दिनै बि टि आर सोरखार नि थोंजोङै सायखजानाय सा 6 सोद्रोमा बिथांमोना समायखिरा लायो। बि टि आर नि गाहाय प्रमद बर बिथांनि नुजाथिनायाव समायखिरा लायो। बुंथिगिरि कातिराम बर बिथाङा बिथांमोनखौ समायखिरा लाहोयो। समायखिरा लानाय सोद्रोमा बिथांमोननि मुङा धब चन्द्र चेत्रि, स्वर्नपावति देका, विलसन हासदा, प्रदिप कुमार बायन, हेमन्त कुमार राभा, अर्पना मेधि।
प्रमद बर बिथाङा गासैबो सायखजानाय एम सि एल ए
बिथांमोनखौ साबायखर बाउनायजों लोगोसे फैबाय थानाय समाव बि टि सियाव खौसेयै जौगालु
बिथांखिफोरखौ मावफुंगोन होनना बुंदो, लोगोसे बि टि सि नि मावफुं सोद्रोमा नि नि
अन्जिमाखौ सा 2 बांहोगोन होननानैबो बुंदों(16 जागोन)।
दिनै बिजेपि आव हाब्बाय कंग्रेस नि सानै एम एल ए आरो सासे बि पि एफ नि बरग एम एल ए आ। कंग्रेस नि या अजन्ता नेउग आरो राजदिप गोवाला आरो बि पि एफ नि या बनेन्द्र मुसाहारि, बिथाङा गौरिपुर नि बारग एम एल ए मोन। बि जे पि याव हाबनायनि उनाव बनेन्द्र बिथाङा बिस्वजित दैमारि, ईमानुवेल मुसाहारि, मन्थ्रि हिमन्त बिथांमोनखौ साबायखर होयो।
मन्थ्रि हिमन्त बिस्व शर्मा बिथाङा बुंदों बि पि
एफ नि सोलाय बि जे पि नि गोदान लोगो जागोन इउ पि पि एल आ। मिरु नि मन्थ्रि अमित
साह बिथांजों इउ पि पि एल नि गेजेराव मोनसे मेल आव अमित साह बिथाङा लोगो महरै
गनायना लायो।
1 जानुवारिनिफ्राय खुलिगोन रायजो नि फरायसालिफोरा, रायजो सोरखारा गाइदलाइन दिहुनना होबाय। थाखो 1 निफ्राय थाखो 5 सिम सानसे गारनानै सानसे जागोन थाखो आ। समबार, बुधबार आरो सुक्रबार आव थाखो 4 आरो थाखो 5 नि आरो मंगलबार, बृहस्पतिबार आरो सनिबार आव थाखो 1, 2 आरो 3 नि जागोन। फुंनि 9 बाजिनिफ्राय बेलासि नि 1.45 सिम खुलिगोन फरायसालिखौ। सानजौफु नि जानायखौ 12.15 निफ्राय 12.45 याव होनो हागोन। 5 बोसोरनि खम बैसो नि फरायसाया फरायसालियाव फैनो मोना। ससियेल दिस्तेन्स आरो मास्क लानो नांथारगोन। 30 सान नि उन उन फोरोंगिरि फोरनि कभिद टेष्ट खालामनो नांगोन। सप्तायाव खनसे सेनिताइज खालामनो नांगोन।
पान्जाब आव 1500 नि बारा जिअ नि तावारफोरखौ सिफायदों आबादनि बिल नि बेरेखा सोमावसारनाय आबादारि फोरा। लोगोसे जेनेरेतरफोरखौबो लांदों। तावार इनफ्रास्राकसार प्रभाइदार एससियेशन नि बादिब्ला गासै 1600 तावारखौ बुफायदों, पान्जाब सोरखारनि बादिब्ला 1561। गुबुन गुबुन जायगायाव बेनि बेरेखा केस होनाय जाबाय। पान्जाब नि गिबि मन्थ्रि केप्तेइन अमरिन्दर सिंह आ बो पुलिसनो बेबायदि गाज्रि खामानि मावनायफोरनि बेरेखा गोख्रों बेबस्था लानो बिथोन होयो। बिथाङा बुंदों, सोरखारा बेबायदि प्राइभेत आरो पाब्लिक प्रपार्ति खौ सिफायनायखौ सहायनो हाया, बेबायदि खालामनायफोरनि बेरेखा एकसन लानाय जागोन। आबादारिपोरा आबाद नि बिल नि बेरेखा सोमावसारगासिनो दासिमबो।
कामरुप जिला नि बको नि खोला घिलाबारियाव हाग्रा नि मैदेरजों गाग्लोबजानानै सासे बर नि जिउ गोमायो, नाम आ रबिन्द्र खाख्लारि। जाथाय आ हर आव जादोंमोन। मैदेर आ बाख्रि नि माय खौ जादोंमोन, बेखौ नुनानै बियो मैदेरखौ होखारनो नागिरदोंमोन, बेयावनो गाग्लोबो, लोगोसे न खौ सिफायो मैदेर आ।
बक्सिं दे टेस्ट आव भारत आ अस्त्रेलियाखौ 8 विकेत जों फेजेनो। नैथि इनिंस आव भारत नो देरहानो थाखाय 70 रान ल नांगौमोन, बेखौ भारत आ सानै विकेत आउत खोमानानै देरहायो। बेखौ देरहानानै भारत आ मोन 4 गेलेनाय नि सिरिसखौ 1-1 खालामनो हाबाय। गिबि खौ अस्त्रेलियाया देरहादोंमोन।
गवा याव आसामनि सा 4 सुबुंफोरखौ आसामनि सासे सुबुंखौ बुथारनायनि दायाव हमदों पुलिसफोरा। बिसोर गासैबो खामानि मावग्रा मोन। सासे 26 बोसोर बैसो नि खगेन नाथ मुंनि सुबुंखौ बुथारदोंमोन बिसोर। बिसोरखौ गवा नि मारगाव निफ्राय हमो। नामफोरा दुलाल दास(27), मानस नाथ(25) मानस दास(25) आरो रिदिप दास(23)
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon