बि टि आर नि गाहाय मावफुंगिरि प्रमद बर बिथाङा मिरुनि नखर मन्थ्रि अमित शाह नो गोसोखांलाइ गथायदों। अमित शाह बिथाङा साननैनि हाबाफारि लानानै आसामाव फैदों। मैया गुवाहातियाव प्रमद बर नि दैदेननाय परिषद आ(ई एम आरो एम सि एल ए आ) अमित शाह बिथांखौ लोगो हमहैयो। बेयावनो बिथाङा सासे बि टि आर नि सागानगिरि दासिमबो जोबथेसालियाव जोबना दोनजानाय रन्जन दैमारि जों लोगोसे बिथांनि लोगो दैदेनगिरि फोरखौ जोबथेसालिनिफ्राय बखनो गांसे गोसोखांबिलाइ गथायो आरो लोगोसे बि टि आर गोरोबथा नि दफाफोरखौ थाबैनो मावफुंना होनो थाखाय बो खावलायदों।
27 जानुवारियाव बोसोरसे जागोन बि टि आर सुक्ति आ(27-01-2020
आव खालामदोंमोन)। मिरु नि नखर मन्थ्रि बिथांखौ बि टि आर सुक्ति नि बोसोरसे जानायनि
हाबाफारियाव गाहाय आलासि महरै फैनो खावलायदों होनना बुंदों प्रमद बर बिथाङा।
अमित साह बिथाङा बो खोथा होदों होनना बुंदों, खम
समनि गेजेराव नो दिल्लियाव बेनि सायाव सावरायलायगोन आरो गोख्रैनो बि टि आर
सुक्तिनि दफाफोरखौ मावफुंगोन होनना अमित साह बिथाङा बुंदों।
बिथाङा मैया बि टि आर नि थाखाय 5000 कौटि नि पेकेज फोसावो। भारत सोरखार आरो आसाम सोरखार लोगो नांनानै होगोन। बिथाङा बुंबावदो मदि नि दैदेननायाव नो बडलेन्द आव गोजोन गायसन जादों आरो गिबि खेबनि थाखाय भट होनाया 80 जौखोन्दो जाहैदों। बिथाङा बेजों लोगोसे आरो गोबां स्किमफोर बेखेवो आरो आसामाव बि जे पि खौ फिन खनसेबाव दैदेननो हो होनना बुंदों।
बाक्सा जिला नि सिङाव थानाय सिमला हालामनि सि आर पि एफ प्रबिन मसाहारि या गावखौनो बुथारना लादों। प्रबिन मसाहारि या झारखान्द आव सि आर पि एफ आव खामानि मावोमोन। मानो गावनि जिउखौ फोजोबस्रांमा लाखो मिथिनाय जायाखै।
मैया नि आमिनगांव आव जानाय आसाम दर्शन हाबाफारियाव रोजा रोजा सुबुंफोरा बाहागो लादोंमोन, बेयाव अमित शाह, सरबानन्द सोनोवाल, हिमन्त बिस्व आरो जिस्नु बरुवा बिथांमोना बाहागो लादोंमोन। बे मेल आव रोजा रोजा सुबुंफोरा कभिद प्रतकल खौ फालियाखैमोन। बे मेल आ सुबुं जानगारजों लोगोसे सेनिताइजार नि बो बेबस्था गैयामोन। बेफोरखौ नुनानै सासे मृदुपवन महन्त मुंनि सेंग्रा या बे हाबाफारियाव बाहागो लानाय दैदेनगिरि फोरनि बेरेखा केश होनो नागिरदोंमोन, नाथाय केश खौ पुलिस आ गनायना लायाखिसै। बेनि उनाव नो बिथाङा बेबायदि केस लायि नि थाखाय खौरांगिरि नि सिगाङाव बुंदों दि गोनांथि जायोब्ला बिजिरसालि नि खाथियाव थांगोन होनना।
28 दिसेम्बर खालि भारत नि गाहाय मन्थ्रि या बेखेवगोन हादरनि गिबिसिन द्रायभार गैयि मेत्र रेल। रेल आ दिल्लि नि सोनाब जनकपुरनिफ्राय नयदा नि बतानिकेल गार्डेनसिम थांगोन। 2022 मायथायनिफ्राय दिल्लि नि गासैबो मेत्र नेतवर्क आव बे बेबस्था खौ खालामनाय जागोन। लोगोसे बे सानखालि नो बिरखं गाथोन एक्सप्रेश लाइन आव नेशनेल कम्मन मबिलिति कार्ड सारभिस खौ बो बेखेवगोन। बेनि गेजेरजों जायखिजाया बेंक नि कार्ड बाहायनानै बिरखं गाथोन एक्सप्रेश लाइन दावबायनायनि सुबिदा मोनगोन।
आसामाव आरो मोनसे राजखान्थि हानजा जोनोम जाबाय।
आहोम आरो मिया समाज नि दैदेननायाव जातिय दल आसाम जोनोम जाबाय। बेयाव गासै मोन 13
संगथनफोर दं। मैया दिघलिपुखुरियाव थानाय आसाम साहित्य सभा नि जयन्त कुमार बरुवा
सदन आव जानाय हाबाफारियाव गोदान राजखान्थि हानजाखौ जोनोम होयो।
आई ति बिफान आ साथाम थिकादारफोरनिफ्राय हरखाब
नागिरनायाव आयेन बेरेखा 100 कोटि रां बोखांदों। 22 दिसेम्बर आव गुवाहाति नि गुबुन
गुबुन जायगायाव नागिरो, उनाव सिलापथार, पाठसाला आरो दिल्लियावबो साथां थिकादारनि
फालांगियारि फसंथानफोराव बो नागिरो। नोगोन 2.95 कौटि रां आरो गुबुन गुबुन मुवा
बेसादफोरजों लोगोसे गासै 100 कौटि सो हिसाब गैयि गोसोम धोन जब्द खालामो। बिसोर
कलकाता नि नंखाय कम्पानिनिफ्राय लोन लानाय आरो सुद होनाय दिन्थियोमोन।
तिताबर आव सासे 16 बोसोर बैसो नि उन्दै हिन्जावसा गथ खौ बाहेरनि रायजो आव फाननो नागिरनायावनो बे हिनजावसाखौ पुलिसफोरा बासायो आरो आयजो फालांगिरिखौ हमो। हमजानाय आयजो फालांगिरि आ महारास्त्र नि औरांगाबाद जिला नि सुनिल रामु पातिल। बिखौ मानसि नि देहा नि अंग नि फालांगि बो खालामो होनना सन्देह खालामदों। पुलिसफोरा जोथोनगिरि नि एजाहार होनायाव नागिरना हमो आरो दायो नायबिजिरगासिनो। बेनि सिगांबो तिताबर आव गोबां सिख्लाफोर गोमादोंमोन।
लण्डन आव करना चेलेन्ज। करना नि मुलि नि आनजाद नि थाखाय मोनसे चेलेन्ज, 2500 बृटिस सुबुंफोरा गावनि गोसो बायदियौ देहायाव करना भाइरासखौ सोना लागोन, बेनि उनाव करना नि भेकसिन होनाय जागोन। बेबायदि खालामोब्ला 4 लाख रां मोनगोन। 4 लाख रां होनायजों लोगोसे नोजोराव बो लाखिगोन। बे गासैबो खामानिखौ रयेल फ्रि हस्पितेल आव खालामनाय जागोन। बेखौ हिउमेन त्रइल चेलेन्ज बुंदों बेखौ ।
Please do not enter any spam link in the comment box. ConversionConversion EmoticonEmoticon