15 दिसेम्बर खालि इउ पि पि एल नि आफादगिरि प्रमद बर बिथाङा बि टि आर नि गाहाय मालफुंगिरि नि समायखिरा खौ लायो, बेयावनो बिथाङा मोनसे गरोन्थि बुंफ्लाङो, गिबि मन्थ्रि, हिमन्त बिस्व शर्मा नि गेजेराव आरो बुंनो थालांबाय, बुंदों बि टि आर नि गाहाय प्रमद बर बिथाङा। बेबायदि बुंफ्लांनायनि थाखायनो निमाहा बियो, लोगोसे गासैखौबो गोरोन्थि बुजिलायनाङा होनना बो बुंदों बिथाङा। गिबिमन्थ्रि आरो हिमन्त बुंनायमोननब्लानो जेबो जानाय नङामोन।
बि पि एफ नि सासे एम सि एल ए आ बि पि एफ निफ्राय ओंखारबाय, रेव रेवा नार्जािहारि। बिथाङा जमदुवार बियाबनिफ्राय बि पि एफ नि जानानै देरहादोंमोन।
आबादारि सोमावसारनाय, आरो सासे आबादारि नि जिउ गोमाबाय, बिथाङा दिल्लि-हारियाना नि सोमावसारनायाव बाहागो लादोंमोन। 70 बोसोर बैसो नि आबादारि, पान्जाब नि। गाहाय मन्थ्रि नरेन्द्र मदि या बुंदों, आबादारि फोरनि जेंनाखौ सोरखारा फोजोबस्रांना होगोन होनना, बेनि सायाव खामानि मावगासिनो दं, हेंथा दोलो नि थाखायसो बेबायदि जादों होनना बुङो।
बयजोंबो अनसायजानाय ए सि एस अफिसार अहंबाम बेमथइ सानु नि जिउ गोमाबाय। बिताङा कार्बि आंलं नि बकाजान साबदिभिजन आव मेसिस्त्रेत महरै खामानि मावोमोन। किदनि आरो लिभार नि थाखायनो जिउ गोमायो। जिउ गोमानायनि साननै सिगाङाव नागालेन्द नि देहापाहामसालियाव लांदोंमोन, उनाव देहाफाहामगिरिया देहाखौ गाज्रिथार जानाय नुनायाव चेन्नाई आव लांनो थिनो, नाथाय लांनो नागिरनायावनो जु गोमायो। बिथाङा 2015 मायथाय आ ए पि एस सि आनजादखौ उथ्रिदोंमोन, 59 थि मासि मोनदोंमोन।
भारत आ 2022 नि आयजोफोरनि क्रिकेत वर्लद काप आव 6
मार्च आव गिबि गेलेगोन। निउजिलेन्द आव जागोन। भारत नि गाहाय दैदेनगिरि मिथालि राज
आ गावनि दोलोखौ देरहाहोनो नाजागोन होनना बुंदों। 6 मार्च आव कुवालिपायारजों
गेलेगोन। निउजिलेन्द. अष्त्रेलिया, इंग्लेन्द, खोला आफ्रिका आरो भारत आ जायगा
मोनखाबाय, मोनथाम दोलो आ कुवालिफायार गेलेनो नांगोन। कुवालिफायार आ 2021 नि 26
जुननिफ्राय जागोन।
काजिरङायाव फैगोन अक्षय कुमार आ। थांनाय 2019 नि
दैबानायाव बिथाङा 1 कौटि रां दान होदोंमोन। बे रां जोंनो गोबां खामानि मावो
काजिरङा नि, बेफोर गासैखौबो मावफंनायनि उनाव बिथांखौ लिंहरगोन होनना बुंदों।
बिथांनो सन्मान होनो थाखाय बान्दरदुबि याव हायलेन्द बानायदों। बेनि गेजेरजों
दावबायारिफोरा नायनो हागोन काजिरङा नि समायना महरखौ।
कामरुप मेत्र आव सानथाम नि थाखाय द्राय दे,, 16, 17 आरो 18 दिसेम्बर। टिवा अतनमास काउन्सिल नि बिसायखथि नि थाखाय। खानापारा फ्लायइभारनिफ्राय खेत्रि सिम आरो पानिखाइति नि रेलवे क्रसिंनिफ्राय मरिगांव दिस्त्रिक बरदार सिम।
त्वितार किलार मुंजों सिनायजानाय जापान नि सासे सुबुंखौ तकिय नि बिजिरसालिया फांसि नि साजा होयो। बियो त्वितारनि गेजेरजों सिनायनानै लोगो हमनाय सुबुंफोरखौ बुथारोमोन, बेनि ताकायनो साजा होयो। नाम आ तोकाहिरो सोरायसि। बियो सा 9 सुबुंफोरनि जिउ फोजोबदोंमोन। बियो गिबियावनो मदद खालामगोन होनना बुङो, नांगौ जायोब्ला आंबो जिउ बावगोन होनना बुङोमोन। उनाव बेबायदिनो लोगो हमना सा 9 खौ बुथारदोंमोन।
करिमग्नज आव 5 लाख रां नि बार्मिज सिगारेत मोनदों। बाजारिसरा पुलिस आ मोनदों, गंसे ट्राक आ लाबोदोंमोन, ट्राक नि द्रायभारखौ हमबाय।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon