मसाला
नि राजा धरमपाल गुलाति या बे बुहुमाव गैलिया। बिथाङा 98 बोसोर बैसो नि मोन। MDH ग्रुप
नि बिगोमा। 1923 मायथाइनि 27 मार्च आव बिथाङा दानि पाकिस्तान नि सियालकता याव
जोनोम जादोंमोन, भारत पाक गावस्रालायनायाव बिथाङा भारताव फैदोंमोन। दायो भारत आरो
दुबाई आ 18 फेक्तरि दं मसाला नि। दिल्लि नि करोलबाग आव गंसे मसाला नि दखान होयो। बिथाङा
थाखो 5 सिम ल फरायदोंमोन, बिथांनि दानसे नि दरमाहा या 25 कौटि रां मोन। बेनि 90
जौखोन्दोखौनो बिथाङा दान होयोमोन। 2019 मायथायाव बिथांनो पद्म विभुशन बान्था होनाय
जादोंमोन।
कचुगाव पुलिस थाना नि रिपु हाग्रायाव हादरावनो बानायनाय गंनै रायफल, पिस्त मोनदों। मोनसे स्रोद सुलुंनि खौरां बायदियै बेलासि नि 3 बाजि याव आइ पि एश साद्धार्थ नाहार नि दैदेननायाव अपारेशन खालामो। बेयावनो गंनै रायफल, गंसे 7.65 एम एम पिस्तल, गंसे मेगजिन आरो 4 राउन्द गुलि मोनो। पुलिसफोरा नायबिजिरगासिनो, दासिम बेयो सोरनि मिथियाखै।
गुवाहाति नि कामाख्या मन्दिर नि न आव गोबां बिबांनि अंग आरो जुनारनि बिगुरफोर मोनदों, बेखौ हाग्रा बिफान आ खालामनाय रैद आव मोनदों। वाइल्दलाइफ क्राइम कनत्रल बिउर आ गासैखौबो सिज खालामो। बेनि दायआव सा 3 खौ हमदों, हमजानायफोरनि मुं आ जितेन्द्र साहा, राहुल चौधुरि आरो सन्तोश गुप्ता। बिसोर सैबो आसामनि बाहेरनि। बे अपारेशनखौ फरेन्ज रेन्ज नि अफिसार पंकज कुमार बरा आरो वाइल्दलाइफ क्राइम कनत्रल बिउर इन्टेलिजेन्स एसिस्तेन्ट हितेन बरा आरो सानैसो जों लोगो नांनानै खालामदोंमोन। कामाख्या नि बिबानगिरिफोरा माबोरै बेबायदि खालामखो मिथिया होनना बुंदों, बेखौ जायगा नि मानसिफरा खालामाखै, बाहेरनिया सो खालामदों होनना बुंदों। गोबां सुबुंफोरनि दखान दं बेयाव।
फ्लिपकार्त
आव अनलाइन अरदार होनानै थगायजाबाय सासेया। मरियनि नि मेलें मधुपुर नि जाथाय बेयो।
बितुपन हाजरिका मुंनि सासे या 18500 रां नि पक’ मबाइल अरदार
होदोंमोन। इ कम एक्सप्रेश नाम नि कुरियार एजेन्सि या लाबोना होफैदोंमोन मबाइल नि
पार्सेलखौ। उनाव पार्सेलखौ खुलिना नायनायाव 10 रां नि थुख्राथाम साबोन सो नुयो।
लोगो लोगो इ कम आरो फ्लिपकार्त जों रायलायोब्लाबो जेबो मदद मोनासै, उनाव पुलिसनो इ
कम नि दिलिभारि बय मनजित शर्मा नि हेंथायै केस होयो।
गोजोनथाव खौरां। सासे बर' आ UGC(University Grant Commission) NET(National Eligibility Test) June 2020 नि आनजाद आव उथ्रिसार जानो हादों। बिथांनि मुङा भाइगस्रि बर', बिथाङा इउनिभारसिति अफ साइन्स एन्द तेकनलजि नि लाइब्रेरि एन्द इनफरमेशन साइन्सस नि 2018-20 बेतस नि मास्तार अफ लाइब्रेरि एन्द साइन्स नि फरायसामोन। बे आनजादखौ बिथाङा Assistant Professor and JRF(Junior Research Fellowship) आव उथ्रियो। मिथिना बादिब्ला बिथाङा उदालगुरि जिला नि दिमाकुसि नि थागिबि। दासिम इउनिभारसिति अफ साइन्स एन्द तेकनलजि, मेघालयनिफ्राय गासै सा 9 उथ्रिनो हादों।
Please do not enter any spam link in the comment box. ConversionConversion EmoticonEmoticon