दिनै बिटिआर नि गाहाय प्रमद बर बिथाङा सिबिआई नि गेजेरजों जाख्लग्राफोरनि बेरेखा गोख्रों नायबिजिरनाय जागोन होनना बुंदों, बेनि गेजेरजों जाख्लग्रा दायनिगिरिफोरखौ जेलाव दैथायहरगोन। सोलोंथाइ बिफाननि 80 जौखोन्दो रां खौ स्तिल फारनिसार आव नो बाहायदों, सोलोंथायखौ मोजां खालामनोब्ला स्तिल फारनिसारजों ल मोजां खालामनो हाया, बेयाव गोबां खामानि थाबावो, फरायसाफोरजों, फोरोंगिरि फोरजों, जोथोनलागिरिफोरजों सावरायलायनांगोन, गोजौ सोलोंथाइ नि थाखाय फरायसाफोरखौ मदद खालामनांगोन बायदि बायदि, बेफोरबायदि मोनससेबो खामानिखौ थांनाय 17 बोसोराव मावाखै होनना बिथाङा बुंदों। जख्लायनायनि सोमोन्दै बिथाङा ह्वाइत पेपार फैखाबाय होनना बुंदों मोनफ्रोमबो बिफाननि। हाग्रा बिफाननि जाख्लनाया गाज्रिसिन होनना बुंदों, बेयाव दि एफ अ नि बो आखाय दं होनना बुंदों, बिसोर फाइलफोरखौ दिहुनना होआखै होनना बो बुंदों, थेवब्लाबो मोनजोबबाय होनना बुंदों।
तेजपुर आ थानाय फायारिं रेन्ज आव पुलिस बिफान नि मोनसे जाथाय जादों। सारभिस पिस्तलखौ साफा खालामबाय थानाय समावनो 9 एम एम पिस्तल निफ्राय बेरफ्रुनानै गुलिया गबोयो। बे पिस्तल नि गुलिजों नो सानै पुलिस नि जवान आ जखम जायो, मुङा कन्सतेबल बुध्द बर आरो हाबिलदार हिमु बरा। बुध्द बिथांङा बांसिन जोखोम जादों, उदैयाव गुलि नांदों(आइथें खाथियाव), हिमु बरा नि या आखायाव नांदों गुलि या। सानैखौबो लोगो लोगो तेजपुरनि कनकलता चिभिल देहाफाहामसालियाव लाना थाङो।
बाक्सा नि सालबारिनि रुपहि बाजार आ गिथावना अर। दखानफोर खामदों। गासै 4 लाख सो रां नि खहा जादों होनना खौरां मोनदों। अर नांनायनि जाहोनखौ मिथियाखै, नाथाय सर्त सार्कित नि थाखाय नो जानो हागौ होनना सन्देह खालामदों।
कक्राझार जिला याव थानाय जमदुवार आरो पेपसु पिकनिक स्पतखौ बन्द खालामबाय होनना बुंदों कसुगांवव सेन्त्रेल रेन्ज नि फरेस्त अफिस नि आई सि प्रान्जल तालुकदार बिथाङा। हाग्राखौ मैला खालामनायनि थाखाय बन्ध खालामो होना बुंदों, लोगोसे गोसा मिउजिक दामो होनना बो बुंदों। बेफोरनि थाखायनो हाग्रा नि जिब जुनारनि गोबां खहा जायो(थांलाय फैलाय नि हेंथा बायदि बायदि)। आबहावा आरो हाग्रा रैखाथि खौ नोजोर होनानै बे थिरांथा खौ लादों होनना बुङो।
आई सि सि नि पइन्तस नि फारिलाइ आव भारत नैथि नम्बर आव दं भारत आ 390 पइन्तस आरो 72.2 पइन्तस अफ पारसेन्तेज जों नैथि। अस्त्रेलिया या गिबि नम्बर आ दं। बिसोर 322 पइन्तस आरो 76.6 पि सि ति जों। थामथियाव निउजिलेन्द आ दं।
Please do not enter any spam link in the comment box. ConversionConversion EmoticonEmoticon