि बिसायखथि याव बि जे पि जों लोगो जाया होनना बुंदों, नाथाय गुबुन दोलो नि थाखाय दरजा या खुला थागोन होनना बुंदों। हाग्रामा महिलारि बिथाङा गासैबो हारि, धोरोमखौ साबायखर बावहरो मानोना बिसायखथियाव रायजोफोरा बि पि एफ दोलो नि लोगोआव मदद खालामनायनि थाखाय। थांनाय बिसायखथियाव दोलो नि बेरेखा खालामनाय बि पि एफ दोलो नि खामानि मावग्राखौ 6 बोसोरनि थाखाय सासपेन्द खालामबाय होनना बुङो।
2021 नि 5 आरो 6 जानुवारियाव कक्राझार आव अल बि
ति ए दि गावबुरा एससियेशन नि 3थि बा बोसोरारि मेल जागोन। मैया जग्य, फुजा होनानै
बे मेल नि थाखाय गायसनो। बेयावनो 5 बोसोरनु थाखाय गोदान मावफुं आफाद दागोन।
जेनेरेल सेक्रेतारि रबार्त केरकाता बिथाङा बुंदों कक्राझार आरो चिरां नि
गावबुराफोरखौ सोरखारा सोनाय, लोगोसे बाक्सा आरो उदालगुरि नि लांदां जाना थानाय
गावबुरा नि मासियाव सोनाय, आरो भि सि दि सि नि खामानियाव गावबुराफोरखौ सोनायनि
सोमोन्दै सावरायलायगोन होनना बुंदों।
दादगिरि हाथिसार पुलिस आउतपस्त नि पुलिसपोरा सासे दायगैयि बर सुबुंखौ गाज्रियै बुनायनि अजद, नाम आ दिलिप बसुमतारि। बियो चिरां जिला नि गोजोनफुरि गामि नि। दायो बङायगांव नि लवार आसामनि देहाफाहामसालियाव फाहामथाय लागासिनो दं। बेबायदि दाय गैयालासै बुनायनि थाखाय बियो आयेन नि राहा लागोन होनना बुंदों। चिरां जिला नि गुबुन गुबुन ओनसोलाव बेबायदि जाथाय आ जाफ्लेबायनो थायो, बेनि ताखाय ओनसोलनि थागिबिफोरा दुखु मोननाय फोरमायदों।
आयध्या याव बानायनो गोनां मसजिद आरो देहाफाहामसालि नि महरखौ दिहुनना होबाय इन्ज इस्लामिक कालसारेल फाउन्देशन आ। गासै 5 एकर हा याव बानायनाय जागोन। थांनाय बोसोरनि नबेम्बर दान आव नो हा खौ होनाय जादोंमोन, बे बोसोरनि फेब्रुवारि दान आव बिथांमोना लादोंमोन।
सोमावसारनायनिफ्राय फैफिननानै बिष लोंनानै
गावखौनो बुथारना लायो सासे आबादारिया। दिनै 26 सान जाबाय आबादारिफोरनि सोमावसारनाया।
सासे 22 बोसोर बैसो नि सेंग्रा, गुरलाभ सिंह, पान्जाब नि भातिन्दा नि। नखरनि
सुबुंफोरा लोगो लोगो देहाफाहामसालियाव लांदोंमोनब्लाबो थैबाय होनना बुङो, साननै
सिगाङाव सो नआव थांदोंमोन। गुरलाभ नियाव 6.5 लाख नि लन दंमोन होनना बुंदों।
खेल इन्दिया युथ गेमस आव मोनब्रै रोखोमनि गेलेनायखौ सोबाय। 2021 नि गेलेनायाव नुन मोनगोन नाम फोरा गातका, कालारिपायत्तु, थां-टा आरो मल्लखाम्बा। कालारिपयत्तु आ केरेला नि, गातका या पान्जाब नि,थां-टा या मनिपुरनि आरो मल्लखाम्ब आ भारतनि 1200 मायथायनि नो होनना बुंदों।
मैया रायजो सोरखारा स्कुति होबाय 1थि मासि मोननाय फरायसुलिफोरनो(कामरुप मेत्र नि), गुबुन जिलाफोरनिखौ 2021 नि 2 आरो 3 जानुवारियाव होगोन होनना बुंदों। 22245 फरायसुलिफोरा मोनगोन। मैया सा 5 खौ स्तेज आव लिंहरना होयो, गुबुनफोरखौ दिलार आव लानो होयो।
खैफोदनिफ्राय रैखा मोननो सो हाग्रामा महिलारि
बिथाङा बेरेखा खामानि मावदों आरो बुंदों होनना बिस्वजित दैमारि बिथाङा बुंदों।
जेरैबायदि बेरामिया गोबांनि खोथा लानानै गामियारि मुलि, होमिअपेथिक, एलोपेथिक,
आयुरबेदिक नि गासैबो रोखोनि मुलि बाहायनो मोजां मोनो, बेबायदिनो हाग्रामा
महिलारियाबो गुबुनफोरनि खोथा लानानै बेबायदि खालामदों आरो बुंदों। ब् ट् स् नि सा
17 देरहानाय सोद्रोमाफोरा बिथांजों दं आरो गुबुनफोरखौ मेनेज खालामनो सप्तासे सम
बिनानै राज्यपालनो हाग्रामा महिलारि या आरजलाइ होदों होनना बुंदों बिस्वजित
बिथाङा। बेखौ लानानै बिजिरसालियाव हाग्रामा या माबोरै आयन नि बेरेखा यै खनथाम चिफ
जाखो बेनि फिननाय नांगौ होनना बुङो।
Please do not enter any spam link in the comment box. ConversionConversion EmoticonEmoticon