बारहुंखा निभार नि उनाव बारहुंखा बुरेभि, तामिलनादु आरो केरला याव अखा हानो हागौ। गाबोन नि गेजेराव बेयो श्रिलंकाखौ बारनानै भारताव हाबनो हागौ होनना न्दियान मेतेरलजिकेल दिपार्तमेन्त आ बुंदों। दाबनैसो जायगायाव रेद एलार्ट खालामदों आरो दाबनैसो जायगायाव गोमो(येल्ल एलार्त)। 70-80 कि मि जानो हागौ होनना बुंदों बेनि स्पिद खौ। एन दि आर एफ नि मोननै दोलोखौ तामिलनादु आरो केरलायाव थिनहरनाय जाबाय। 2 -5 दिसेम्बर सिम ना हमग्राफोरखौ ना हमनो थांनो होआखै।
गालवान नि जाथाय.. भारत – चिन नि नांलायनाय. जुन दान आव जादोंमोन बे जाथायखौ चिन आ प्लेन खालामनानै खालामदोंमोन होनना बुंदों आमेरिका या। सा 20 भारतारिफोरनि जिउ गोमादोंमोन। 1975 नि उनाव बेबायदि जाथाय आव गिबि जिउ गोमानाय जादोंमोन। बिसोरनि साबेसे थैखो दासिम मिथियासै। इउनाइतेद स्तेत-चिन इकनमिक एन्द सिकिउरिति रिभिउ कमिशन नि रिपर्त।
काछार नि कातिगरा याव गिथावना लामा नि जाब्रथाय याव सा 5 कलेज नि फरायसा नि जिउ गोमायो। त्राक आरो एल्त जों सौदावलायनायाव बे जाथाय आ जायो। थैनाय फोरनि नाम आ गोबिन्द बैस्नब, मन्जुर आहमेद, तारिक लस्कर, सालाम आलम, आरो जाफर हुसेइन। गासैबो नबिन चन्द्र कलेज नि बिगियान बिफान नि फरायसामोन। सासे गाज्रि जखम जानाय फरायसाखौ लोगो लोगो देहाफाहामसालियाव लाना थाङो
सुप्रिम कोर्त नि बिथोन, सि बि आई अफिस, पुलिस थाना आरो लकआप आव थानो नांगोन सि सि केमेरा। केमेरा नि गासैबो फुतेज आ 18 दान नि जानो नांगोन। बेफोरनि अनगायैबो एन आय़ ए, ई दि, एन सि बि, दि आर आई, थाना याव हाबनाय लामायाव, करिदर, लबि, आरो बाथरुम नि बाहेरावबो थानो नांगोन। थांनाय 2018 मायथायावनो बपुलिस थाना नि बाहेराव केमेरा लागायनायनि बिथोनखौ होदोंमोन, नाथाय गोबां थानायावनो बे बेबस्था या गैयिखाय गोख्रों बिथोन होदों।
आसाम बांलादेश सिमना याव थांनाय बोसोरनि 1 दिसेम्बरनिफ्राय बे बोसोरनि 30 नबेम्बर सिम गासै 24,060 मोसौफोर हमबाय। बेखौ बुंदों गुवाहाति फ्रन्तियार नि अफिस आ आई जि राजेश कुमार बिथाङा। मंगलबारखालि 56 थि बि एस एफ नि सान खौ लोब्बा लाखिनानै खालामनाय मेल आव। लोगोसे सा 277 खौ हमदों, बेनिनो 32 आ बांलादेशि आरो 45 आ भारतारि।
आसामनि गिबि मन्थ्रि या दिब्रुगर आव गोदान बानायनाय मिउजियामनि बिल्दिं खौ बेखेवो।3.43 कौटि रां जों बानायफिनदों. बेयाव गासैमोन 6 गेलारिफोर,, पार्किं नि थाखाया बेसमेन्त, गंसे अदितरियाम आरो अफिस रुमफोर। बेखौ 1987 मायथाय आव नो बानायनायमोन। बेयो दिस्त्रिक मिउजियाम। बेनो आसामनि नैथि गिदिरसिन बिल्दिं, गुवाहाति नि स्तेत मिउजियाम नि उनाव।
भारत आ 2021 मायथाइ नि सुबुंखान्थि सान (रिपाब्लिक दे) नि गाहाय आलासि महरै एउ के नि गाहाय मन्थ्रि बरिस जनसनखौ हांख्रायहरदों। थांनाय सप्तायाव भारत नि गाहाय मन्थ्रि या फन खालामदोंमोन। 1993 आव गिबि खेब नि थाकाय ब्रितिस नि गाहाय मन्थ्रि या भारताव फैदोंमोन, जन मेजर बिथाङा।
गोदान
नेम, दानिया गुवाहाति नि सिति बास आ पेसेन्जारफोरनि थाखाय मेथाय दामनो हानाय नङा,
कामरुप दिसत्रिक त्रेन्सपर्त दिपार्तमेन्त आ बे नेम खौ दिहुनदों। बेखौ मानियाब्ला
10000 रां नि जरिमाना जागोन। पिकनिक फोरनि गारि या नङा।
मायङाव पस्तमेन आ न नि उनथिं सावना होबाय 300 ए टि एम आऱो आधार कार्द. मरिगाव जिला नि मायङाव, मति नाथ मन्दल मुंनि पस्तमेन। बेयाव पान कार्द, चेक बुक जों लोगोसे गोबां गोनां थार लाइजामफोरबो दंमोन होनना बुंदों। बेबायदि खालामनाया सोमोनांथाव.. बियो गासैखौबो फैनाय गासैखौबो नआव नो लाखिना दोनमोन, हैयामोन। सासेया बेखौ नुनानै फट खेबो। दासिमबो मा जाहोननि थाखआय बेबायदि खालामदों बुङाखै। बेयाव साख्रि नि कलिं लेटार बो दं होनना गोबाङानो बुंदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon