टिवा अटनमास काउन्सिल नि बिसायखथि नि फिथाय, मैया फुंनि 8 बाजि निफ्राय सानदोंमोन। गासै 36 बियाब नि बिसियखथि। बि जे पि या हारसिंनो गासै 34 मासियाव देरहानो हादों, लोगो ए जि पि या 1 आरो कंग्रेस आ मोनसे। गासै मोन 4 जिलायाव जादोंमोन(कामरुप मेत्र, नगांव, मरिगांव आरो हजाई). 124 बिजाथिफोर दंमोन। मन्थ्रि हिमन्त बिस्व आ बुंदों, आसामनि सुबुंफोरनि गाहाय मन्त्रि नरेन्द्र मोदि नि फारसे गोख्रों फोथायथिनि थाखाय बि जे पि या देरहानो हाबाय। '
बि पि एफ नि हाग्रामा महिलारि बिथाङा हतेल टाज
बिभान्टा याव मन्थ्रि हिमन्त बिस्व खौ लोगो हमाखै होनना बुंदों बि पि एफ आ। मैया
कक्राझार आव मिरु बि पि एफ दोलो आ खौरां मेल नि गेजेरजों बुंदों। नेहाथारि प्रबिन
बर बिथाङा बुंदों, फैबायथानाय समाव बि टि सि नि खुंथाय दोलो नि बेरेखा जानानौ
रायजो राजा नि समान जौगाताय नि खामानि मावलांगोन होनना बिथाङा बुङो। लोगोसे बिथाङा
बुंबावदों, 20 दिसेम्बरखालि बरमा याव बि पि एफ देले आ CWC
नि मेल खुंगोन होननानै। प्रबिन बर बिथाङा लुरिनज्योति गगै या दैदेननाय ए जे पि नि
सिम गाहाम हामलायनाय बावहरो आरो अखिल गगै खौ हगारना होनांगौ नि दाबि खालामो।
मन्थ्रि हिमन्त बिस्व शर्मा बिथाङा बो मैया खौरांबिजोंनि गेजेरजों बुंदों हतेल आव हाग्रामा खौ लोगो हमाखै होनना, बि टि आर आव प्रमद बर नि नो सोरखार थागोन होनना, हाग्रामा नि लामाया गुबुन जोंनि लामा या गुबुन होनना बुङो।
बाक्सा जिला नि सालबारि महकुमा नि कालपानि नि संकरदेब सिसु निकेतन आरो बदफा एकादेमि फरायसालि याव सोरबा दुथां आ अर लागायना होदों। सुक्रबारनि हर नि 8 आरो 10 बाजि याव खननै संकरदेब आव अर लागायदों आरो बेनि 2 घन्त उनाव बदोफा एकादेमि याव अर लागायना होनायनि सन्देह। संकरदेब नि बारा खहा जायाखैब्लाबो बदफा नि बिजाब फोरजों लोगोसे इउनिफर्म फोरखौ लाफानानै लाख रां नि खहा जादों होनना खौरां मोनदों। सासे फाग्लिखौ हमनानै पुलिसनो होदों होनना खौरां मोनदों। पुलिसनो एजाहार बो होनाय जायो।
गुवाहाति याव गिथावना अर, जालुकबारि फ्लायअभार नि खाथि नि जाथाय, बेलासि सम नि। 50 नि बारा न आ खामजोबो। 20 सो सिलिन्दार बेरफ्रुदों। गिबियाव औवा नि नआव अर आ नांग्रोयो, संबाय थानाय समावनो अर आ नाङो। अर आ गासैबो न खौ फोजोबस्राङो होनना बिकि आलि मुंनि सासे या बुंदों, बिनि लोगो आ बो थायोमोन, लोगो नि रेफ्रिजारेतर खौ ल लाबोनो हादों होनना बुंदों। जायगानि सेंग्राफोरा ब्लेंकेत, गुदुं गस्ला फोर दान होदों।
दिनै हायार सेकन्दारि आव 1st
div मोननाय फरायसुलिफोरनो स्कुति होगोन। प्रग्यान
भारति स्किम नि। कामरुप जिला नि आमिनगांव आव गिबि मन्थ्रि आरो सोलोंथाय मन्थ्रि या
बेखेवगोन। हिर कम्पानि नि स्कुति। कामरुप नि फरायसुलिफोरनो होगोन, गासै 1217
स्कुतिफोर।
गुबुन बेतस नि खौरां मोनाखै आं(2018-19, 2019-20)। माबाफोर खौरां मोनोब्ला भिदिअ नि गेजेरजों बुंना होखागोन।
नाथ योगि फोरनि सासेबो सोद्रोमा सायखयिखाय दुखु
मोननाय फोरमायदों बि टि सि नाथ योगि युव सन्मिलनि या। प्रमद चन्द्र नाथ आ बुंदों,
थांनाय 17 बोसोराव नाथ योगि फोरा सोरखारनिफ्राय जेबो मदद मोनाखैमोन। दानि गोदान
सोरखार आ बो बसासेबो सोयिनि थाखाय दुखु मोनदों होनना बुङो। उनावव सोनो खावलायदों,
नङाब्ला आन्दोलन खालामगोन होनना बो बुङो।
मैया रायजर दल नि सासे दैदेनगिरि(गाहाय लिंथुमगिरि) दिवस फुकन आ बुंदों, बि जे पि या बर माहारियारि साननाय, बर नि स्वाभिमानखौ फोजोबस्रांनानै बिदा-फंबाय नांलायहोनायनि लामायाव लांगासिनो होननानै।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon