बि पि एफ खौ गारनानै बि जे पि आव हाबबाय जमदुवार बियाबनि देरहानाय बिजाथि रेव रेवा नार्जिहारि बिथाङा। बिथाङा मैया बि पि एफ नि बिबान एंगारदोंमोन। दिनै कलाखेत्र आव बिथांखौ गासैबो बि जे पि नि देरहानाय बिजाथिफोरखौ बरायनाय हाबाफारियाव बिजेपि आव सोयो, बेयाव बि जे पि नि आफादगिरि रन्जित कुमार दास बिथाङा दंमोन।
मैया समायखिरा लाखांनायनि उनाव लोगो लोगो देरहानाय बिजाथिफोरखौ हतेल लिलि याव लांनाय जादोंमोन, बेखौ नुनानैनो गोबाङानो बायदिसिना सन्देह खालामदोंमोन, नोजोरबन्दि, हर्सत्रेदिं बायदि बायदि. बेनि फिननाय महरै प्रमद बर बिथाङा बुंदों हतेल आव थानाय माने नजरबन्दि जाया, गोदानयै सोरखारखौ माबोरै मोजाङै दैदेनलांनो हायो बेनि सोमोन्दै सावरायलायनोसो हतेल आव ज जादों। आगोलाव प्लेन खालामाखैमोन, रायजोफोरा खामानि मोजां जायाब्ला गाज्रि मोनगोन बेनि थाखाय दानिफ्रायनो प्लेन खालामदों होनना बुङो। आगोलनि सोरखारा जेबो प्लेन खालामनानै सोलियाखैमोन, नाथाय दानि सोरखारा प्लेन नि गेजेरजों आवगायलांदों। बिथाङा बरायनायनि सोमोन्दै बो बुङो, गोबाङानो बरायनो मोनाखै होनना बुंनाय खोनानो मोनदों।
गन सुरक्सा पार्ति नि परिषद घनस्याम दास नि बेरेखा अजद, मैया बिथाङा ई एम महरै समायखिरा लायो, बेनि उनाव नो जाथाय आ सोराङाव ओंखारो। सासे 15 बोसोर बैसो नि उन्दै गथ खौ जिनाहारि खालामदोंमोन। 2019 मायथायनि 31 आगस्त आव जिनाहारि खालामनायनि दाय आव हमजादोंमोन, हिनजावसा गथ आ पद्मजा बेजबरुवा मुंनि आयजो नि नआव खामानि मावोमोन। एपल देहाफाहामसालियाव गथ बो जोनोम होदोंमोन बे हिनजावसाया। सातगांव पुलिस आ 125/19 नं गसरनि केस दं बिथांनि हेंथायै। बेनि उनाव माबोरै जामिन मोनखो बेखौ लानानै गोबाङानो सन्देह खालामदों। सातगांव आव बियो तान्त्रिक नि खामानि बो मावोमोन।
मैया
आसामनि गिबि मन्थ्रि सरबानन्द सनवाल आ एन दि एफ बि फोरनि थाखाय 60 कौटि रां नि
रिहेबिलितेशन(सिगांनि अबस्था सिम लाबोनायनि मदद) पेकेज होगोन होनना फोसावो। गासैबो
जायफोरा हिंसाखौ गारनानै फैनाय फोरा मोनगोन।
मन्थ्रि प्रमिला रानि ब्रह्म आ बुंदों जमदुवार बियाब नि देरहानाय बिजाथि रेव रेवा नार्जिहारि खौ फोथायोमोन होनना, बियो बेबायदि खालामगोन होनना माब्लाबाबो सानाखैमोन होनना बुङो। दिनै बि पि एफ नि देरहानाय बिजातिपोरखौ बडफा कमप्लेक्स आव बरायगोन। बिथांमोना बिजिरसालियाव थांगोन होनना बुंदों।
दिनै बिजय दिवस, दिनैनि दिन आ नो 1971 मायथाय आव भारत-पाकिस्तान नि दावहायाव भारता फेजेनदोंमोन पाकिस्तानखौ। दावहाया 13 सान सोलिदोंमोन, उनाव पाकिस्तान आ जेननायखौ गनायना लायो। बांलादेशनि पाकिस्ताननिफ्राय गावस्रानाया बेनो जादोंमोन।
गाबोन जागोन तिवा अतनमास काउन्सिल नि बिसायकथि या, गासै 36 बियाब आव जागोन बिसायखथिया।
भारत नि आरमिफोरा सानै पाकिस्तान नि रौनियाखौ बुथारदों रजौरि जिलायाव। बिसोर सिसफायार सिफायदोंमोन। बिसोर गावहरनायाव भारत आ बो बेनि फिननाय महरै गावहरफिनो आरो बेयावनो बिसोरनि सानै थैयो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon